[سطل قرع]

ياسر بعيداً عن موضوعك الإستفزازي بالدرجه الأولى ..

أحب إني أوضح وجهة نظر خاصه بي ..

اولاً الكوره العالميه حالياً تعتبر فتنه لأي شخص .. ولا اخفيكم والمسأله مهيب مجاهره بقدر ماهي عرض خبره عن هالموضوع ..

وأنا إذا قلت فتنه أقصد إن الكل صار يناظر هاللاعبين ويخق بمعنى الكلمه .. بما ان الكوره عندنا تحوم التسبد ..

والواحد الزم ماعليه انه يشوف كوره جذابه .. الكوره العالميه صارت الحين سهله الدخول على كل بيت .. يعني قليل من الناس اللي ما تلقى عندهم كرت الجزيرة الرياضيه .. وهالشيء مشهور ولا ابي ادخل بسالفه انه حلال او حرام .. لكن

سالفه إنك تقول ان اللي يناظر هالامور فاسق وتبدأ تدخل موضوع الولاء والبراء بالمسأله أنا اشوف انه مهوب منطقي .. صحيح إن بعض الشباب وهم شواذ .. صارت المسأله عندهم ولاء وبراء .. بمعنى إني أكرهك أنت يا أخوي المسلم علشانك ماتحب رونالدينيو .. وأحب رونالدينيو اكثر من اي شيء له علاقه بالدين ..

المهم اقول ان التفسيق بمجرد مشاهده هالمباريات أمر خطير .. والواحد إذا كان يبي يتكلم لازم يتكلم عن واقع ولا يدعي المثاليات .. إذا أنت تشوف ان هالامر ما يسويه الا الفسقه .. فياليت تشوف لنا بديل ..

يعني لاتحرم الناس عن الاستمتاع بهالدنيا .. أو إنهم يكونون فسقه .. على العموم الكلام يطول حول هالامر .. لكن حبيت أوضح اللي عندي .. وياليت كل واحد ينزل للشارع ولا يتكلم من برج عاجي ..