رجل يدخل أبنته عارية لمجلس فيه رجال >>>

موهاااا · 10-12-2006, 05:04 PM

7

>>>

7
7
7
7
7
7
7
7
7

القصة من كتاب الفنون الشعبية بالجزيرة العربية

يقولون والعهدة على الراوي .....

أن فيه رجال من أهل بريدة مغنيه الله سبحانه وتعالى .....

ومزوج بنته لولد أخوه ......

قبل يمال الغنيمة لو الفقر معشش بالبيت ما أحد يدري إلا الله سبحانه

يعنى سكتم بكتم الأجواد قبل ما تدري عن أحوالهم

مهب ذا لوقت لو يتعلق الرجال بسهم دروا جيرانه ...

المهم ولا طول عليكم

"" أدري الجو يحارش ويبي الطلعة """

ولد العم مصفر وجيبه خالي .... بنت عمه اللي هي زوجته قنوعة ورضت باللي كاتبه الله مع ولد عمها ... الناس منول طبخهم على الحطب ...... ويوم شافت البنت حال ولد عمها قامت ترزق الله مع زوجها هو يحطب وهي تبيع .... جاء ذاك اليوم ولا الشاري أبوها ..... باعته حطبها وراحت توديه لبيته ......... طقت الباب وفتحت وحده من حريم إخوانها............. ويوم جت تنزل الحطب من علا راسها وتطيح الشيلة الغطوة ............ يوم زعقت زوجة الأخو فلانة

؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!

ويتفازع الحريم فلانة وشلون فلانه ؟؟

وتخبرون الحريم لطاحت بعلم أسود !!

ويحضرون اخوانها على ملاجج الحريم بين مكذب ومصدق معقول وغير معقول ؟؟

البنية استسلمت ما تدري وش تقول !!

اخوانها شانين حمله على زوجها ما تروحين اللي يحلف واللي يتوعد اللي يزبد واللي يرعد

والله ما تروحين والله ما تعدين ؟؟

طب أبو البنت ولا الدعوة خربانه ؟؟

من فلانة ؟؟؟

يوم حط يده على راسه ""

جلست يومين بيت أهلها يوم يوم تغير حال البنت ؟؟

البنت تبي رجلها والأخوان رافضين يوم تكدر خاطر أبوها "

فكر الشايب ذاك اليوم وقال ليه ما أعزم فلان يقصد ولد أخوه عندنا اليوم!!

ما لكم بالطويلة

جاء ولد أخوه عليه بشته وأجتمع مع عيال عمه ................. طلق ..... لا تطلق !!

صوت الشايب لعياله وكلا عطاه بشته ( المشلح )؟؟

وينادي بنته ...............فلانه... فلانه ...والبنيه تجي

قال افسخي هدومك اللي عليك إلا اللي يستر عورك

وتصيح البنت .......... يا بوي ......... قالها ...... ما قدامك إلا رجلك وإخوانك ......... فسخت ثيابها .... إلا ما ستر الله ولبسها بشته ودخلها المجلس .. ويوم صارت بصدر المجلس وهو يشيل بشته ..........

عياله اللي صد واللي حط شماغه على وجهه ...............

والبنت تزبن زوجها ويغطيها ببشته ؟؟؟؟

ستر بنته الشايب وطلعها

وقال هاه يا عيالي ....... أختكم ما سترها غير زوجها.......... وأنتم ما قدر واحداً منكم يسترها ؟؟

وش عندكم لولد عمكم !!

ما قصر العيال فزعوا لنسيبهم وولد عمهم وعانوه لين الله يسر أموره ...

وسلامتكم

منقول

خالد بن محمد · 10-12-2006, 05:38 PM

قصة أستبعد وقوعها !!

كما أنكر نشرها ؛ لأن فيها ما يعيب ..

شكراً موها ..

