 |
|
|
|
|
05-11-2006, 01:39 AM
|
#1 |
|
عـضـو
تاريخ التسجيل: Oct 2006
المشاركات: 8
|
شارك هنا واجمع ولا تتردد .. مصطلحات أهل بريدة الغريبات اللي ما يعرفهن بقية المواطنين
شارك هنا واجمع .. مصطلحات أهل بريدة الغريبات اللي ما يعرفهن بقية المواطنين
-------------------------------------------------------------------------------- السلام عليكم ورحمة الله وبركاته مشاركة ارجو ان تكون متميزة اخواني : الحقيقة الملاحظ ان هنالك لدينا مصطلحات تختلف عن باقي المملكة وهن غريبات يعني في الواقع ، والحقيقة انا لاصرت مع ناس غرباء اتكلم معهم بالعربي الفصيح ، لان بعض الكلمات والعبارات والضمائر تختلف اختلاف تام وتقل انا بدولة ثانية (ترونا منب سهلين) اللي ابيه منكم كل يجمع من هالمصطلحات ويعرفنا فيهن (غير مصطلحات الشيبان)) واذا تبونالصراحة (انا بعض هالمصطلحات ما اعرفهن فابي اتعلم شوي لأني متمدن وعايش خارج القصيم) اببدأ أنا : اويلاه : تكفى اضافة ألف وتاء لكل شيئ مؤنث مثال : وراه ما نجلس بحدا هالاماكن (الزينات) حدا : أحد وراه : لماذا كز : أرسل حلته : رمى به لدينا نون المتكلم بدلا من ياء المتكلم مثال : ما تعرفن ، عطن كاس العصير وغيرها ياحبي لك : مقدار المحبة في القلب للطرف الاخر والله ياهو : تعجب من روعة او عظمة او جمال ولي عودة معكم بإذن الله |
|
|
05-11-2006, 01:54 AM
|
#2 |
|
عـضـو
تاريخ التسجيل: Nov 2006
المشاركات: 15
|
السلام عليكم اخوي افقر خلق الله انا عندي بعض المصطلحات
قنيزه يعني شوي الحفيز يعني المستودع الموقد يعني المطبخ ابزرق يعني ابطلع الطايه يعنى السطح اخوكم واحد صاحي اخوكم واحد صاحي |
|
|
|
05-11-2006, 01:56 AM
|
#3 |
|
عـضـو
تاريخ التسجيل: Oct 2006
المشاركات: 8
|
ارجو مراعاة ان تكون من اللهجة الدارجة وليست مما يستخدمه العجائز والشيبان
|
|
|
|
05-11-2006, 11:15 AM
|
#4 |
|
عـضـو
تاريخ التسجيل: Oct 2006
المشاركات: 46
|
وخذ من هذي :
أقطع وأخس : أسكت وجع : أدات زجر سادة : أحسن الله يسمت : ألله يستر هاو : أدات تعجب ! تخرفع : أي سقط وعندي الكثير بس مستعجل ( موضوع مش بطال ) . تحياتي ... |
|
|
|
05-11-2006, 03:33 PM
|
#5 |
|
عـضـو
تاريخ التسجيل: Nov 2006
البلد: في كنف بيتي
المشاركات: 140
|
أتناك: أنتظرك ..
زلق: سقط .. قرو: مغسلة .. القهوه: الملحق .. جصة: غرفة التمر .. خاشوقة: ملعقة .. مطبقة: اللي يحفظ فيه اللبن والزبد .. الليوان: الحوش .. الروشن: الغرفة بالدور العلوي .. |
|
|
|
05-11-2006, 06:11 PM
|
#6 |
|
عـضـو
تاريخ التسجيل: Oct 2006
المشاركات: 27
|
يتمجغل .. >>> ؟؟
ينجطل >>> يستلقي افحز >>> وسع المكان لي قليلاً كلاّك >>> مراوغ كذاب صبخ >>> اصطدم ... صبخ بالجدار يعني صدم الجدار مدود >>> ذو رائحة كريهه يخطم >>> يعترض هذاي >>> هذا أنا
__________________
قال الله تعالى: (يا أيها الناس قد جاءتكم موعظة من ربكم وشفاء لما في الصدور وهدى ورحمة للمؤمنين*57* قل بفضل الله وبرحمته فبذلك فليفرحوا هو خير مما يجمعون*58*) سورة يونس |
|
|
|
05-11-2006, 08:55 PM
|
#7 |
|
عـضـو
تاريخ التسجيل: May 2005
المشاركات: 6,050
|
وش كاري >> واضحه
قلّعكّ >> بتشديد اللام والكاف بمعنى جزائك إنهج >> إسرع .. ولها معنى آخر .. ولكن أهل بريدة يقصدون بها ما ذكرت لعل لي عوده إن سمح الوقت .. وشكراً جزيلاً لك .. |
|
|
|
06-11-2006, 05:26 AM
|
#8 |
|
عـضـو
تاريخ التسجيل: Feb 2006
البلد: بالمسجد .. !
