[Shawly]

السلام عليكم ورحمة الله وبركاته

هذي بعض المواضيع اللي أشوفهن مكتوبات في منتديات بريدة ((ولا أخصص على هذا المنتدى))

مادري أحس اللي يكتب هالمواضيع ناس فاضيه ماعنده لا شغل ولا مشغله

ماغير بجاحه وتكثير مشاركات بنفس الوقت

وهذي أمثلة على المواضيع ((وتراها من راسي كل الأمثلة))

----------------------------------------

أسم الموضوع >>> كـارثـة فـي بـريـدة

يا أخوة هل تصدقون أن في بريدة التي لطالما سمعنا عن أهلها بالحشمة والأخلاق العالية

أني لقيت أثنين يمشون لابسين جنز تصدقون عاد

ولا وكل واحد معه جوال ويكلم

تصدقون عااااد



----------------------------------------

أسم الموضوع >>> إختلااااااااااااااااااط في بريدة إنا لله وإنا إليه راجعون

ياشباب

تصدقون دخلت أنا وأهلي مطعم في بريدة حاطينه عوائل ومن خلف المطعم بالشارع الجنوبي شباب

وأن الطاولة بجنب الطاولة الثانية مابينهم الا جدار <<< يبي الفاصل خندق

وأكلهم ما أعجبني

أتمنى أن البلدية تشوف حل مع هالمطعم وتسكره



----------------------------------------

أسم الموضوع >>> إرهابي في بريدة صدق أو لاتصدق

أنا شفت سيارة عند بيتنا موقفه لها أسبوع وأعتقد أنه إرهابي

وبلغت الدوريات وقالوا هذا واحد متعطل بالطريق ودخلها بالحارة عشان ماتنصدم

أنا بصراحة ماصدقتهم أشك أنه إرهابي



----------------------------------------

أسم الموضوع >>> قلة حياء في أسواق بريدة

طلعت أنا وأهلي إلى السوق

ولقيت واحد مع أهله يناظر على عائلة جالسين قباله يبعدون أربعين متر

تصدقون أنه قليل حياء

وترى المكان اللي جالس فيه

فيه ألعاب للأطفال وأنا ما أعتقد أنه يناظر الأطفال شكله يناظر الحريم

أدخل على الله



----------------------------------------

أسم الموضوع >>> مطعم في بريدة يسبب التسمم

تصدقون أنا أكلت من هالمطعم وجلست أسبوع مافيني شي

الا ويطلع بي وجع ببطني وشكله من هالمطعم حسبي الله عليه

السالفه له 3 سنوات

وببلغ البلدية عشان يسكرونه



----------------------------------------

أسم الموضوع >>> صليب في بريدة أعوووووذ بالله

ببريدة

تصدقون عاد

ببريدة

فيه أرصفة شوارع بريدة بشارع الفلاني

لو تشيل الشجر اللي بالوسط وتعدل الرصيف الشرقي وتكسر شوي من الجنوبي

تصدقون يطلع صليب صريييييح

أين عقولكم يا أهل بريدة

وشلون تسكتون عن هالموضوع



----------------------------------------

أسم الموضوع >>> بقالة في بريدة تعلم شبابنا وأطفالنا الفساد

دخلت بقالة أشتري أغراض

الا يجي واحد كبير يشري دخان من راعي البقالة

أنا خفت بعدين يبيع على بزراننا <<< ماشاف راعين الأدوات النحاسية

وأبشركم بلغت الهيئة

وان شاء الله قريب يسكرونها



----------------------------------------

هذي المواضيع الصراحة اذا شفت مثلهن بهالمنتديات

أنه تحوم تسبدي

ودي أفجر باللي كاتبهن

بصراحة عقول تحتاج لصيانة الحمد لله والشكر

وأنا ببلغ بيل غيتس يسكر منتديات بريدة كلهن <<< باخذ طبعهم اللي مايجوز لي أسكره

الظاهر لو يسمع هرجهم ذولا تسان قعدنا على الحديدة

وأنتظر ردودكم







مع التحية...