ابونجديه · 10-12-2006, 09:11 PM

السلام عليكم ورحم هالله وبركاته

حسبي الله وهو نعم الوكيل

اجل هذا كلام ينقال ولا ينكتب

ياخي والله عيب هذي اعراض ناس وانت تقول ان الابو دخل بنته بالمجلس قدام الناس

يعني الاخوان يبونه يطلق لأنه داج ولا عنده قروش

ولاكن عادي عندهم ومشت ان ابوهم يدخل بنته بالمجلس

وبعدين القصه مهيب زي ماذكرت

القصه معروفه ومعروف اصحابه

وهم من اهل عنيزه

ومن اكابر اهاليه عنيزه

وبعدين مهب ولد عمه

البنت من البسام والولد من الذكير

والقصه باختصار ان الولد كانوا معروفين ومن اكابر اهالي عنيزه اللي هم الذكير

مات ابوه ولا عنده شي الا قصر كبير يسكن فيه ولا بقى من اهله الا هو

المهم انه تقدم للبسام وبما ان التاريخ يشهد لهم انهم من ( طبقه البسام ) قامو وزوجوه من دون تردد

لأنه معروف ودائماً يجالس التجار واكباريه المنطقه

يعني المسيكين كان ماشي فقط على الله ثم سمعه اهله الطيبه وايضاً الرجال كان عاقل ورزين

وعنده كرامه عن سؤال الناس مع العلم انه لو يبي يتسلف من احد التجار كان يدينونه من دون تردد

المهم البنت راحت بعد الزواج مع رجله للقصر اللي مابه شيء

ولاكن كان مايقصر عليه بشي من الاكل او اي لازم

وكان يجيب حق كل يوم بيومه
والبنت مسكته على الموضوع لأنها بنت اجواد ولا تبي مشاكل وبعدين الى هالحين والامور تمشي الحال

ولاكن اكتشفت البنت بعدين ان رجله يقوم كل ليله قبل نص الليل ولا يرجع الا قريب الفجر

يوم
يومين
ثلاث ايام
؟؟؟؟؟؟

قالت لازم الحقه واشوف وش يسوي بهاليول

قام الرجال وهي مسويه نفسه نايمه يوم ابعد وتبدأ تلحقه الين طلع برا البيوت وراح للبر

وبدا يحش ( يقطع العشب )

ومير تجيه وقالت له وشلون يافلان

انت تحش اجل الضعوف وش يسوون

قال مادلمك دريتي بي اجل هذي السالفه

ابوي ماترك لي الا الصيت والسمعه الطيبه والرزه بين الناس والقصر اللي حنا به بس

ومن عزة نفسي مابي اشحذ ( اطلب الناس )

ولا ابي اتسلف من احد وانا ادري اني ماعندي اسدد

فلازم اني اشتغل واعيش واعيشك معي

وهذاي اقوم كل ليله واجي هنا واحش وارجع لعنيزه واعطيه مره عجوز تبيعه لي بريال

له نص ولي نص

وهالنص ذا هو اللي نتعيش عليه انا وانتي

قالت هالكلام مايمشي عندي من اليوم ورايح انت تحش وانا ابيعه

وناخذ الريال كله لنا حنا اولابه

واستمرو على هالحال مده ( ماادري كم بالضبط )

ويوم من الايام جاء ابو البنت يبي يشري

المهم العجز باسطات وهي معهن ولاكنه مزينه العشب ومصفصفته احسن من العجز اللي حوله

جاء الابو وطاحه عينه على اللي عند البنت وشراه منه بريال وتوديه هي للبيت

يوم ودته شافته امه واستغربت

يعني عارفه انه دايم اللي يجيب العشب كم عجوز وتعرفهن

ولاكن هالمره بنت وباين عليه انه بنت ناس تجار

ومير تمسكه الام وقالت والله ماتطلعين الا انتي معلمتن من انتي

والبنت ماتكلمت

قالت والله مانعطيك الريال الا انتي قايله من انتي

ومير تشيل الغطوه وقالت انا فلانه ( بنتهم )

