يووم رحت لخالي اطلب ايد بنته >>>> قصه تخررررع بخ بخ

خبل بس عاقل · 23-11-2002, 03:59 AM

[c]

يووم رحت لخالي اطلب ايد بنته

السلااام عليكم ورحمه الله

هلااا وغلاااا بعيال بريدة وبناتها وشلونكم اخباركم شلون سوق الجرده وش اخباره وعلومه مشتاقين له .

اييييه يابعد حيي حكايتي اليوم حكاية مالهاا من نهاية والي راح تفوته قولو له ياويله بخ بخ ....

انا الله يسلمكم هذي الوالده الله يعظم باجرها ان شاء الله ويخليها ذخر لي ولعيالهاا
ازعجتني الا لازم تعرس والعرس يصونك ويستر عليك . والعرس راحه لك انت وزوجتك . تروحون جميع وتجلسون جميع تاكلون وتشربون سوى .
وانا كل يوم رافض هذي السالفه وشايلها من مخي بتاتاً .
وهي الله يغفر له ان شاء الله كل ماشافتني ودي اشوف عيالك ياوليدي قبل اموت ودي افرح فيهم وانا اقول لها ياميمتي يصير خير ان شاء الله وانا ياميمتي شوفيني كل يوم اروح اشري سيريلاك وحفايض بامبرز لزوجتي توهاا صغيره خليها تكبر بعد 15 سنه ثم يصير خير
وفي يوم من الايام كنت جالس ومروق بالصاله لابس سروال سنه وفنيله علاقيه ومنسدح على ظهري ورجليني على الجدار وراسي على رجل الوالده وهي جالسه تاكل كراث وتشرب زنجبيل
وانا مرووق ذيك التروويقه وجالس اعد الذوبان الي يطيرن فووق راسي .
جت الوالده ومثل العاده وفتحت سالفه العرس وبدت على شوي شوي تزن علي بذني وتقوول تجلسون انت وياها في بيت واحد تلعبون سوى .
تلاحقها بالبيت تلعبون كنكم بزارين >>>> نلعب سجن وبيت انا وياهاا

عاااد انا الفكرة خشت عرض معي حاولت ادخلها بالطول ماقدرت .
قلت للوالده يمه في بالك بنت تصلح لي ومزيونه وطويله وشعرها اسود طويل وعيونهاا سوود لا تكون عصقوله ولا تكون دبدوبه يعني بنت حلوه ومزيوننه >>>> يقولهاا وهو راسه بالارض مستحي خخخخخخخ

قالت ياوليدي من زماان فيه بنت في بالي وما ابيها تضيع عنك وماشاء الله عليها بنت مزيونه وكل المواصفات الي قلتها واكثر فيهاا

عااد انا تقطرت سعابيلي >>>>>> ياعيني على السعابيل احب سعبوله
قلت خلااص يمه يالله منهي ومن بنته قات بنت خالك فلان وهي قريبه من عمرك .
عاد انا بديت افكر والهواجيس توديني وتجيبني في راسي وذيك الليله مانمت من التفكير .
واول مرره يكوون الليل طويل واحس فيه هي ذيك الليله .
اذن الفجر قمت وصليت وانتظرت الصباح ولا رحت للجامعه ذاك اليوم ن الفرح رحت للسوق ورحت اشري لي فنايل وسروايل على شان اطلع كشخه قدام خالي
شريت سروال وفنيله ودورت ثووب ابي اشريه وركب راسي الا اشري ثووب ابو كبك وله طووق صغير >>> ثياب منوول
شريت الاغراض ورحت البسهن ثم قلت لمي ابي اشووف البنت قبل اخطب قالت ياوليدي من حقك يالله مشينا .. ؟ وين يمه بيت خالك قلت انا قدااام

رحت لبيت خالي وكان امي معه بعض الاغراض وصلنا البيت دخلت امي ودخلت انا حطينا الاغراض عند الباب امي دخلت منداخل وانا جلست في المجلس ...

