[ولد_الصفراء]

نعم نطالب بمنع سفر السعوديين لسوريا ... مثل ما حدث مع تايلند .. حيث قطعت السعودية العلاقات مع تايلند واغلقت السفارات ومنعت الزيارات لاكثر من 10 سنوات بسبب قيام احد الجاليه التايلنديه بسرقة مجوهرات احد الامراء السعوديين ومن ثم قتل اثنين من الدبلوماسيين السعوديين في بانكوك ...
والملاحظ انه منذ تأزم العلاقات السعودية السوريه قبل سنتين .. بعد وفاة الحريري .. والسعوديين يتعرضون لجرائم عدائيه منظمة وبتجاهل واضح ومتعمد من السلطات السورية حيث تطالعنا الاخبار كل يوم بجرائم قتل واعتداء وسرقه وخطف ..

والعجيب ايضا .. هو تجاهل واهمال السلطات السعوديه وسفارتها في سوريا لما يحدث للسعوديين هناك .. مما جعل السوريين يتمادون بجرائمهم واعتداءاتهم المنظمه ضد السعوديين ...

[ام حكومي]

يا ليت والله يحصل هالشيء

وبالذات هاللي يروحون للزواج منهم وكن ديرتنا ناقصة حريم وبعدين شوفوا وش يحصل من المشاكل والبلاوي من ورا هالزيجات

[اخو دريحم]

نعم نطالب بمنع سفر السعوديين لسوريا فقط في الصيف اما في الشتاء نقول مايخالف

[almelta3]

يا اخوان تحسبون المسأله لعب عيال امنع ولا تمنع

هذه سياسة دول وهم يقررون مو احنا

وانا ما اشوف فيها شي يمنع السفر

والي يقول يمنعون يمنع نفسه ولا يروح

والي يتكلم عن المشاكل فاكثرها كان للخليجيين سبب ورائها يعني جنى على نفسه

اما الاخت ام حكومى//

انا اذا بتزوج من هناك شي راجع لي وما راح احد يمنعني منه ما دام هو في بالي
وصدقيني محد بيتزوج من هناك الا لانه ما حصل راحته هنا يعني المشكله عندكن

اما الاخ اخو دريحم //

تخاوين هالصيفيه لسوريا

اذا انت ما تحب سوريا يا اخي منت ملزوم تروح لها خل الناس يروحون وينبسطون

لا تحرمهم حلاوة الصيف في سوريا

هذه نقطه والنقطة الثانية لو منع السفر الى سوريا وهذا مستحيل حاليا

ترى فيه دول غير سوريا

[اخو دريحم]

الاخ الملتعاع
ابوصيك اان تتقي الله بسفرك الى سوريا
انا شخصيا مااحب سوريا ولالبنان ولامصر خلونا ببريده. يحول يلي ماله بريده

[(موحد)]

.


لماذا يمنع السفر .؟؟

.
.
"فالسفر منافع عديدة ومشهودة من المجتمع "
ويؤلمنا قطع السفر

أرجوا التعقل والنظر في العواقب
.......
...
.

..

[اخو دريحم]

الاخ موحد
نعم أرجوا التعقل والنظر في العواقب وعدم السفر لسوريا لان له عواقب وخيمه

[almelta3]

كلن يشوف الناس بعين طبعه

دريحم انت الحين ما تبي الناس يسافرون لسوريا وش فيك عليهم

يا اخي كل واحد حر بتصرفاته وكل واحد له عقل ويعرف الصح من الخطأ

منت ولي امري ولا امره تمنعنا من السفر واعتقد هذه حرية شخصية

وليس لأحد الحق في التدخل فيها واذا انت تشوف فيه مشكله بالسفر هناك لا تسافر وانتهت المشكله

بعدين ليش مركز على سوريا بالذات ليه ما اضفت معها لبنان والمغرب والبحرين بعد

انا مدري وش مسوين لك أهل سوريا ؟؟

[almelta3]

اقتباس نعم أرجوا التعقل والنظر في العواقب وعدم السفر لسوريا لان له عواقب وخيمه

ممكن تذكر لنا هذه العواقب جزيت خيراً ؟؟

[@صاحبه السمو@]

اقتباس المشاركة الأساسية كتبها ام حكومي يا ليت والله يحصل هالشيء وبالذات هاللي يروحون للزواج منهم وكن ديرتنا ناقصة حريم وبعدين شوفوا وش يحصل من المشاكل والبلاوي من ورا هالزيجات

