|
|
|
|
||
ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
|
أدوات الموضوع | طريقة العرض |
16-08-2002, 06:07 AM | #1 |
عـضـو
تاريخ التسجيل: Apr 2002
البلد: السعوديه
المشاركات: 107
|
قصة مؤلمه لبنات في المنطقة الشرقية
ا
لسلام عليكم ورحمة الله وبركاتة هذا الموضوع من شهرين صار في منطقة الخبر بالمنطقة الشرقية وكنت على موعد مع صديقي على العادة كل اربعاء يمرني بعد صلاة العشاء نتمشى الى الساعة عشر ونتعشى وبعد العشى نمر نستأجر افلام ونروح البيت ونسهر عليهم الى صلاة الفجر وفي هذا اليوم اختلف البرنامج تماماً مرني صديقي وطلعنا وسوالف وقال بمر السوق اللي هو شارع السويكت قلت له لا تروح هناك قال يا رجال نتفرج لاحول قلت اليوم اربعاء وزحمة واكيد فيه هيئة قال وش علينا كل العالم تروح المهم رحنا دخلنا السوق وكان مزحوم وكانت الهيئة موجوده وبشكل كبيرة اكثر من سيارة المهم أخذنا لفة وحدة وكان قلبي مش مرتاح قلت فيه شي او راح يصير لنا شي وانا من النوع أحس اذا فيه شي ودايم سبحان الله يطلع احساسي صحيح المهم وحنا في اللفه الثانية رحنا مع شارع كله خياطين وهناك لقينا سيارتين للهئية واقفين متخفين بعيد وكأنهم يراقبون احد المهم قلت لخويي قلبي قابضني فيه شي بيصير لا تترك الشارع هذا خذ لفة ثانية المهم وحنا في اللفه الثانية الا الشارع فيه زحمة وصوت كلام عالي ومانشوف شي سيارات زحمة والسيارات واقفه قلت افتح الباب واوقف المهم فتحت الباب ووقفت لقيت واحد من الهيئة يصارخ على اربع بنات ووحدة منهم هي اللي تصارخ عليه وتتكلم معاه وشوي وهو يقول لها ما اقدر امد يدي عليك خليها تجي بالطيبه وهي تقول انت خليت فيها طيبة المهم قال شغلك معاي قالت له البنت اسبق خيول ابوك اركبه واذا انت رجال الحقني المهم ركبوو السيارة وهو يقول لأخوياة وراهم ولا تتركونهم وقمنا حنا لفينا يمين ورحنا نتفرج طلعت السيارات اللي شافت الزحمه وانطلقت السيارة اللي فيها بنات ومسرعين على الكورنيش ووراهم سيارتين حقت الهيئة وحنا ومعانا سيارات زحمة نلحقهم المهم السيارات في سرعة عالية مرة وهنا يبان لنا انها مطاردة ياساتر على السرعة وانا خويي الغبي اقول هي السرعة وانا خايف من جد لان صديقي اندمج وهو يلحق السيارات وانا يا فلان اتركهم وش علينا منهم وهو هذا تخصصه يحب يشوف علشان العالم كلها تدري صاير(واس) المهم وحنا وراهم وجاء الدوار الكبير حق الكورنيش وكل السيارات مسرعين والسيارة اللي فيها البنات اول سيارة في المطاردة وشوي وفي الدوار يالله سرعة جنونية وسيارة الهيئة وراهم نفس السرعه وقرر يجي جمبهم سواق البنات تفجئ من جد وشوي الا هو فوق الدوار وتنقلب سيارة البنات ومن جمب الدوار وتنقلب وتطلع من الجهة الثانية وهنا في بنت من قوة الانقلاب طلعت من السيارة بدون عباء واخيرا وقفت السيارة بعد اربع قلبات وسيارة الهيئة صدم في الدوار ولا انقلب وانا هنا وقف شعر راسي وجاتني مثل الدوخه وخويي وقف سيارته نزل قلبه قوي وانا قلبي قوي بس منظر البنت سبب لي مشكلة لمدة سنة تقريباً اذا ذكرت الموقف المهم شوي ونزلت ورى صديقي وعاااااااااالم واقفين