 |
|
|
|
|
05-11-2007, 09:14 PM
|
#1 |
|
عـضـو
تاريخ التسجيل: Oct 2007
البلد: إذا صرت بنقالي عند إبوكـ تعال إسألن وين إقامكـ
المشاركات: 86
|
أقصر الدروب لمعرفة الخبوب..........
بسم الله الرحمن الرحيم
من عمدة الخبوب الشيخ ااالمحترف.......!! الى عامة من يقراه من المسلمين السلام عليكم ورحمة الله وبركاته كثر السؤال عن معنى الخبوب ولماذا سميت بهذا الاسم والخبوب هي الجهه الدزبليه لمدينة بريدة الشامخه وسميت بالخبوب لكثره الخببه مثل خب روضان والثنيان والبريدي والحلوه وغيره كثيره والخب مذكر خبه والخبه هي الارض المستويه بين نفودين وعلشان اهل الخبوب ماعندهم لعب سموه خب بدال الخبه ليعطي الخب اكثر جمال كيف نشأت الخبوب كانت الخبوب نفود قاحله منبت للغضا والرمث وطلعوا من بريدة ناس وكلن بدأ يطق له اثله ويملك الارض ويسمي الخب اللي يبي واكثرهم سموه على اسم عوايلهم وصاروا يوزعون دعوات للي يبي يجي ويشتغل ويترزق الله وباعوا عليهم اراضي بس ماطلعوا لهم صكوك الحتسي هذا قبل تطلع المحاكم بس لو الله مريد وراحوا شمال تسان زانت امورهم اكثر مع ان الله موفقهم مشاء الله عليهم وكله علشان قلوبهم الطيبة ونيتهم الصافية وحرصهم على الدين يقلون ان إبراهيم باشا قايد الجبش التركي يوم جاء للقصيم وقف بالزرقاء بداية الخبوب من جهة الشمال وارسل رسالة الى عمدة الخبوب جدي السابع والخمسين وقال ياهل الخبوب تملكون القمح والحبوب والبقرة الحلوب اما ان تستسلموا والا طوقتكم من الشمال الى الجنوب فرد جدي على رسالته وقال اسمع ياباشه مايمشي معنا شغل الدباشه وتسان تبي اعضامك يجيهن هشاشه توهق وتعال والله ان نلاحدزكم بالنعال يوم صلت الرسالة للباشا حمدز وارعد وازبد وقال للجيش تقدموا والله ان نرقي بقرهم النخل ودارت حرب استمرت ثلاث دقايق >> ماعندهم الخبوبية حار بحار قتلوا من الجيش التركي واجد وخرج إبراهيم باشا وجيشه يجرون اذيال الهزيمه وكم ذيل بقرة سبي من المعركة وبعده حمدز على جيشه ابراهيم باشا وحولهم حلاقين وراعين شاورما يقلون ان الخوبيه اخذوا من اهل البكيرية حب البقر ومن اهل البدايع حب القرع والى الحين مادري وش السر وبحثت ولم اجد جواب شافي واخذوا المعايير بس هذي مادري منين الواحد تعرفه بمعيارته ولا تعرفه بسمه وتبتل معه المعياره ويقلون ان بوه واحد كان كثيف الشعر حتى علباته به شعر ويعيرونه الشفالي تسد ضرب واحد ومال خشمه عاد شافه واحد قال سلامات وش بوه خشمك قال من الشفالي الله لايوفقه الرجال على نياته قال فك الله عينك مافضحه قرنه يحسبه عافه شفالي صدز من مواقفهم الطريفة هذولا شيبان يجلسون بالمشراق الضحى قال لهم واحد ان بوه عالم روسي مادري امريكي من البرصان المهم انه قاعدن بالفضاء ستت اشهر ويبي ينزل ويرقى واحدن ثاني يبي يقعد ستت اشهر قال شايب مرتكي على الجدار هذولا فاضين ماعندهم شغل انا مادري وش عنده شغل يوم يقول الحتسي وهو ماعنده الا الجدار تقل ماسكه لايطيح وموقف يوم يطلع البنزين الجديد صار بوه فصل من الضحتس بين ابوصالح وابواحمد ابوصالح : الحين البنزين يقلون كله ممتاز وشلون هذا بــ60 وهذا بــ 45 ابواحمد : ماعنده قولت مادري اللي بــ 60 ازين من اللي بـ 45 والاوشوله صار بوه فرق يالذهين ابوصالح : طيب اخاف اعبي الموتر من ابو60 ويصب بالتانكي من ابو45 ابواحمد : ابو60 لونه احمر وابو45 لون خضر تشوفه مايمديه يلعب عليك والا العمال ماتامنهم ابوصالح : اها اجل ابو60 الزين الحمرالمستوي مهوب مثل ابو45 اللي توه خضر ماستوى ابواحمد : ايه هم يتعبون على تلقيطه تحسب الدعوى قوترا الله ياجرهم بس انت يابوصالح مامن مشاوير عب من الخضر ووقف موترك بالشمس ويستوي على راحته بالتانكي منتب مثل راعين التكاسي اللي يلخفون البنزين وهو توه مبرض ابوصالح : تصدز اني بعض الايام اوقف ببرحه اصب البنزين اللي خربانن بالتانكي >> بدأ التسذب لوانا معبي من الخضر تسان سالمن من الدحوسه ذي كله واخيراً لايسعني الا ان اقول ان الخبوب عالم كبير لايمكن ان نقف عليه بهذا الموضوع والى اللقاء في موضوع قادم سلااااااااااااام ملطووووش |
