[بريداوي ليمتد]

اقتباس المشاركة الأساسية كتبها فخفخينة الشق الاول من ردك دايم تحب تقيم الناس وكأنك انت الكامل اما الاخر فهو تشكيك بالاخ بريداوي يا اخي استح على وجهك الرجال كاتب موضوع وتجي تكذبه عنا ومنتب مصدقه تقوله حط لنا برنامج دراسك وماهو مجال تخصصك استح استح خلي عندك دم شويه

هلا فخفخينا والله يانت مدرعم بعد

يابن الحلال الرجال ماتسذبن . المهم عندك سؤال عن امريكا والا لا؟

[بريداوي ليمتد]

اقتباس المشاركة الأساسية كتبها ميمون مرحبا بك عزيزي مرة أخرى .. تعجبني ردودك في هذا الموضوع، وأظن أنك لو استقبلت من أمرك ما استدبرت ما كتبت كثيراً من الردود التي وضعتها سابقاً.. ويارب تكون على هالوزنية على طول.. سؤالي بخصوص الدراسة .. أنت قلت إنك تدرس الماجستير، وحسب علمي أن تحصيل القبول للماجستير أمر سهل، ولكن الدكتوراه أمرها صعب جداً، ولا يمكن الحصول على قبول بالمراسلة كما هي حال الماجستير.. فبعض زملاء الماجستير، قدموا طلب ابتعاث لدراسة الماجستير في القانون في أمريكا وفي بريطانيا، ولم يطلبوا دراسة الدكتوراه. فسألتهم. فقالوا إنه من الصعب الحصول على القبول دون مقابلة شفهية مع الحصول على التوفل وقت تقديم الطلب.. فهم سيذهبون على أنهم دارسو ماجستير ثم بعد التمكن من اللغة يبحثون عن قبول في الدكتوراه، وينسحبون من دراسة الماجستير.. فما رأيك؟؟ أخيراً.. هل من الممكن أن تشرح باختصار برنامج دراستك؟ وماهو مجال تخصصك؟ أشكرك.. وربما يكون لي عودة .. تحياتي

هلا والله ميمون
اما الوزنيه فما اضمنه لك :D
ياخي والله العظيم اني اذا رديت مهوب قصدي ازعل احد بس ياخي ارد طبيعي واللي احس فيه.

اما القبول فيتخلف على حسب التخصص مثلا الطب والقانون جدا صعب ثم يجي بعدهم الاداره

انا ماجستير حاسب الي
اما البرنامج وطريقته ممكن ارسلها لك ايميل اذا حبيت واسال اي سؤال تبيه عن الدراسه وحتى لو ماكان عندي خبر وودك بشي قلي اشوف لك احد من الشباب
انت عطن ايميلك وماعليك

[ميمون]

عفواً نسيت أن أقول إن كلامي لا يفهمه إلا من هم فوق 15 سنة..

***

شكراً لك عزيزي بريداوي
ولعل لي عودة أخرى.. هنا.. أو على الخاص

تحياتي

[بقايا ذكريات]

عجيبٌ جداً بعض الأعضاء بردودهمـ !!

ليس مجيئي هنا من أجل أن أسأل .. ولكنني علمت أن الحوار سيكون مع بعض الأعضاء منحرفاً
فأتيت مقبلاً كي أرى ردود الأعضاء وكيف تكون وخرجت من الموضوع أنا ومعي شريحةً في ذهني
من قبل بعض الأعضاء وهمجية الردود والتعقيب كي مستقبلاً تتضح لي الصوره في عقلياتهمـ
وكيف يفكرون .. تجاهـ الموضوع ..

رغم أن الكاتب يضع خبرته أو فرصة وجودهـ هناكـ ليخبركم مالذي يدور من حوله .
شكرا لك بريداوي ليمتد ..

[ملاك الورد]

اقتباس صدقت والله وهذا اللي قاعد فعلا اسويه احاول اني اتعلم اشيا كثيره منهم ومن طريقه تعاملهم وصدقهم وامانتهم واخلاصهم في العمل واحترام الرأي الاخر مهما كان مختلف معك ... الخ

قهر لا صار المسلم هو اللي يتعلم من اليهود الصفـات الحسنـة ..

مهوب يعلمهم ..!!



الله الله بنشر الديـن والدعـوة إلـى الله سبحـانه ..


