[المبتسم1000]

السلامو عليكو جميعا وصباح الخير

واحلى تحيه للشباب اللي يراجعون الحين او توهم مابعد خلصوا

وتحيه اقل منها للناس العاطلين والموظفين والمخلصين

منظر غريب دايمن اشوفه في شوارع المملكه

حرمه وحده تبي تمر وتقطع الشارع ماتدري الا اهل الشهامه كع فرامل ويخليها تمشي ولاعنده مشكله

والشعب اللي وراه المفروض ينتبهون في حالة استعداد احد الجنس اللطيف بالعبور

لان الخير مامات في الناس طبعا

القصه كالتالي :-

كنت مع صديقي في شارع الثلاثين وخابرين شارع الثلاثين وارصفته والسيارات سيد واحد بس

المهم وهو يمشي مادريت الا كع فرامل وشفيه الا يشر للحرمه عشان تمشي والبشريه ورا تضرب بواري ولاهمه

قلت وشذا كله قال ياخي الحرمه مسكينه خلها تقطع انا ماورانا شي نصبر عادي

انا في قمة استغرابي ماشاء من وين نزل هالادب

وتدور الايام والسنون واركب معه مرتن اخرى وانا نمشي في شارع وكان فيه رجال يبي يقطع

هو قريب للسياره مره يعني صاملن الا يقطع ، ولا تسمع الا كحوو ( هذي فحطة السياره من زود السرعه )

يعني خويي بالقوه الا يمشي وذاك مايقطع قلت وشفيك ليش ماخليته يقطع قال خله ابن الكلب يحترم السيارت
واذا بغى يقطع يروح عند اشاره ويمشي وهي حمرا قلت الله يالدنيا نسينا ذاك اليوم قال عاد هذيك حرمه ماله داعي تطول واقفه اما هالتمساح خله ينطق


انا قعدت اضحك لي برهتن من الزمن

وتقبلوا اجمل تحياتي

[..بريدة.. موطني...]

..علشان يعرفون العالم وامريكا..
......اننا نحترم المرأه ونقدرها وان لها حقوق خاصه عندنا ......

[الــنــهــيــم]

المرأة عزيزي المبتسم في الغالب تكون متحجبة وتمشي بهدوء وسكينة بدون التفات وتعجّل في الخُطى كذلك خروجها القليل ، بالإضافة إلا أنها تخاف من السيارات ومن قطع الشوارع بالخصوص ، كل ذلك أسهم في جعلنا نحترم المرأة أكثر في الطريق ونجعلها تمر بسلام ، فهي جوهرة مصونة ، ليست كالتمساح المشمر عن أنيابه ، الذي يقطع الشارع باليوم ستين مرّة وقد وضع يده على شماغه خشية أن يطير في الهواء !!!


واسلم لمحبك أبومعاذ .

[Osama2-2]

اقتباس المشاركة الأساسية كتبها الـنــهـيــم المرأة عزيزي المبتسم في الغالب تكون متحجبة وتمشي بهدوء وسكينة بدون التفات وتعجّل في الخُطى كذلك خروجها القليل ، بالإضافة إلا أنها تخاف من السيارات ومن قطع الشوارع بالخصوص ، كل ذلك أسهم في جعلنا نحترم المرأة أكثر في الطريق ونجعلها تمر بسلام ، فهي جوهرة مصونة ، ليست كالتمساح المشمر عن أنيابه ، الذي يقطع الشارع باليوم ستين مرّة وقد وضع يده على شماغه خشية أن يطير في الهواء !!! واسلم لمحبك أبومعاذ .