|
|
05-11-2007, 09:29 PM
|
#2 |
|
عـضـو
تاريخ التسجيل: Nov 2007
البلد: بالأرض
المشاركات: 281
|
مشكورعلى هالمشاركة يالمحترف
|
|
|
|
05-11-2007, 09:40 PM
|
#3 |
|
عـضـو
تاريخ التسجيل: May 2005
المشاركات: 6,050
|
رووووعـــه يـالمحتـــرف وكــل ســالفــة أزيـــن مــن اللــي قبلــه ، بــدايــة مــن سبــب تسميــة الخبــوب مــروراً بــالــذروق البــاشـــا :D ونهــايــة بــالتعليقــات الســاخــرة ، أمـّــا ســالفــة البنــزيــن فـختــامهــا مســـكـ ، ولا زال ابــو صــالــح مــرقيــن ابــو أحمــد أثلـــه بســالفــة بنــزيــن مـوتــره :D لا تــطــول الغيبــة يــا محتــرفنــا |
|
|
|
05-11-2007, 09:51 PM
|
#4 |
|
عـضـو
تاريخ التسجيل: Mar 2007
المشاركات: 1,428
|
ابداع في ابداع
تسلم على الكلام الجميل
__________________
(فائدة جليلة)
في قصة يوسف فائدة قوله تعالى عن يوسف نبيه أنه قال: { أنت ولي في الدنيا والآخرة توفني مسلما والحقني بالصالحين} جمعت هذه الدعوة الإقرار بالتوحيد والاستسلام للرب وإظهار الافتقار إليه والبراءة من موالاة غيره سبحانه وكون الوفاة على الإسلام اجل غايات العبد وان ذلك بيد الله لا بيد العبد والاعتراف بالمعاد وطلب مرافقة السعداء. |
|
|
|
05-11-2007, 09:53 PM
|
#5 |
|
عـضـو
تاريخ التسجيل: Oct 2007
البلد: إذا صرت بنقالي عند إبوكـ تعال إسألن وين إقامكـ
المشاركات: 86
|
العفو يا طنش لحاك
شرفتني بمرورك الكريم سلااااااااااام |
|
|
|
05-11-2007, 10:33 PM
|
#6 |
|
عـضـو
تاريخ التسجيل: Oct 2007
البلد: إذا صرت بنقالي عند إبوكـ تعال إسألن وين إقامكـ
المشاركات: 86
|
أنت الأروع يا المسفهل
بس ما تحس أن الخبوب أحسن شيئ بالدنيا والله ياهم فله ومشكوووووووور يابعد تسبدي وتسلاي ومصاريني ياخلفهم أنت سلااااااااااام |
|
|
|
05-11-2007, 11:31 PM
|
#7 |
|
عـضـو
تاريخ التسجيل: Oct 2007
البلد: إذا صرت بنقالي عند إبوكـ تعال إسألن وين إقامكـ
المشاركات: 86
|
مشكووووووووور يا زرزور على المرور
وننتظر الردود سلاااااااام |
|
|
|
08-11-2007, 09:33 PM
|
#8 |
|
عـضـو
تاريخ التسجيل: Jun 2007
البلد: "بآريـس آلقصـيم"
المشاركات: 1,677
|
يعطيك العافية
ومشكووور على التفاعل الجميل |
|
|
|
09-11-2007, 05:52 AM
|
#9 |
|
عـضـو
تاريخ التسجيل: Sep 2007
البلد: لنـــدن
المشاركات: 187
|
أفضل ما في الموضوع ذكرك لحيالزرقاءوأقول الــــــــــزرقاء عشق لا ينتهي
مع تحياتي عاشق الزرقاء
|
|
|
|
09-11-2007, 08:26 AM
|
#10 |
|
Guest
تاريخ التسجيل: Aug 2007
المشاركات: 1,736
|
يا الله عسى خبنا يجيه نصيب
مبدع اخوي المحترف بانتظار الجديد |
|
|
|
12-11-2007, 11:48 AM
|
#11 |
|
عـضـو
تاريخ التسجيل: Oct 2007
المشاركات: 322
|
الخبوب كل مافيه جميل وخاصة الدعيسة هي أم الخبوب
|
|
|
|
12-11-2007, 07:59 PM
|
#12 |
|
عـضـو
تاريخ التسجيل: Oct 2007
البلد: إذا صرت بنقالي عند إبوكـ تعال إسألن وين إقامكـ
المشاركات: 86
|
الله يعافيك يا .:انجريند:.
شكرا لك وعلى مرورك الكريم سلاااااااااام |
|
|
|
12-11-2007, 08:44 PM
|
#13 |
|
عـضـو
تاريخ التسجيل: Jun 2007
البلد: الرياض << بلد العجايب
المشاركات: 916
|
:D:D:D:D:D:D:D:D:D:D:D:D:D:D:D:D:D:D:D:D:D:D:D:D أثرك عالم بالتاريخ يالمحترف.. تحيا الخبوب.. ويحيون الخبوبية..
__________________
أسيرُ وقد قلّ الزاد .. ومؤنسي في وحدتي ربٌ مجيب .. ربّاهـ إني سائرٌ إليك فلا تردني خائبا .. |
|
|
 |
| الإشارات المرجعية |
|
|
النمط المتتابع