ياليت كل الرجال ييفكرون نفس تفكيرك الحين بدو يعايروننا
بهن المشكله إنهم يحوسون ويدوسون ولا ياخون إلا من بريده وبعدين لاتفكر إنه يوم أخذتك حبا بك والله إنه مادرت عنك لاكن تدري وش يبي يجيه من الدلال ليتكم تفكرون صح قبل ماتقررون
أنا أايدهم

[ولد_الصفراء]

سبق - خاص :
فقد رجال أعمال سعودي كل ما يملك من أموال وأروق ثبوته تؤكد هويته السعودية بل أن القدرة الإلهية حمت ابنه بان يكون ضمن ما فقده أو سرق وذلك بعد تعرضه لحالة سرقة بالإكراه.
بدأت القصة عندما نوى رجال أعمال سعودي مقيم في محافظة رفحاء التوجه إلى جمهورية سوريا في رحلة عمل وذلك بسيارته الخاصة وهي لند كروزر موديل 2007 وكان يرافقه ابنه في تلك الرحلة.
وفي طريقة إلى موقع العمل توقف في أحد المحطات لأخذ شاحن جوال إلا أنه كان هناك 6 أشخاص ملثمين استوقفوه واجبروه على أخذ سيارته وما بها واستثنوا منها ابنه حيث قاموا برميه على قارعة الطريق من الجهة الأخرى.
بعد ذلك لم يجد رجال الأعمال السعودي حلا إلا التوجه إلى مقر السفارة السعودية والإبلاغ عن ما حدث له في موقف ميئوس من رجوع ممتلكاته. بدورها قامت السفارة السعودية باتخاذ الإجراءات اللازمة وتم إبلاغ الجهات الأمنية في سوريا من أجل الحث عن السيارة وما فقده بها ان وجد منها شيء.
وتعتبر جمهورية سوريا من أكثر الدول التي يقصدها الخليجيون إما للعلاج أو السياحة أو للأعمال إلا أنهم يتعرضون للسرقة والاحتيال والتي عادة ما يروح ضحيتها المواطنون الخليجيون وبدون أن يجدوا أي رد ايجابي حول تلك السرقات.
من جهة أخرى قام رجل الأعمال السعودي بالاتصال بذويه وطمئنهم على وضعه الصحي والأمني هو وابنه وأكد على ايجابية تعامل السفارة السعودية مع الموقف بشكل سريع واني .
الجدير بالذكر إلى أن السيارة كان بها جميع أوراقة الثبوتية وبطاقات الصراف الآلي ومبلغ عشرة ألاف ريال وأيضا جوازات السفر له ولولده والذي صعب عملية إثبات الهوية عند الجهات المختصة.

[abo suliman]

لك خيو . ليش تمنع السعوديين .. من زيارتنا ..
سوريا أرضهم .. سوريا مدينتهم .. سوريا برحتهم ..

يخزى العين يأبو صفراء ماهقيتها منيك ..


تمنع ولا ماتمنع ... كله واحد

[الؤلؤه البيضاء]

نعم نطالب بمنع سفر السعوديين لسوريا



شدعوى ياسمو وزير الداخليه

يابابا الي خلا منع السفر لبانكوك (تايلند) لانهم سرقو ذهب الامير....
وموعشان سواد عيونك...

تحياتي,,,

[الباخص]

السراحه ان الان النجديات مافيه مقارنه لهن باي جنسيه واي واحد يعرف ان الاجنبيه مستحيل تكون متحشمه 100% الانادرا لعدم العموميه فوش يخليك تاخذ احسن وحده محشمه مير بعض الرجال تلقاه ماء شاء الله بس عند هالسورياات لامامثلهن وقبائل وووووووووووالخ والا لو هي سعوديه كان وش اصله ومنين امه وكيف لبسه وووووو اسئله ماله احيانا داعي وتراهن والله ماجن عشان سواد عيونكم لها الفلوس بس كلمه وحده تذوبكم وانا اتحداكم يقدر واحد يعيش بلا سعوديه اتحدااااه وكم من واحد متحسف ولكن بعد ماجابت اولاد خلاص فات الاوان واي واحد ياخذ سوريه من المستحيل يلقى بعده سعوديه الا نادر فيمووووووت حسره