[شرقوي]

شكراً الي ( ياعين هلي من دموعك دم ) علي هذة الكلمات والموضوع التي تكلمت عنه لابد من مراجعة له وتصحيح ماهو واقع علي الساحة بكا ماتعنيه المعالجة

[بائع الورد]

Shawly
اولا شكرا علىالموضوع
ولا اعتقد انك مشغول هذه الساعة وفرغت نفسك لكتابة هذا الموضوع !!!
اتمنى ان تعيد النظر في رايك في هذه القضية من النواحي التالية "
اولا المنتديات ::: تعتبر احدى القنوات الامانة التي يستطيع الشخص ان ينفس عن ما في داخلة .
ثانياً الامكانيات :: اعتقد ان امكانيات الجميع تختلف عن البعض فقد تكون قضية ما بالنسبة لي مهمة جدا وبالنسبة لك لا فلا يعني ذلك ان لا تطرح في المنتديات فبامكانك تجاهل قراءتها مثل ما انا بامكاني طرحها ويجب في الاول والاخير احترام افكار الاعضاء.
ثالثاً : اكثر المواضيع التي ذكرتها في الساحة المفتوحة مما يعني ذلك حرية الكتابة ..
رابعا: معرفة مايدور من حولنا واظهار للاخرين سر نجاح المجتمعات ، فاختلاف المواضيع واختلاف الاقلام باعتقادي تنمي الفكر ولو كان هذا الشئي يصير ببطء فلا يعني ذلك ايقاف تلك الكتابات.
اخيرا : تقبل مني باقة ورد ولا تنساني من دعائك في هذا اليوم الفضيل .

[أبونادر]

هل تريد من الجميع أن يكون نسخة طبق الأصل من تفكيرك أنت ترى هذه غير مهمة ومضحكة غيرك يراها مهمة

أخي تفتح قليلا لا تكن منغلقا كل ما لا تراه يناسب تفكيرك تعتبره تخلف ومضحك ومضيعة وقت وسخف.....
هذا تحجر وها أنت وقعت في شر من ما فررت منه
تحياتي
أبونادر

[Shawly]

شرقوى

مشكور على مرورك

بائع الورد

جزاك الله ألف خير وبالتوفيق

أبونادر

لاتكن متغلقاً وهاااااا قد وقعت في شر من مافررت منه

هههههههههههههههههههههههههههههههههههههههههههههههههه ههههههههههه

هههههههههههههههههههههههههههههههههههههههههههههههههه ههههههههههههههههههههه

هههههههههههههههههههههههههههههههههههههههههههههههههه هههههههههههههههههههههه

أبونادر الله يرحم والديك شكلك من قوم هاللي قلت عنهم أنا

وللمعلومية مب واحد ولا أثنين اللي سبو هالحركات اللي يشوفونها بهالمنتديات

وبعدين أنت ليش تفكيرك قاصر

وش دخل أني أبيهم يصيرون نفس تفكيري هههههههههههههههههههههههههههههه

لكن أنا مثل ماقلت لك ما أشره عليك للأسف

وتراك وقعت بشر من مافررت منه هههههههههههههههههههههههههههههههههههههههههه

ملاحظة:: نرجوا من الجميع التفتح وعدم الإنغلاق وشكراً







مع التحية...

[أبونادر]

عفوا يا مثالي نأسف بأن لوثنا ناظريك بحروفنا

يا خي أهم شي الأخلاق وش أزعلك غصب بعد أعلق شيء يوافق هواك

أقول بس على الضحق انتبه لا يطق بك عرق

قال إيش قال مثالي أقول دن بس هناك

حلوه قولك قوم هاللي قلت عنهم أنا أقول تسيف الحال

[ابونجديه]

وعليكم السلام ورحمه الله وبركاته

هلا والله وغلى بالشاولي

والله اني ودي اسوي اقتباس لكل موضوعك
لأنه كله مع الاسف واقعي جداً

ومع الاسف مره ثانيه انك تلقى بعض الشباب يأيد هالمواضييع اللي تستحي وانت تقراهن

لأن المنتدى مهب بس لبريده

يعني زي مانتم عارفين هالوقت كلن له اصدقاء بالماسينجر من برى القصيم

وودك انك تدعوهم الى تصفح المنتدى واخذ الفائده منه

ولاكن تنحرج اذا لقيت مثل هالمواضيع اللي مادري وش تبي

وودي اني الاداره يعيدون النظر بمواضيع القسم الكش كو لي

على العموم الله يوسع صدرك مثل ما وسعت صدري بهالمواضيع

[بائع الورد]