بعد دقايق جت امي لمي وقالت لي خالك مو موجود اللحين طلع للدكاان حقه بالسوق لكن شف تراني قلت للبنت تجيب الاغراض من عند الباب انت تويق مع الدريشه وشفهاا هي تصلح لك ولا لا ... قلت خلااص

جلست اويق >>> يويق معناهاا الله يسلمك يعني اشووف او اطالع من ورى الجدار او النافذه احم كح
كان فاصل اعلاني ورجعنا لكم نكمل السالفه

جلست اويق او اشووف مع الدريشه وعيوني على اغراضنا متى تجي وتشيلهن بس . وانا في خضم المناظره والمطالعه الا وذيك البنت الي جايه من الحووش تمشي سبعتلاف >> سبعة الاف  وماسكه بيدها صينيه دائريه وجالسه تسووق وتفحط على بالها راكبه سياره

وديييد وطااط تضرب بووري وانا جالس اضحك بيني وبن نفسي . طبعا البنت ماكانت تعرف ان فيه واحد جالس يناظرهاا

المهم ركبت الاغراض يعني شالتهن وراحت تدخل وهي تفحط برجلينهااا هههههههه

عاااد انا طاحت عيني عليهااا وانصرعت وقلت لمي تكفين يمه لا ترووح البنت علي خلااص هذي لي قالت خلاص ياوليدي ان شاءا لله تكون من نصيبك بس انت لا تفشلنااا .

قلت لا تخافين علي انا رجال ولا راح افشلك .
قالت امي يالله وصلني للبيت ورح لم خالك بدكانه واخطب البنت منه . قلت انا خلااص .
وصلت الوالده للبيت ورحت لم السوق ادور محل خالي والاقيه وادخل لمه .

هلاا بخالي شلونك
من معي ...
قلت معك ولد اختك الله يغفر لك ويطول بعمرك
اييه هلاا والله بالقطووع الي مايشاف وشلونك وش اخبارك وشلون امك
الحمد لله ياخال كلنا بخير وعافيه
اييه الحمد لله ياوليدي هااه ياوليدي وش عندك تبي فلوس مثل كل مره ولا ويش
لا والله ياخلي انا جايك في موضوع خااص . قال اللهم اجعله خير تعال ياوليدي هااه وش عندك قوول
قلت ياخالي مدري أيش اقولك

>>>> وانا جلس اتكلم معه شال الكرسي وطلع برى عند باب الدكان جلسته هناك كل صبح بالمشرااق مشراق الشمس جلست معه وبديت اتكلم

والله ياخال انا جااي اطلب ايد بنت وانا عزمت على العرس وقلت مافيه الا بنت خالي هي من لحمي ودمي وخالي ماراح يرفض طلبي

قاال الله يحيك ياوليدي وانت تنشرى شرى بس انت عارف ياوليدي العرس مصاريف عرس واغراض ومهر ومدري ايش ومدري انت تقدر عليهاا ولا لا

قلت ماعليك ياخال كل شيء متيسره والحمد لله قلت انا اطلب ياخال كم تبي المهر ووشي شروطك طبعا ياخال بعد موافقه البنت

قال ياوليدي البنت غاليه علي وهي الوحيده الي عندي وما ابي يكون عرسها عادي او تاخذ واحد عادي ابي ازين مستقبلها باكر امووت واتركها بلحالهاا
قلت له بعد عمر طويل ان شاء الله ..
قال ابي مهر 30 الف ريال وابي العرس يكون بقصر وابي بيت له لحالها ويكون لها خدامه و و و اغراض كثيره خاصه فيها من ذهب ومدري ايش ..

