[كل الحروف]

يبه شلونك...ملل هالكون من دونك .. يبه شلونك ؟؟وتمضي رحلة الدنيا..

بليا طلة عيونك..؟؟!! يبه شلونك ؟؟وشلون المرض وياك ؟؟

بعد ماهدك بدنياك..عساها تغمض جفونك ؟؟ تبي تدري عن احبابك ؟؟

عن عيون تغنا بك ؟؟عن قلوب دفنها الشوق..واذا جاها الغفا جابك ؟؟ ..

يبه امي تخيلك دوم...تغني لك مع القمرا .. يبه واللي خذاك بيوم....خذا بنيتك بكرا..

خذا.. وياماخذا.. وياما..خذا ناس يحبونك.... يبه حنا صرنا كبار..توفقنا وتخرجنا..

يبه ماعاد فيه صغار..يموج بهالزمن كل شي... وحنا ماتموجنا..على ذاك العهد نسري..

نبيع العمر والدنيا..ولا تخلف بنا ظنونك... يبه شلونك ؟؟تبي تدري عن اخباري ؟؟

عن افكاري وتذكاري ؟؟ اشيلك داخلي جمره ..وبعيون الحزن عبره..تغرقني .. وتحرقني..

اشوفك نجمة تجبر..مراعيها .. يراعيها.. واشوفك للرجوله اسم..اذا شد الزمن تقسى..

واحلم من معاني الحلم..احسك مقبل بكرى.. وعيا لايجي بكرى !! يبه تذكر زمان مر؟؟

يبه تذكر مجالسنا ؟ مقلطنا ومجلسنا ؟ وحارتنا ومسجدنا ؟ يبه تذكر هدايا العيد ؟

صلاة العيد؟ وبشت العيد؟ يبه تذكر سوالفنا... ؟ لأجل هذا .. وكل هذا .. اقول اليوم يايبه ..

ملل هالكون من دونك يبه وينك ؟؟ .... ولهت لنظره من عينك .... يبه وينك ؟؟

اشوفه طوّل غيابك !! ... و من ودّاك .... ما جابك !! قالوا ما يدوم الزين !! ...

وانا عندي امل للحين .. و لكني اعرفك وين!! يبه وينك ؟؟ عسى الداعي يبه بس خير ؟!!

عساك بخير .... مداين تكرم لعينك ... بس ارجوك علمني ... علمني .. يبه وينك؟؟

سألت امي عن رجوعك ... ولا كني اعرفك وين!! و قالت .. ما يدوم الزين !!

وانا..عندي امل للحين .. في رجوعك !! .... يبه بس تكفى علمني .... متى رجوعك ؟؟

...يبه بس تكفى علمني . وش احلى من طلوع اثنين؟؟ طلوع الشمس .... و طلوعك يبه وينك ؟؟
سألت امي ...... عن غيابك .... تقول هالحين يجي المسرى هالحين تجي القمرى!!!!!!


لقد أحزنت القلب...

وأدمعت العين...

ولا نقول إلا كما قال سيدنا محمد صلى الله عليه وسلم العين تدمع والقلب يحزن...

تحياتي للجميع...