اقتباس المشاركة الأساسية كتبها ابونجديه وعليكم السلام ورحمه الله وبركاته هلا والله وغلى بالشاولي والله اني ودي اسوي اقتباس لكل موضوعك لأنه كله مع الاسف واقعي جداً ومع الاسف مره ثانيه انك تلقى بعض الشباب يأيد هالمواضييع اللي تستحي وانت تقراهن لأن المنتدى مهب بس لبريده يعني زي مانتم عارفين هالوقت كلن له اصدقاء بالماسينجر من برى القصيم وودك انك تدعوهم الى تصفح المنتدى واخذ الفائده منه ولاكن تنحرج اذا لقيت مثل هالمواضيع اللي مادري وش تبي وودي اني الاداره يعيدون النظر بمواضيع القسم الكش كو لي على العموم الله يوسع صدرك مثل ما وسعت صدري بهالمواضيع

ابو نجدية
تقبل تحياتي
زاوية تستحق الوقوف عندها !!!
ولكن !!!
باعتقادي ان المنتدى يحمل اسم مدينة ويهتم بجميع المواضيع التي تخصها كذلك اهلها !!!
من الغير منطق ان يكون اهلها يمتلكون تفكيرا واحدا وتوجه واحدا لا سيما مثل بريدة والتي تعتبر من اكبر مدن المملكة اضافة الي تنوع سكانها وتعتبر العاصمة الادارية للقصيم مما يعني استقطاب الموظفين من جميع انحاء المملكة .
لو رجعت الي اكثر المواضيع المطروحة في الساحات المفتوحة لجميع المنتديات لوجدتها بنسبة كبيرة متشابهة باختلاف الموقع والحادثة .
اضافة الي ان اختيار اسم بريدة يعني انك تتحدث مع مجتمع فلا اعتقد من العيب نقل ثقافة مجتمعك للغير مهما كانت .
باعتقادي ان المنتديات التي تحمل اسم مدينة فليست معيار لقياس اهلها بكثر ما انك تتعرف على ما يدور فيها .
هناك المواقع الكثيرة التي تتبنى فكر معين او ثقافة معينه يرتادها اهلها .
اخيرا تقبل مني فائق الود والاحترام

[Shawly]

اقتباس المشاركة الأساسية كتبها أبونادر عفوا يا مثالي نأسف بأن لوثنا ناظريك بحروفنا يا خي أهم شي الأخلاق وش أزعلك غصب بعد أعلق شيء يوافق هواك أقول بس على الضحق انتبه لا يطق بك عرق قال إيش قال مثالي أقول دن بس هناك حلوه قولك قوم هاللي قلت عنهم أنا أقول تسيف الحال

أبونادر :D

وشلونك أبوي طيب

وش تحس بوه ؟؟

ان شاء الله مابك خلاف

الحمد لله






مع التحية...

[Shawly]

اقتباس المشاركة الأساسية كتبها ابونجديه وعليكم السلام ورحمه الله وبركاته هلا والله وغلى بالشاولي والله اني ودي اسوي اقتباس لكل موضوعك لأنه كله مع الاسف واقعي جداً ومع الاسف مره ثانيه انك تلقى بعض الشباب يأيد هالمواضييع اللي تستحي وانت تقراهن لأن المنتدى مهب بس لبريده يعني زي مانتم عارفين هالوقت كلن له اصدقاء بالماسينجر من برى القصيم وودك انك تدعوهم الى تصفح المنتدى واخذ الفائده منه ولاكن تنحرج اذا لقيت مثل هالمواضيع اللي مادري وش تبي وودي اني الاداره يعيدون النظر بمواضيع القسم الكش كو لي على العموم الله يوسع صدرك مثل ما وسعت صدري بهالمواضيع

بيض الله وجهك

ومن جد منتدى بريدة مثل ماتشوفون مسجلين فيه ناس من جميع مناطق السعودية

وناجح ماشاء الله

ويعتبر من أفضل المنتديات التي تخص مدينتها

ومشكور على مرورك






مع التحية...

