[وحــــــــداني]

\/

اقتباس المشاركة الأساسية كتبها رساويه السلام عليكم .. أبحاول ما أعلق كثير على المفردات التهويليه والتعظيميه زياده عن اللزوم اللي استخدامها صاحب الموضوع .. لأني إن بديت ما انتهيت .. صدق الله العظيم .. يالها من آيه تحمل معناً عظيماً وخلقاً كريماً .. ألا وهو الأمر بالمعروف والنهي عن المنكر .. والذي لو أغفلناه وتجاهلناه لتداعى ديننا / مجتمعنا وانهار .. فـ لا استطيع صراحة أن اتخيلنا وقد قال كل شخص فينا (أنا وش دخلني .. كل واحد حر) .. جزاك الله خير أخي على إيراد هذه الآية الكريمة وتذكيرنا بها .. بس للأمانه .. تراني جلست عشر دقايق تقريبا وأنا اقرا موضوعك وأعيده احاول اكتشف وش دخلها هنا .. ماعرفت وين المنكر بالضبط؟ والإخوان اللي يطالبون برقم صاحب المقهى لمناصحته (امتثالاً للآية الكريمه) .. أيضاَ عجزت اعرف وشو المنكر اللي بينهونه عنه؟ سلمت يمينك أخي الكريم على هذين السطرين الرائعين .. كل هذا لايختلف عليه عاقلان .. إيه يـُعقل وراه مايعقل؟ .. لاصارت ملتزمه بحجابها في طريق ذهابها وطريق عودتها لـ هالمكان اللي مافيه أي نوع من الاختلاط .. ومبتعده عن كل مايغضب الله .. وذكرت إسم الله قبل ترشف قهوتها بالعافيه .. فـ ليش ما يُعقل .. إلا يوجد .. وواجد بعد ولله الحمد سواء عجزت أو ما عجزت .. دامها ما ارتكبت مايغضب الله .. لا اعتقد إن لك حق الاعتراض (لا أنت ولا غيرك) ولا المطالبه بإغلاق المقهى حتى لو علمت إن المرأه هذي الله يحفظها بعزها ماتطبخ حتى طبق بيض ببيتها .. هما ربها بإذن الله بإذن الله بإذن الله إنه راضي .. ثم محارمها راضين؟.. لك الحرية في أن تمنع محارمك عن ما أحل الله .. لكن أن تطالب بمنعه عن غيرهن ؟؟ إيوااااااااااااااا وصلنا خير .. قل إن هذا اعتراضك من البداية .. إيه هذا مبحث آخر .. ومنطقي جداً إنك تعترض عليه وتطالب بإبعاد المقهى قليلاً .. عاد يجرونه .. يشيلونه بشيول .. مالنا شغل يتصرفون .. أما مسألة إنك بتطالب بإقفاله لأنك مب مستوعب إن نسائنا يشربون القهوه خارج بيوتهن .. فـ مع احترامي أقترح أن تفكر قليلا بمحاولة الاستيعاب .. لأنه صدقني هالشي يـُعقل بس أنت يمكن ماودك تعقله.. ......................... ياليتك يا أخي الكريم ذكرت لنا من هو المقصود بقولك (من قال) .. أهو الله عز وجل .. أم رسوله الكريم عليه أفضل الصلاة وأتم التسليم؟.. أم أحد سلفه الصالحين؟ << لأنه كما تعلم وتعلمون جميعاً هذي هي الأقوال المعتبره في شرعنا .. ياليت ترجع وتذكر لنا من أي المصادر الثلاثه استقيت هذين القولين .. فقط لـ نكون على بـيـّـنه جزاك الله خير .. لأن أبوي وبقية محارمي الله يطول بعمرهم معطيني أنا وباقي قريباتي وجه .. فـ ياليت تقولي مصدرك عشان انبههم على خطئهم إن ثبت .. ......................... أخاف عليك أخي الكريم أن تكون قد ارتكبت إحدى الكبائر الموبقات وهي قذف المحصنات المؤمنات الغافلات والعياذ بالله .. فقد تذهب إليه مسلمة طاهرة صايمه مصليه (ولنقل عن طريق الخطأ إن كنتم منتب مستوعبين إنه ممكن وحده عاقله تروح له بالقصد) .. وتكون أنت قد نعتتها بالفويسقه .. وتكون بذلك قد دخلت في حكم القاذف .. إن ثبت أن إحدى المقذوفات بريئة مما قذفتها به .. وإن لم تكن قد قذفتهتن .. فأخاف عليك أن تكون قد دخلت في حكم إدعاء علم الغيب والعياذ بالله .. حين أخبرت وجزمت بثقه بأنك تعلم تمام العلم بأنه لن يخرج له في المستقبل سوى الفويسقات رغم أن هذا علمه عند الله وحده .. فـ انتبه رعاك الله .. فـ كلنا مسؤول عن ما تسطره يداه .. ................................ طيب هذاك انتي فتاه .. وأنا فتاه .. وداخلين نت من بيوتنا مارحنا مقهى ولاشي.. فـ ما أدري صراحه وين المشكله لو (لاحظوا اقول لو) صار فيه نت بالمقهى؟ .. لاسمح الله طبعاً ............................... ياجماعة الخير بس أبوجه لكم كلمه قصيره (قد ما اقدر).. كل واحد فيكم دخل هنا وقام يولول ويصيح ويتحسر على ضياع الدين .. واللي يصيح واهيئتاااه على وزن وامعتصماه.. واللي قذف الفتيات المسلمات اللي سبق لهم الذهاب لهالمقهى .. واللي يقول لازم تنرفع شكوى .. لاتسكتون .. عشان مايفسدون بناتنا .. واللي تقول الي تبي تقهوى تنادي صديقاته عنده في البيت او الملاهي .. كلكم كتبتوا وحكيتوا .. لكن ولا واحد فيكم الله يجزاكم خير ذكر اسباب اعتراضه؟ يعني بس ابعرف ليش المقهى فيه مفسده والملاهي لا؟ .. فيه أخت سألت صاحب الموضوع ماهي العله الدينيه اللي بتذكرونها فـ رد عليها بـ هالرد المبهم الغير مقنع .. ((العلة الدينية هو أنه باب من أبواب الفساد . . لا أعني المقهى وصاحبة . . بل أعني أنه سيكووون باب إلى وصول الفساد والضياع)) << قل والله .. طيب حتى أنا اقدر اقدم خطاب عن مدارس البنات اقول فيه ((ستكون باب إلى وصول الفساد والضياع)) واسكت :-| .. بدون ذكر اي تفاصيل ولا توضيح.. ومثل ماقالت الأخت الله يجزاها خير .. فيه سوق نسائي اسمه وشاح .. وراكم ماقلتوا عليه شي؟ .. يعني اللي أثار حفيظتكم فقط كون هذا المبنى النسائي اسمه ((مقهى))؟؟ يااخواني تراني لاني من بريده .. ولا قد طبيتها .. ولا اعتقد فيه سبب يخليني اجيها بعدين .. بس المسلمين هم المسلمين بكل محل .. وغيرتهم على دينهم بكل محل مهوب ببريده بس .. عشان كذا لنا كلنا الحق نبدي راينا في هالشي مع ذكر اسبابنا المنطقيه وأدلتنا اللي تأيد كلامنا .. لا تعطون مسألة اضعاف حجمها وتهولونها .. فـ هذي لا هي من شيم الإسلام ولا من شيم الرسول صلى الله عليه وسلم .. احرصوا على دينكم / نسائكم / مجتمعكم / مدينتكم .. وحاربوا كل فساد فيها .. وأنا اهنئكم على هالحرص .. بس مب معناها تحاربون كل جديد فقط عشان اسمه .. وتطالبون بإغلاقه وقطع رزق صاحبه بلا عله ولاسبب مقنع .. بدال ماتكسبون الأجر على هالشي تراكم تجيبون نتيجه عكسيه على انفسكم .. صرتوا كـمن يحرم ما أحل الله بغير حق .. لو إننا مشينا على هالتفكير من كم سنه مضت .. ورفضنا التجديد والتغيير الحلال .. كان الحين حنا نروح لمشاويرنا على رجولنا بحجة إن السياره من اختراعات الكفار .. وكان بناتنا ونسائنا لا راحوا للمدارس ولا تعلموا ولا وصلوا للمكانه اللي وصلولها الحين بفضل الله ومنته .. قليل من الوسطيه يارعاكم الله.. ........................ أدري بيجيني انتقاد وكلام وقذف على هالرد .. لكن أنا قلت اللي عندي .. وأصلا ماسجلت بهالمنتدى إلا عشان هالموضوع وبمشي .. خوذوا راحتكم بالتعليق .. اللي بيرد علي بعقل ومنطق واحترام .. فـ له علي حق الرجوع والرد بكل أدب واحترام مثلما عاملني .. واللي بيقذفني ويتهمني بما ليس فيني إن شاء الله .. فـ أقوله خذ راحتك .. إن شاء الله إنه آآجر لي عند ربي واعذروني على خلط العاميه بالفصحى .. ترا عندي امتحانات مشيبه راسي .. ومدري وش قردني وطحت على منتداكم في عز انشغالي .. لكن ما أقول إلا الله يجعلها خيره..

