[الطائر النورس]

يوم قمت الصبح لقيت قزازه سيارتي مكسورة لكن ما لاحظت شي مسروق . وانا بالسوق يوم جيت أحط مقاضي بالشنطه مالقيت الاستبنه وشنطه العدة دريت إن الي كسر القزازه هو الي سرقهم . قلت لاحول ولا قوه إلا بالله . ورحت أدور استبنه لكني لاحظت إن جميع محلات الكفرات يدورن انها مسروقة قلت لواحد منهم وش دراك انها مسروقة قال جميع هانوع من السيارات مسروقة استبنتهم . سيارتي فورد 2006. الصراحة زعلت وقلت يعني معقولة مافيه وحد بلغ . المهم رحت للشرطة ابلغ. دخلت على الضابط وانا زعلان لقيت عنده خبر إن جميع هالنوع من السيارات معرضه لسرقه الاستبنه . قلت له طيب مادام عندكم خبر ليش ماتحطون فخ لهم وتوقفون سيارة فورد وتراقبونها . قال مايحتاج شفهم عندي بالتوقيف وكل يوم نمسك مجموعه . قلت ياساتر كل يوم تمسكون مجموعه ولا انتهوا قال لا حنا نمسكهم من هنا والقاضي يطلعهم .
لا حول ولاقوه الا بالله. اللهم ارزقنا بحلالك عن حرامك

[ابومحمد605]

صدق الضابط
ولكن القاضي لا يحكم ظغلا باعتراف المتهم ، المتهم طبعاً يعترف عند الشرطه وينكر عند القاضي ويدعي أنه اعترف
هرباً من الضرب .
احتسبها عند الله

[المدحدر]

حسبي الله على الحرامية

[الهوى الغايب]

من واقع رصد وليس مجرد كلام إنشائي؛ القضاة يتحملون ومع شديد الأسف إنتشار الجريمة في بلادنا بسبب ضعف أحكامهم رغم ثبوت الإدانة

[سبار]

اقتباس المشاركة الأساسية كتبها الهوى الغايب من واقع رصد وليس مجرد كلام إنشائي؛ القضاة يتحملون ومع شديد الأسف إنتشار الجريمة في بلادنا بسبب ضعف أحكامهم رغم ثبوت الإدانة

هنا مربط الفرس

[غريب احساس]

اخوي وين في الرياض او القصيم لأن اكثر سرقات الأستبنه في الرياض

[سرج سابح]

من أمن العقوبة أساء الأدب

[فهد بن عبد الله]

هو أنت لسى شفت حاجة

[السديم]

حسبي الله ونعم الوكيل

[الزلفاوي99]

من أمن العقوبة أساء الأدب

ومرة في الزلفي شخص بلغ عن سرقة الظابط قال أذا جبناه (الحرامي) تتنازل

يعني ما عندك أحد

[الطائر النورس]

اقتباس المشاركة الأساسية كتبها احمد الحازم اخوي وين في الرياض او القصيم لأن اكثر سرقات الأستبنه في الرياض

نعم في الرياض

[تالي حياتي موووت !]

.

.

ماشفت شي (:

.

.

[أبوراشد]

اقتباس انتهوا قال لا حنا نمسكهم من هنا والقاضي يطلعهم

هذي تؤثر حتى على عمل الشرطه

...

[الـدعساوي]

لا والخافي اعظم
لاكن الله يصلح الاحوال