أخيراً .. كفشت ( سويعد بن مريبض ) جالس يعاكس من فوق السطوح !

مدمن شاهي · 06-08-2006, 06:19 PM

سلام علاكم

ثلاثة أيام ( بالزَبِت ) جالس كل يوم أرقى في السطح من بعد صلاة العصر ليييين أسمعه يأذن المغرب .. ثم أعوّد تحت أدودل راسي وأمشي بِثُقل وتروي << لُغه عربيه على أصولها يامُدمن .. أيه كذا صرت تعجبني !

ولو سألتكم .. وش تتوقعوع أني أسوي فوق السطوح ؟

أكيد أن الأجوبه بتجيني كثر رز أبو بنتين << عشان البنات مايزعلون .. أو بتجيني كثر رز أبو كاس << وهذي لعيون التماسيح !

أنا مُتأكد أن الأجوبه بتكون مُختلفه .. مثل اختلاف الليل عن النهار في الطلوع والإشراق .. ومثل إختلاف المُدمن عن دحيّم في الجمال والرومانسيه وكمان الرشاقه والملح والسكّر !

ممكن بعضكم يفلّ علي صدره ويجيب الجواب زي الحلاوه ويقول وهو على باله فاهم ( أكيد أنك تشتغل في بيع الحمام الزاجل والمرنقط والمجعفر والسُندسي الملتوي جنبه .. وكل يوم تطلع في السطوح تجلس تحوّمها ! ) ..

بعدها على طول أجيب له الجواب بعد ما أعطيه وحده على راسه .. عشان أطلّع ( زيت عافيه ) اللي قالي به البطاطس على الغدا .. وأقوله له ( جوابك خطأ ) .. !

يجيني الثاني .. ويطرح الجواب بسرعه ( أكيد أنك يامُدمن جالس ترتّب لك غرفه في السطح .. عشانك بتتزوج ) !

أجاوب عليه مُباشرةً .. جوابك خطأ .. مع أنه جميل جداً بالنسبه لي وفرصه سعيده وحلوه كمان في حياتي .. بس لو تكمّل كلامك وتقول ( بتتزوج بنت بن رويسان الأجرب ) يكون أحسن

!

طيّب أعطيكم أيش هي المُصيبه اللي أكيد أنها حاصله لي .. لأن حياتي أغلبها مصايب .. خاصّه أني أعرف مجموعه من " المُختصين " في الأمور ( المُصيبيه والبلاوي المصيريه ) !

لنا جار أسمه ( سويعد بن مريبض ) ... أسمه هذا معروف فيه في جميع أطراف الديره ... يعني لما يقولون ( وين اللوح ) فهم أكيد يقصدون أخونا في الله ( سويعد ) !

الرجّال هذا معروف بِـ ( سوء المسلك ) وأعوذ بالله من الخُبث والخبائث .. !

يحب يزوغ بعيونه .. وكمان يحب يطلطل من جدران الحي عشان ( يدوّر له على شغّاله طارفه يجلس يتفرّج عليها ! )

عاد أحنا .. وقبل كم يوم جبنا لنا شغّاله ( زوينه ) على وزن ( شينه ) !

جبناها من أسبوع ...

متزوجه وعندها سبعة بزران .. وكل يوم تقعد تتفرج على صورهم .. لعل وعسى أن واحد منهم يطلع عليها من الصوره ويحب على راسها !

تمتاز ( شغّالتنا الجديده ) بريحة كريهه ومخيسه .. يعني لما ( أشطفها ) من عند ثلاجة المطبخ << لاأحد يقول أيش دخّلك المطبخ ياهوه .. هذا مطبخنا واحنا حريّن فيه

.. بعد ( الشطفه ) المُحترمه .. أجلس لي ثلاث ساعات ما أقدر أشمّ لي شي .. لأن الشم عندي أختبص ولا عاد صرّت أفرّق بين الزين والشين !

ماودنا نستطرد في موضوع " الشغّاله " .. لأنه بيجي يوم وأتكلّم لكم عن كل شي في حياتها .. خلوّنا في المُهم .. ونشوف وش سالفة هالشين ( سويعد بن مريبض ) !

