 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
 |
|
|
أدوات الموضوع | طريقة العرض |
18-11-2006, 11:15 PM
|
#1 |
|
عـضـو
تاريخ التسجيل: Jul 2006
المشاركات: 288
|
يامن سأل عن حالي .. الحب غربلني وغيّر احوالي !
يامن سأل عن حالي .. الحب غربلني وغيّر احوالي !
من شفتّها ونيّت وقلبي ناداني ... يامدمن .. ياهوه .. تعال على شاني ؟ أرخيت له اذني وقلت هاه ( عاني ) .. قال العذاب اليوم وبكره تنساني ! هالابيات كتبتها وانا جالســ(ن) على طرف دريشتي المتكسمره واللي جالس كل يوم أطلّ منها على بيضتين لحمامه تروح وتجي في اليوم ثلاث مرّات عشان تطمّن على حال أطفالها .. !  وكل ماشفت هالبيضتين .. تذكّرت امي يوم انها تحمل باخوي الصغير وكل يوم تطق على راس بطنها وتقول " بكره تطلع على وشّ الدنيا وتشوف اخوك المملوح ! " ياليتني بيضه واشوف بابه .. وياليتني حزمه في ظهر عوده ! دريشتنا مُطلّه مُباشره على باب " دحيّم " .. ودحيّم هذا مرته " سويّر " وسويّر هذي تعلّق قلبي فيها من يومي صغير .. ومن يومي صغير وانا أردد ( سلامات يامعذّب قلوب الأحبّه .. أنت الهوى البارح وانا صديق اليوم ) ! على طاري خربشاتي هذي .. أحسّ أني اليوم مستلج حبتين ونص .. وكل هالكلام المذكور " آنفاً " والداشر " مُستقبلا " والمُستحيل " حالياً " كتبته في غمضة عين يوم اني شفت سويّر تنزل من سيّارة دحيّم العراوي .. كانت راكبه ورى ( لأنه عيب عندنا في الديره أن الحرمه تركب قدّام .. لزوم تركب ورى .. وزوجها يتلطّم ) << عادات ما أنزل الله بِها مِن سُلطان ! المهم يوم انها نزلت إلا وتنزّل معها كيسـ(ن) كبير وغرشتين " تيم " .. وهو عاد شايلن معه شبك حمام لأنه رايح للسوق العصر .. ! :o ويوم اني شفت ذاك المنضر .. إلا وابدى اتخوبص ويجيني المغص وتذكّرت ملفاتي القديمه وفليّت شريطي المترهّل وتذكّرت ذيك الليالي السود والكشّة المنفوشه ! حوّلت وخذت لي فنجالين قهوه وثلاث حبّات من نوع " سكّري ذاوي " وجلست مع الوالده وعيوني " غدت حمْرن " من الونّه .. صبّرتني الوالده .. وقالت : ياولدي .. الدنيا عبْر .. وتراها ممر .. وباتسر بنشوف لك وحده أبرك من سويّر ألف مرّه .. واطلق منها وشرط انها تعثى في بنات الديره وتقول " خذاني الرجْل الكفو وانا استاهله " .. ! ياولدي مالك ومال " الحُبْ " .. الحُب " غيّر احـــوالك " وخلاك مثل " دجاجتـ(ن) لعبتن فيها الانفلونزا .. ياولدي شف اصابع رجليك ( عاد انا طمّنت اشوف اصابع رجلي ) شفها تقول أعواد اسنان من دقّها .. دقّت حالك هالمصايب .. !  ياولدي ارحم حالك .. وترى سويّر يقولون عجز الحاره أنها " متكدّره " مع دحيّم .. وانها كل يومــ(ن) تطلع للسطوح تنضّف عشّة الحمام وتعبانه ليل نهار ! ياقلبي يامدمن .. رح لسالم وتعشّ انت وياه .. وسولف انت واياه بغيـر ( الحُبّ ) سولفوا عن أزمة الأسهم وانها سبب في زيادة عدد المستشفيات النفسيه .. ! سولفوا عن كيفية الإنماء الوطني .. حاولوا تفكوّن رموز التصريحات الأخيره لمدير الصندوق العقاري .. وأمّلوا خير أن الورثه يجيهم طفسة ارض باطراف الديره !  سولفوا عن مُشكلة زيادة المهور وأنها سبب لتفشي الأمراض الجنسية وكثرة رقص الشباب عند الاشارات وتسكّع البنات في شوارع الحوامل ! سولفوا ياولدي عن السياسه عشان أفارقك سبع سنوات وافتكّ منك ومن غثى " حبّك لسويّر " .. !  رح طسّ ياوليدي عن وجهي .. ورح شف البيضتين اللي فوق على دريشتك .. إحتمال وحده منهم " فقّست" ! يجيب الله خير ! سلام  |
|
|
|
18-11-2006, 11:52 PM
|
#2 |
|
عـضـو
تاريخ التسجيل: May 2005
البلد: في قــلــب كــل مـــحــب
المشاركات: 639
|
مشكور يالغالي وماقصرت
أجل زيـن ماذ بحك هالحب(وأن من الحب ماقتل) والله فاقدينك
__________________
[CENTER] 
|
|
|
|
|
19-11-2006, 01:38 PM
|
#3 | |||||||||||||||||||||||
|
عـضـو
تاريخ التسجيل: Jul 2006
المشاركات: 288
|
هلا قلبي .. حيّاك . وأسعدني مرورك 
|
|||||||||||||||||||||||
|
|
|
|
| الإشارات المرجعية |
|
|
النمط المتتابع