الـنـهـيـم الـحـمـد لـلـه عـلـى سـلاااامـتـي

امـاااا انـهـااا تـمـشـي بـهـدوء وسـكـيـنـة وبـدون الـتـفـاات << ذي بالـذاات كـثـر مـنـهـاااا

اسـتـاااذي والـلـه يافـيـهـن غـشـاااامـه ولااااااا مـبـلاااااة انـاااا اذا رحـت لـشـااارع الـصـنـاااعـة

احـيـاانـااا أمـشـي عـشـرة تـحـسـبـااا لـسـيـدة قـد تـنـوي الـذهـااااب لـمـرووج الـزهـووور <<

دعـاايـة مـجـاانـيـه والـلـه لـو يـسـمـع كـلااامـي وزيـر الـتـربـيـة والـتـعـلـيـم يـنـزل

مـااادة او يـسـووون أسـبـوع تـعـريـفـي كـل تـرم دراسـي فـي الـتـوعـيـة الـمروريـة

لـلـجـنـسـيـن ..:

،
،

[حرف جر]

المرأة ضعيفة ..................

[الؤلؤه البيضاء]

السلام عليكم...

كما قال افضل البشر صلى الله عليه وسلم ( النساء كالقوارير ... او كما قال عليه السلام

[FIRE ON FIRE]

المرأة المتحشمة تقدر ولها مكانتها وكيانها في المجتمع

[الـصـمـصـام]

..


روى الحاكم و غيره عن أبي هريرة - رضي الله عنه - قال: قال: رسول الله - صلى الله عليه وسلم -: (إني أحرج عليكم حق الضعيفين اليتيم والمرأة) قال الحاكم : هذا حديث صحيح على شرط مسلم ولم يخرجاه .
ومعنى ذلك : أن النبي صلى الله عليه وسلم يلحق الإثم بمن ضيع حقهما ، وحذر من عاقبة ذلك تحذيراً بليغاً ، وقال صلى الله عليه وسلم : ( استوصوا بالنساء خيراً )متفق عليه .

[مسافر بلا عنوان]

أغلب الناس ياقف للمرأة وأما الرجل دور أحد ( مو عشان يطالع فيها / بس كذا من الله وشلون ماأدري)

[الـصـمـصـام]

اقتباس أغلب الناس ياقف للمرأة وأما الرجل دور أحد ( مو عشان يطالع فيها / بس كذا من الله وشلون ماأدري)

سجل عندكـ واحد يسويها دائماً ..

[fahooody]

والله اذا الشارع مخصص للمشاة وقفت
واذا مخصص للسيارات مشيت .. سواء حرمه او رجل
انا اقول انهم كلهم أوادم .. يعني كيف نحترم المرأه والرجل لا ؟
هذا رايي .. وأظن أن الوقوف عند الأشاره وبس ..!!

[بريداوية بالرياض]

اقتباس المشاركة الأساسية كتبها حرف جر المرأة ضعيفة ..................

وش دخل الضعف بقطع الشارع ؟
أي كائن حي لوه رجلين يقدر يقطع
حرمه ولا شاكوش

والله انتم الضعوف اللي تضيع علومكم ان شفتو عباة

[وحيد الخلان]

اقتباس أغلب الناس ياقف للمرأة وأما الرجل دور أحد ( مو عشان يطالع فيها / بس كذا من الله وشلون ماأدري)

والله انا اسوي تسذا بتله ياخوي ترحم المرأة ,,

لكن حريمنا بهن تنسييييم يعني تقطع الشارع والقاعدة عنده أنه تمشي والناس ياقفون له يعني ماهيب هي اللي تاقف وعادي تحاجر انت وواحد بالسيارات علشانه

[قرناس]

ولذلك قليل تلقى حرمة داعسته سيارة على عكس الشباب والشياب وعامة الذكور ,,
أنا من ناحيتي أوقف لأني أحس أن الحرمة ضايعتن طاسته ومقتلب راسه بهالسيارات
وصعبة أنه تركض من شارع لشارع زي الرجل لأنه متوشحة العباية وعليه الكعب
خطر لايعكرفله فمن بذل المعروف أنك تخليه تمشي ....
بس أهم شي لابغيت توقف أنك
تسايس الفرامل يعني لاتكع عشان مايخمك اللي وراك وتقول الله لايعيده ليتي ماوقفت ..