كنت قبل كم يوم قاعد في السطح أتقلّب في الشمس .. عشان أنتم خابرين .. لازم الواحد هالأيام يحافظ على بشرته عشان تكون ( قوقعيه مائله إلى السُمره الطبيعيه

) !

وانا قاعد أتقلّب إلا والقى ورقه صغيّره منطوّله في آخر السطح .. إلا وافتحها والقى فيها كلام غريب .. !

لقيت مكتوب ... !

من سويعد بن مريبض إلى الجميله الحسناء ( مريم ) .. !

لقد لفتني جمالك وريحتك .. خاصّه وانتي تعلّقين ثياب " المُدمن " على حبل الغسيل !

وكل يوم وأنا جالس بعد العصر أطلّ عليك ألقى نفسي مُجبر أني أنطل عليك هالرساله .. واعتبريها عربون معرفه وصداقه ( لله وفي الله

) << والله المجرم !

إذا أردتي التعارف والصداقه .. فأرجوا إرسال رساله على الإيميل ( سويآد هبيبُكم آت هوتميل دت كم ) ! .. أكتبي فيها موافقتك بالتعارف .. وخلي موعدنا كل يوم بعد العصر .. أنتي تطليّن وترفعين بيدك اليسار [ فوطة الغسيل الحمرا ] .. وانا أرفع [ فنيلتي العلاقيه البيضاء ] بيدي اليمين !

أنا أخذت الورقه على طول .. وانا اللي أروح لشغالتنا واقعد أنازق واصايح عليها .. وهي الضعيّفه مادرت أن المجرم قاعد يطلّ عليها << أنا صراحه ماهمني هالشغّاله .. ماهمني إلا ملابسي يوم أنه شافها !

رحنا عاد بعدها وغيّرنا غرفة الشغاله .. وصرت كل يوم أقعد في السطح واقعد أرفع فوطة غسيلنا الحمرا .. لعل وعسى أني أشوفه يلوّح بفنيلته .. عشان أمعطه وانطله في سطحنا !

أخيراً ..

أدعوا لي أني أطرح هالمجرم واجيبه على وجهه ... واحاول أخترق بريده الإلكتروني واجيب صور جميع ( شغالات الحاره ) اللي متعرّف عليهم من سطوح الحي !

عهد ووعد من أخوكم المُدمن :

إذا مسكت المجرم .. فلكم مني عزيمة ( غدى ) .. مفاطيح وعلوم غانمه .. لا وبحطّ بوفيه مفتوح و ورق عنب .. تستاهلون

سلام علاكم

[ مدمن شاهي ]

عبدالرحمن الثاني · 06-08-2006, 06:31 PM

حلوووو

لكن على طاري السطح .. أنت جربت تطلع للسطح لو دقيقة وحدة بس ..!

أعتقد الجلوس 5 دقائق في السطح ربما تصيبك بحروق من الدرجة العاشرة ..

ملاحظة :

أنت تقول : عشان أمعطه و ( انطله ) في حوشنا ..

هذه الكلمة ليست من كلمات بريدة ..!

من أين لك هذا ..؟؟

ابوالفاضي · 06-08-2006, 07:00 PM

ههههههههههههههههههههههههههههههههههه

كل السالفة عشان فنيلته يا المدمن الله يقلع وجهك ضحكتن علني ما ودي اضحك كسل باالدوام ...........

مدمن شاهي · 06-08-2006, 07:21 PM

عبدالرحمن الثاني

ليش .. يعني ضنّك كل اللي يكتبون في المنتدى من أهل " بريده " !

فيه سودانيين .. وفيه حبوش .. وفيه زيود .. فيه كل الجنسيات والأعراق ... !

مدمن شاهي · 07-08-2006, 12:34 AM

بو الفاضي

ياخي إذا صرت في الشغل وزهقان .. رح أزرق لأقرب بوفيه وقل له يصلح لك ( عصير منقا خاثر ) ويكثّر الموية البارده .. شرط أن تخش جو .. وتنسى هموم الدنيا ياعمري ..

