 |
|
|
|
|
07-09-2002, 02:33 PM
|
#1 |
|
عـضـو
تاريخ التسجيل: Dec 2001
المشاركات: 2,290
|
~ في بيتناا صاروور ~
السلام عليكم
سلام ... كيف الحال ... الأخبار والعلوم كل شي تمام ... الحمدلله .... عاد أقولكم ... هاذي قصة صارتلي منذ مبطي (( يعني من زمان )) هذا كان فيه صارور ابن كلب ...سربوت دايم اشوفه يلاحق الصاروره (( مراهق )) وأنا ساكتله... بس في يوم من الأيام اتشت وزقت وقفلت معي .. قلت انا اليوم بلعن ابو سلسفيل ها الصارور ...(( قاهرني )) والله واجيب لي زنوبات (( حقت الهنود )) وألاحقه بها ويقعد يحوس بي ... يمين ..يسار ..من غرفه لغرفه ومن حاره لحاره(( بيتنا حواري )) ومن بياره لبياره الين حديته في غرفه من الغرف ...واصك الباب واقفله ...وطبعا(( مافيه في الغرفه الا انا والسربوت" الصارور")) ويلتفت علي ويقول وراك قفلت الباب وش ناوي عليه أنا يوم قال كذا (( انلخمت )) وضاعت علومي وجلست ساعه اجمعها الين استعدل راسي ..يوم استعدل راسي وأجي وأهجم عليه(( كأني قطوه هاجمه على فار )) لكن ابن الكلب دخل في الدولاب قبل ما المخه وأنا طبعا تعرفون وش صار لي صفطت على جبهتي ... وبديت أصيح ...وتعرفون الواحد بعد ما يصيح يحمق ويكسر الدنيا ...أنا قمت مثل كذا محمق.. وزاقه معي ...(( لاتفهمونا غلط يعني انا قافله معي )) وأجيك وادخل معه في الدولاب (( متحمس بألعن أمه )) لكنه هبلبي بدا يدور بين رجليني ... ويفحط جنبي وأنا ما أواطن ذا الحركات ... هو سوى كذا.. وعينك ماتشوف الا النور ... الصروال طلع رطب ومليان مويه (( سويتها على نفسي )) ...أما هو يوم شافني كذا دلا يضحك علي ابن الكلب ..وأنا خايف وماكل تبن وساكت ... وبعدين طلعت من الغرفه .. وعلطول للحمام ... وأجيك وأحط صروالي في البرج وأسحب عليه السيفون (( علشان مايشوفونه أهلي )) وأنا مستانس تخلصت من الصروال ... وجيتك طالع ...توني بفتح الباب حق الحمام وبطلع الا والله ماعلي شي (( نسيت أجيب صروال البسه بعد ما أسحب السيفون على الصروال ذاك )) وانا الي ابتلش واجلس في الحمام منطق وافكر ...وانا افكر ..طلع علي الصارور ابن الكفار وقطع حبل افكاري وبدى يكرها ضحك ....وانا مالي حيله ... وبعدين دليت اشوف الفوطه المعلقه في الحمام واقول في نفسي ياليتني جايب لو فوطه مثلك ...(( غبي )) وبعد ساعه من الكلام هذا الي تو قلته توني انتبه للفوطه ...(( من الخوف والورطه الي انا فيها )) واشوى خذت الفوطه ولفيتها على جسمي وطلعت ....وتشوفني أمي ..قالت وش فيك كذا وين ملابسك ..طبعا صرفت الموضوع وقلتلها لا أبد توني متسبح (( متروش )) واجيك مدحدر للغرفه ..علشان البس ملابسي ...توني البس الصروال الآه مشقوق من تحت ... البس الثاني الآه مشقوق بعد ..الثالث ..الرابع..الخامس ..كلها نفس الحكاية ...ياولد وش السوات ...مافيه الا حل واحد اروح أشتري صراويل جديد (( مع ان العيد ما بعد جا )) آه بس وش لون بنزل اشتري صراويل وأنا ماعندي شي البسه ...وأفكر وأفكر ..وبعد سنتين جتني هالفكره ..(( أروح ألبس من صراويل أبوي )) مع انها بتطلع وسيعه بس مش حالك ... (( بس هي طلعت وسيعه ..هي طلعت مهب وسيعه وبس طلعت زي صروال غوار ...)) كل مامشيت 3 خطوات يطيح .... وش نسوي مجبورين .... المهم رحت لمحل جنب بيتنا وشريت منه درزن صراويل .... ((والحمدلله ماطلعت مقاسي ...)) بس لبستها ... وأنا جالس البسها ... مر الصارور ابن السربوته وبدا يضحك ....خخخخخخخ (( كذا يضحك ... هذا مهب صارور هذا معلم قهوه )) .. أنا بصراحه فريت منه وبديت الآحقه الين رقى فوق عند المروحه ... وانا اناقز ابي الحطه .. وهو قاعد يغني ... (( والي مايطول العنب00حامضن عنه يقول )) .... ------------------------------------------------------------------ وفي الأخير .... (( لا زلت انا والصارور على هذه الحاله ...))
__________________
|
|
|
|
07-09-2002, 02:36 PM
|
#2 |
|
عـضـو
تاريخ التسجيل: Dec 2001
المشاركات: 2,290
|
السلام عليكم
نسيت أقولكم جميع الحقوق مزبونة لصالح " دعلج "
__________________
|
|
|
|
 |
| الإشارات المرجعية |
|
|
النمط المتتابع
