 |
|
|
|
|
28-09-2006, 03:02 PM
|
#1 |
|
عـضـو
تاريخ التسجيل: Jul 2006
المشاركات: 288
|
( المطبخ الرمضاني ) .. موضوع خاص بالحريم والبنات بس !
سلام علاكم حيّالله الغالين كلّهم .. وكل عام وانتم بخير وصحّه وعافيه أخباركم .. وأخبار رمضان معكم .. ؟ شكلكم عفلتوا أبو النعمه .. ويارب يتقبّل من الجميع !  الثلاثة الأيام الماضيه انقطعت " جبراً " عن النت .. لسفري للخارج .. رحت للإمارات الحبيبه وجلست فيها ثلاثة أيام بلياليها .. وكلمة حق أقولها .. أهلها رجال ويبيّضون الوجه .. ! عدّة نقاط أحب أبينها على غِرارهالموضوع المتفركش ... ! :i128 أولاً : هالموضوع خاص بالحريم والبنات فقط .. يعني أي شنب أو تمساح يدخل .. يحاول يشرفنا آلحين بطلوعه مع الباب .. لأن " الطبخ والنفخ " مهوب له .. التمساح والشنب حدّه موتر يزبرقه ويلمّع كفراته ليل ونهار ... أنا داري أن كلامي هذا آلحين قاعد يقراه " شاب " يبي يشوف وش ورى المُدمن ومطبخه الزهري .. بس أنا أكرر له مره ثانيه وأقول ( يا أخ .. يا أنت ... يابو ... أطلع الله لايهينك .. رح أمسك لك مصحف واقرا لك كم آيه أبرك لك .. مالك ومال " البرياني " و " السمك المحشي بالخلطه " .. شرّفنا برّا ياحلو ) ! سادساً : الموضوع " هاد " يصلح لجميع فئات الحريم .. بنات عزبات .. متزوّجات .. عانسات ... مُطلّقات .. حتى المُعقات .. من باب الفرح بجهودهم في المطبخ ! عاشراً : أنصح أختي اللي تبي تطبخ أنها تستغل وقتها " وتشتري " لها مسجّل أبو سماعات كبار ( كبر أذاني دحيّم ) تشتريه لها وتركزه في المطبخ وتشغّل المسجّل على محاضرة حلوه ومفيدة .. وتجمع مابين الفائدة .. وفي نفس الوقت " تحرق طبختها " ! أخيراً : أعتذر للإخوه والأخوات خاصّة اللي راسلوني على البريد عن تأخر طرح هذا الموضوع لانشغالي .. وآلحين لقيتها فرصه أني أطرحه ... لأننا في رمضان .. ورمضان فرصه أننا نتعلّم عليكم كم طبخه ! = = = أختي الكريمه .. يالله آلحين شديّ حيلك .. أدخلي المطبخ .. جمّعي أغراضك .. سكاكين .. ملاعق .. قدور .. صياني .. شغّلي الفرن .. شغّلي الهواية عشان ماتنكتمين .. أستعيني بالله .. اليوم طبختنا بتكون من الأطباق الرئيسيه .. يعني طبخة دسمه وماتُخرّش " الميّه " .. اليوم بتكون الطبخه عباره عن ( مكرونه بقشطة الخفق ) المقادير / علبة مكرونه + علبة ذره + قشطة الخفق + 3 حبّــــــات جزر مبشور+ كيس جبن موزريلا + 3 ملاعق زيت زيتون + دجاج مقطع مكعبات صغيره + بصل مفروم + ملح ( على كيفكم مهوب إجباري ) .