شكراًَ لك ياحلو ..

المواطن · 07-08-2006, 01:37 AM

واحد على نيــــاته يقووووول >>>> جرب هذا الموقع يمكن تكشفهم

دبليو دبليو دبليو ثم دوت ثم جوجل ثم دوت

يعني بالعربي gooogle

عن طريقه ستكتشف كل ماتريد

عايش في ربوعها · 07-08-2006, 01:56 AM

خخخخخخخخخ

الله يرجك مدمن . .

والله حالتك حاله ههههههاي

مدمن شاهي · 07-08-2006, 05:27 PM

المواطن

إذا كنت سعودي .. فأكيد أنك خريج كبينه أو محل خُضار .. لأنك " مواطن " .. والمواطن لازم يصير ضعيّف ومغلوب على أمره

شكراً لك ولتعليقك ياحلو ..

عطش الرمال · 07-08-2006, 08:54 PM

الله يقطع بليسك
يالمنخرش
أقصد يا منخرش
والله يانت جزوووووووووووم
همن لمن طلعت لك أمهم تويق <<=== باللغة الفصحى
وش تبي تزين
تقعد تقشر بصل كند السطح
تنك ما تدري وش هالسالفة
عيب يابعد تشبدي عيب
3
3

الا
على طاري المعاكسات
ترى خابرن لك سورية تسق الجبهه
وراك تزوجه
وتخلي عنك بنت هالأجرب
هع

يقولون
للمعاكسات الهاتفية
إتصل على 990 قلهم به إرهابي يغازل شغالتنا
أن يجونك ما لبسو نعال من السرعة
هه

عقبال ما تصير بالهية الملكية يا مدمن
أقصد هيئة الأمم المنتحدة
واوه عيت تطلع
هيئة البطحاء
أيوه طلعت
علشان تكتشف هالبنقاليه
يغازلون الفلبينيات
ثمن تتصهم <<=== كلمه قصيميه بحته أتحداك تدري وش هي
خخ

على العموم
تسلم لي على هيك موضوع
وبعدين وين الوعد اللي أنت مواعدن به
أمس رحت لم المكتبة أبشري
مجلة شيبان أول حياتهم ((شباب))
قالي الزول بـ8 ريال
هماي قايل لك توسط لي
أو الطول طول نخلة والعقل عقل بعير <<== ماله دخل
أو الجود من الماجود <== إيه صح تسذا <<== التساء حرف قصيمي جديد وهو خليط بين الكاء والساء والتاء

وشيكرن

تحياتو
مسترعطووووووووووووووووش = أبوبريدة =

**مخاوي الصمت** · 08-08-2006, 03:45 AM

هههههههه (أنا ما ادري أكتب أو أضحك):D

الله يغبل إبليسك
أجل عشان فنيلك<< مالت أحسب عندك سالفة

أقول يا مدمن أنت وعصير المنقا الخاثر
شكلك مهب بس تفقد الشم عند شطفك للشغالة
شكلك بعد تفقد أغالب الحواس
وإلا أكيد إن سويعد جاي للسطح ورفح ملابسه كلها وتعب وراح ينام وأنت إلى الحين قاعد تحتريه
شفت إنك خربان وبدون حواس مؤقتاً

