 |
|
|
|
|
27-06-2006, 02:58 PM
|
#1 |
|
عـضـو
تاريخ التسجيل: Jun 2006
المشاركات: 8
|
وأخيراً طلع شنب غازي
 هذا الموضوع ما يحتاج لمقدمات ، نخش في الموضوع مباشرة >> مباشرة وإلا دقتين >> ماصل
في يوم من الأيام مدري هل هو الربوع ؟؟ يمكن بس الوكاد أنه الربوع لان بعده إجازة >> طيب أفرض انك خذت اضطراري ؟ قمت من نومتي مثل أي شاب سعودي طموح عاطل باطل ماله أي شغله في الحياة إلا أنه يعد إعلانات الجرايد ويدق دق على أهل الميتين يعزيهم ويحلل أبوهم من أي سلف تسلف منه  نزلت عند الماما >> في رواية يمّه ولقيتها لاقطتن التلفون وتبربر مع أم سعيدان جارنا ، وخذ سواليف وحش وغيبة ونميمه وكل شيء ، لا ومن زين الطبايع اذا جت أمي تزبد لي قالت لي: شوف يا وليدي أنا سامعته بالرادو الشيخ يقول التتن حرام والأغاني حرام  // طيب يا أميمتي ما قد غلط الشيخ وقال الغيبة بعد حرام ؟  بعدين يا اميمتي ما أتتن أنا أحشش بس  المهم وما خلصت من تلفون إلا وتروح تضبط غداها ماسكة مع أبوي أنه يخلي اليوم يوم وطني يبي جريش وقرصان ومدري وشو وأمي عاد مدهرة من الصبح تضبط الغداء دخلت كعادتي كسيراً أسحب عصاقيلي وأحك جنبي الأيمن >> يسمع بالتفصيل  وكعادتنا أنا: سلام امي: وعليك السلام أنا: هاه وش فطوركم ؟ أمي: أصبر للغداء ما بقى شي أنا: وين أصبر جوعان أمي: فيه جبن وقشطة وخبز أنا: وغيره ؟ أمي: فيه كشنه جريش تبي  أنا: لا وكالعادة أروح للثلاجة وأجيب الجبن والقشطة وحبة خيار ونص طماطة مع خبز نصه بارد ونصه حار وزمزمية الشاهي وبيالة وأتكي في الصالة كني مقاول  ، وأقعد أقرأ جرايد أمس يمكن فيه خبر ماقريته وإلا شيوفعلاً ألقى موضوع ما قريته عن زيارة غازي للمعهد الإدارة >> طبعاً عن التسذب وعلشان بوه اختبارات انا أصلاً قاريه بس حبيت أسوي إثارة ومدخل للموضوع خخخخخ وأشوف الموضوع أن غازي القصيبي بيسوي زيارة لمعهد الإدارة قلت ما بدهاش بأروح أقابله فيذاك وجهاً لوجه وأسرد له قصة حياتي يمكن يعيني شي عنده وفعلاً ما خذيت وقت طلعت لحجرتي ولقيت ثوبي الي خذت فيه تخرجي من الثانوية معلق بأناقة ومكتوب عليه (القطار وفاتنا .. القطار وفاتنا .. والمسافر راااااح )  قريت الفاتحة عليه ولبسته طاحت منه برشامة قلينزي تعبير عن البترول >> نعلبو الموضوع الخايس قل سيم Trsh وتنتهي السالفة  وألبس وأكشخ  وأطلع بالموتر على طريق الوشم منعفطاً >> بيجي بثر ويقول انتبه للإملاء وأنا بأقول له لا يكثر وانتبه من مفاجئات الطريق >> دورية ورى شجره  وأدخل على طريق الوزارات لين أوصل لمعهد الإدارة وأوقف سيارتي عند الصيدلية وأنزل متأبطاً ملفي الأصفر >> طبعاً أخضر بس صبغته تمويه علشان ما يشوتوني وأجي عند السيكورتي وأسلم عليه أنا: سلام يا شخص هو : هلا هلا .. أنا: يا خي تصدق من أول ما شفتك حبيتك  >> وده يقولها لوحده ما حصلت فرصة هو : (منخرش) قل قسم أنا: وجعل تريلة شوق يموت أنه صدز هو: يا مرحبابك والله >> ارتفعت معنوياته أنا: ما شفت مقطع نانسي >> نعلبو المدخل  هو: يا هلا والله !!! وينه فيه ؟ >> الظاهر آخر خبره بالاثاره عقب مقطع باسكال وأرسل بلوتوثات فكاهية على شيء من البلوتوث المارج كسباً لقلبه وقلت له : طيب يا الحبيب يقولون غازي بيجي >> من الأول هو: هاه >> منسجم مع المقاطع أنا: اقول الله يحييك يقولون غازي بيجي مدري شلون بأقدر اقابله هو: ايه صحيح هذي حزته شف أمش من هالطريق جنب النخل بتوصل للبوابة الرئيسية أنا: شف ان ضبطت أموري أبشر بأرسلك مقطع لميساء المغربي >> بيذبحه الدوشق  هو: هاااااااااااااااااااااااه  >> نعلبوك مجاعة ما قد شفت خير المهم وأمشي متخفي على أطراف أصابعي لين وصلت للبوابة وألقى ناسن ببشوت والبخور مدهره ، وما هي إلا خمس دقايق إلا غازي مشرف المعهد نزل من سيارته بهدوووء وسلام زي الناس والسنون ما شاء الله تلق ويوزع هالابتسامات >> كني بهالسنون دعاية سوني فيجا ودخل للمعهد وتمشى شوي وأنا وراه أطرد أطرد من سيب لسيب من دور لدور لين وقف عند مكتب الإدارة وتمسك معه يعقد اجتماع مع إدارة المعهد وانا أنشب له بأدخل مسكني السكرتير على جنب قالي : من حضرتك يابو ؟ أنا: من حضرتك ويابو ما تركب يابو >> نعلبو الاسلوب السكرتير: معليش وش تبي ؟ أنا: أنا تبع الوزير أسجل هالزيارة وش صار فيها من حديث حول المصالح المشتركة بين الدولتين الصديقتين >> مشكلة الي يقرأ أخبار السياسة في الجرايد ودخلت المكتب وألقى غازي توه قاعد وأقعد قباله ومعي ورقة وقلم كني أكتب الي يقولونه ، وإلا أنا أصلاً قاعد أرسم شكل غازي بشنب وكاتب فوقها ( قبل وبعد ) >> لاعبتن في حسبتك دعايات التجميل وحضر الاجتماع : غازي ، ومدير المعهد ، وحضرتي >> هذي تحية منشاني  ، والسكرتير ويبدأ غازي بالسواليف ، وأن السعودة جاية جاية ، وأن البطالة خلاص راح تنمحي من قاموسنا وننسى شي أسمه بطالة ........ المهم وصار يرطن علينا من ذا الحتسي الي فقع مرارتي >> علشان تعرفون المعاناة المهم ما قويت أسكت قلت له : يا طويل العمر أسمح لي أقولك من جنبها >> يسمع بالأسلوب غازي: ليش ؟ أنا: ياحبيبي أنس شيء اسمه سعودة 100% غازي: صدقني عشر سنين أو أقل وراح نقضي على البطالة أنا: أطلع من راسي شف قعدنا عشرين سنة ولا قضينا لا على الصراصير والضواطير ، يا عمي البطالة موجودة موجودةغازي: أقولك بأنهيها انا: أتحداك ! وإذا ما أنهيتها ؟ غازي: على هالشنب >> عرفتوا ليش ما تطلع أنا: ياخي عطنا وظايف زي الناس خلنا نشتغل غازي: هاه .. عندكم طباخ وجرسون وحلاق أنا: ما يخسى إلا أنت ! أشتغل حلاق !! وأحلق لأشكالك يا المبـ.. غازي: عمل شريف أنا: مالي دخل عمل شريف له وعملي لي >> طلع الحشيش يا ثور  غازي: الحين وش فيها الحلاقة شغل كويس أنا: بالله من أحلق ! هالهنود وشعورهم المزيته وريحة الصنان الي يطفح لا ومن زين الطبايع