[أبو رياض]

تحية طيبة ..

قدر الله علي ومسكت حفل لأحد المدارس الأهليه للبنات ..."حفل تخرج الطالبات"

في البداية كان الأمر عادي بالنسبة لي ..

ولم أتوقع أن تتدهور الأمور وأقع في الإحراجات الي سببتها لي عدم وجود العاملات ..


:: البداية ::

التنسيق كان في أوله مع المنفذ للحفل لن أذكر اسم المحل حتى لا تكون دعاية ..

صاحب المحل كان صديق لي ..

اتصل فيني وطلب مني إني أقابله ضروري ..

إلتقيت فيه وشرح لي الوضع وإن المديرة اتصلت فيه وطلبت منه أن يقوم بتنفيذ الحفل كاملاً ..

لم أمانع أبداً . . وافقت ...

طلب مني أحمد "صاحبي" ببرنامج كامل للحفل ..

ظنيت أنه لن يتطلب مني كثير وقت ..

بعدماجلست أكتب .. احترت فيما يناسبهم .. مع مراعاة أن المدرسة بنات . .

لم أستطع سوى كتابة 3 فقرات مناسبه ..

ماذا أكتب ... ماذا أكتب ..

ياترى ..

مسرحية ... لكن ستحتاج إلى تدريب وتطبيق ... ولا حظ أنهن شباصات...
ولن تجد من سيقوم بذلكـ من المعلمات ..

طيب ..

عمل فيلم .. لكن ستظطر إلى جلب أشخاص ليقوموا بالتمثيل .. ولن يسجل هذا العمل للمدرسه ..لأن الطاقم كله من برى ..

مممممممممممم

آآآآه

أنشودة يقومون بأدائها على المسرح ....

لكن ..

الدعوى كله بنات كيف ستقوم بتدريبهم وعمل العروض وتشغيل الإضاءة ....

فعلاً بقيت مشكلة أمامي ..

(( وهنا مربط الفرس وسأتحدث عنها ولكن بعد أن أكمل لكم قصتي ))


وكل يوم على هالحال ..

كل ما شفت أحد من زملائي أخبرته وش عندك أفكار مناسبه ؟؟؟ وش يصلح لهم ..


أنا رغم هذا إلا إني ماشلت هم كثير ...

لأنه
من أول كانت المديرة تتصل على أحمد كل مابغت شيء ..

لعل أحمد عطاهم رقمي ..

وخذ اتصالات ..

كل شوي داقةٍ وحده
مره المديرة .. مرة المرشدة .. مرة الفراشة .... ولا صح الفراشة ما معها جوال..

المهم من هذا كله ..

إنهم سولي إزعاج غير طبيعي ..

أذكر مره كنت طالع من الجامعه وتعبان لعلي نمت الظهر ..

يوم جت الساعة 2,45 تجي تتصل علي ..

قالت عسى ما أنت بنيم ؟؟؟؟ "سؤال برئ سبحان الله"

قلت لا قاعد ألعب كورة ..

.......................

ما علينا ..

بعد ما قرب وقت الحفل واعتمدوا البرنامج النهائي ..

المديرة تتصل وتقول حط نشيدة ...:D

بعدها تتصل المرشدة وتقول لا مانبيها إلغيها ..

بعدين تتصل المديرة مانبي أسماء المعلمات بالعرض ..

يوم بقى يوم اتصلت قالت لا خلاص نبيكـ تحطهن كلهن ..

وكل يوم على هالسيرة وشغلت الحريمـ أنتم عارفينها ما يحتاج أتكلم زيادة ...

الي دفعني لكتابة هذا الموضوع

كان من ضمن الفقرات الي أرفقناها لهم ..

مسيرة التفوق ..

وكانت تعتمد على وجود إضاءة وبخار ومؤثرات وشغلات كثيرة ..

فكرت ..

أنا ممكن أركبها لهم ..

لكن وقت الحفل من يستطيع تشغيلها لهم ..

بدأت أبحث عما إذا كانت امرأة تعمل هذه الشغلات ..