طريق تصيلح الطبخه المتفركشه تفركش أنما إيه / أوّل شي نسلق المكرونه مضبوط ، ثم نحط عليها زيت الزيتون ، نخليّها شوي .. ثم نحط البصل والدجاج .. وتقعدين تقلبين فيه شوي وتحركين بهدوء ( أركدي يابنت .. شوي شوي عشان تطلع الطبخه مضبوطه ) .. ثم تحطين بعدها الذُره والجزر والملح .. وتتركينها لين تشوفينها بدت تنضج وتزين .. بعدها تحطين خليط الدجاج على المكرونه وتضيفين عليها قشطة الخفق .. وتخلطينها مضبوط مضبوط .. وتحطينها في صينية وترشين فوقها " جبنة الموزريلا " .. ثم تدخّلينها في الفرن لين تذوووووب الجبنه .. ثم عاد تطلّعين الطبخه .. وتقدمينها للاهل أو الزوج أو العيال أو الزميلات والصديقات .. أو تبيعينها كطبق خيري في دار تحفيظ .. والنص بالنص ! اليوم طبختنا .. كانت رئيسية والحلقه الثانيه بتكون صنف " حلى " .. والحلقه الأخيره بتكون صنف " عصير ومشروب بارد " .. والايام الجايّه مانيب ناسي أني أنبهكم على بعض الأمور اللي لابد للحرمه أنها تنتبه لها أثناء الطبخ ... أيضاً .. لابد أن اللي تطبخ أنها تحتسب الأجر عند الله في طبخها .. لأنها تقوم على شؤون الغير وتؤدي خِدمه جليله مُباركه ... بالنسبة لاخواننا التماسيح والشنبات بشتى أشكالهم وأصنافهم ومؤهلاتهم " الجامعيه " .. تراي مانسيتكم .. بيجي اليوم اللي أعلّمكم وش لون تطبخون في البر .. من أوّل طبخه لآخر طبخه .. بس فكوّني من شرّكم وخلوني أكتب مواضيع هالشبّاصات الزهريه اللي يزدهر سوقهم في رمضان وترتفع نسبة الطلب عليهم ! أسعد الله مسائكم .. وبالهنا والشفا .. وجعلكم ماتغصّون أخوكم الشيف " مدمن شاهي " |
|
|
|
28-09-2006, 03:25 PM
|
#2 |
|
عـضـو
تاريخ التسجيل: Feb 2006
المشاركات: 2,619
|
يوم هو للبنات والحريم ... وراه ماتحطه في قسمهن
__________________
إكسيــر الحياة ,, رغم انكســـرها |
|
|
|
|
28-09-2006, 03:25 PM
|
#3 |
|
عـضـو
تاريخ التسجيل: Jun 2006
البلد: بـ ع ــد الأذان
المشاركات: 634
|
ممكن أرد أشوف ما عليك زباين ......
|
|
|
|
|
28-09-2006, 03:56 PM
|
#4 |
|
عـضـو
تاريخ التسجيل: Jul 2006
المشاركات: 288
|
أبو فهد بريده
أنت ماشاء الله عليك .. أسمك في المنتدى تقول بطاقة أحوال .. ماباقي إلا تحط تاريخ ميلادك أسعدني مرورك ياحلو ... والمقال هذا مكانه المُناسب بناءً على توجيهات مدير المنتدى << تسذوب والناس صايمه !
|
|
|
|
|
28-09-2006, 06:00 PM
|
#5 |
|
عـضـو
تاريخ التسجيل: Jul 2006
المشاركات: 288
|
أبو نادق
الزباين مايجون إلا في الليل ... ! الرجاجيل مشغولين يشترون الاغراض من البقاله .. والحريم يطربقون في قدور المطبخ ! بعدين ماتلاحظ أن الموضوع مهوب لك وسبق ونبهتكم ؟
|
|
|
|
|
28-09-2006, 06:35 PM
|
#6 |
|
وقع مختلف
تاريخ التسجيل: Feb 2006
البلد: الرِيَاضْ ❤ ,
المشاركات: 5,788
|
وعليكم السلام ورحمه الله وبركاته..