>>>> ماعمره اعرس يعني ما اعرف خخخخ

المهم جلست اطالع خالي بنظره وانا على نظراتي له الا وبنت تمر من عندي بالسووق لابسه ذاك النقاب الي يقطع القلب واقووم من مكاني واروح لم البنت وخالي يناديني يالخبل وين رايح قلت ابروح اغازل هالبنت مثل ماتشووف ثم قال والعرس قلت العرس خله لك اعرس بدالي انت قال ايش قال بنت غاليه علي هع يازين العزوووبيه وعيشته

واروح الاحق البنت بالسووق ثم بعدين نكمل لكم السالفه وش جرى لي مع البنت بالسووق

هذي هي حكايتي لهذا اليوم ونعتذر عن قطعهاا لكن اذا اعجبتكم كملتهاا واذا لا فخلاص نكتفي بهذاا

سلاااااااااااامون ياطراطيع بريدة بخ بخ

[/c]

ابوعمرنت · 23-11-2002, 10:30 PM

واعيباه تغازل ياللي ماتستحي افااااااااا افااااااااااااا افااااااااااااااا افاااااااااااااااااا افاااااااا ا

بس كمله يالفاهر

**مدحت شوقي بريده** · 24-11-2002, 04:57 PM

بص ياواد ...
ماعليك من بنت خالك ... شف اللي غازلته اخطبه بس ... تراه كفوك ...

لاتزعل ... الطيور على اشكالها تقع ...

الكلام هذا مهوب لك ياخبل بس عاقل ..... هذا لصاحب القصه الحقيقي ...
مهوب صح انا وياك اصدقاء ,,,