\/
\/
\/

وعليكم السلام ورحمة الله وبركاته ،،

مشألله تبارك الرحمن

الله يوفقك في امتحاناتك ويخليك لأهلك اختي الغالية

كلام جميل بتباكي وشفقه على اهل المنظقة

رفع الله قدرك اختي الكريمة

سجيليني اول المؤيدين لكلامك ..

ياجماعة الخير لاتشمتون بنا العالم الموقع مسجل فيه اكثر من عشرة الآف عضو والزوار اكثر ومن جميع انحاء المملكة ويشوفون هالموضوع وردود بعض الأعضاء اللي تحوم التسبد

ياليت تكون ردودكم مثل رد الأخت الفاضلة رساويه اوبعض الأعضاء وهم للأسف قليل سواءً مؤيد او معارض المهم مزيد من التعقل والأحترام بالرد وبعيداً عن التطبيل او التطير بالعجة

وياليت اخوي ابو عبدالعزيز قارن بين المشاغل والملاهي والأسواق عموماً وبين هذا المقهى (النسائي)!!

بعض الردود التي ما انزل الله بها من سلطان فيها قذف على محارم المسلمين والسبب هذا المقهى (النسائي)!!


معقوله وبسبب موضوع مقهى (نسائي) يعطيك الحق انك تقذف بنات المسلمين التي ربما تكون من قذفت اختك او قريبتك !!


كفانا الله واياك شر هذا الرد!!

ماهكذا يكون انكار المنكر اذا هناك مايستدعي لأنكاره فما بالك لو يكون الأنكار على غير منكر !!

من لديه معارضة اتمنى ان تكون بعقلانية واحترام للجميع (القراء،الزوار،الأعضاء،او صاحب المقهى)

حتى اذا هناك فائدة ترجى ممكن تقبلها اما ان تكون معظم الردود تجريح فما اعتقد ان نجني فائدة..

عذراً لك صاحب المقهى عذراً لك ايه القارئ الكريم عذراً لجميع من مسسناهم بأذى من رد بعض الأخواة الكرام


اخيراً اختي الفاضلة رساويه بأسمي واسم جميع الأعضاء والمشرفين ندعوك للبقاء معنا في هذا المنتدى العظيم فبأمثالك نرتقي ونعلوا

وشكراً لكم
وفقني الله واياكم لما يحبه ويرضاه

تقبلوا فائق ودي واحترامي

اخوكم وحـــداني