شكرا لك اخوي مدمن شاهي على هذا الموضوع.. وشكرا على الطبخه الحلوه... وفي انتظار الحلى.. تحياتي.. حايليه وكرم طائيه
__________________
|
|
|
|
|
28-09-2006, 08:22 PM
|
#7 |
|
عـضـو
تاريخ التسجيل: Jun 2006
المشاركات: 429
|
ألف شكر لك يالشيف مدمن شاهي
ننتظر الجديد
__________________
|
|
|
|
|
29-09-2006, 12:25 AM
|
#8 |
|
عـضـو
تاريخ التسجيل: Nov 2004
البلد: بريدة
المشاركات: 418
|
اخو مدمن شاهي
طيب العزوبي المغترب وش يسوي والله سالت سعابيلنا من ذا الوصفات الشهيه 00 |
|
|
|
|
29-09-2006, 06:35 AM
|
#9 |
|
مشـرفة سـابقة ..
تاريخ التسجيل: Feb 2006
البلد: الريـاض ~
المشاركات: 3,056
|
وعليك السلام والرحمة والإكرام
. أيضاً .. لابد أن اللي تطبخ أنها تحتسب الأجر عند الله في طبخها .. لأنها تقوم على شؤون الغير وتؤدي خِدمه جليله مُباركه ... . مع انك تسذوب الا انك هالمره صادق ياشيف :مدمن شاهي . والله يعطيك العافية على الطبخه . أتوقع والله أعلم يبي يسطحون الموضوع من ورى الجدار لبنت بريده . جزاك الله خير . إن شاء الله بانتظار الحلى والعصير >>ماننعطى وجه<< :D . |
|
|
|
|
29-09-2006, 08:57 AM
|
#10 |
|
عـضـو
تاريخ التسجيل: Mar 2006
البلد: الزمن المبهوت
المشاركات: 1,903
|
شكر لك يا شيف مدمن شاهي... بس شكلك جايب الطبخه من أطايب؟؟! با أنتظار طبخاتك... ودمتم بخيرر...
__________________
. آخر من قام بالتعديل صديقة الشمس; بتاريخ 29-09-2006 الساعة 09:48 AM. |
|
|
|
|
29-09-2006, 02:05 PM
|
#11 |
|
عـضـو
تاريخ التسجيل: Sep 2006
المشاركات: 10
|
الف شكر...
يعطيك العافية... بانتظار باقي الوصفات... |
|
|
|
|
30-09-2006, 12:49 AM
|
#12 |
|
عـضـو
تاريخ التسجيل: Jul 2006
المشاركات: 288
|
فيه ردودن تشعط القلب شعط !
لي عوده .. بس بعد ماألفّ لي ثلاثين سنبوسه أنا والأخت : مدمنه ! |
|
|
|
|
30-09-2006, 04:03 AM
|
#13 |
|
مشـرفة سـابقة ..
تاريخ التسجيل: Feb 2006
البلد: الريـاض ~
المشاركات: 3,056
|
ياهلا ياهلا
. قايلتلكم يبي يسطحونه بذا حياك الله يامدمن شاهي وحيا الله أختك مدمنه أكيد مدمنة قرق وسواليف :D . ترى يركبك حق ياشيف مدمن نحتري الحلا والعصير و30 سنبوسه بأنواع مختلفه >>طحت بحلوقنا الله يعينك ويعين أخيتك << . سلامن عليكم .  |
|
|
|
|
30-09-2006, 09:36 PM
|
#14 |
|
عـضـو
تاريخ التسجيل: Jun 2006
البلد: [ قصيمية الكلمات والصمت .. بريداوية الميلاد والموت ]
المشاركات: 1,474
|
ـــ السلامــ عليكمــ ورحمة اللــــه وبركاتـــــه ـــ ياحليلك يامدمن.... سنع تصلح مرة حموله... بس انت متأكد انك مدمن لا تصير  اختك ؟ <<<< ماتجي ذي تسلم على هالطبخه الرهييييييييــــبــــه
 سلاااااااااااااااااااااااااااااااااااااااااااااااا اام 
__________________
 آخر من قام بالتعديل ..هوجــااس..; بتاريخ 30-09-2006 الساعة 09:39 PM. |
|
|
|
 |
| الإشارات المرجعية |
|
|
النمط المتتابع
