بسم الله الرحمن الرحيم


الإخوة الأفاضل

أتمنى أن تكونوا بخير وعافية . .


البارحة اللي هي ليلة خامس العيد نمت الساعة عشر ونص ، المهم يوم صار الساعة ثلاث ونص بالضبط اللي هو بالليل ولاي شبعانن نوم لما دليم ، المهم قمت وضربت هاك العشوة من هرفي آل هرفي حفظه الله ورعاه وصليت الفجر جماعة بالمسلمين وقرأت فيهم ماشاء الله تعالى أن أقرأ .


.
.


مالكم بالطويلة : صراحة فضيت فضوة ماأدري وش لون هي قايلة عقب الفجر قلت ياولد مالك إلا المقهى تدور بهالإنترنت لما ربك يفرجه ، أما أمرّ على مكشات بن طلعه صراحة لقيت بوه موضوع بخيمة الطبخات البريّة ( حول الأتسل دايم ) يروّع القلب صراحة شي . .


قلت ياولد خل نورّي الشباب شويّ خلهم يستفيدون >>>> ( أفلقن تسانه يبي الفايدة )

المهم لا يكثر الكلام اللي يجوز له الموضوع يقول الحمد لله واللي مايجوز له يقول الحمد لله . . !!
يقالي الصمصام يوم يروحون لوادي لجب ( بظهرة لبن )


الموضوع يالحبيبين يحتسي بالجملة عن الحنيذ وش لون يزيّن بالكاتم . .

هالحين حنا ماعرفنا الحنيذ الصدزي تورينا الحنيذ بالكاتم . .

المهم دوكم وخوله على الله :

المقادير:

1- حوالي 2ك لحم طازج (يفضل تيس أو خروف صغير)، ومن أراد الزيادة يزيد في المقادير

2- 1 كأس ماْء

3- غَلْف (وهو نبات متسلق يوجد في تهامة المنطقة الجنوبية، ومن كان في الرياض يمكن أن يحصل عليه بعد صلاة الجمعة في سوق الربوة، جنوب العثيم) >>> ردزعه .

4- ملح

الطريقة:

أولا: هذا قدر الضغط، ولاحظوا ما ذا وضعنا في قاع القدر لنرفع اللحم عن أسفل القدر قليلا، لسببين: 1-ألا يلتصق اللحم بالقدر --- 2-ألا يكون اللحم بين الماء الذي يوضع لاحقا




ثانيا: نضع الطبقة الأولى من اللحم
(وهو اللحم الذي يتأخر استواؤه، مثل: الظهرة، ونحوها)، وهذه الصورة:



ثالثا: نضع طبقة من الغَلْف، كما في الصورة:



رابعا: نضع الطبقة الثانية من اللحم (الذي استواؤه أسرع) :



خامسا: نضع طبقة أخرى من الغَلْـف :





سادسا: نسكب عليه قدر كأس من الماء تقريبا :





يقول أسد : عاد بعد هالخطوة الأخ الكاتب بدا يدعدع شوي حاول يكبر الموضوع وأنا أبختصر لكم وأعطيكم إياه من الآخر .

إلى كبيت كاس الماء لا تصك القدر وهو على النار لما يغلي ثم إذا غلى صكه وحطه على نار عاليه لما يصفر البلف إلى صفر البلف أقصره وخلّه نص ساعه عاد انا أبرفق لكم الصورة بعدما نجض وانضبط وأنا أنفض شليل لأن الصورة حقتوه صراحة ماتبين هو ناجض ولا لا صح




وبالعافية . . !!


عاد اللي يقول ودي أشوف الموضوع الصدزي هذا هو الرابط :

http://www.mekshat.com/vb/showthread...211#post683211

الله يوفق الجميع لما يحب ويرضى


أسد صبح خامس العيد .

[الصباخ]

أقول أبومالك أثرك بمقهى زيي .!

وكلنا ببريدة بعد .،

[أبورائـــــــــد]

الشاعر الكاتب الأديب الطير الإمام القارئ الحافظ المجود الفاضل الحلو / أســــ ـــــد
أسعد الله صباحك ..

.

.

والله يانا جعت ، أقول يازين الكبسة بعد ، واااااااوك بلا حنيذ بلا هم

الا وراه ما تذوقنا اياه ياطير شلوى ، اللحمة علي وكلشن علي ، بس نبي نتكي بالفورد انا والصباخ ونروح لأم حزم ..
ونبيك تحوفه لنا ،،

بس مامنا تغريز



قل تم ..!

[الصباخ]

أقول لا تلزق أولاه .،

[قصيمي محترم]

جميل ومختصر بس المشكلة من وين نجيب الغلف...؟
شكرا ابو مالك

[أبو حكيم 2]

لقد قطَّر سعبووولي تقطيرا !!!!!!!

هداااااااك الله ....

[مخ ابليس]

عاد توكل هالطبخة

[الفارس الملثم]

أهلين ابو مالك ..
ياخي وينك أنت .. أعوذ بالله منتب تشاف يا كافي ..
وهـ بس .. << صارين مرة هاليومين ..

الحنيذ يعلق يا بعدهم ..
بس خن نشوفك ..

[خوي السرور]

أنا لقيت لي شغله ..

يالله ياشباب أببدا أجيب من هالغلّف ذا من الرياض وأبيع لكم ببريدة .. قرررررررب ياولد .. قرررررب الكيلو بخمسين ..


والله يا أبو مالك أن هالحنيذ ذقناوهـ بأبها .. أني ما أنساوه أدام الدم يسيل في عروقي >>> مسكت ابو صخر الهلالي ..

شيكرن شيكرن .. وتراي هالحين رافعن يدياتي أدعي أن يارب أنك كل بتله تنام وتقوم قبل الفجر همن تصبخ لنا مويضيع ..

وكل عام والجميع بعافية .

[abo suliman]

يمالا الجنة .. يأبو مالتس ..

تصدق إلى الحين أشم ( تغرك ) يوم تغص بالكتشب حق هرفي هههههههههه

ياحبيلك بس .. وهـ بس . والبس بس لو طالت ... طس .

صراحة أنه مايحتاج .. عاد أبو ريم جازت له الطبخة ..

مايحتاج . عز الله أنه موووووووووووت

بس متى نذوقه من يدياتك الحلوات ..

والله يخلي لنا مكشات يابعد حيي

ولاتحرمنا زيارتك بالسنيدي >>>>>>>>> وش عنده سار الجني العبد السنيدي