وتصرك الام وتهاوش وتزعل وتنادي ابو البنت وقالت له لازم تشوف حل لهالمصيبه

جاء الابو وقال الحل عندي

ونادى رجل بنته وقال له وش سالفتكم

اومير يعطيه السالفه كله قال الابو حصل خير

مادام هذي علومك اجل اسمع العلم

وطبعاً البسام ماشاء الله عليهم تجار

قال الابو ابعطيك نبي نتشارك انا واياك انا من الدراهم وانت عليك التجاره

ومير يعطيه دراهم وقال له لاتوقف الا بالشام جب من هناك بضايع

ومن هاك الوقت وهم ماشيه امورهم

ــــــــــــــــــــــــــــــــــــــــــــــــــ ـــــــــــــــ

على العموم هذي اختصار القصه

ولا القصه معروفه واسأل اي واحد من شيبانك وهو يعطيك العلم الاكيد

هذا والله اعلم

الفارس الملثم · 10-12-2006, 09:28 PM

بغض النظر عن صحة القصتين من عدمها ..

إلا أني أعجبني تصرف البنت والأب ..
والناظر في هذا الزمن ليجد العجب العجاب ..

الأب يشترط على الخاطب أن يذهب بابنته لماليزيا .. !!؟
وقبل كانت النساء هن من يعمل ويحش ويبذر ويزرع ..

آه على زمن ولى ..

شكر الله لك ..

غشمشم · 11-12-2006, 01:49 AM

وراكم اكلتوا الرجال بقشوره
هو قال قصة ولنفرض انها ماهي حقيقية خوذوا الفايدة منها واتركوا الباقي
ياحبكم للنقد

مجنون بالعيون · 11-12-2006, 02:14 PM

والله انا من وجهة نظري اتوقع مثل حصوول
هالشئ من بعض مايملكون الحكمة
وعموماً اذا كانت القصة حقيقية او غير حيقيقة
هي فيها فايدة واستفدنا منها والسلاااام.

10-12-2006, 05:04 PM	#1
موهاااا عـضـو تاريخ التسجيل: Aug 2006 البلد: بــــــــر(قـلـب) يــــــــدة المشاركات: 53	رجل يدخل أبنته عارية لمجلس فيه رجال >>> 7 >>> 7 7 7 7 7 7 7 7 7 القصة من كتاب الفنون الشعبية بالجزيرة العربية يقولون والعهدة على الراوي ..... أن فيه رجال من أهل بريدة مغنيه الله سبحانه وتعالى ..... ومزوج بنته لولد أخوه ...... قبل يمال الغنيمة لو الفقر معشش بالبيت ما أحد يدري إلا الله سبحانه يعنى سكتم بكتم الأجواد قبل ما تدري عن أحوالهم مهب ذا لوقت لو يتعلق الرجال بسهم دروا جيرانه ... المهم ولا طول عليكم "" أدري الجو يحارش ويبي الطلعة """ ولد العم مصفر وجيبه خالي .... بنت عمه اللي هي زوجته قنوعة ورضت باللي كاتبه الله مع ولد عمها ... الناس منول طبخهم على الحطب ...... ويوم شافت البنت حال ولد عمها قامت ترزق الله مع زوجها هو يحطب وهي تبيع .... جاء ذاك اليوم ولا الشاري أبوها ..... باعته حطبها وراحت توديه لبيته ......... طقت الباب وفتحت وحده من حريم إخوانها............. ويوم جت تنزل الحطب من علا راسها وتطيح الشيلة الغطوة ............ يوم زعقت زوجة الأخو فلانة ؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!! ويتفازع الحريم فلانة وشلون فلانه ؟؟ وتخبرون الحريم لطاحت بعلم أسود !! ويحضرون اخوانها على ملاجج الحريم بين مكذب ومصدق معقول وغير معقول ؟؟ البنية استسلمت ما تدري وش تقول !! اخوانها شانين حمله على زوجها ما تروحين اللي يحلف واللي يتوعد اللي يزبد واللي يرعد والله ما تروحين والله ما تعدين ؟؟ طب أبو البنت ولا الدعوة خربانه ؟؟ من فلانة ؟؟؟ يوم حط يده على راسه "" جلست يومين بيت أهلها يوم يوم تغير حال البنت ؟؟ البنت تبي رجلها والأخوان رافضين يوم تكدر خاطر أبوها " فكر الشايب ذاك اليوم وقال ليه ما أعزم فلان يقصد ولد أخوه عندنا اليوم!! ما لكم بالطويلة جاء ولد أخوه عليه بشته وأجتمع مع عيال عمه ................. طلق ..... لا تطلق !! صوت الشايب لعياله وكلا عطاه بشته ( المشلح )؟؟ وينادي بنته ...............فلانه... فلانه ...والبنيه تجي قال افسخي هدومك اللي عليك إلا اللي يستر عورك وتصيح البنت .......... يا بوي ......... قالها ...... ما قدامك إلا رجلك وإخوانك ......... فسخت ثيابها .... إلا ما ستر الله ولبسها بشته ودخلها المجلس .. ويوم صارت بصدر المجلس وهو يشيل بشته .......... عياله اللي صد واللي حط شماغه على وجهه ............... والبنت تزبن زوجها ويغطيها ببشته ؟؟؟؟ ستر بنته الشايب وطلعها وقال هاه يا عيالي ....... أختكم ما سترها غير زوجها.......... وأنتم ما قدر واحداً منكم يسترها ؟؟ وش عندكم لولد عمكم !! ما قصر العيال فزعوا لنسيبهم وولد عمهم وعانوه لين الله يسر أموره ... وسلامتكم منقول آخر من قام بالتعديل موهاااا; بتاريخ 10-12-2006 الساعة 05:28 PM.