المشاركات: 561
|
ينقل لسواليف كشكوليه<--- مشرف على غفله
|
|
|
|
15-11-2006, 09:10 PM
|
#9 |
|
عـضـو
تاريخ التسجيل: Aug 2005
البلد: بــــــريـــــــــــــــدة
المشاركات: 1,393
|
بالمناسبه ياجماعه ابي تفسير لهذه الكلمه
ياويلاه او ياويلي او يولااات >> مامعناااهااا في اللغه شكراً |
|
|
|
15-11-2006, 10:46 PM
|
#10 |
|
عـضـو
تاريخ التسجيل: Oct 2006
المشاركات: 247
|
الله يقلع ابليسك والله يانتم فله ووناسه
انا عندي بعض المصطلحات الي يحبه اقلوبكم اقول وراه ماتخسى//يعني اصمت اذلف //اذهب الفقه//اصمت ولاتتكلم بلوذه//في مكان بعيدعن الناس كلمت راس// اي السر اشوت//ارمي احتريك //انتضرك شوشتي//شعري خشتي// الشفه اتسذب//اكذب اويلا// اده ترجي اخلص //انتهي اولا //ياليت والله ودي اكمل بس اعذرون عندي شغيل وهذي بعد يعني شغل وشكرا على الموضوع المتستس |
|
|
|
16-11-2006, 02:59 AM
|
#11 |
|
عـضـو
تاريخ التسجيل: Mar 2004
البلد: لـــهـــبُ الــشــوق ..
المشاركات: 5,458
|
كلمات الشيبان والعجز هي نفسها مصطلحات أهل بريدة يا ألبي ..
آخر من قام بالتعديل الفارس الملثم; بتاريخ 16-11-2006 الساعة 03:11 AM. |
|
|
|
16-11-2006, 09:25 AM
|
#12 |
|
عـضـو
تاريخ التسجيل: Nov 2006
البلد: بـــريده
المشاركات: 17
|
احج: حزر فزر
يكلك: يكذب امطخ-اجغف: قبل (البوسه) يدبتس: يركض يتخبخب:الواسع من الثيـــاب بونيه:بوقــــــس قـــنــــعه: ضربه مع الراس بطريقه فنيه ادهتسوه:اضربه بشده (لاحظوا العنف بدا) اخقــلوه: اضربه برجلك كالكره بالملعب اعلكه:اضربه حتى ينعلك (تشبيه بلاغي - العلك مشبه به والشخص المعلوك هو المشبه) افلقه: خذلك حصاه واضرب راسي لاني طولت عليك اخوي دمت بحفظ الرحـــــــــــــــــــــمــــــــــــــــــــــــ ـــــــــــــــــــن وعقبال على اللغه بالمصطلحات اخوك خشـــ ابو ـــــه (خشه: اخواني مترجمينها بالاعلى لكن تجي بمعنى اخر وهو كشره) |
|
|
|
16-11-2006, 04:25 PM
|
#13 |
|
عـضـو
تاريخ التسجيل: Nov 2006
المشاركات: 35
|
فيه كلمه جديده طالعه ماادري ببريده بس والا باقي المدن ..... وش صار على الرجال ؟؟ للاسرار
وفيه بعد كلمه هماي قلت لك امس وفيه فلان نيــــــــم بس ياحبيلهم هم وهرجهم خلاص لاتكثرون هرج عن كلامنا ترا يضيق صدري |
|
|
|
19-11-2006, 03:07 AM
|
#14 |
|
عـضـو
تاريخ التسجيل: Nov 2006
المشاركات: 5
|
نصف الكلمات ما سمعتهن ابد
يمكن كلمات الاجيال السابقة |
|
|
 |
| الإشارات المرجعية |
|
|
النمط المتتابع
