[المتزن]

اقتباس المشاركة الأساسية كتبها تالي حياتي موووت ! لا أخــــــوي هــذا غـــــــير .. يعـنـي كـشــف الـــوجــه عــلى حــسب مـــــذهــبـك .. يعـــــني المـصـــــــريــه مـذهـبهــــــا حــــــلال تكـشـف وجههــــــا .. وأنا مذهبي حراااااام لو اقووول مقتنعه بأيدي ورجلي حرام يعني حرام .. يعني مفهوم كلامك اخوي .. اني اسوي اللي ابيه وأقول اني مقتنعه فيــــــــه خــلاص لحد يقولي حراااام .. لالالا كذا بنروح فيها .. وكلن يسوي اللي يبي ويقول انا مقتنع فيه لأن شيخ من المشايخ قال حلال .. حتى لو كان مقتنع انه حرام بس يبي يسويه ويحاول يثبت للناس انه حلال .. وللمعلوميه لو انا باخذ من كل شيخ كان اسوي كل شي حرام .. فيه احد يحلل الدخان ., والأغاني ., واللبس الفاضح ., و و و إلخ اللي بيتبع الرخص بيلقى اللي يبي .. علمــــــاء .. يعني مجموعه مب واحد او اثنين .. يعني شواذ .. »-ღ تحياتــيღ-»

شكلتس تبي تتعبينن !!

بس يالله مو مشكلة .

شوفي وانا اخوتس :

وشو مذهبي ومذهبك ومذهبها ؟؟؟؟!!!!

وش هالهرج ؟؟؟!!!

ترانا كلنا على مذهب أهل السنة والجماعة وما بيننا فرق .. وكان قصدك المذاهب الفقهية , فحنا سلفيين يعني ما نتقيد بمذهب واحد ( وهذا هو فعل علمائنا ابن باز وابن عثيمين وغيرهما رحمهما الله ) .

يعني فيه مسائل فقهية لا نتبع فيها المذهب الحنبلي .

الزبدة :

اطلعي من مسألة المذاهب , فاللي نتكلم عنه ماله علاقة مباشرة باللي نتكلم عنه .

وعلشان اوضح لك أكثر ( وفي مسألة نسائية برضه )

لو جت لك وحده مشقرة حواجبها وهي مقتنعة برأي العلماء اللي يقولون ان تشقير الحواجب موب حرام .. وانتي - فرضاً - مقتنعة برأي العلماء اللي يقولون ان تشقير الحواجب حرام ..

فهل يصلح انك تقولين لها : ترى لو تقولين ان تشقير الحواجب حرام وتشقـّرين حواجبك .. أهون من انك تقولين ان تشقير الحواجب حلال وتشقـّرين ؟؟!!

أكيد : لأ .

لأنها إذا كانت مقتنعة انتشقير الحواجب حرام , فيجب عليها وجوباً انها ما تشقر ..

لكن إذا كانت مقتنعة ان تشقير الحواجب مهوب حرام , فلاشيء عليها لو شقرت حواجبها .

وعلى هذا فـ قيسي .

فهمتي ؟؟!


تنبيه :

ترى المسألة موب لعب أو بالهوى والتشهي .. لأ , المسألة مسألة اقتناع شرعي بهذا الرأي أو ذاك والله هو اللي يعلم بنيتك هل أنتِ تتبعين هواك والا تتبعين اللي أنتِ مقتنعة انه هو الأقرب للحق .


وتقبلي تحياتي 00
المتزن