[نسيم الليل]

قصه حلوووووووووه...................................... ..............

جالس انا وصديقي رويشد وصديقي عليان في استراحتنا الواقعه في ولاية جاكس غرب محافظة الدرعيه ... انا متسند على مركى ورافع رجلي على المركى اللي قبالي .... عليان كان قاعد على مركى آخر مثل العاده دايم عجل... رويشد متربع ومعه الريموت يلعب في هالقنوات ساعه يحط الاولى وساعه يحط الثانيه يحجر له مبارات يبغى مايفوته منها شي لكن على مين اهل التلفزيون اذكى منه حاطين المذيع قدام الصوره والملعب وراه وجى هدفين ماوخرو صورته وكل هذا علشان يقول ننتقل بكم للملعب.... المهم كنا نتحدث عن الزواج وعن البنيات وشروطهم ...... قلت لهم والله ياشباب ترانا في نعمة مافيها الا انا ...... شوفو بنينا وقارنوهم ببني العالم في كل شي يكفي انها متنكشف وتتزين الا لنا يكفينا انها ماتفوتها الصلاة يكفينا اننا نطلع من البيت واحنا دارين ان في البيت اخت رجال .... هذا غير الجمال والاناقه والموضه اللي سبقو بها العالم ولكن بحشمه .... وفوق هذا مالهم في الرجال الا ثلاث شروط الصلاة والاخلاق وان يكون قادر يفتح بيت ...... ماقلت لكم احمدو ربكم
... اقول تخيل بنت لبنانيه او غيرها تشرط الصلاة والاخلاق في زوجها ؟؟؟؟؟؟؟
لا ومن زيننا نتشرط نبي ونبي ونبي .... من انحن علشان نتشرط كل هالشروط
.... اللون يتغير عقب كل سبحه .... قميص النوم فنيله وصروال ... احسن واحد ريحه هو اللي يشرب دخان .... الاكل دايم مانبي الا رز غدا وعشى وبعضهم يقومها في الليل قومي صلحي رز .... الرجلين اتحدى تلقى فيهم ضفر مهوب مكسور والا مقلوع ....وهذا غير الشهابه واللهابه وووو قاطعني عليان وقال ياشيخ انت عميل انت مغسول مخك انت اكيد سكران والا امهات الخلاقين يقال عنهم هالكلام ياشيخ روح ..... قلت له ياعليان لاتنسى انك تتكلم عن اخواتك وقريباتك وبنات مجتمعك وووو قال ياشيخ تراك رفعت ضغطي اسكت لاتمرضني والله ماادفع ميتين الف في ذوات .... وان دفعتها مكره والله لاطلعها من عينها من اول ليله والله لسوي شي ماينتسوى ...... قلت له عقص ياهاالقزم والله منتاب سهل ياجوج وماجوج ... لكن ابقول لك كلمه والله ان الكلام معك نقص وبعدين ترانا نتكلم عن بنات مهوب عن غنم يومك بتسوي كذا .... قال ياشيخ والله ان الغنم ارحم .... قلت اسكت والا سريت مدام ذا كلامك والله انك متخلف ...قال اسمعني طيب الحرمه اذا دفعت فيها ميتين الف بتغثك كل شي تبيك يعني بتحلبك والغنم اللين شريتهم انت اللي بتحلبهم ... الحرمه اللين ولدت بدا الغثى والمصاريف والغنمه اللين ولدت بتبيع عيالها وبترزق منهم .... الحرمه اللين مليتا منها او ملت منك راحت لبيت اهلها وتبي لها مصروف هي وعيالها كل شهر والغنم اللين مليتا منهم بعتهم ... قلت له والله ثم والله انك مجنون والا هالكلام مايقوله انسان يخاف الله قال ياحبيبي بتعرس وبتشوف ... قلت له ياشيخ كلا يرى الناس بعين طبعه والبني مهوب واحد(هذا الكلام صار قبل مااعرس) المهم وحنا نتكلم قاطعنا رويشد وهو يالله يتنفس منقطع نفسه وهو يلاحق المبارات من القنات الاولى للثانيه وقال ياله ياشباب انا ابسري لكن قبل مااسري تراي سمعت كل كلامكم وما اقول الا الله يخلف على امن جابتك ياعليان والله يعظم اجر اللي بتاخذك... وبصراحه كلامك ياعليان صدع براسي وبسري انا دايخ (للمعلوميه رويشد عزوبي مثلي ومثل عليان)... المهم سرينا كلنا وقلنا الوعد بكره ترى بنتغدى فيذا