كان هناكـ أشياء كثيرة تحتاج إلى وجود فنية مختصة

مثلاً:
كان عندهم عرض بالبروجكتر عن طريق جهاز الدي في دي بعدين عن طريق الفيديو
وهذي تبي تفصل أسلاك وتشبيك أسلاك صوت وصورة وغيرة ..
المكسر موصل بجهاز ستريو أثناء المسيرة نحتاج إلى تشغيل الصوت ..
أيضاً الإضاءة تحتاج إلى من يعملها ..
وأشياء كثيرة فنية..

لم أجد سوى واحد لا تجيد إلا تشغيل البروجكتر ..

وين بعنيزة ..


الآن لعلكم فهمتم مقصودي ..


لماذا لا يوجد لدينا نساء متخصصات بهذه الأعمال ..

خذ مثلاً آخر ..

أثناء الحفل حدثت مشكله بسيطة في جهاز الصوت المكسر ..
وهي أن المايكـ لاسلكي فأحياناً يكون فيه تقطيع بالصوت ..
ولعدم وجود مسؤولة تعرف بهذه الأمور ..
استسلمو للأمر ..
بدأت الإتصالات كاالعادة
وش فيه جهاز الصوت ,,
وراه خرب ..
شف لنا حل ..
فشلنا من الضيوف ..

لكن أعتقد لو كان هناكـ مشغلة متخصصة بهذه الأمور ..
لكان الأمر في غلية السهولة..

طبعاً هذا الحفل نموذج واحد ..

ولا شغلات الحريم واجد ..

مرة أخرى ..

لمـاذا لا يوجد أخصائيات وفنيات مسؤولات عن مثل هذه الأمور ..
- سعوديات أعني أوغيره-

حتى لا نقع في مثل هذه المشاكل ..

وأيضاً ..

حتى لا يجد العلمانيون مخرجاً لمرادهم ..


أتمنى أن يكون هناكـ شركات أو مؤسسات تتبنى مثل هذه الأعمال ..



آسف على الإطالة ..

[التويجري]

يا أخي زين اللي حطيت ثلاث فقرات ..

لو هو أنا تسان ماقدرت أحط ولاوحدة ..

ماورى جودك ريحة الكفرات فايحة ..

لكن بالنسبة للشباصات ..

مايعرفن لهالأمور لأنهن ماحطن لهن بال ..

وكذلك ماعندهن فرصة ابدا ً ..

يعني تجد أن الشنبات آكلين الجو على الشباصات بالبيت الواحد ..

كما أن الفتاة لاتعتبر الجهل في مثل هذه الأمور مضرة أو منقصة ..

فهي لن تتعدى سواليف وخرط حريم اللي مايحتاج لبروجكتر و.. و..

على العكس لدى الشباب فهم يرون أن اللي مايعرف للكمبيوتر وغيره دبشة صقعاء ..

وانه دهدرة ولازم يحاول ان يجاري اقرانه بمثل هذا ..

مع وجود اقليات والله ماجابو خبر الدنيا ..

ماشية زي ماهي ماشية ..

كما ان معرفة الكمبيوتر وغيره من التقنيات الحديثة ليست هي الرجولة المحضة ..

انما هي ضرب من ضروب المعرفة الملحة ..

[أبو رياض]

اقتباس المشاركة الأساسية كتبها التويجري لكن بالنسبة للشباصات .. مايعرفن لهالأمور لأنهن ماحطن لهن بال .. وكذلك ماعندهن فرصة ابدا ً .. ..

أنا معك بالنقطه هذي ..

لكن يبزعن ويبن مثلهم وما تقدر تسوي شيء ..

شاكرلك مرورك ..

[الصارخ]

أبو رياض .. خذ أختك ولا أحد محارمك وعلمه .. وكنت أنت اول من يبدأ بتطبيق الفكرة .. !!

[أبو رياض]

اقتباس المشاركة الأساسية كتبها الصارخ أبو رياض .. خذ أختك ولا أحد محارمك وعلمه .. وكنت أنت اول من يبدأ بتطبيق الفكرة .. !!

