[م ا ح]

في العطله رحنا مع العائله الى جده وحنا 3 بنات واربع عيال مع الوالد والوالده. اخواني عبيّد وصويلح مشافيح دش( هذولا وهم الكبارين اقول مالت عليكم والله من زين القدوه ) ونفس الشي البزارين كريّم وسويلم ,ومن جينا لجده ومهم معسكرين عنده (شكلهم طافين به لان ماعندهم دش )

مره رحنا مع ابوي للسوق والعيال جلسوا في البيت ويوم وصلت للسوق قلت لابوي نسيت بلوزتي اللي ابغى ابدلها ,نزل امي وخواتي ورجعت معه للبيت نجيب البلوزه.


يوم وصلنا الشقه الا هذا كريّم وسويلم خارشين السوبر ماركت وراجينه ويوم سالهم ابوي وش منزلكم من الشقه يامقاريد قالوا :... ان عبيّد وصويلح سمحوا لنا ننزل نلعب . (( حشا ملاهي مب سوبر ماركت))


ابوي اوجعه قلبه ودخلنا الشقه بشويش ونسمع صوت عبيّد وصويلح جاي من المجلس وهم يقولون ...............



عبيّد: لا لا هونت البسي يعني البسي
صويلح : لا مهب على كيفك انت ماتبيه بكيفك اما انا عاجبتن
عبيّد وهو يتوسل له (خايف من صويلح يتوطاه) :واللي يرحم والديك تكفى .......البسي
قبل مايجون هالبزارين ويصجوننا ورانا ماطعنا ابوي
صويلح: والله انك ازعجتن ما تخلي الواحد يركز ولايستانس المره الثانيه ناخذ شقتين علشان ما كل شوي تقولي البسي ومادري ايش......
وعلا صوت صجتهم على شي معهم كل واحد يقول هاته


ابوي بدا يغلي وفسر اكمامه عشان يذبحهم معها ويدفنهم في هالشقه وقالي روحي للمطبخ (مايبيني اشوف شي) بس ماسمحت نفسي خفت يذبحهم والا يذبحونه
ودخل ابوي وشياطين الجن والانس تنابط قدامه















ولقى هالمخبل يتهاوشون على الدش واحد يبي قناة LBC والثاني يبي قناه غيرها
والبزارين يبون space toon وعشان كذا صرفوهم لان ابوي محرصهم مايغيرون عن سبايس توووووووووون الين نرجع


هاه خفتوا والا ايش شعوركم :D :D :D :D :D :D :D :D :D :D :D :D :D :D

[راشد الراشد]

تسلم على القصه والسالفه

[مدحت شوقي بريده]

هههههههههههههههههههههههههههههههههه


عبيد وصويلح وكريم وسويلم .... وعند دش

والله من الشفاحه
هههههههههههههههههههههه

ياراهيب انت يا م ا ح

[برق البصر]

خخخخخخخخخخخخخخخخخخخخخ

شفاحه وبس


مشكور وماقصرت يا م ا ح

مع التحيات برق البصر

[النمر]

سالفة مرة حلوة


الله من الشفاحة