الله يردك إلى الوطـن سالـم ومعك نص شعب امريكا مسلم ..

[بريداوي ليمتد]

بقايا ذكريات
ترى انا وفخفخينا صرنا اصدقا :D
مشكور على مرورك
-----------

ملاك الروح
ليس عيبا ان يتعلم المسلم من اهل الكتاب بل العيب اذا تكابر المسلم وانكر ماوصلوا اليه.
مشكوره على مرورك
-----------

تلميذه الأيام
مشكوره على مرورك
-----------

قاهر الروس
مثل ماتفضلت به المشكله بالحكومه وليس الشعب. وحكومتهم ليس بالضروره انها تمثل رأي الشعب.
وجزاك الله خير على الايضاح بخصوص السفر وتعلم لغه اخرى . بارك الله فيك
-----------

قطب القوم
لا اخفيك اني اتمنى لو اعرف تحفظك لاستفيد منه . لو كان تحفظا خاصا ياليت ترسله لي على صندوق الرسائل الخاصه.
اقدر لك مرورك
-----------

ولد الرفيعه
ياهلا والله باللي سبقنا . انا بدنفر ولايه كولورادو وبعيد عن مطعم المندي اللي ذكرته
ثانيا منب عبدالله . بس لي ولد عم اسمه عبدالله مادري ينفع او لا؟ :D
مشكور على مرورك
-----------

abraheem
صراحه الى الحين مادري وش تقصد باللي يدور ببالي؟
مشكور على مرورك
-----------

المسفهل
ياهلا والله وغلا وتعليقك صراحه يبي له كاس شاهي وتربيعه

بخصوص ردودي وطبيعتها: يوم سجلت بالمنتدى سجلت لسببين
الاول: احب اي شي يتصل باي منطقه من بلادي وخصوصا بريده لاني منها وفيها.
ثانيا: اعجبني ولا اخفيك النقله النوعيه ( الغير متوقعه ابـــــــــــــــــــــدا ) من مشرفي هذا المنتدى .. تسالني كيف؟
منتدى بريده توقعته عباره عن منتدى يمشي بسياسه ( منتدى ابونا جايز لك والا امسك الباب) مثله مثل باقي سياسات المنتديات السعوديه وللاسف الشديد . لكن تفاجات بشي من فرصه التعبير في المنتدى وهذا ماشجعني اني اكون قريب جدا لبريده ستي.
اما طريقه ردودي فانا لا استطنع الردود ولا احاول ان ادعى المثاليه مع العلم ان ماسبق ذكره يعتبر في عالم ردود المنتديات اسهل الاشياء.
اذا رديت فانا ارد من شي انا مؤمن فيه ومستعد الان اناقشك واقولك عن وجه نظري على جميع ردودي, وممكن جدا اتراجع عن ذلك الرد اذا ثبت لي عكس ما اعتقده.
نعم اريد وادعوا الله ان اتأثر من معظم الثقافه الامريكيه مثل ( حريه التعبير - قبول واحترام الطرف الاخر - الصدق - الامانه - الثقه - الاخلاص في العمل..... والكثير)

اشكر لك وجهه النظر وياليت نتواصل بهالموضوع
-----------

@@ العشق القديم @@
اولا: الله يردك لعشقك القديم اذا انت بعيد عنه :D
ثانيا: اعتقد ان اراسيل تقول الله يعينك على بعض الردود اللي تبي تشكك بعقيدتك .. هذا اللي انا فهمته منها.
ثالثا: جزاك الله خير على شعورك الطيب
-----------

الصباخ
اولا : وش صار على القرد والغزال؟ :D
ثانيا : كثييييييييييييير من الاخوان كانوا نفس شعورك وبعد مادرسوا هنا تغيرت الصوره تماما .. والسبب انهم كانوا فاهمين( امريكا ) غلط
مشكورعلى مرورك
-----------

دلوووووني
هههههههههههههههههههههههههههههههههههههههههههههههههه ههههههه
انت ملاحظ ؟؟؟

ياخي عليهم احترام للسرى شي مهوب طبيييييييييييعي وبصراحه سالفه سرى البقاله يبي له رد لحاله لانه مررررره مهم وينفع للي يمسكون سرى للخبز ثم يخطم عليهم واحد زي السلام عليكم. وبقول قصه عن سالفه هالسرى تنفع لاخودريحم :D بس الله يستر لايقول اننا نسولف له من الرخيص