10-12-2006, 05:38 PM	#2
خالد بن محمد عـضـو تاريخ التسجيل: Apr 2006 البلد: الـرياض المشاركات: 2,547	قصة أستبعد وقوعها !! كما أنكر نشرها ؛ لأن فيها ما يعيب .. شكراً موها .. __________________ [ سلامتك يا ابوي لا باس لا باس :: :: ادعي ولي الكون لك بالسلامة ]

10-12-2006, 09:11 PM	#3
ابونجديه عـضـو تاريخ التسجيل: Apr 2006 البلد: خارج الديار المقدسه بريده المشاركات: 246	السلام عليكم ورحم هالله وبركاته حسبي الله وهو نعم الوكيل اجل هذا كلام ينقال ولا ينكتب ياخي والله عيب هذي اعراض ناس وانت تقول ان الابو دخل بنته بالمجلس قدام الناس يعني الاخوان يبونه يطلق لأنه داج ولا عنده قروش ولاكن عادي عندهم ومشت ان ابوهم يدخل بنته بالمجلس وبعدين القصه مهيب زي ماذكرت القصه معروفه ومعروف اصحابه وهم من اهل عنيزه ومن اكابر اهاليه عنيزه وبعدين مهب ولد عمه البنت من البسام والولد من الذكير والقصه باختصار ان الولد كانوا معروفين ومن اكابر اهالي عنيزه اللي هم الذكير مات ابوه ولا عنده شي الا قصر كبير يسكن فيه ولا بقى من اهله الا هو المهم انه تقدم للبسام وبما ان التاريخ يشهد لهم انهم من ( طبقه البسام ) قامو وزوجوه من دون تردد لأنه معروف ودائماً يجالس التجار واكباريه المنطقه يعني المسيكين كان ماشي فقط على الله ثم سمعه اهله الطيبه وايضاً الرجال كان عاقل ورزين وعنده كرامه عن سؤال الناس مع العلم انه لو يبي يتسلف من احد التجار كان يدينونه من دون تردد المهم البنت راحت بعد الزواج مع رجله للقصر اللي مابه شيء ولاكن كان مايقصر عليه بشي من الاكل او اي لازم وكان يجيب حق كل يوم بيومه والبنت مسكته على الموضوع لأنها بنت اجواد ولا تبي مشاكل وبعدين الى هالحين والامور تمشي الحال ولاكن اكتشفت البنت بعدين ان رجله يقوم كل ليله قبل نص الليل ولا يرجع الا قريب الفجر يوم يومين ثلاث ايام ؟؟؟؟؟؟ قالت لازم الحقه واشوف وش يسوي بهاليول قام الرجال وهي مسويه نفسه نايمه يوم ابعد وتبدأ تلحقه الين طلع برا البيوت وراح للبر وبدا يحش ( يقطع العشب ) ومير تجيه وقالت له وشلون يافلان انت تحش اجل الضعوف وش يسوون قال مادلمك دريتي بي اجل هذي السالفه ابوي ماترك لي الا الصيت والسمعه الطيبه والرزه بين الناس والقصر اللي حنا به بس ومن عزة نفسي مابي اشحذ ( اطلب الناس ) ولا ابي اتسلف من احد وانا ادري اني ماعندي اسدد فلازم اني اشتغل واعيش واعيشك معي وهذاي اقوم كل ليله واجي هنا واحش وارجع لعنيزه واعطيه مره عجوز تبيعه لي بريال له نص ولي نص وهالنص ذا هو اللي نتعيش عليه انا وانتي قالت هالكلام مايمشي عندي من اليوم ورايح