 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
 |
|
|
أدوات الموضوع | طريقة العرض |
17-08-2006, 02:09 AM
|
#1 |
|
عـضـو
تاريخ التسجيل: Jul 2006
المشاركات: 288
|
(( اللي تجمعه النمله في سنه .. تلحسه البقره في دقيقه )) !
سلام علاكم حبوب الضغط منطوله على يميني .. وحبوب القولون العصبي منطوله على شمالي ... !  كاس عصير رمان ريحته مخيسه ... وبندول منتهيه صلاحيته منطول في طرف الغرفه ! أقوم الصبح وحلومي كلها عِباره عن ( ألوان خضرا وحمرا ) .. ! أفرح لما أشوف حلمي ( أخضر ) وأقوم من كابوس لونه ( أحمر ) يكدّر علي نومتي على مخدّه مليانه سعابيل قليلة " ملوحه " !  أبشركم اليوم أنا فرحان  ... لأني خسرت كل دريهماتي اللي متسلّفها من عيال الحاره .. وخسرت دراهم الوالد اللي ماخذها قرض وخسرت كمان دراهم أمي اللي موزيتها تحت فرشة الصاله .. وخسرت دراهم كل الناس اللي وثقوا فيني وتوقعوا أني بكون يوم من الأيام تاجر يضرب بي المثل الأصفر اللي يقول ( أمش ياولد الحولى ... من قدّك صرت تاجر تركب سدرك آخر موديل ) ! لازم تعرفون وش السالفه بِما أنكم ناس كنتم بتكونون يوم من الأيام ( ضحايا ) مُدمن شاهي .. لأنه ناوي يسايسكم من بداية أول مشرف أطرش إلى آخر عضو عرج ... ! بصراحه المُدمن ناوي يجمع دريهاتكم ويحطها لكم في ( الأسهم ) ثم إذا جاته الأرباح .. لعب عليكم وقال لكم بكل براءه (( السوق خانني وأبشركم .. يالله رديت راس مالكم )) ! .. جعل راسك يكسر قال آمين ! صراحه أنا وضعي صعب وكمان متنيّل بخمسين نيله ... تعبت وغثيّت عمري وتركت لعب الكوره في عزّ القايله بالشورت الفسفوري .. كلّه لعيون هالأسهم ! وآخر شي أطلع ( فِنِش ) .. يعني حتى الريال ماألقى ! اليوم السوق ( أحمر ) وكنّه قوطي صلصه دنمركيه !  وبعد ماكنت أنطل خمسمية ريال على راعي البنزين وأقول له ( عب " فُلّ " وخذ الباقي لك <<< والله الكذّاب ) صرت أمرّ على راعي البنزين وأقول له ( عب بعشره وعطني كرتون فاين عشان أمش فيه خشمي ) ! أمس دق علي واحد في الليل وقال يا ( مُدمن ) نصيحه لاتفوتك الأسهم الصناعيه .. أدخلها .. قلت متأكد أنت ؟ .. قال أكيد ومصدري ( سالم المنجطل ) .. قلت والله ونعم بـ ( سالم ) رجّال يجيب العلم ومصادره " تنك " قصدي حلوه ومزيونه زي " سويّر بنت بن رويسان الأجرب ! " زرقت اليوم الصبح للشاشه وخذت لي خمّة أسهم وحطيت كل سيولتي في السهم ( الأملح ) وفي روايه أنه مُجرم وولد وِحِش وبطّال كمان ! شوي إلا وشوف السهم جاي مجاوب على وجهه وجبهته تحت ... ! أنا معاد أدري .. هو أني أطقّ لي حبّة ( بنادول ) والا آخذ لي حبّة ( مسكّنة قولون أبو سبعين درجه خريفيه ! ) عيوني تدحرجت .. ومعاد صرت أشوف الدنيا إلا ( حمرا ) .. ! السهم أحمر .. وكل شوي ينزل .. وانا زي المهبول أبغى أتلاحق السهم .. لكن مابليد حيله يابليد .. وخلي ( سالم ) جعله يطيح من نخلتهم الطويله اللي سادّه مدخل بيتهم ( ينفعك ؟ ) ! جوّالي بعد هالنزول ماصار يوقّف ... ! كل واحد يسأل عن دراهمه .. وأنا قاعد أفكّر ( وش لون أطلع من هالورطه ) ! .. وياليتني مادخلت في هالأسهم اللي ماجابت لي إلا الضغط والسكر الناعم والقولون العصبي ! يازين شغلي أوّل .. يوم كنت أشتغل الصبح في محل خُضار .. وبعد العصر ( آخذ لي كم جوز من الحمام اللي عندي في السطح ) وأروح أبيعه في السوق ! لا سهم طالع ولا سهم نازل ... ولا دوشة راس مقلقله ! سلام ... بروح أرقد .. أحس أني اليوم تأخرات على الرقاد !  |
|
|
17-08-2006, 04:17 AM
|
#2 |
|
عـضـو
تاريخ التسجيل: Jul 2006
البلد: لا أدري !!