[أبونادر]

أحب هنا أن أشكر Shawly على مواضيعه الهادفة ومشاركاته اللتي أنارت لنا الطريق في بريدة ستي من خلال ثلاث سنوات عمره فيها في كل عام يتمخض لنا موضوعا فمجموع مواضيعه ثلاث مواضيع موزعة على ثلاث سنوات فهو يجمع قواه الفكرية والعقلية سنة كاملة لكي يلد لنا موضوعا

ولا أنس موضوعه الرائع الذي لم يزل عالقا في الذهن وهو احتراق ددسن على طريق حائل

وأحب أعتب على أهل القصيم عامة وأعضاء بريدة ستي خاصة عن تغافل تكريم الأقلام المثالية ذات الأفكار النورانية أمثال Shawly فإنجازه يستحق أن يلتفت له فمن يصبر عاما كاملا يخمر موضوعه برأسه إلا أمثال Shawly المثاليين

أعذرك أخي لتهجمك علي فشرهتك لعدم تكريمك تستحق أن تتهجم علي

لا أنس أن أعطيكم رابط موضوعه حق العام الماضي لعل أحد (القوم اللي قال عنهم هو) يطلع عليه فيهدتي ويقتدي بفكره النير

http://www.buraydahcity.net/vb/showthread.php?t=80212

تحياتي
أبونادر

[الـراصـد]

اقتباس المشاركة الأساسية كتبها Shawly السلام عليكم ورحمة الله وبركاته هذي بعض المواضيع اللي أشوفهن مكتوبات في منتديات بريدة ((ولا أخصص على هذا المنتدى)) مادري أحس اللي يكتب هالمواضيع ناس فاضيه ماعنده لا شغل ولا مشغله ماغير بجاحه وتكثير مشاركات بنفس الوقت http://www.buraydahcity.net/vb/images/smilies/biggrin.gif[/img] وأنتظر ردودكم مع التحية...

لافض فوك أخي الكريم.....

المواضيع التي تفضلت بها وغيرها كثير بارك الله فيك بالمنتديات عامة هذا إذا العضو مانقلها قص ولصق ونسبها لنفسه دون الإشارة عليها بالنقل ....!!!!!!
ياكثرهم اللي يبون كثر المشاركات
أجل هل تصدق إن فيه واحد عندنا بالمنتدى منزل بوقت واحد 7مواضيع دفعة واحدة كلها قص ولصق وعاد تعال للردود وتشوف العجب العجاب مُجرد انه يسجل رد دون إضافة فكرة او تجديد مفهوم او طرح رأي

لكن الحمد لله يوجد في هذا المنتدى المبارك كُتّاب نقرأ لهم ونفتخر بهم ويجتهدون في طرح مواضيعهم فجزاهم الله كل خير ....

ولكن لاتقلق أخي الكريم ..........

قال الله تعالى ((فأما الزّبَدُ فيذهبُ جُفآءً وأمّا ما ينفعُ الناسَ فيمكُثُ في الأرضِ)).


(((الراصد)))

[Shawly]

اقتباس المشاركة الأساسية كتبها أبونادر أحب هنا أن أشكر Shawly على مواضيعه الهادفة ومشاركاته اللتي أنارت لنا الطريق في بريدة ستي من خلال ثلاث سنوات عمره فيها في كل عام يتمخض لنا موضوعا فمجموع مواضيعه ثلاث مواضيع موزعة على ثلاث سنوات فهو يجمع قواه الفكرية والعقلية سنة كاملة لكي يلد لنا موضوعا ولا أنس موضوعه الرائع الذي لم يزل عالقا في الذهن وهو احتراق ددسن على طريق حائل وأحب أعتب على أهل القصيم عامة وأعضاء بريدة ستي خاصة عن تغافل تكريم الأقلام المثالية ذات الأفكار النورانية أمثال Shawly فإنجازه يستحق أن يلتفت له فمن يصبر عاما كاملا يخمر موضوعه برأسه إلا أمثال Shawly المثاليين أعذرك أخي لتهجمك علي فشرهتك لعدم تكريمك تستحق أن تتهجم علي لا أنس أن أعطيكم رابط موضوعه حق العام الماضي لعل أحد (القوم اللي قال عنهم هو) يطلع عليه فيهدتي ويقتدي بفكره النير http://www.buraydahcity.net/vb/showthread.php?t=80212 تحياتي أبونادر

ههههههههههههههههههههههههه

ايه وانا قلت بالموضوع قاطعوا نيسان

وترى ببلغ عليها تتسكر

ههههههههههههههههههههههههههههههههه

أبونادر

الحين بصمت بالعشر

أنك من عقليات آخر واحد يدق الثاني ويعلم عليه بابا






مع التحية...

[Shawly]

أشكرك أخي الراصد على كلامك الثمين





مع التحية...