[مدحت شوقي بريده]

هلا بالبي الهوجاااااااااااااس ..
ماشاء الله عائلة الهوجااااااااس كله هنا ..
هوجااااااااااااس ببنت بريدة .. وانت عندنا هنا .. :D

اقول يالبي المشكلة بعض النااااااااااس خلاااااااص مايعرفون معنى الصدااااااااااااااااااقة ..
الصداقة للمصلحة وبس .. قليل ماتلقى أصدقاء حقيقين ..

وعلشاااااااااان ماأعمم .. والله يافيه ناس بهالمنتدى ..
صداقتهم تشرى بالملاااااايين ..
ومايحتاج أذكر اسماء .. هم عارفين أنفسهم ..
صداقتهم صداقة فيها رجولة وإخلااااااااااص ومحبة ونصح وتضحية ..
الله يارب بخليهم لعيون ترجيهم يارب ..

اما بعض النااااااااااااس ماودك تصدااااقه يابعدي ..
تدري ورااااااااااااه .. ابقولك هاللحين ..

اقتباس 1-قابل أصدقاءك دائما بوجه مبتسم، وابدأهم بالسلام والسؤال عن حالهم إذا التقيتم.

يالبي او تسوي تسذا .. قالو وش هالسبيكة اللي ماغير يمشي ويسلم .. وإن سألت عن أحوالهم قالوا ملقوف ..

اقتباس 2-أجب دعوة صديقك دائما إذا دعاك لأي مناسبة، وكن أول الحاضرين وقدم له المساعدة إن احتاج إليها

علشااااان يقول وش هالنشبة هذا .. مايمدين احتسي الا هو داخلن قبلي للمجلس ..
يالبي رضاء الناس غاية لاتدرك .. إن قدرتهم ولبية دعوتهم قالوا هذا ماعنده شغال فاااصي .. وبلشة ..
وإن مالبيت الدعوة قالوا شايفن نفسه ..

اقتباس 3-شاركه في همومه وساعده في حل المشاكل التي يتعرض لها.

يابعدي أنت والله ياأنت طموح بعد .ز اجل تبيه يقولك وش مشاااااااكله .. هع ..
تبيه يسألك وش همومك ويحوس مريرك الا قلي وش بك وراك تسذا والله إن تعلمن ..
همن إذا علمته قال إيـــــــه .. الله يعين هذي الدنيا ..
يعني يبي يعرف المشكلة بس لقافة وشرافة .. وإلا الحل بقليط .. ولاتحلم بوه ..

اقتباس 4-إذا عطس فقال (الحمد لله) فقل له (يرحمك الله).

قسم بالله إني وأنا اكتب هذالكلاام عطست .. :D
بعدين وين تبي هذي .. شكلك كنت تكتب موضوع عن تشميت العاااااااااطس وخطمت هذي ..
وإلا وش السالفة ..
يعني علشان أصير صديقة صح .. إذا عطس اقوله يرحمك الله .. ممممممممم يبي له تفكير هذي ..:D

اقتباس 5-إذا اعترضه عارض صحي فأسرع إلى زيارته ومواساته، وادع له بالشفاء.

صح .. زيارة الصديق ياناس ابلغ من زيارة اقرب قريب لك ..
لإنك تحس إن القريب لك واجب عليه زيارتك ..
أما الصديق فصراااحة إنه يحسسك بقيمتك ..
بس وشلون اواسيه .. قصدك إن بعض المرضى يصير منقلب على جنب همن اواسيه ..
<<((== يستهبل الصعيدي لاارجده بطراق انثر سنونوه ..

اقتباس 6-انصره بالحق والمعروف إذا كان مظلوما، وإذا كان ظالما فحثه على عدم الظلم وامنعه من فعله بالنصح والتوجيه.

كلااااااام سليم .. وهذا معنى الصداااااااااااااااااااااااااقة الصحيح ..

اقتباس 7-إذا تكلم فيه أناس وانتقصوه فدافع عنه، بما تعرف عنه من الحق والمعروف.

يالبي بعضهم عسااااك تسلم منه إذا تكلموا قدامه عنك النااااااااااااس ..
يادافع البلى تقول مايعرفك .. يسكت ولا يهرج .. هذا إذا ماطب معهم وصلخ جلدك ..

اقتباس 8-إذا أخطأت عليه فاطلب منه العفو، وإن اعتذر هو إليك فاقبل عذره وسامحه.

تمام عليك يالبي والعفوا والصفح من شيم الكرااااااااااااام ..
بس إذا دبل تسبدك .. وانت تسامح .. وش السواااااااااااات ..

اقتباس 9-لا تفتش عن عيوب أصدقائك ولا تدقق في تصرفاتهم ولا تثر الشكوك والأسئلة حولهم.

لاتفتش في عيوب اصدقائك .. <<((== احسبك تقول لاتفتش في جيوب أصدقائك .. قلت وين يبي الحبيب ..
يالبي اللي يدقق يبي يتعب .. وخذه من واحد مجرب .. سقها بس وقزز ..

اقتباس 10-إياك والحسد، وهو أن تتمنى زوال نعمة عن الآخرين، فإنه يأكل الحسنات كما تأكل النار الحطب.

يالبي إذا فيه حسد .. يعني مافيه صدااااااااااااقة ..
يعني مااقول صديقي حاسدن .. لإنه اصلن مهوب صديقي هاللي حسدن .. ويتمنى زوال نعمتي .. هذا عدوي .. الله يخلف ..

اقتباس 11-لا تتشاجر مع زملائك ولا تسبب لهم المضايقات والإحراج.

لاتتشاجر وشلون .. وش معناها .. لاتتشاجر يعني لاتصير شجرة ..
مثل لاتستدلخ يعني لاتصير دلخ صح ..
:D :D :D

والله ياهي رهيبة لاتتشاااااااجر .. احس إنه هوشة منظمة .. يعني يلبسون ثياب زينه ويتهاوشون على شوي شوي .. ويتصافقون كفوف بالدور ..

اقتباس 12-لا تسخر من الآخرين في شكلهم أو خلقهم أو تنتقص من أقدارهم.

صدقت ..


وسلااااااام ائليكم يالبي ..

سي يو ..