أخي الصارخ ..
هذا أول مافكرت به فعلاً ..
وبهذا الحفل بالذات ..
ولكني لم أوفق ..
لكني سأحاول في المرات القادمة ..

[مؤمنة]

لا أوافقكم الرأي
ارجعوا لبنات دور القرآن والمراكز الصيفية ستجدون الإبداع الذي لايتقنه الرجال
بنات دور لاقرىن حريصات على أن تكون حفلاتهم ارقى الحفلات ولديهن خبرة في أمور كثيرة مما ذكرتم
للإيضاح فقط
وفقكم الله

[أبو رياض]

اقتباس المشاركة الأساسية كتبها مؤمنـة ارجعوا لبنات دور القرآن والمراكز الصيفية ستجدون الإبداع الذي لايتقنه الرجال بنات دور لاقرىن حريصات على أن تكون حفلاتهم ارقى الحفلات ولديهن خبرة في أمور كثيرة مما ذكرتم للإيضاح فقط وفقكم الله

يمكن يكون هذا في الدور فقط ..
لكن في المدارس يختلف الوضع ..

كما خطرت في بالي فكرة ..
لــماذا لاتعرض الدور هذه الخدمات على المؤسسات القائمة بالمهرجانات ..
وتكون المستفيد الأول والأخير هي ..

[.: أبو مصعب :.]

أشوني ماصرت معك بتنظيم الحفل وإلا أنا ناوي اصير معك

[S n a k e]

اقتباس المشاركة الأساسية كتبها أبو رياض كما خطرت في بالي فكرة .. لــماذا لاتعرض الدور هذه الخدمات على المؤسسات القائمة بالمهرجانات .. وتكون المستفيد الأول والأخير هي ..

عيني عليك على هالإقتراح ..

لو طبق سيكون فيه منفعه كبيرة لهم

وبإمكانك أن تكلم القائمين على الدور علشان المره الجايه ما تبلش

أم جنيب

[أبوفارس الخالدي]

قريب مما حصل لك حصل لي وطلقت العمل للنساء بالثلاث
إلا من تسييرات الفيتامين واو

بل والطامة الكبرى أني كنت أدرس للإختبار في العام الماضي
وجاءني إتصال على إستحياء يقول بأننا لم نجد غيرك وشحط وشحيط
ووعدوني بمكافأة قوية ،، قلت خلااااص ,، واشتغل لهم ولعوزة
وزين هذا ولا تنسى هذاك وجب معك ذاك وخذ هذولا واضبط ذولاك
بعدما ما خلصنا الرنامج قلت .. قلت .. قلت :
طالق طالق طالق << هاذي مسرحية .. :D

في أحد المرات كتبت برنامج كامل وأكتشفت أنه تم تعديله وفي رواية
تم شطبه وسرق أفكاره

أتمنى أن تخرج لنا فرقاً نسائية كفرقة إشراقة

(ليست دعاية لكن أتوقعها الوحيدة ومعروفة)

شكراً أبا رياض ..

[أبو رياض]

اقتباس المشاركة الأساسية كتبها صعب أشوني ماصرت معك بتنظيم الحفل وإلا أنا ناوي اصير معك

لا ياشييييييييييييييييخ ...

كل مادقيت عليكـ قلت عندي مباراة .. خل عنكـ بس ..

[أبو رياض]

اقتباس المشاركة الأساسية كتبها S n a k e عيني عليك على هالإقتراح .. لو طبق سيكون فيه منفعه كبيرة لهم وبإمكانك أن تكلم القائمين على الدور علشان المره الجايه ما تبلش أم جنيب

أتمنى والله ..
شكراً حبيب ألبي Snake


[/center]

[أبو رياض]

اقتباس المشاركة الأساسية كتبها أبوفارس الخالدي وطلقت العمل للنساء بالثلاث

وش دعوى أبو فارس بالثلاث مرة وحدة ..