[أم فيصـل]

السلام عليكم
الفاضلات (( بنات بريـدة )) كل عام و أنتن بألف خيـر

****

لي مشكلة تصاحبني و لن أقول لها شهر أو شهرين لأنها و اللهِ أكثــر
من سنة كنت عند (( الحمولة )) و تكلموا عن محل في (( القبة )) يبيع جميع أنواع الشوكلاة القديمة
فــ...أخذتني (( العزة )) و سويت نفسي عارفة وما سألت
لأن الموضوع أصلاً مو موجه لي.
و صرت ما أروح لـ..السوق الداخلي ألا أمترها شبر شبر
و خطوة خطوة و ما في مرة ما سألته عن المحل
(( انتبهي يمكن تكوني أنتِ حداهن ))
و كلهن (( ينزن )) حسبالهن أنا ساحـرة !!
أعذرهن في بعض الأوقات و البعض الأخر تكون النفسية
زي الزفت من المشي بلا فائدة و أقول(( يه يا كافي ))
قبل شهـر طاح اللي بــ...الرأس من الدوران داخل (( القبة ))
و سألت (( الحمولة = العمة )) قالت (( مدري أنا ما أعرفه يمكن أمي أو ....؟ ))
بيني و بينكن (( لعنته بيني و بين نفسي و قلت بس قلت ع الفاضي ))
و اليوم قدر الله علي و رحت (( للقبة )) للمرة المليون
و أمشي و أنا ماااالة من الدوران و اسأل شاب يبيع خضار
و أنا أقول الحريم ما عرفنه ذا الشاب بيعرفه.
وصف لي و طلع كل مرة أدخل القبة أروح لمه
(( في ظهـر العليان اللي ع اليسار في أول القبة ))(( أعرف أوصف صح ))
بس مدري للحين هو هو أو لا لأني بيني و بينكن تهاوشت أنا و الهندي !!
...أقوله ذا العليان بغيت أتأكد ذا اللي يقول الولد أو لا
والأخ في الله طرطع و يقول ما في بريدة ألا عليان

و شي ثاني
و الله أني فشلة منكن لكن علكن تعذرن غبائي الا محدود
إذا فيه رقم سائق توصيل تبرعن و عطوني لأني اليوم بغيت السوق و في الأخر صفت
قدام الكبيوتر لا و بعد للحين (( فسطااان العيد مافييييش ))
الله أكبر الله اكبر خمسة و خميسة ماحد ينظلني

و من تملك الحـل.؟
سأكون لها من الشاكرين

(( أعتذر على كثرة كلامي ))

[بنت الشماسية]

وعليكم السلام ورحمة الله وبركاته
..
حيا الله "أم فيصل"
..
حياك الله وبياك وجعل الجنة مثوانا ومثواكِ
..
والله ودي أفيدك بشيء بس والله ماعرف القصيم تبين شيء بالرياض أبشري من عيوني الثنتين
..
لا تخافين يجونك بنات القصيم ويعلمونك باللي تبين

عاد مو على هالطلب وتهفين عقبه ماندري عنك !!

[أم فيصـل]

هلا بـ..الغلا / بنت الشماسية
اطمئني يا الغلا يجي يـوم اللي تقولين فيه (( وووه يا ربي فكني ))

اقتباس لا تخافين يجونك بنات القصيم ويعلمونك باللي تبين

و أنا على قيـد انتظار الجميـع

اقتباس عاد مو على هالطلب وتهفين عقبه ماندري عنك !!

ما تخافييييش

كوني بألف خير يا غلا

[الغريبه]

هلا والله بأم فيصل معنا في المنتدى
سالفتك الاولى مافهمته بالضبط وانا ماعرف القبه قليل اروحله
اما السواق اذكر وحده تقول انهم يتعاملون مع سواق سوداني يوديهم ويجيبهم وهي الحين حاجه اذاقدرت اجيبه لك ياله بعد الحج بس انشاءالله احد يرد عليك قبل العيد عشان تشرين فسطان العيد على ماقلتي
{الحين كل هالرد ولا افدتك بشي معليش}

[نــسـجـ الـخــيالـ]

اقتباس المشاركة الأساسية كتبها بنت الشماسية وعليكم السلام ورحمة الله وبركاته ..كما قالت بنت الشماسية حيا الله "أم فيصل" .. حياك الله وبياك وجعل الجنة مثوانا ومثواكِ .. والله ودي أفيدك بشيء بس والله ماعرف القصيم تبين شيء بالرياض أبشري من عيوني الثنتين .. لا تخافين يجونك بنات القصيم ويعلمونك باللي تبين عاد مو على هالطلب وتهفين عقبه ماندري عنك !!