انت تحش وانا ابيعه وناخذ الريال كله لنا حنا اولابه واستمرو على هالحال مده ( ماادري كم بالضبط ) ويوم من الايام جاء ابو البنت يبي يشري المهم العجز باسطات وهي معهن ولاكنه مزينه العشب ومصفصفته احسن من العجز اللي حوله جاء الابو وطاحه عينه على اللي عند البنت وشراه منه بريال وتوديه هي للبيت يوم ودته شافته امه واستغربت يعني عارفه انه دايم اللي يجيب العشب كم عجوز وتعرفهن ولاكن هالمره بنت وباين عليه انه بنت ناس تجار ومير تمسكه الام وقالت والله ماتطلعين الا انتي معلمتن من انتي والبنت ماتكلمت قالت والله مانعطيك الريال الا انتي قايله من انتي ومير تشيل الغطوه وقالت انا فلانه ( بنتهم ) وتصرك الام وتهاوش وتزعل وتنادي ابو البنت وقالت له لازم تشوف حل لهالمصيبه جاء الابو وقال الحل عندي ونادى رجل بنته وقال له وش سالفتكم اومير يعطيه السالفه كله قال الابو حصل خير مادام هذي علومك اجل اسمع العلم وطبعاً البسام ماشاء الله عليهم تجار قال الابو ابعطيك نبي نتشارك انا واياك انا من الدراهم وانت عليك التجاره ومير يعطيه دراهم وقال له لاتوقف الا بالشام جب من هناك بضايع ومن هاك الوقت وهم ماشيه امورهم ــــــــــــــــــــــــــــــــــــــــــــــــــ ـــــــــــــــ على العموم هذي اختصار القصه ولا القصه معروفه واسأل اي واحد من شيبانك وهو يعطيك العلم الاكيد هذا والله اعلم __________________ اللهم اغننا بحلالك عن حرامك

10-12-2006, 09:28 PM	#4
الفارس الملثم عـضـو تاريخ التسجيل: Mar 2004 البلد: لـــهـــبُ الــشــوق .. المشاركات: 5,458	بغض النظر عن صحة القصتين من عدمها .. إلا أني أعجبني تصرف البنت والأب .. والناظر في هذا الزمن ليجد العجب العجاب .. الأب يشترط على الخاطب أن يذهب بابنته لماليزيا .. !!؟ وقبل كانت النساء هن من يعمل ويحش ويبذر ويزرع .. آه على زمن ولى .. شكر الله لك .. __________________ .. أعبدَ الله يا نجمًا تهاوى ويا قمرًا تبدّى ثم غــابْ أيا خلاً طواه الموتُ عنّا لكم فرحت بلقياك الصحابْ .. لا تنسوا الدعاء لأخيكم العضو أفكار بالرحمة والمغفرة .

11-12-2006, 01:49 AM	#5
غشمشم عـضـو تاريخ التسجيل: Dec 2006 المشاركات: 153	وراكم اكلتوا الرجال بقشوره هو قال قصة ولنفرض انها ماهي حقيقية خوذوا الفايدة منها واتركوا الباقي ياحبكم للنقد

11-12-2006, 02:14 PM	#6
مجنون بالعيون عـضـو تاريخ التسجيل: Dec 2006 المشاركات: 4	والله انا من وجهة نظري اتوقع مثل حصوول هالشئ من بعض مايملكون الحكمة وعموماً اذا كانت القصة حقيقية او غير حيقيقة هي فيها فايدة واستفدنا منها والسلاااام.