المنهبل · 25-11-2002, 02:37 PM

اثرك تغازل يالمارج ==========<<<<<<<<< والله ياهو قديم

كلام مدحت كلام ميه بالميه

او صح انت خبل

لا تزعل علي

تري امزح معك============<<<<<< من متى المعرفه

المنهبل · 25-11-2002, 02:41 PM

عشام ما تفهمون غلط

قصدي بالمارج اللفظ وليس المعنى

ولذلك جرى التنبيه انتهى كلامه غفر الله لنا وله

كان رحمه الله لا يحب الا لتباس بالكلام وكان ياكل المرقوق بعد صلاة المغرب

23-11-2002, 03:59 AM	#1
خبل بس عاقل عـضـو تاريخ التسجيل: Jun 2002 المشاركات: 17	يووم رحت لخالي اطلب ايد بنته >>>> قصه تخررررع بخ بخ [c] يووم رحت لخالي اطلب ايد بنته السلااام عليكم ورحمه الله هلااا وغلاااا بعيال بريدة وبناتها وشلونكم اخباركم شلون سوق الجرده وش اخباره وعلومه مشتاقين له . اييييه يابعد حيي حكايتي اليوم حكاية مالهاا من نهاية والي راح تفوته قولو له ياويله بخ بخ .... انا الله يسلمكم هذي الوالده الله يعظم باجرها ان شاء الله ويخليها ذخر لي ولعيالهاا ازعجتني الا لازم تعرس والعرس يصونك ويستر عليك . والعرس راحه لك انت وزوجتك . تروحون جميع وتجلسون جميع تاكلون وتشربون سوى . وانا كل يوم رافض هذي السالفه وشايلها من مخي بتاتاً . وهي الله يغفر له ان شاء الله كل ماشافتني ودي اشوف عيالك ياوليدي قبل اموت ودي افرح فيهم وانا اقول لها ياميمتي يصير خير ان شاء الله وانا ياميمتي شوفيني كل يوم اروح اشري سيريلاك وحفايض بامبرز لزوجتي توهاا صغيره خليها تكبر بعد 15 سنه ثم يصير خير وفي يوم من الايام كنت جالس ومروق بالصاله لابس سروال سنه وفنيله علاقيه ومنسدح على ظهري ورجليني على الجدار وراسي على رجل الوالده وهي جالسه تاكل كراث وتشرب زنجبيل وانا مرووق ذيك التروويقه وجالس اعد الذوبان الي يطيرن فووق راسي . جت الوالده ومثل العاده وفتحت سالفه العرس وبدت على شوي شوي تزن علي بذني وتقوول تجلسون انت وياها في بيت واحد تلعبون سوى . تلاحقها بالبيت تلعبون كنكم بزارين >>>> نلعب سجن وبيت انا وياهاا عاااد انا الفكرة خشت عرض معي حاولت ادخلها بالطول ماقدرت . قلت للوالده يمه في بالك بنت تصلح لي ومزيونه وطويله وشعرها اسود طويل وعيونهاا سوود لا تكون عصقوله ولا تكون دبدوبه يعني بنت حلوه ومزيوننه >>>> يقولهاا وهو راسه بالارض مستحي خخخخخخخ قالت ياوليدي من زماان فيه بنت في بالي وما ابيها تضيع عنك وماشاء الله عليها بنت مزيونه وكل المواصفات الي قلتها واكثر فيهاا عااد انا تقطرت سعابيلي >>>>>> ياعيني على السعابيل احب سعبوله قلت خلااص يمه يالله منهي ومن بنته قات بنت خالك فلان وهي قريبه من عمرك . عاد انا بديت افكر والهواجيس توديني وتجيبني في راسي وذيك الليله مانمت من التفكير . واول مرره يكوون الليل طويل واحس فيه هي ذيك الليله . اذن الفجر قمت وصليت وانتظرت الصباح ولا رحت للجامعه ذاك اليوم ن الفرح رحت للسوق ورحت اشري لي فنايل وسروايل على شان اطلع كشخه قدام خالي شريت سروال وفنيله ودورت ثووب ابي اشريه وركب راسي الا اشري ثووب ابو كبك وله طووق صغير >>> ثياب منوول شريت الاغراض ورحت البسهن ثم قلت لمي ابي اشووف البنت قبل اخطب قالت ياوليدي من حقك يالله مشينا .. ؟ وين يمه بيت خالك قلت انا قدااام رحت لبيت خالي وكان امي معه بعض الاغراض وصلنا البيت دخلت امي ودخلت انا حطينا الاغراض عند الباب امي دخلت منداخل وانا جلست في المجلس ... بعد دقايق جت امي لمي وقالت لي خالك مو موجود اللحين طلع للدكاان حقه بالسوق لكن شف تراني قلت للبنت تجيب الاغراض من عند الباب انت تويق مع الدريشه وشفهاا هي تصلح لك ولا لا ... قلت خلااص جلست اويق >>> يويق معناهاا الله يسلمك يعني اشووف او اطالع من ورى الجدار او النافذه احم كح كان فاصل اعلاني ورجعنا لكم نكمل السالفه جلست اويق او اشووف مع الدريشه وعيوني على اغراضنا متى تجي وتشيلهن بس . وانا في خضم المناظره والمطالعه الا وذيك البنت الي جايه من الحووش تمشي سبعتلاف >> سبعة الاف  وماسكه بيدها صينيه دائريه وجالسه تسووق وتفحط على بالها راكبه سياره وديييد وطااط تضرب بووري وانا جالس اضحك بيني وبن نفسي . طبعا البنت ماكانت تعرف ان فيه واحد جالس يناظرهاا المهم ركبت الاغراض يعني شالتهن وراحت تدخل وهي تفحط برجلينهااا هههههههه عاااد انا طاحت عيني عليهااا وانصرعت وقلت لمي تكفين يمه لا ترووح البنت علي خلااص هذي لي قالت خلاص ياوليدي ان شاءا لله تكون من نصيبك بس انت لا تفشلنااا . قلت لا تخافين علي انا رجال ولا راح افشلك . قالت امي يالله وصلني للبيت ورح لم خالك بدكانه واخطب البنت منه . قلت انا خلااص . وصلت الوالده للبيت ورحت لم السوق ادور محل خالي والاقيه وادخل لمه . هلاا بخالي شلونك من معي ... قلت معك ولد اختك الله يغفر لك ويطول بعمرك اييه هلاا والله بالقطووع الي مايشاف وشلونك وش اخبارك وشلون امك الحمد لله ياخال كلنا بخير وعافيه اييه الحمد لله ياوليدي هااه ياوليدي وش عندك تبي فلوس مثل كل مره ولا ويش لا والله ياخلي انا جايك في موضوع خااص . قال اللهم اجعله خير تعال ياوليدي هااه وش عندك قوول قلت ياخالي مدري أيش اقولك >>>> وانا جلس اتكلم معه شال الكرسي وطلع برى عند باب الدكان جلسته هناك كل صبح بالمشرااق مشراق الشمس جلست معه وبديت اتكلم والله ياخال انا جااي اطلب ايد بنت وانا عزمت على العرس وقلت مافيه الا بنت خالي هي من لحمي ودمي وخالي ماراح يرفض طلبي قاال الله يحيك ياوليدي وانت تنشرى شرى بس انت عارف ياوليدي العرس مصاريف عرس واغراض ومهر ومدري ايش ومدري انت تقدر عليهاا ولا لا قلت ماعليك ياخال كل شيء متيسره والحمد لله قلت انا اطلب ياخال كم تبي المهر ووشي شروطك طبعا ياخال بعد موافقه البنت قال ياوليدي البنت غاليه علي وهي الوحيده الي عندي وما ابي يكون عرسها عادي او تاخذ واحد عادي ابي ازين مستقبلها باكر امووت واتركها بلحالهاا قلت له بعد عمر طويل ان شاء الله .. قال ابي مهر 30 الف ريال وابي العرس يكون بقصر وابي بيت له لحالها ويكون لها خدامه و و و اغراض كثيره خاصه فيها من ذهب ومدري ايش .. >>>> ماعمره اعرس يعني ما اعرف خخخخ المهم جلست اطالع خالي بنظره وانا على نظراتي له الا وبنت تمر من عندي بالسووق لابسه ذاك النقاب الي يقطع القلب واقووم من مكاني واروح لم البنت وخالي يناديني يالخبل وين رايح قلت ابروح اغازل هالبنت مثل ماتشووف ثم قال والعرس قلت العرس خله لك اعرس بدالي انت قال ايش قال بنت غاليه علي هع يازين العزوووبيه وعيشته واروح الاحق البنت بالسووق ثم بعدين نكمل لكم السالفه وش جرى لي مع البنت بالسووق هذي هي حكايتي لهذا اليوم ونعتذر عن قطعهاا لكن اذا اعجبتكم كملتهاا واذا لا فخلاص نكتفي بهذاا سلاااااااااااامون ياطراطيع بريدة بخ بخ [/c]

