[المستشار]

بسم الله الرحمن الرحيم ،،


أول حاجه أحب أسلم على الشايب القابع بذا ، ذالك الشكش الذي يقطن بين أروقة هذا القسم و تلقاوه يتعكز بين الردود و المواضيع باحثا ً عن صرقعة و هبال و هذا هو اللي يسمى ( مراهقه متأخرة ) بس خل عنك الصراحة الشباب هنا بالقسم يعجبونك تفاااااااااااعل كميائي مهب صاحي يخلي الواحد يجيك طاااااااير


مرة من المراريت الشباب طرحوا في أحد المجالس هالسؤال ( وش الريحة الي تحب ؟ [ طبعا ً غير العطور ] و باللغة الخبية أقول لكم ( وش الريحة الي تحب تنتشيه دايم و إذا أبطيت عنه تبداء تحكك ظهرك و بطينك الأشمل و يطلع بك ثالول بالعرقوب الأيسر ؟؟؟ )


كانت إجابات الشباب مصللللللللعه و غريبة في نفس الوقت ، و خذ مثال : واحد من العيال يقول أنا أمووووووت على ريحة التليص إذا صار توه مرشووووووش .. !!
و فيه واحد يقول أحب ريحة الخبز الحار أول ما أشري خبز حار أفقش حافة الخبزة و أدس خشمي و أشفط ثاني أكسيد الكربون اللي بالخبزة لمين تنتلي الجيوب الأنفية عندي إلى حد النخاع ثم تبدأ تستشري بالجسد رويدا رويدا ً ، إلين تاصل إلى أعلى الدماغ شمالا ً و إلى باطن الرجل جنوبا ً !!


و فيه واحد يروق على ريحة الأرطى <==== وش عنده أبو فريد ..



أنا أبي من الشباب هنا يعطوننا وش الروائح المفضلة ، وكلن و مزاجه ، لكن أهم شي يكون فيه مصداقية بالإجابة و على شان نحمد الله و نشكره على بعض المسكات الي تخم مع بعض ناس ،

أهم شي المصداقية يا شباب ،، لا يجي واحد و يقول أنا أموووت على ريحة صنان الشايب ( حفيد عقيل ) ، و لا يجيك واحد يقول أنا إذا شفت الجني العبد لابس شرابة بالصيف أحترية يفصخه على شان أتنشاه ، و لا واحد يقول أطلق ريحة هي ريحة خوي السرور ، إذا أبطى ما سبح ،،
ووععععععععع ..


نبي المصداقية يا شباب ،،
( صوت معنا ،، فصوتك أمانة ،، )
قعط معنا ، فتقيعطك إخلاص و بر والدين ،،


تستقبل المشاركات على هاتف الموضوع
( الرد السريع )

[memo2003]

أحب ريحة الكتب جديده ما أدري ليش

[المستشار]

أما أنا فأحب ريحة المطر ، و أحب ريحة الوكااااااااااااااالة ( السيارة إذا صارت جديدة )

[التويجري]

أحب ريحة أمي ..

دايم اتنشى الغدفة ..

علشانه مليانة عطر ..

[آآآه يا زمن]

اما ريحة الوكالة شيء ثااااااااااااااني

[وحـيــد الـجـزيـرة]

حي الله أبو مستشار..

عندك الله يسلمك الروائح الزكيه

1- ريحة غبار الحوش وليس الوسخ..غبار الحوش لا جاو الماء..

2 - ريحة تعطيب الكلتش>>ماحبيته والله إلا من كثرة ما أشمه الله يخلف على القير..آخر مرة بالثمامة عطب علي نهائياً..

3 وريحة المكيف لا شغلته أول مره بعد الشتاء..

4 وريحة الفخار لجاو ماء..

5 ريحة الموتر لا طلع من الوكالة..

6 وسابقاً ريحة البنزين>>أيام الطفه

7 وريحة الفرد (المددس)>>بزر يبي يقول المسدس ههه..لا أطلقت به

8 وريحة الكتاب أول ماتشرية من مكتبة الرشد اللي بالسويدي وفتحت الصفحة الأولى اللي بعد الغلاف نفسه


888
88
8




تدري من كثر الروايح اللي أموت عليه...إني خبل

[طالب طب]

الحين يجي بعض ناس ويقول التتن ..

[عمر اليحيى]

حجز مكان ولي عودة

ومعي الراحة المفضلة

[مهاوي حمد]

احب ريحت الفرشه والزل الجديد

[حبة فستق]

سوّي حجز ..


ثاني ..




بس بدون طنزة ..




..

[ريكي]

.

جاك الشايب الثاني بس هذا شايب طير
صراحه ياعمي موضوعك جنان << والا الوسيط

.. ..

انا اموت بريحة المكيف حق السياره وريحة المطر وريحة العسيب لا اعلدزت به والرمث و التسبريت ابو خيل هع

وغيرها لكن ما تحضرني

.

[قرناس]

أحب رائحة الفجر
<== مهب عاقل الرومنسي

أبو محمد الروائح المحبوبة كثيرررة عندي بعضه محبوب ذوقياً
وبعضه محبوب لأن له انطباع خاص كأن تكون مرتبطة بذكرى معينة أوبأشخاص معينين
فالشخص اللي أقابله لأول مرة اختزن ريحته وكل ما انتشيته بمكان آخر تذكرته
يعني اذا كانت أول مرة قابلتك به يا أبومحمد ريحتك عرق
فاعرف أنك بأيام الصيف دايم على بالي

من الروائح اللي أسكر معه وتروح الخياشيم كشني
ريحة القهوة لاصارت توه مطحونة
وريحة الفقس لاصرت مزكم

[فنتاستكـ]

أحب ريحة الفراش لا صار بي نوم
.
.
وأحياناً أحب ريحة الكشنـة

[معتدل]

رائحة الدخان لبرد