واللي يسوق سيارة الهئية واقف منبهر يبكي وحاط يدينه على راسه وبعض الشباب جزاهم الله خير يبون يشيلون البنات قمت انا وكم واحد غطيناهم ما ندري هم أحياء أموت وبالصدفه نزل واحد كان مع زوجته وولد صغير طلع دكتور وجاء مسرع وبقلب قوي وقام يكشف على وحده وحدة ويمسك يدها ومن بنت الى بنت واخر شي راح للبنت للي طلعت اثناء الانقلاب وقام من عند البنت ووقف الدكتور والعالم كلها تناظر فيه ونزل راسه قال الله يرحمهم هنا العالم انبهرت وترحمو عليهم وقمنا وغطيناهم بعض ما كشف الدكتور وشوي الا جاء واحد يطالع في سيارة البنات يمين شمال وراح من هنا ومن هنا وراح وشاف رقم اللوحة وقام يبكي قال له واحد تعرفهم قال لا يقربوون لي قال له تعوذ من الشيطان يمكنك غلطان قال لا يقربوون لي قال اكشف على وجيههم قام كشف على وجة بنت بنت من وحدة الى حدة وعرفهم طلعو البنات الاربع :- وحدة بنت السبيت0 والثانية بنت الهاص0 والثالثة بنت الديمن0 والرابعة بنت الشيرية 0 بنات ورقة اللعب حقت البلوت !!!!!! ******************************(((منقول)))))*******
__________________
تفضلو بزيارة منتدى الشقة ...................حيااااااااااااكم http://www.shiqah.com/vb :41 :41 :41 |
16-08-2002, 06:33 AM | #2 |
عـضـو
تاريخ التسجيل: Mar 2002
البلد: بريده2002
المشاركات: 447
|
حرااااام عليك يا شيخ شوي وابكي.
__________________
سذاااجة أطفال الحلق .. تلاميذ زاد المعاد وطلعة الأربعاء إستفزتني للعودة |
16-08-2002, 09:21 AM | #3 |
عـضـو
تاريخ التسجيل: Jun 2002
البلد: ................
المشاركات: 1,353
|
الله يقطع بليسك
أنا احتريه يقول هذي اختي وهذي بنت عمي طلعن بنات البلوت بصراحه منفعل مع القصه لكن الحمد لله انها طلعت كذب ......... ولا عمرك تعودله ............ ههههههههه ا ل ش ا م خ
__________________
إهداء من الأخ الغالي والعزيز : عاشق بريدة |
16-08-2002, 11:01 AM | #4 |
.. وللشطوب نكهة و نكهة ..
تاريخ التسجيل: Feb 2002
البلد: هناك
المشاركات: 16,085
|
الوايلي 2002
لاعمرك تقص ... لا لاعمرك تحسي ومطارد وبنات وهيئه واخرتها !!!!!!! يامنسم شديتنا معك
__________________
. . . .. قلب البحطلة ينبض .. ينبض ينبض ينبض .. . |
16-08-2002, 12:17 PM | #5 |
عـضـو
تاريخ التسجيل: Apr 2002
البلد: الجزيرة المحمدية
المشاركات: 677
|
رد
الله يجزاكم بالخير ؟؟؟؟
مو معقول شوهتوا الهيئة بقصص ما هي حقيقة؟؟؟؟؟ الوايلي 2002 أخي لو سمحت أحذف أسم الهيئه فيه كثير لا يقرألا الموضوع للنهايه ويقص القصة بنهايه من خياله لغيره من البشر ؟؟؟؟ هم الهيئة ناقصين مثل خزعبلاتكم ؟؟؟؟؟؟ الله يرحم والديكم لا تكتبون بأسم الهيئة قصص تنكيت؟؟؟؟؟ وجزى الله الجميع بكل خير؟؟؟؟؟؟ نريد من يلمع دور الهيئات وانت ......... سامح الله الجميع؟؟؟؟؟؟ واللهم أنصر أخواننا المجاهدين في الشيشان وكشمير وأفغانستان والفلبين وفي كل مكان """""" اللهم آمين """"""
__________________
الروس تحفر قبرها بشمالها لأن يمينها قد شلها خطاب """""""""" الله أكبر """"""""""" |
الإشارات المرجعية |
|
|