كما قالت مشرفتنا *بنت الشماسية*

[قصيمية]

أنت تبين وصف المحل ،،،،،،،، وإلا سواق؟؟؟؟؟؟؟؟؟؟؟؟


المحل أنت وصفتيه يعني انت عارفه الحين مكانه ،،، إذا طلعت من القبة رايحة جنوب ويمينك العليان لفي يمين وطولي شوي يجيك المحل ،،، عاد أنا والله ماأدري وش عنده بالضبط بس اذكر اني كنت ادور شوكولاته هيرشي الدموع وشفت المحل قدامي وأول ما سألته عنها والا يطلعها لي وانا ماخليت مكان ادورها ،،،،
وفيه محل ثاني اسمه بيت الموالح تلاقينه على يمينك وانت داخله من عند العالمية ......

أاما السواق فصراحة ما اعرف ............ اعذريني ......

[الحسناء]

هلاوالله بأم فيصل
الصراحه مافهت >> وش تقصدين؟؟
على العموم // القبه ممنوع اروح له >> ما اعرف شي !!
والسواق// صديقتي تروح مع واحد سعودي " كانك تقبلينه اجيب الرقم "
والسائقين الأجانب ما اعرف اي رقم ...

نصيحه// لا تروحين السوق الى للضروره ,,

ســــــــــــلام

[أم فيصـل]

هلا و غلا بـ...الغريبة
مشكلتي الأولى ... عفواً سالفتي الأولى
أدور محل في (( القبة )) يبيع الشوكلاته القديمة مثال
(( كتكات اللي داخل قصدير ... جالكسي القديم مو اللي دائماً نشتريه
يعني بـ..اختصار أي شي من عصر الجاهلية يبيعه ))

اقتباس {الحين كل هالرد ولا افدتك بشي معليش}

ما عليك يا الغريبة
حتى السنة الجاية بأذن الله ماتبهدلشششش و أشتري (( الفسطااان )) من شهر (( صفر ))
و أن شاء الله الغاليات ما يقصرن و يحطن رقم و أشتري (( الفسطاااان ))
و أرتاح يــوم فقط و أنا للحين (( تيتي تيتي مثل مارحتي جيتي !!))

كوني بخير يا الغلا

[أم فيصـل]

هلا بالبيض والخبز و العسـل و الأشطة
هلا و الله بــ....بيض نص سلق...
و لا يهمّك (( يمكن أحتاج شي من الشيات بــ...الرياض ))


كل عام و أنتِ بألف خير

[أم فيصـل]

[align=right]
/
\
/
الغاليات / قصيمية / الحسناء
عايدة لكن لكــن بعد أن أنهي أشغالــي


و كل عام و أنتن بألف خيــر
[/CENTER]

[أم فيصـل]

هلا بالقصيم هلا وغلا بــ...قصيمية

اقتباس أنت تبين وصف المحل ،،،،،،،، وإلا سواق؟؟؟؟؟؟؟؟؟؟؟؟

إذ كانت الثنتين فــ...ما عندي مانع يا الغلا

اقتباس المحل أنت وصفتيه يعني انت عارفه الحين مكانه ،،،

لا لا ; أنا قلت ما أدري إذا هو أو لا يعني للحين مو متأكدة الأخ في الله عصب علي .!!
بس اللي قلتي أنتِ شكله هو
و شكلي أبروح الحين (( للقبة )) و أشوف ...
مشكلتي يا قصيمية
أن كل اللي حولي يعرفونه و إذا سألت
(( قالوا ما نعرف نوصف القبة بس هو داخل لفات )) .!!
و أربع و عشرين ساعة يشترن منه و يقولون غالــي .!!

كوني بخير يا الغلا

[أم فيصـل]

هلا بـ...الحسن هلا و غلا بـ...الحسناء

اقتباس الصراحه مافهت >> وش تقصدين؟؟

أتكلم ياباني
يا الغلا أنا أدور محل في القبة يبيع كل الشوكلاته القديمة (( إلى رد الغريبة ))

اقتباس والسواق// صديقتي تروح مع واحد سعودي " كانك تقبلينه اجيب الرقم "

(( سعودي ))
يقولون :
المرة تفتش لــ...الرجال من جميع الجنسيات و إذا جاء السعــودي قالت جاء رجـــل
و الله سعودي صعبة شوي يالغلا الحيـن ما صدقنا وافقوا على (( السوداني و طقته )) يوافقوا على السعودي و الله كان يردف بعد أسمي (( لعنها الله )) عفواً رحمها الله.!!

كوني بألف خير يالغلا و أنا والله بــ...ضروره يعني شايفة الحال

[شذى الورد]

هلا فيك نورتي منتدانا

وبالنسبة للمحل اللي تسألين عنه بجنب السحيمان
وفيه محل ثاني مثله بشارع الصناعة اسمه شوكو كاري

والسواق آسفة ما عندي

إن شاء الله أكون أفدتك

دمتي بحفظ الرحمن

[ترانيم]

الله تذكرت القبة ودي اروووووح

اقول مالك الا ام علي روحي وان اشاء الله تلقين واذا مالقيتي

اطلبيه طلب وبتزيد بالسعر شوي<< اعلان عن ام علي مع بعض البهارات

يعني ماقد طلبت منها شي بس حبيت اشارك بموضوعك