23-11-2002, 10:30 PM	#2
ابوعمرنت عـضـو تاريخ التسجيل: Oct 2002 البلد: بالملحق المشاركات: 1,751	واعيباه تغازل ياللي ماتستحي افااااااااا افااااااااااااا افااااااااااااااا افاااااااااااااااااا افاااااااا ا بس كمله يالفاهر __________________ ابوعمرنت : 12 : 12 : 12 ;) ;) :)

24-11-2002, 04:57 PM	#3
مدحت شوقي بريده .. وللشطوب نكهة و نكهة .. تاريخ التسجيل: Feb 2002 البلد: هناك المشاركات: 16,085	بص ياواد ... ماعليك من بنت خالك ... شف اللي غازلته اخطبه بس ... تراه كفوك ... لاتزعل ... الطيور على اشكالها تقع ... الكلام هذا مهوب لك ياخبل بس عاقل ..... هذا لصاحب القصه الحقيقي ... مهوب صح انا وياك اصدقاء ,,, __________________ . . . .. قلب البحطلة ينبض .. ينبض ينبض ينبض .. .

25-11-2002, 02:41 PM	#5
المنهبل عـضـو تاريخ التسجيل: Oct 2002 المشاركات: 295	عشان ما تفهمون غلط عشام ما تفهمون غلط قصدي بالمارج اللفظ وليس المعنى ولذلك جرى التنبيه انتهى كلامه غفر الله لنا وله كان رحمه الله لا يحب الا لتباس بالكلام وكان ياكل المرقوق بعد صلاة المغرب

25-11-2002, 02:37 PM	#4
المنهبل عـضـو تاريخ التسجيل: Oct 2002 المشاركات: 295	اثرك تغازل يالمارج ==========<<<<<<<<< والله ياهو قديم كلام مدحت كلام ميه بالميه او صح انت خبل لا تزعل علي تري امزح معك============<<<<<< من متى المعرفه