المشاركات: 742
|
ترقد هاه
لكن الحلم بيكون أخضر ولا...
__________________
. يا تحفة في أجمل رسم ** يا أمي يا أروع اسم يالماس يا معدن أصيل ** ومحال ألقى لك مثيل يا نـــادرة بين البشـــر ** يا لـؤلـؤة بين الـدرر . |
|
|
|
17-08-2006, 04:35 AM
|
#3 |
|
عـضـو
تاريخ التسجيل: Feb 2005
البلد: حبيبتي (بريده)
المشاركات: 2,621
|
صاااااااااار مهبوووووووووووول
صااااااااااااااااار مهبول أشوف بعض الناس يبغى يتاجر .....................كملوه انتم مدمن شاهي هههههههههههههه شكلك الحين بديت تغصب الشاهي الاخضر من حبك لطبيعه ويجيك غثيان اذا شفت شااااااااااهي احمر ههههههههه دمت بأخضر وأياك والاحمر
__________________
 |
|
|
|
17-08-2006, 04:44 AM
|
#4 |
|
عـضـو
تاريخ التسجيل: Aug 2006
المشاركات: 33
|
السلام عليكم ورحمت الله وبركاته
اخي \ العزيز .فى كل بلد ينزل الطماط الحمر ويتعب القلوب اما الفجل الاخضر نادر ان تراااه اما بخصوص اللون الاخضر يظهر على الشاشه اذا ظهر الفقع فى فصل الصيف ترا الحال من بعضهاا انا يا اخوك داخل فى بوورصه الكويت ولاا الاحين ما ولع الاخضر اللى ابى وصارلى اكثر من 7 اشهر اللله المستعان وفى النهايه \\ لك تحياتى اصبر ان الله مع الصابرين اخوك \\ ودعاااااانى بريده |
|
|
|
17-08-2006, 07:22 AM
|
#5 |
|
عـضـو
تاريخ التسجيل: Feb 2002
البلد: بلاد الحرمين
المشاركات: 2,223
|
أهي أهي أبكيتني يا وله يالهوي كل هذا علشان جني يرقى بالسهم وينزل أنتم مهابيل ياعالم <<== شايب داخل الصالة بالغلط أقول يالمدمن خل عنك بس سوق الخضرة وبيع الحمام الأسهم أخسر وصح شوي تكسب بعد يومين والا أن تسانك تعرف أحد يتوسط لك عند اللي يرفع وينزّل تراه شغلتن طيبه <<== ترى والله ما أدري وش الأسهم ولا وش طريقته ولا عمري ساهمت ولا دخلت الا مره عند بنك فرع أسواق مكة أنا وخويي على نياتنا دخلنا نبي نشوف اللي يصيحون <<== والله أني صادز وطردنا واحد شكله جايته الصيحة  هع شكراً مدمن كثر من هالقفشات <== قفشات هل توجد في المصطلح القصيمي أعتقد لا :D أبصبخ على جبهك ستكر أفضل روائي محزن <== راح فيها الشرهان الا تعال عندك العلفي منتدى بريدة ستي أخضر يلق لق وشلون تقول أحمر عسى الأحمر ما يجيك <<== وشو هو هه  تحياتو مسترعطووووووووووووووووش = أبوبريدة =
__________________
هذا التوقيع لي ولمن يريده من أعضاء المنتدى آخر من قام بالتعديل عطش الرمال; بتاريخ 17-08-2006 الساعة 07:26 AM. |
|
|
|
18-08-2006, 12:34 AM
|
#6 |
|
عـضـو
تاريخ التسجيل: Jul 2006
المشاركات: 288
|
هذا هو
نقول إن شاء الله ..
|
|
|
|
18-08-2006, 01:13 AM
|
#7 |
|
عـضـو
تاريخ التسجيل: Aug 2006
المشاركات: 63
|
مشكور على هذه القصه ,,,
|
|
|
|
| الإشارات المرجعية |
|
|
النمط المتتابع