دمت0000000بصحة وحواسٍ سليمة نقية

06-08-2006, 06:19 PM	#1
مدمن شاهي عـضـو تاريخ التسجيل: Jul 2006 المشاركات: 288	أخيراً .. كفشت ( سويعد بن مريبض ) جالس يعاكس من فوق السطوح ! سلام علاكم ثلاثة أيام ( بالزَبِت ) جالس كل يوم أرقى في السطح من بعد صلاة العصر ليييين أسمعه يأذن المغرب .. ثم أعوّد تحت أدودل راسي وأمشي بِثُقل وتروي << لُغه عربيه على أصولها يامُدمن .. أيه كذا صرت تعجبني ! ولو سألتكم .. وش تتوقعوع أني أسوي فوق السطوح ؟ أكيد أن الأجوبه بتجيني كثر رز أبو بنتين << عشان البنات مايزعلون .. أو بتجيني كثر رز أبو كاس << وهذي لعيون التماسيح ! أنا مُتأكد أن الأجوبه بتكون مُختلفه .. مثل اختلاف الليل عن النهار في الطلوع والإشراق .. ومثل إختلاف المُدمن عن دحيّم في الجمال والرومانسيه وكمان الرشاقه والملح والسكّر ! ممكن بعضكم يفلّ علي صدره ويجيب الجواب زي الحلاوه ويقول وهو على باله فاهم ( أكيد أنك تشتغل في بيع الحمام الزاجل والمرنقط والمجعفر والسُندسي الملتوي جنبه .. وكل يوم تطلع في السطوح تجلس تحوّمها ! ) .. بعدها على طول أجيب له الجواب بعد ما أعطيه وحده على راسه .. عشان أطلّع ( زيت عافيه ) اللي قالي به البطاطس على الغدا .. وأقوله له ( جوابك خطأ ) .. ! يجيني الثاني .. ويطرح الجواب بسرعه ( أكيد أنك يامُدمن جالس ترتّب لك غرفه في السطح .. عشانك بتتزوج ) ! أجاوب عليه مُباشرةً .. جوابك خطأ .. مع أنه جميل جداً بالنسبه لي وفرصه سعيده وحلوه كمان في حياتي .. بس لو تكمّل كلامك وتقول ( بتتزوج بنت بن رويسان الأجرب ) يكون أحسن ! طيّب أعطيكم أيش هي المُصيبه اللي أكيد أنها حاصله لي .. لأن حياتي أغلبها مصايب .. خاصّه أني أعرف مجموعه من " المُختصين " في الأمور ( المُصيبيه والبلاوي المصيريه ) ! لنا جار أسمه ( سويعد بن مريبض ) ... أسمه هذا معروف فيه في جميع أطراف الديره ... يعني لما يقولون ( وين اللوح ) فهم أكيد يقصدون أخونا في الله ( سويعد ) ! الرجّال هذا معروف بِـ ( سوء المسلك ) وأعوذ بالله من الخُبث والخبائث .. ! يحب يزوغ بعيونه .. وكمان يحب يطلطل من جدران الحي عشان ( يدوّر له على شغّاله طارفه يجلس يتفرّج عليها ! ) عاد أحنا .. وقبل كم يوم جبنا لنا شغّاله ( زوينه ) على وزن ( شينه ) ! جبناها من أسبوع ... متزوجه وعندها سبعة بزران .. وكل يوم تقعد تتفرج على صورهم .. لعل وعسى أن واحد منهم يطلع عليها من الصوره ويحب على راسها ! تمتاز ( شغّالتنا الجديده ) بريحة كريهه ومخيسه .. يعني لما ( أشطفها ) من عند ثلاجة المطبخ << لاأحد يقول أيش دخّلك المطبخ ياهوه .. هذا مطبخنا واحنا حريّن فيه .. بعد ( الشطفه ) المُحترمه .. أجلس لي ثلاث ساعات ما أقدر أشمّ لي شي .. لأن الشم عندي أختبص ولا عاد صرّت أفرّق بين الزين والشين ! ماودنا نستطرد في موضوع " الشغّاله " .. لأنه بيجي يوم وأتكلّم لكم عن كل شي في حياتها .. خلوّنا في المُهم .. ونشوف وش سالفة هالشين ( سويعد بن مريبض ) ! كنت قبل كم يوم قاعد في السطح أتقلّب في الشمس .. عشان أنتم خابرين .. لازم الواحد هالأيام يحافظ على بشرته عشان تكون ( قوقعيه مائله إلى السُمره الطبيعيه ) ! وانا قاعد أتقلّب إلا والقى ورقه صغيّره منطوّله في آخر السطح .. إلا وافتحها والقى فيها كلام غريب .. ! لقيت مكتوب ... ! من سويعد بن مريبض إلى الجميله الحسناء ( مريم ) .. ! لقد لفتني جمالك وريحتك .. خاصّه وانتي تعلّقين ثياب " المُدمن " على حبل الغسيل ! وكل يوم وأنا جالس بعد العصر أطلّ عليك ألقى نفسي مُجبر أني أنطل عليك هالرساله .. واعتبريها عربون معرفه وصداقه ( لله وفي الله ) << والله المجرم ! إذا أردتي التعارف والصداقه .. فأرجوا إرسال رساله على الإيميل ( سويآد هبيبُكم آت هوتميل دت كم ) ! .. أكتبي فيها موافقتك بالتعارف .. وخلي موعدنا كل يوم بعد العصر .. أنتي تطليّن وترفعين بيدك اليسار [ فوطة الغسيل الحمرا ] .. وانا أرفع [ فنيلتي العلاقيه البيضاء ] بيدي اليمين ! أنا أخذت الورقه على طول .. وانا اللي أروح لشغالتنا واقعد أنازق واصايح عليها .. وهي الضعيّفه مادرت أن المجرم قاعد يطلّ عليها << أنا صراحه ماهمني هالشغّاله .. ماهمني إلا ملابسي يوم أنه شافها ! رحنا عاد بعدها وغيّرنا غرفة الشغاله .. وصرت كل يوم أقعد في السطح واقعد أرفع فوطة غسيلنا الحمرا .. لعل وعسى أني أشوفه يلوّح بفنيلته .. عشان أمعطه وانطله في سطحنا ! أخيراً .. أدعوا لي أني أطرح هالمجرم واجيبه على وجهه ... واحاول أخترق بريده الإلكتروني واجيب صور جميع ( شغالات الحاره ) اللي متعرّف عليهم من سطوح الحي ! عهد ووعد من أخوكم المُدمن : إذا مسكت المجرم .. فلكم مني عزيمة ( غدى ) .. مفاطيح وعلوم غانمه .. لا وبحطّ بوفيه مفتوح و ورق عنب .. تستاهلون سلام علاكم [ مدمن شاهي ]