مشكورعلى مرورك
-----------

عرق لزام
وش معنى اسمك بالانجليزي ياصديقي؟:D
مشكورعلى مرورك
-----------

حبيب القلب
كيف الحال؟:D
مشكورعلى مرورك
-----------

قطب القوم

يفترض ان يكون ردك هو الموضوع الرئيسي وموضوعي هو احد ردودك
تحياتي لك اخي الكريم
-----------

أبو العباس العربي
سيكون تعليقي على ردك على مستوى ثقافتي فاعذرني على التقصير

اقتباس حين طالعت العنوان تذكرت كتابًا لسيد قطب رحمه الله تحدث فيه عن مشاهداته التي رأها في أمريكا . ومما لا يزال يتردد في ذهني من تصويره للحضارة الأمريكية قوله بأن أمريكا تصلح لأن تكون ( ورشة العالم ) ، ولا تصلح أن تكون قائدة حضارات العالم .

عندما ترى هذه الجمله في جميع الجامعات والشركات والاماكن العامه في امريكا
We do not discriminate on the basis of race, color, religion, national origin, ---, age, marital status, or disability.
( نحن لا نميز بناء على العرق, اللون, الديانه, الجنسيه, الجنس, العمر, الحاله الاجتماعيه, او الاعاقه)

ثم تخيل انك تحمل اكثر من صفه مثلا ( مسلم وحنطي وعربي ومعاق) وتلقى العدل في التعامل, على عكس جميع انظمه الدول الاسلاميه للاسف الشديد.
حينها ستقول: نعم يستحقون قياده الحضارات.

اقتباس البنية الحضارية الأمريكية تفتقد للمعايير التكامليّة للبناء الحضاري الراسخ ، إن اختزالا شديدا في بنيتها الحضارية تجاه ركائز ضرورية للبناء الروحي والفكري للفرد يجعل من العسير صمودها حضاريًا لعدة أجيال قادمة ..

اتفق معك لانها سنه الحياه.

اقتباس والتصور المختزل عند الفرد العربي للشعب الأمريكي ، وتعمّد روّاد البناء العربي بث هذا الاختزال في التصور له إيجابيّاته في البناء الروحي الثائر على الثقافة الغربية الغازية .

لا اعتقد ان رواد البناء العربي ارادو ذلك, لانهم لو استطاعوا لجيروا كل عظيم لانفسهم.
اذن المواطن العربي تأثر بهم بناء على قاعده ( ابن خلدون ) في علم الاجتماع.

اخي ابو العباس اشكرك من اعماق قلبي على تفضلك بالرد واتمنى مواصله الحديث معك.
-----------



اكرر شكري لجميـــــــــــــع من قرأ او شارك معي

[قـُطبُ القوم]

يُفضل قفز الردود أحياناً .

والآن أصبح من السهل جداً الابتعاث إلى هناك وهذا لا ينقص من قدر أحد .

ولكن للايضاح حتى لا يشطح البعض في مداخل ليس له فيها باع "بدوي" ..

ومع هذا لي رأي أحتفظ به فيمن يذهب إلى هناك .


محبكم \ قطب القوم

[ولـد الـرفـيـعـة]

وهـ بث

لاأوصيك على مطعم بنيوجرسي مطعم سعودي وكبسة ومندي على كيفك وتجلس بالأرض وكأنك بمطعم الديرة فيه كثير من الجالية اليمنية << العرب ماهمهم ألا الأكل هع

صراحة موهب سألك عن أمريكا لأني سبق وأن جلست فيها فترة ليست بالقصيرة , لكن أبي أعلق على كلامك وهو انك وصفت الشعب الامريكي بدقة , وهذا نتاج ثقافتهم الرااااقية جداً << أقصد ثقافة الشعب وتعاملهم فيما بينهم وبروز الحس الإنساني لديهم ولا أقصد سياسيهم ومن يدور في فلكها من اعلاميين ومؤسسات وغير ذلك .
بالمناسبة ذكرتني أذكر فيه شريط للشيخ سلمان العودة قبل عام الف واربع مية وخمس طعش تقريباً الف وأربع مية وأحدعش مادي اثنعش المهم كان رايح لأمريكا ولابس الثوب السعودي والشماغ يقول تصوروا كنا نمشي ومع أن لبسنا غريب عليهم لكنهم مايتلفتون علينا ولايقولون وش هاللبس ولا وش هالخكري خخخخخخ وحتى أطفالهم اذا التفتوا علينا جاء أبوه وعدل رأسه , وكأني به يقول له لاتدخل فيما لايعني ولاتنظر( بتمقل) واستغراب إلى الأخرين , وهنا دروس كثيرة يعلمها الابن للطفل والمتخصصين في مجال التربية يدركوت ماهي الرسائل الكثيرة التي وجهها الأب لأبنه بمجرد أن فرّ رأسه

