[خرفور]

أحداث في حوش الغنم
فنتازيا الضحك والفكاهة.. بين النجدي والنعيمي والبربري
إذا قرب العيد العين تصير على الضحايا.....
النعيمي: يالله وش ذا الزهق كلما قلنا نرتاح شوي دخل علينا واحد وأقلقنا.
النجدي : تقوله صادق ؟؟..... وأنا أخوك من أول أمس وأنا ماني بقادر أنام كل شوي داخل واحد وطالع واحد.
البربري ( نايم ولا همه وشبعان نوم بس سوالف النجدي والنعيمي أزعجته): يوووووووووه ايش الكلام هادا يابويه ارقد انته وهوه وروقوا المنجا.
النجدي: شف هذا وش يقول يقول ارقدوا... ياخي ما تحس بالناس رايحين وجايين.
البربري: يا ليتهم يشترونكم ويفكونا شويه.
النجدي ( زعل من البربري وحط وجهه عند وجه البربري ): وش تقووووول ما سمعتك زين ؟
البربري:افففففففففففف اش القرف هادا ابعد شويه... هادي ريحة فم وآلا إيه ؟
النعيمي ( يكلم نفسه ): إي والله صدق هالبربري... ريحته خايسه ويرجع النعيمي والنجدي إلى مناقشة قضاياهم اليومية ومراقبة المتسوقين وفي هذه الأثناء يمر من قدامهم تيس قاعد يتمشى.
ينظر النجدي إلى النعيمي في استغراب ويقول: وش بلا هالتيس له اسبوع رايح جاي ومحد شراه...يا حظه حظااااااااه.
التيس: قل لا اله إلا الله... لا تحسدني انت وياه.
النجدي: ماني بقايل هاء هاء هاء هاء ( يضحك وبكل شر.(
وما هي إلا دقيقتين ويدخل الحوش واحد يمني راعي محل مندي ويؤشر على التيس ويسأل عن السعر.
التيس (وهو يبكي ): واللي يرحم والديك يا نجدي اتفل علي قبل لا يجون وياخذوني.
النجدي : لا لا لا ( يتدلع ) .... التيس: واللي يرحم والديك... طلبتك.
النجدي : جاك .... تفوووووووووه.
اليمني يصارخ وهو طالع من الحوش:لا يا أخي اسعاااااركم نااااار, أنا أبي اشتري تيس مو حصان.
النجدي يوم شاف اللي صار ): يا نجدي تصدق انك اعز صديق عندي.
النجدي: احلف.
النعيمي يكلم نفسه: وش ذي الورطة. يالله يا رب سامحني مكره عبدك لا بطل.
النعيمي: والله....... النجدي: أقوى علشان اصدق.
النعيمي: وااااااااااااااااالله.
النجدي: بس بس أهب عليك كل ذا صوووووووت.
وتشخص عيون النعيمي ويعض على لسانه ويسقط ميتا.
ويتنبه النجدي إلى فداحة ما اقترفه ويجهش بالبكاء ويبادر بالتـتـفيل على اعز أصدقاءه ولكن, ( لكل داء دواء إلا السام "إي الموت ( " وأخيرا ينزعج البربري ويصحو: ياخي لا تصحي الغنم تعبانه وتبغى تنام إلا انته... يابويه نام بنجبو وبكره كمل هرجتك للنعيمي.
ويخيم السكون على الحوش إلا النجدي الذي جلس في إحدى زوايا الحوش واخذ يجتر ذكريات طفولته وشبابه مع النعيمي و يذرف عليها دموع الندم <<<<<<< صار فلم هندي