07-08-2006, 01:37 AM	#6
المواطن عـضـو تاريخ التسجيل: Aug 2005 البلد: بــــــريـــــــــــــــدة المشاركات: 1,393	واحد على نيــــاته يقووووول >>>> جرب هذا الموقع يمكن تكشفهم دبليو دبليو دبليو ثم دوت ثم جوجل ثم دوت يعني بالعربي gooogle عن طريقه ستكتشف كل ماتريد __________________ سبحان الله

07-08-2006, 08:54 PM	#9
عطش الرمال عـضـو تاريخ التسجيل: Feb 2002 البلد: بلاد الحرمين المشاركات: 2,223	الله يقطع بليسك يالمنخرش أقصد يا منخرش والله يانت جزوووووووووووم همن لمن طلعت لك أمهم تويق <<=== باللغة الفصحى وش تبي تزين تقعد تقشر بصل كند السطح تنك ما تدري وش هالسالفة عيب يابعد تشبدي عيب 3 3 الا على طاري المعاكسات ترى خابرن لك سورية تسق الجبهه وراك تزوجه وتخلي عنك بنت هالأجرب هع يقولون للمعاكسات الهاتفية إتصل على 990 قلهم به إرهابي يغازل شغالتنا أن يجونك ما لبسو نعال من السرعة هه عقبال ما تصير بالهية الملكية يا مدمن أقصد هيئة الأمم المنتحدة واوه عيت تطلع هيئة البطحاء أيوه طلعت علشان تكتشف هالبنقاليه يغازلون الفلبينيات ثمن تتصهم <<=== كلمه قصيميه بحته أتحداك تدري وش هي خخ على العموم تسلم لي على هيك موضوع وبعدين وين الوعد اللي أنت مواعدن به أمس رحت لم المكتبة أبشري مجلة شيبان أول حياتهم ((شباب)) قالي الزول بـ8 ريال هماي قايل لك توسط لي أو الطول طول نخلة والعقل عقل بعير <<== ماله دخل أو الجود من الماجود <== إيه صح تسذا <<== التساء حرف قصيمي جديد وهو خليط بين الكاء والساء والتاء وشيكرن تحياتو مسترعطووووووووووووووووش = أبوبريدة = __________________ هذا التوقيع لي ولمن يريده من أعضاء المنتدى أنتا يبقى قرقر مع أنا atsh_alremal@hotmail.com مافي قرقر كتير نفر