الله يوصلك بالسلامة , ولا أوصيك حافظ على الضرورات الخمس

تحياتي لك

على فكرة خابر واحد من بريدة من الاصدقاء معه باكلريوس حاسب ورايح لأمريكا يدرس ماجستير أول حرف من أسمه عبدالله , لاتصير هو أنت

[ibraheem]

أعانك الله في دراستك ...

ويقولون للغربة دورها في إتقان الدراسة ؛ فخل عنك اللي يدور حولك << تبيلة !


محبّك
abraheem

[المسفهل]

أهــلاً أخــي [ بـريــداوي ليمتـــد ] ...

لا أخفيــكـ لــم أكــن لأودّ التعقيــب فــي هــذا المــوضــوع لــولا رؤيتـــي لنفســكـ الطــويــل وطــولــة بــالــكـ فــي الــردود وتقبلــكـ لمخـالفيــكـ ، علشــان كــذا تشجـّـعــت ورديــت ...


أنــا مــن المتــابعيــن لــردودكـ دائمـــاً كمــا غيــركـ ، وألحــظ منــكـ التــأثــر بثقــافــة الغــرب وإعجــابــكـ بهــم ، وسخطــكـ مــن معيشــة بنــي جلــدتــكـ حتــى قبــل معــرفتــي بكــونــكـ تــدرس فــي أمــريكــا ...


فــإلــى هــذا الحــد تـُـعجــب بهـــم ، وألا تخــاف علــى نفســكـ مــن التــأثــر الكبيــر بهــم وبطبــائعهــم خصــوصـــاً وعلــى مــا يبــدو أن بــاقــي لــكـ مــراحــل كبيــرة ستستــوطــن خلالهـــا بينهـــم ... !!!

[عرق لزام]

اقتباس المشاركة الأساسية كتبها المسفهل أهــلاً أخــي [ بـريــداوي ليمتـــد ] ... لا أخفيــكـ لــم أكــن لأودّ التعقيــب فــي هــذا المــوضــوع لــولا رؤيتـــي لنفســكـ الطــويــل وطــولــة بــالــكـ فــي الــردود وتقبلــكـ لمخـالفيــكـ ، علشــان كــذا تشجـّـعــت ورديــت ... أنــا مــن المتــابعيــن لــردودكـ دائمـــاً كمــا غيــركـ ، وألحــظ منــكـ التــأثــر بثقــافــة الغــرب وإعجــابــكـ بهــم ، وسخطــكـ مــن معيشــة بنــي جلــدتــكـ حتــى قبــل معــرفتــي بكــونــكـ تــدرس فــي أمــريكــا ... فــإلــى هــذا الحــد تـُـعجــب بهـــم ، وألا تخــاف علــى نفســكـ مــن التــأثــر الكبيــر بهــم وبطبــائعهــم خصــوصـــاً وعلــى مــا يبــدو أن بــاقــي لــكـ مــراحــل كبيــرة ستستــوطــن خلالهـــا بينهـــم ... !!!

نفس الشعور أنا لاحظت ردوده من قبل وقلت الله يستر

[@@العشق القديم@@]

آآآسف على التكرار

[@@العشق القديم@@]

بالتوفيق ياراعي امريكا

بس بعض الناس ماودك يرد

مثل اراسيل !!!

هو الآن يقص قصة مساعدته للصلاة وانهم توقفوا علشان يصلي

وهي تقول بيشكون بعقيدتك !!!
وهل انت مسلم

ثبتنا الله وأياك ياصاحب امريكا

وليس هذا معنى اني مقتنع ببعض ماذكر راعي امريكا

[الصباخ]

أكره أمريكا بكل ماتعنيه الكلمة من معاني .