المهم يوم جى بكره جينا انا وعليان المتخلف للأستراحه وقعدنا في بيت الشعر نشوف التلفزيون والعامل يصلح الغدى ...... وما درينا الا رويشد جاي ميت من الضحك وطب في بطن عليان قلنا وش فيك ..... قال ياني حلمت حلم قلنا وشو ... قال البارح سريت وانا متضايق وافكر في كلام عليان وياله جاني النوم ... وحلمت اني صرت بنت يعني حت شعر وجهي وصار جسمي ناعم ونبت لي صدر ؟؟ وطال شعري ومن الروعه مادري وش اسوي وقمت اتفقد جسمي ولقيتني فعلا صرت بنت .... والله المصيبه وش السوات وش السوات وتفكيري كان ضيق مره قلت ان جتني ال...وش اسوي ماعندي ـــ ... انا لازم اتاكد انا في حلم والا علم ابقبص رقبتي يمكني في حلم يوم طلعت ركبتي ابقبصها لقيتها سودا فايقنت انني اصبحت بنت .... طيب وش السوات وش اقول لابوي ياويلي منه هو قايل لي لاتلعب بشي والله اللي بيطقني وبيقول خل بثارتك تنفعك مالي الا امي اعلمها ... ورحت لامي علمتها ووقفت تناظرني وهي مسمره ماقدرت تكلم ... المهم انا كان في بطني وجع معاد قويت اتحمله وطحت عليهم في البيت .... وماصحيت الا في المستشفى والدكتور يقول هذا شي بسيط عباره عن تقلصات في الارحام ... المهم رجعنا للبيت وابوي ماكلمني زعلان ماهميته انا واللي صار لي كل اللي همه ان عنده في ذاك اليوم عزيمه ومن بيصب القهوه .... يوم وصلنا قام ابوي يتاضرني وامي بعد مستغربين وبيني وبينكم استحيت وصارت خدودي حمر ورحت اركض لغرفتي طبعايحق لي بنيه .... قعدت افكر في غرفتي ياالله وش اسوي اليوم عندنا عزيمه اروح عند الرجاجيل والا الحريم ...طيب وان رحت عند الحريم بيفتشون لي والا لا .... طيب وان فتشو لي وشلون اسلم عليهم محاب والا مصافح ... واصدقاي دحيم وعليان معاد اروح لهم يعني اتغطى عنهم طيب وقطة الاستراحه والله مااخليها ... وسيارتي وش اسوي بها ... والوظيفه وش بيصير عليها واصدقائي في العمل .... والمباريات وطلعات البر والتطعيس والتفحيط وبيدلون الشباب يرقمون لي ....وثيابي وصراويلي وفنايلي وش ابسوي بها بعدين يبيلي فساتين وشلاح وملابس داخليه ..... طيب مالي صديقات من ادخل السوق معه امي كبيره وماتحب السوق ... وبعدين لازم مااصادق اي بنات لازم اسال عن اللي بتصير صديقتي علشان مايخربوني وعلشان سمعتي ترا البنت مالها الا سمعتها هي راس مالها وبدون سمعتها والله مايتقدم لها احد...طيب وشلون اشتري الملابس الداخليه بالاشاره يعني اشر على صدري وـــ والبياع بيعرف والا احسي واقول عطني كذا والله فشيله ... بعدين انا مااعرف مقاسي وشلون اشتري اقوس الملابس الداخليه عندهم ... طيب وشلون افصل فساتين وشلون اختار القماش واذا رحت المشغل وصار فيه هوا وش اسوي.... المهم لازم يصير لي صديقات ( لا تلومونه قروي واول مره ينقلب بنت) وانا افكر قاطعتني امي وقالت ياله يابنيتي جو الحريم حولي سلمي عليهم تراني علمتهم بكل شي واذا ماحولتي من اولها تراس بتبتلين وانتي مستحيه... وعطتني امي دراعة لها وقالت البسيها وحولي .... المهم انا استحيت وش اسوي ريحتي تعميره وحالتي حاله ماعندي مكياج وماعندي سشوار وماعندي ملابس داخليه المهم اني لبست الدراعه على الصروال الطويل والفنيله نص الكم وعملت الشعر وقررت اني احول واسلم عليهم .... يوم حولت مع الدرجه اللين ولد عمي صالح مار معه الدله يساعد ابوي ... وانا اللي ارقى الدرجه مره ثانيه والله الفشيله كشرت في وجهه ... رحت لغرفة امي وجبت جلال وحطيته علي ونزلت ورديت على صالح ولد عمي وانا مستحيه ودخلت عند الحريم ياهو مجتمعهم غير ترانا ماخذين عنهم فكره غلط جمال وبياض وموظه وحشمه وكل شي ... يوم دخلت وقفوا الحريم وسلمت عليهم وانا مستحيه وحده وحده ...يوم سلمت جو البنات وقعدو جنبي وقامو يعرفوني بانفسهم وحده وحده ... وكلهم يناظروني ... وكان شعري طايح على عيوني قمت ورفعته فوق وطاح ثانيه ..قامت وحده من البنيات وطلعت طوق وعطتنياه ولبسته وصار وش ملحي وينكم يالخطابات .... المهم اني من الحيا صارت خدودي حمر وقمت اركض ورقيت لغرفتي وصكيت الباب وتسندت عليه وانا اطقق مصابعي وافكر في صالح ولد عمي يالييته ماشافني ياليتني ماكشرت في وجهه بس بصراحه نظرتي له تغيرت قام قلبي يكفخ وانا افكر فيه وارحامي احس انها متكرمشه من الفكير فيه .... المهم قضت العزيمه ومرت الايام وكل يوم ازداد حلاوه عن اليوم الثاني ... بس بصراحه طفش مافيه روحات ولا جيات ولا استراحه ولاسياره ولاسفريات ولا ولا ولا مالي الا البيت 24ساعه في البيت حتى التلفون قامو يقطعونه عني اهلي يقولون عيب البنت تكلم في الليل .... ومره من المرات جلدني ابوي جلد كان راجع من العمل وانا طالعه للبقاله يوم رجعت من البقاله نسيت نفسي وقعدت على كبوت السياره اشوف الرايح والجاي ومادريت الا اللي يسجبني بعميلتي اللين دخلني البيت وهات ياطق .... المهم مرت الايام وكثروا صديقاتي وصارو يجون لمي ياهو البنات عليهم حركات وعليهم قصص اثرهم اهبل من الشباب .
وفي يوم من الايام جت لمي امي وانا قاعده في غرفتي وقالت يابنيتي جى لس عريس وانتي عارفه سنة الحياة وانس لازم بتعرسين في يوم من الايام ووش قلتي وش رايس في العرس ... رديت عليها وانا مستحيه اوه يمه اللي تشوفينه ... المهم يوم راحت امي قلت ايوالله ان العرس احسن من الحبسه في ذا البيت العريس بيطلعني ويدلعني ويوديني اللي ابي ... لكن المشكله في الهدوم والاقمشه من اللي بيختارها وقمصان النوم لازم اختار قمصان مغريه ... والمواعين وش عرفني بها والطبخ وش اسوي مااعرف اطبخ ... والمشكله الكبيره ليلة الدخله وش السوات اخاف يصير قروي ومايعرف لا اتكيت ولا مقدمات .... وانا افكر رجعت امي وقالت يابنيتي نسيت اقول لس ان المعرس هو عليان ولد جيرانا ...وانه دفع لابوس ميتين الف ... وانا اللي اصرخ عليان المهبول والله ماآخذه ساعديني يمه ارجوس تراه حالف انه بيطلع الميتين الف من عيني ليلة الدخله تراه متخلف مايقدر البنيات ... والله لركب لولب …المهم وانا اصايح ماابيه ماابيه ... مادريت الا باللي يرجفني رويشد رويشد قم فمرض لاتفوتك صلات الفجر زي العاده وانا اللي اقمز ومن الفرحه حبيت ابوي الي مازيد تجرى احد منا انه يحبه وقمت ابسي من الفرحه افتكيت من عليان الحمدالله انه حلم الحمدلله