08-08-2006, 03:45 AM	#10
مخاوي الصمت قد ثلمت من الإســلام ثلمة تاريخ التسجيل: Sep 2001 البلد: اللهم ........................... إغفر لي ما لا يعلمون............. واجعلني خيراً مما يظنون......... ولا تؤاخذني بما يقولون.............. المشاركات: 3,708	هههههههه (أنا ما ادري أكتب أو أضحك):D الله يغبل إبليسك أجل عشان فنيلك<< مالت أحسب عندك سالفة أقول يا مدمن أنت وعصير المنقا الخاثر شكلك مهب بس تفقد الشم عند شطفك للشغالة شكلك بعد تفقد أغالب الحواس وإلا أكيد إن سويعد جاي للسطح ورفح ملابسه كلها وتعب وراح ينام وأنت إلى الحين قاعد تحتريه شفت إنك خربان وبدون حواس مؤقتاً دمت0000000بصحة وحواسٍ سليمة نقية __________________ " والله يا إخوة بقدر ما تعطي أي قضية من وقتك بقدر ما تكون هناك نتائج إذا تعطي أي قضية فضلة الوقت أيضا أنت تأخذ فضلة من النتائج أما أن تعطيها كل وقتك وتعيشها تعطيك كل شي " القائد الشهيد خطاب تقبله الله في الشهداء

06-08-2006, 06:31 PM	#2
عبدالرحمن الثاني عـضـو تاريخ التسجيل: Jun 2005 البلد: نيكراغوا المشاركات: 500	حلوووو لكن على طاري السطح .. أنت جربت تطلع للسطح لو دقيقة وحدة بس ..! أعتقد الجلوس 5 دقائق في السطح ربما تصيبك بحروق من الدرجة العاشرة .. ملاحظة : أنت تقول : عشان أمعطه و ( انطله ) في حوشنا .. هذه الكلمة ليست من كلمات بريدة ..! من أين لك هذا ..؟؟

06-08-2006, 07:00 PM	#3
ابوالفاضي عـضـو تاريخ التسجيل: Jun 2006 البلد: حيث أنا المشاركات: 121	ههههههههههههههههههههههههههههههههههه كل السالفة عشان فنيلته يا المدمن الله يقلع وجهك ضحكتن علني ما ودي اضحك كسل باالدوام ...........

06-08-2006, 07:21 PM	#4
مدمن شاهي عـضـو تاريخ التسجيل: Jul 2006 المشاركات: 288	عبدالرحمن الثاني ليش .. يعني ضنّك كل اللي يكتبون في المنتدى من أهل " بريده " ! فيه سودانيين .. وفيه حبوش .. وفيه زيود .. فيه كل الجنسيات والأعراق ... !

07-08-2006, 12:34 AM	#5
مدمن شاهي عـضـو تاريخ التسجيل: Jul 2006 المشاركات: 288	بو الفاضي ياخي إذا صرت في الشغل وزهقان .. رح أزرق لأقرب بوفيه وقل له يصلح لك ( عصير منقا خاثر ) ويكثّر الموية البارده .. شرط أن تخش جو .. وتنسى هموم الدنيا ياعمري .. شكراًَ لك ياحلو ..

07-08-2006, 01:56 AM	#7
عايش في ربوعها عـضـو تاريخ التسجيل: May 2006 المشاركات: 17	خخخخخخخخخ الله يرجك مدمن . . والله حالتك حاله ههههههاي

07-08-2006, 05:27 PM	#8
مدمن شاهي عـضـو تاريخ التسجيل: Jul 2006 المشاركات: 288	المواطن إذا كنت سعودي .. فأكيد أنك خريج كبينه أو محل خُضار .. لأنك " مواطن " .. والمواطن لازم يصير ضعيّف ومغلوب على أمره شكراً لك ولتعليقك ياحلو ..