[بنت الشماسية]

السلام عليكم ورحمة الله وبركاته

هلا بصديقتنا مجموعة مشاعر (رئيسة الكشتة)

بالنسبة لزيت الزيتون مرة حطيته قبل 4أو5 سنوات بشعري وحرمت بعدها أحطه مره ثانية لأني فقدت

نص شعري تقريباً صار يطيح خصل شيء يوحش ..

عندك للبشرة ومجربته بعد :

*المرة للحبوب وحده بوحده تنقعين مرة في موية دافية وتحقظينها في علبة وتستخدمينها

بواسطة قطنة على الحبوب ..

*أيضاً للبشرة :: موية ورد مع خميرة تخلط مع بعض وتوضع على الوجه مع الرقبة لمدة ربع ساعة

استخدميها أسبوع وشوفي الفرق يتفتح وجهك وغير كذا تتفخ الوجه والخدود بصراحة حلوة

،،،،،،

*أيضاً للبشرة :: ملعقة دقيق+شوي حليب بودرة+شوي عصير ليمون+ملعقة عسل

تخلطين المقادير مع بعض وتصير عجينه رخوة وتحطينها على الوجه مع الرقبة مدة 20 دقيقة

ثم تمسحينها بموية ورد وتغسلينها بماء بارد نتيجتها على طول

ملاحظه :
((اللي في وجهها شعر الله يعينها لأن الخلطه فيها عسل وبتعورها أحيانا يكون على الوجه أو الرقبه

شعر خفيف ((زغب)) هذا لايرى بالعين بالمجردة ، وعلشان العسل راح يمسك فر بعض الشعر بس

نتيجته على طول ومع الإستمرار تطلع بشرتك خياااال إن شاء الله))

،،،،،،،

*الفازلين حلو للشفايف وكمان للبشرة أعرف وحده تحط الفازلين قبل كريم الأساس يطلع يجنن

بس مو كل وحده تجربه لاااا شوفي نوع بشرتك إذا بشرتك جافه إن شاء الله يصلح لها بس الدهنية لا

،،،،،،،

*الجلوسوليد فوائده لاتعد للبشرة ممتاز يعني لو تحطينه قبل الإستحمام بساعة أو أقل وتستحمين يخلي

بشرتك حلوة .. حتى بعد الشيل مع الليمون يخلي البشرة جنااان .. أيضاً أغلب الخلطات تحوي على

الجلوسوليد لكثرة فوائده للبشرة

،،،،،،،

هذا اللي يحضرني الآن وللمعلومية ترى مانقلت شيء هذه أشياء كلها مجربتها بنفسي

طبعاً فيه مستحضرات طبية كريمات للجسم وللوجه وحبوب بس ماأقدر أكتبها لأنه اللي يناسبني مايناسب غيري

فهذه تحتاج إستشارة من مختصين في مجال البشرة

دمتم بخير