 |
|
|
|
|
12-12-2002, 07:26 PM
|
#1 |
|
عـضـو
تاريخ التسجيل: Oct 2002
البلد: في قلب من يحبني
المشاركات: 2,005
|
مواقف محرجه غير شكل ..
مواقف محرجه غير شكل ..
السلام عليكم ورحمة الله وبركاته.. هذه بعض المواقف المضحكه والمحرجه من جد مساكين تفشلو بس مت من الضحك عليهم ان شا الله تعجبكم هذا الموقف حصل لواحد من الشباب يقول القصة وما فيها .. هذي شغالتنا الله يجبر في خاطرها ملقوفة مررره وتحب تستعمل اي شيء ما خلت اشياء خواتي كلما شافت دهن عود قامت ودهنت به .. وكلما شافت عطر تعطرت به .. حتى بخاخ مزيل الشحنات الكهربائية فض فاض راحت تبخ منه تحسبه عطر .. علتنا الله يعلها .. ههههههه في مره من المراررريرات دخلت غرفتي وشافت مزيل الشعر ( نير)طبعاً عصار .. هههههه المره خذته تحسبه دهان للوجه راحت وخبصت وجهها كله وبعد فتره راحت وغسلت وجهها ويوم شافته في المرايه خافت من شكلها .. ههههه عاد طلعت علينا في الصاله وهي تقول : ماما .. ماما شعر روح ما فيه شعر ..ويوم شفنا الوجه بدون حواجب ولا رموش كل اخواني واخواتي تبطحوا من الضحك عليها ههههههههه انا قمت ازحف في الصاله وماسك بطني لا ينفجر ضحك .. المصران الاعور طلع وجلس يخبط في الجدران وهو يضحك .. والدموع تخرخر تقول ناطلين مسيل الدموع علينا .. عاد تخيلوا وجه مستطيل ابيضاني ما فيه ولا شعرة املط ههههههه وتعابير الوجه خوف مع واحد ما يدري وش يسوي (( اه يا بطني )) بصراحة كلما تذكرت السالفة قمت افطس ضحك .. جلسنا على هذا الحال اسبوعين ضحك كلما تذكرنا السالفة قبل شهر رحت أنا وشباب لمجمع الراشد في الخبر ،، المهم اللي معاي مطاوعه ماخلوني أتهنى ،، وأذن للعشاء وقالوا لي يالله الـصـلاه، قلت روحوا أنا طاح مني شيء خلوني أروح أدوره وبعدين أجيكم ( أعرف أصرف ) ،، المهم أخذت لفه حتى أقام ومابقى ألا ركعه وأنا اللي أجيك ماغط للمسجد عشان ألحق الركعه ودخلت للمسجد وعلى طول كبرت وركعت بدون ما أناظر ،، وفي الركعه قاعد أناظر على الأرض وأشوف اللي جنبي رجله عليها مناكير بألوان الطيف ،، وأنا مستغرب وش السالفه ( دلخ تراني ) ،، ويوم قام من الركوع أشوف المسجد كل اللي فيه لابسين أسود وفيه صوت بزارين ،، وأناظر اللي جنبي وألا هي حرمه ولابسه عبايه ( طلعت داخل في مسجد الحريم ) ،، وأنا اللي أقطع صلاتي وأطلع على طول برى ... ويوم طلعت ألا والعسكري ماسكني ويجرني ويوديني للهيئه ،، وسين وجيم ،،، ويوم علمتهم السالفه فطسوا ضحك لين قالوا بس ... هذا موقف جداً طريف كنت قبل فتره ادرس في الخارج وكان احد الزملاء من سوريا المهم ذاك اليوم كان عندنا فراغ ساعه بين المحاضرات قلت له يا "رامي" يالله مشينا نفطر وكان فيه مطعم عربي قريب من عندنا…رحت انا و الرجال و حنا جالسين نفطر كنت جالس بوضعيه بحيث اشوف اللى يمشى بالشارع و خويي معطي الشارع ظهره …الا ذيك البنت اللى تطيح الطير من السماء تمر من قدام المطعم و انا اللى اشهق ذيك الشهقه من الملح و القبله اللى به (بعدين ما يمنع اني اشرت للبنت) و قلت لخويي و الله يافاتك بنت صاروخ ياعليه جسم و...و... المهم البنت عدت من المحل ...شوى الا البنت ترجع و تناظر بداخل المحل ..شوي الا البنت تدخل جوى المطعم...و جت عندي... قلت لخويي البنت حبتني يارامي... ما دريت الا البنت تكلم خويي...قلت يالعن ابو التحطيم هذا و انا اللي اتميلح من الصبح........ المهم تكلمت البنت مع الولد عربي؟؟؟؟ يوم طلعت البنت قالي خويي ((العّّّماااااااااااا…..هي اختي) ...دور وجهي من الفشيله...رقعه ؟؟؟؟؟؟؟؟ :LOL: انا صار لي موقف غريب ماحد يصدقه ذاك اليوم امشي بالسياره والدنيا توها باديه تمطر خفيف يعني انواع الزلقان المهم ماسك الخط واجيك ابدخل خط الخدمه ولا الموتر اللي قدامي يلف ويزلق ويجيك زاحف على جمب ويرقى الرصيف وياقف طبعا انا كعيت فرامل وتعرفون الوضع زلقان والاي بي اس بدا يصوصو واوط واوط المهم عجزت اقف والقط اللي قدامي مع الرفرف اللي ورا .. قصرت المسجل واناظره الا منهو؟؟؟؟؟؟؟؟؟؟ ابووووووووووووووووووووووووي قسم بالله احد يصدم ابوه؟؟؟؟؟؟؟؟؟ والله الحظ اشوى الصدمه خفيفه ونزلت قلتله هاه وش الدبره ؟ قال امش البيت اشوى ماقال جب المرور ابوي اقشر شوي لوووووووووووووووول يوم من الأيام .. قالت لي أم محمد أي زوجتي .. نبي اليوم نتشرى من الجمعية (( سوبر ماركت )) قلت لها أوكي .. وسألتها ضروري نأخذ حمودي معنا اليوم .. قالت نعم .. تدرون الرد لازم يكون على أمرش يا مدام ؟؟ الله وكيلكم شغلت السيارة .. وين على الجمعية .. وحمودي معي يلعب بالسيارة .. أسكت يا ولد ذبحتني .. ولك أقعد.. مافي فائدة .. الولد شيطاني ومقلع أكثر من أبوه .. نزلنا دخلنا الجمعية .. والولد ماسكه بإيدي .. وأم حمودي تتقدمنا كالعادة هي الكل في الكل .. وأنا أجر العربانة شوي فجأة أدور على حمودي .. ولا هو وين أنخش الله يعلم .. المهم ناديت ودورت عليه تعرفون طوله ما يبين كله عمره 4سنوات ؟؟ طوله طول المسطرة .. ولا فجأة ما أشوف إلا ذاك المنظر العجيب الأول من نوعه في حياتي ؟؟؟ حمودي واقف ومسترسل النظر على وين على بنت مثل عمره وطوله تقريبا .. والله وكيلكم حلووووووووووة مررررة أنا يوم شفت الولد ونظرات التعجب طالعة مني ؟؟ معقولة .. الولد صار يفهم ؟؟ تداركت الأمر وقلت له بصوت شبه مرتفع (( حمووود قطلها رقم بسرررعة )) وهو إلى الآن مسترسل النظر إلى البنت .. ولا ما أشوف إلا أبو البنت خلفي مباشرة .. وسمعني يوم أقول لولدي قطلها الرقم .. أنا شنو صار فيني .. صار ويهي كوكتيل من الخجل أحمر أصفر .. ما عرفت شنو أرد على الريال .. كل ما قلت له آسف كنت أداعب الولد .. الريال ضحك ومشى الحال .. وأنا ميت خوف ورعب ومنحرج وايد من الريال .. مسكت حمودي .. وحطيته في العربانة وقلت له .. مالت عليك وعلى أبوك وعلى إلي يعلمك المغازلة مرة ثانية .. لا أنا أعرفك ولا أنت تعرفني .. زيـــــــــــــن .. تقول لنا اختنا في الله كانت يوم طالعه مع اخوها الصغير (في الطعش) مشوار وكان عنده البوري خربان وهو منسجم في السواقه طلع له واحد رايق شكله يمشي على اربعين وماهو مخليه يمشي وهم كانو مستعجلين والمشكله ما في بوري وش يصلح خلاص وصل حده ، قام فتح الشباك وصار يصارخ بأعلى صوت بيييييييب بييييييب بييييييب بييييييب .... هذى البنت من النوع اللي قرايبها واجد مرره وكل يوم طالع لها اخو والا خال والا عم من الرضاع .. عاد مره كانت قاعده في غرفتها يوم جا ابوها وقال لها عندنا اخوانك من الرضاع جايين من سفر انزلي سلمي عليهم قالت ان شاء الله .. عاد هي متعوده على هالمواقف قبل يجون ناس ماتعرفهم يقربون لها وتسلم عليهم .. المهم انها كانت مستعجله فنزلت بسرعه وراحت للملحق ودخلت والا فيه مجموعه شباب سلمت عليهم وقعدت شوي معهم .. كيف الحال ووش اخباركم والحمد لله على السلامه وطلعت .. وهي طالعه على الدرج قابلتها امها وقالت لها وينك ابوك يدورك يبيك تسلمين على اخوانك .. قالت رحت للملحق وسلمت عليهم .. قالت امها اللي بالملحق ربع اخوك ابوك واخوانك بالمجلس جالسين هناك ينتظرونك تجين تسلمين عليهم !! مره واحد طالعين معه اخوياه وشافو جمس فيه بنات وحريم قام الاخ يأشر ويستملح ولاقى قبول استانس!! وقفوا.. نزل عشان يعطيهم الرقم الا ويطلعون اهله مطلعين سيارة جديدة وامه المسيكينه على نياتها تقول ماشالله شلون عرفتنا؟؟؟؟؟؟؟؟؟؟؟؟؟؟؟؟؟ هذا موقفي المحرج مرتن كنت بشارع الوشم بسيارتي قبل صلاة المغرب بدقايق و انا حسران بالحيل و ابي حمام ( تكرمون ) باللي هوبه قلت ماللي الا ازبن لي مطعم و انا اللي اوقف عند هاك المطعم اللي بشارع الستين و يوم جيت ادخل للمطعم استحيت قلت عيب ادخل و اقضي حاجتي و طلع لازم اطلب شي قلت لراعي المطعم و هو واقف عند الشاورما عند الباب : الله لا يهينك واحد شاورما و واحد ببسي و انا اللي اطير ادور الحمام ( الله يكرمكم ) و اثره بقصى المطعم وادخله و اصفق الباب بكل قوتي من اللّعنه و يوم خلصت واثر الباب ماله يد و اقعد اطبل بالباب و اصايح و ماعندك احد و يذن المغرب و يصكون المطعم و يروحون للصلاة و انا بالحمام ( تكرمون ) و مادرو عني الابعد الصلاة بعد ما إنّبح حلقي و تكسرت ايديني من المخابط و قعدت اسبوع صاكني راسي من ريحه ( النفل و الخزامى ) :^ تقول وحده مره كنا بنطلع كلنا بنروح نمشي البزارين في الألعاب اللي في الفيصليه تحت المهم راحوا كلهم ركبوا السياره إلا أنا قلت دقيقه بروح لدورة المياه الله يكرمكم و ارجع المهم قضيت حاجتي بسرعه و ركبت السياره و رحنا نزلوا كلهم و انا آخر وحده تنزل على بال ما امشي و اتمغط صايره آخر وحده المهم نمشي و نمشي و الناس مطيرين عيونهم فيني يا ربي وش السالفه و السكيوريتي اللي عند الباب مغير يظحكون علي قلت لاختي فيني شي ؟؟ كانت تمشي قدامي و التفتت علي قالت لا يا شيخه يا انك موسوسه انتي ما فيك شي امشي بس المهم و ننزل مع الاسكليتر تحت و كان فيه بزارين وراي ما اعرفهم يظحكون علي انا قلت تعوذي من ابليس يا بنت اكيد انهم يظحكون بين بعضهم و امشي شوي قدام اختي و تشهق ذيك الشهقه اللي الله لا يوريكم و تتسدح ظحك علي هي و امي و من جاورنا طلعت العبايه داخله جوا الجينز من ورى و ليته ليته بنطلون عادي اسود كان على الاقل استر بس جييييييييييييينز أزرق المهم اني رحت لدورة المياه و قعدت ألقط وجهي بعد الفشيله و أصيح و طلعت منها على السياره على طول ولا عاد طبيت الألعاب اللي تحت الى يومكم هذا معليه طولت عليكم بس إن شاء الله ضحكتوا ويالله كل الصبايا والشباب قولولنا مواقفكم المحرجه... ملطووووووووووووووووووش تحياتي ,, على نياته ---------------------------------منقول----------------------------------------
__________________
لاحول ولاقوة الا بالله >> كنز من كنوز الجنة فـارس القبيلـة == على نياته سابقاً_((-( اذا رأيت شخص غير مسلم وترغب بدعوته الى الإسلام,, ماعليك الا أن تكتب رسالة قصيرة الى الرقم l 0555988899 l تكتب فيها رقم هاتفه ولغته وهم سيتولون الباقي بأذن الله,, منذ انطلاقة هذه الطريقة أسلم أكثر من 850 شخص ولله الحمد والمنة تذكر قوله صلى الله عليه وسلم: ((لأن يهدين الله بك رجل واحد خير لك من حُمر النِعم))أو كما قال عليه الصلاة والسلام ايضاً تذكر لاتحقرن من المعروف شيء )-))_ |
|
|
|
12-12-2002, 10:19 PM
|
#2 |
|
عـضـو
تاريخ التسجيل: Sep 2002
المشاركات: 2,613
|
الحقيقة
روعة روعة روعة جب ثانيات بسرعة.
__________________
هذا التوقيع إهداء من غندر - رحمه الله -  المــ O.EC @ HoTmAiL . COM ـاسنجر |
|
|
|
|
12-12-2002, 11:20 PM
|
#3 |
|
عـضـو
تاريخ التسجيل: Oct 2002
البلد: بالملحق
المشاركات: 1,751
|
قضت البطاقه وانا اقراهن بس مهبولات وتشكرون عليهن
__________________
ابوعمرنت
: 12 : 12 : 12 ;) ;) :) |
|
|
|
 |
| الإشارات المرجعية |
|
|
النمط المتتابع