الصيبان ماخذين حمام شمسي في راسه ، ويجيك هو وياخشته يقول لك : انتف آباطي بخيط اسألك بالله من يحلق لك غازي: طبعاً أنا غير فيحلق لي اللبناني طوني علشاني وزير أنا: وإذا وزير يقالك عندك سيزر وإلا سكسوكة إلا كل شي مملوط ما بقى إلا الحواجب اللهم يا كافي الظاهر أنك ودك تشيلهن بحلاوة ، بعدين هذا اللبناني يفتح النفس ، ذا ودك تمسكه طريق الشرقية من أول صدرك لييين تقاطع الخبر عن مفرق الصروال >> تراني أقصد كبري الشميسي لاحدن يفهم غلط غازي: الحين تعال بدال هالبربرة.. بأسألك وش وتخصصك ؟ أنا: أنا متخرجن من المعهد العلمي غازي: معهد ؟ حق سباكة وفني ومدري وشو ؟ أنا: لا لا معهد الي يدرس لغة عربية وشريعة وكذا غازي: اه .. حق المطاوعة ، للحين ما صكوه ؟ بكرة تشب حريقة ويدمجونها مع الثنوي ، المهم ترانا دخلنا منظمة التجارة تفهم وش منظمة التجارة ؟أنا: بصراحة علاقتي بالتجارة ترتبط بالعماير الي طاحت غازي: معهد وما تبي ترتبط معك هالعماير ، شوف الحين هالمنظمة بتجيب معها مصانع واجهزة وكل شي ويبون حرفيين أنا: شلون يعني غازي: يبون عمال مهندسين فنيين ، بالله عليك لو فتحوا مصنع ورح لانقليزي وقلت له ابي اتوظف وقال لك: وش مهاراتك ، بتقول: حافظ ألفية أبن مالك ، بيقول لك ذا القلينزي رح سمعها عند اميمتك ما راح تفيدني أنا: الله يرجك حلوه قلينزي ويقول اميمتك غازي: يا حبيبي حنا نشتغل لكم أنا: الله من الفقش شغال تكتب هالقصائد وهالخرابيط ، نعلبوك ما بزيناك وقصيدتك حديقة الغروب كاتبن قصيدة جديدة هاليومين ؟ إلا على طاري حديقة الغروب تقرب للفوطة والسويدي ؟ غازي: ياخي هذي مشاعر واحاسيس لازم تطلع أنا: وحنا بعد عندنا أحاسيس ومشاعر لازم نطلعها ، ياخي ما تحس بواحد خاس في بيت اهله كم سنة لا وظيفة ولا شي ما غير مقابل أمي لين اكتسبت هرمونات نسائية بالمراسلة !! ما تحس أننا نبي وظايف نبي نعيش وانت مطامر ورى هالحريم تدور وظايف لهن ، ياخي ذولي مصيرهن بيت رجلهن ألي هم حنا يا التماسيح بالله تخيل تتزوج وحده عاطلن مثلي هالمرة الهرمونات بتنتقل عن طريق الدراسة النظامية وما أردى منك إلا وزير الصحة مقفل التمريض للرجال ومخليه للحريم قصمن بالله ترفعون الضغط حنا الحين صرنا مهمشين ومالنا أي دور في الحياة بعدين تعال الحين هذا أكبر همك ملابس الحريم ، ما قد غلطت ورحت محل ملابس عند الزيود وجاك زيدي وقال لك أفصخ الثوب وإلا نزل السروال الطويل علشان تجرب الصروال المقوصر ! ياخي أكبر همك فيز هالشغالات وهالسواويق ، مسوي جريه وأنا لي سنة أعقب على شغالة وفي الأخير جت عجوز عمرها أربعين وفاصلة العداد من قرن << ياحسافة تعبي وتعقيبي ذيك الايام ويجيك واحدن بالتلفووووون يدق عليك وياحبيبي وسم طال عمرك تصكه بعشرين فيزة شغالات أخيس وحده منهم تشبه نانسي إلا أن الخشم منبرش والانتفاخات الثانية طبيعية غازي: وش حشيشه >> توهق أنا: من قال وشو أوحى >> توهق بالمثل غازي: ياخي أنتم فاهمين المسألة غلط ، هالحريم يعانون من ضغوط ومشاكل بسبب بيع الرجال أنا: وأنت بتحلها ياخلفهم !! ياحبيبي إذا بتحل المسألة صح شل هالسوريين وهاللبنانيين الي هم أزين من حريمنا وجب بدالهم أبو هنود وأدريس وآدم وشلة فريق المريخ السوداني ورب البيت أن الحريم يركدون عن الأسواق غازي: وش دخلهم ؟ أنا: ياحبيبي عندنا مجاعة وفقر عاطفي مدري وش يبي ، تلقاها في البيت مكروشة ليييين قالت بس وتجي عند هاللبناني الي يدلعها وفاهمها من أول ما تدخل إلا فارز الملابس قدامها ويقول: هيدا على مئاسك>> مسأوك في منيب قايل >> توهق ما عرف يدعي غازي: ياخي البطالة ما راح نقضيها في يوم وليلة لازم نخطط ونشتغل أنا: لعنبوا دارك ما تفهم !! ياخي ما ذبحنا إلا التخطيط والتخطيط وعلطول كل ما جت مشكلة شكل لجنة منبثقة من اللجنة المنبثة من اللجنة المنبثة من اللجنة المنبثة من اللجنة المنبثة من اللجنة المنبثة من اللجنة المنبثة من اللجنة المنبثة من اللجنة المنبثة  همن تخيس ، لا أنت الي حليت المشكلة ولا ضبطت خطتك الي كنها خطة فريق حواري 9 هجوم وآخر واحد حارس يا حبيبي لو كانت الخطط تنفع ما ركونا 8 0 في اليابان  لو كانت الخطط تنفع ما شفنا طرارين في الشوارع وحريمن يقعدن للساعة 12 بالليل ! لو كانت فيه خطط ما شفت عضو مسيكين متفاعل وتعبان في موضوع وينزله ويقعد اسبوع يوعدونه بالتفعيل ولا فعلوه وخاس هو وياموضوعه >> مهب يعني ساحة الإقلاع ويا شريك المشاكس لو كانت خطط بتنفع ما شفنا قرارات تطلع همن ينتق لك اثنين واحد أبو قتيبه والثاني أبو القعقاع ويخلون القرار يتأجل غصبن عن خشيم معاليكم غازي: أصلاً ما لهم علاقة هي بعد دراسة و. ... أنا: الله وأكبر هالدراسة ، إلا قل خايف على عميرك يجيك واحدن منهم ويفجرك بكوع بيارة ما تسوى عليك حرمتين أشتغلوا غازي: أصلاً .. ما ذبحنا إلا ذولي قصيري الفهم ! أنا: إلا أنت الي تغيرت عن أول ! يا حبيبي شوف أول كنت أنت طالع قوي ، حتى أنا تمنيت أصير صديقك وييييين ذيك الأيام يا غزغز >> أدلعه الحين أشوف التخطيط وحركات نص كم ما طلعت أيام الصحة !؟ أشوف طرابيش ذي المطابخ ما طلعت يوم كنت بالكهرب؟ أشوف شغل المجاملات والحتسي ما طلع ذيك الأيام ؟ وش فرقك عن غازي ذيك الأيام ؟ اللهم أنك دقيت في نعمة الله كنك ثور ترعى ـ يكرم الثور ـ غازي: وشو !! أنا : لا تقعد تناظرني بعيونك ذي لقصمن بالله أصكك بكف أسدحك وأخليك غوزي غازي: والله أنكم مساكين أنا: إي والله أننا مساكين نرجي من وراك نفع يا ظلال المتنبي ، خلك في قصايدك أحسن وخل الأمور على ما هي عليه وأقوم من كرسيي وأطلع غازي: ويييين ؟ أنا: بأروح لأميمتي بأكمل درسي عندي محاضرة قبل الظهر عن أسرار ضبط المرقة وما عندي رصيد غياب وهالشايب الملعون مهب محضرني أقابلها أحسن من وجهك رغم أنك لو تصف أنت وياها ما في أمل أفرق بينكم غازي: تهي تهي تهي  أنا: وشبك ؟ غازي: خلاص .. أنا قررت أتوب إلى الله وأترك هالشغلة الي ما جابت لي إلا قلق الراس أنا: تسيف ؟ غازي: خلاص بأعلن توبتي وبأترك شنبي أنا: ونعم يا غازي الأحمد غازي: خلاص .. مالي قعدة هنا سوف أذهب وأقدم استقالتي واتسند وزير دولة بناء على طلبي وأطلع بعد الفرحة الكبيرة التي غمرتني وتوبة المدعو غازي وعودته لطريق الرشاد  قمت أطامر كالحمار بين الورود وأنتف الورود وأقول: جايك ياجماز السحيمي في الطريق وأنا طالع إلا أقابل السيكورتي هو: هاه ضبطت أمورك أنا: إيه أبشرك تمام التمام هو: هاه وين المقطع الي واعدني فيه ؟ أنا: للحين تذكر هو: الفضاوة تخليك تذكر غصب ، إلا مقطع نانسي صدز وإلا تركيب ؟ >> تلقى المقطع انمسح من كثر ما يعيدهأنا: أسمع بلا نانسي بلا هم شف ذا المقطع وقلي وش رايك وأرسل له مقطع وأطلع لسيارتي وأفتح الدريشة وأسمع السيكورتي يقول: الله يلعنك يا الكلب >> مرسل له مقطع قطع راس امريكي على انه روسيه منسدحه >> يمديك على التشبيه ما يستفاد من القوصة: 1- تخبرون أعذار طبية أسلمها لأمي ، لأنها حطتي من المحرومين على باب المطبخ منهم أبوي الي حرمته من دخول غرفة النوم 2- ملينا من الخطط واللجان وقلة الحياء ما لقوها إلا الموظفين ياخذون كم ريال على أي اجتماع حتى وإن كان موضوعه الرئيس (سهم بيشه وراه العيشه) 3- وش رايكم ؟ نكمل نكتب وإلا انثبر ؟ 4- فعلوا شريك المشاكس تراه أقلقن اعجبتني وحبيت انقلها لكم (يعني بلعربي منقول) مع الشكر للاعظاء اللي بيردون على الموضوع |
|
|
|
28-06-2006, 01:31 AM
|
#2 |
|
عـضـو
تاريخ التسجيل: Jan 2005
البلد: بريدة ـ الاسكان 4 شرق مسجد كعب الإحبار <<< ييزي ؟
المشاركات: 8,848
|
أه أه أه <<< يلهث توهـ، مخلص قاري ..
بس ياحبيلن ترا هالمنتدى مطاوعه زيي مايدرون وش انت تقول نانسي والثانية مدري وشي .. فعلشان تسذا مافهمنا القصة .. لكن أزين مابموضوعكـ، أن فيه بشارة لشنب الأخ غازي بأنه سيتمكن من رؤية النور مرة أخرى ,, شيييييييييكرن ..
__________________
في بريدة ستي .. كانت لنا أيام : http://www.buraydahcity.net/vb/showthread.php?t=262111 ( قلب حب 1 ) |
|
|
|
|
28-06-2006, 01:49 AM
|
#3 |
|
عـضـو
تاريخ التسجيل: Dec 2002
البلد: بريده
المشاركات: 305
|
مالك إلا بنت عمك
آخر من قام بالتعديل "الكاتم"; بتاريخ 28-06-2006 الساعة 02:02 AM. |
|
|
|
|
28-06-2006, 01:58 AM
|
#4 |
|
عـضـو
تاريخ التسجيل: Jun 2006
المشاركات: 138
|
الله يعطيك العافيه اخوي
والله يالاشكااال ذي ماترجي من ورااااه وظااايف |
|
|
|
|
28-06-2006, 02:52 AM
|
#5 |
|
عـضـو
تاريخ التسجيل: Feb 2005
البلد: حبيبتي (بريده)
المشاركات: 2,621
|
[align=center]وضحكـك الجميـــــــــــــــــــــع[/CENTER]
__________________
 |
|
|
|
 |
| الإشارات المرجعية |
|
|
النمط المتتابع
