[سامي بريدة]

السلام عليكم ورحمة الله وبركاته

استجابة وتقديرا للأخوة والأخوات

أضع بالرد التالي

جميع أسماء المحلات التجارية التي أوردتموها بمشاركاتكم اختصار للوقت

وجزاكم ألف ألف خير على هذه المشاركات والتفاعل الجميل

- 1 -

اقتباس المشاركة الأساسية كتبها بنت البشر محل زارا بالنخيل رفع اسعار بعض القطع 20 ريال..

اقتباس المشاركة الأساسية كتبها حكاية الأمس السلام عليكم ورحمة الله وبركاته ... اصدرت الجمعة الماضيه اوامر ملكيه من قبل الملك عبد الله بن عبد العزيز حفظه الله واطال الله في عمره .. ومن ضمن الاومر امر وزارة التجارة للرقابة على الأسعار ومكافحة الغش التجاري في الأسواق المحلية و إيقاع الجزاء الرادع على المتلاعبين بالأسعار والتشهير بهم دون تردد كائناً من كان المخالف، ومن هنا اخواني واخواتي قبل يومين كنت في احد المراكز التجاريه في مدينة بريدة اشتري بعض الاغراض يوم رجعت للبيت واتفاجأ من سعر كريم در مو فيت الاخضر 13 ريال وانا اشتريه في الصيدليه بسعر 9,45ريال يعني زياده اربع ريال في جيبهم ليش الطمع والغش والاستغلال ... اليوم زيادة اربع ريال بكرا عشره وعشرين ...بعدها يتمادون فينا الى زياده 100 ريال عن سعره الحقيقي كل هذا لاننا حنا تركنا التجار يتمادون في الاسعار لاننا نشتري ونسكت ولا نشتكي عليهم فكذا من هذا الموضوع مراح نسكت عن غش تجاري لأي مركز اذا وزارة التجارة ماتشهر ولا تعاقب احنا راح نشهر لكل من يغش ويتلاعب في الاسعار ....خلاص كفايا استغلال ياتجار بنا مراح نسكت عن الموضوع فكذا حبيت انزل لكم صورة الكريم بسعر المستغل وسعره الحقيقي..... السعر المستغل السعر الحقيقي .... وهذه صوره للكريم لمن اراد معرفة شكله

اقتباس المشاركة الأساسية كتبها تولين بدر بنده يبنده اكبر متلاعب بالسواق والله زيت عافيه كان عندهم ب16ونصف وذحين 19 ونصف واكثر عروضه ضحك بضحك

اقتباس المشاركة الأساسية كتبها اروفي حليب المراعي المحلي بدل 91صار 98

اقتباس المشاركة الأساسية كتبها الرحاله العربي وهذا رابط الإبلاغ عن المخالفات التجارية http://www.commerce.gov.sa/mok2/form.asp وهذا رقم خاص للبلاغ عن المخالفات : 8001241616 لدى وزارة التجاره المخالفات تشمل :زيادة الأسعار انتهاء تاريخ الصلاحيه عدم وجود تسعيرة على البضائع عدم اصلاح اية جهاز عليه ضمان مثلا جوال سيارة او غيره الامتناع عن البيع قذارة المحلات عدم نظافة الأطعمه و اى شئ مشابه

اقتباس المشاركة الأساسية كتبها مزارع بشري امس رحت اسواق سلتي بحي البشر ابشتري اغراض من ضمنها كريمة كاسترد من المراعي وتفاجى يوم قالي سعرها بريال ونصف وقبل يومين مشتريها بريال واحد وقبله بيومين بالفايزيه قالي العامل بريال ونصف قلت له مايصير امس بريال قالي خلاص خذها بريال خخخخخخخ حسبي الله عليهم ونعم الوكيل مراقبة الاسعار خرطي المفروض اي منتج يطبعون عليه السعر طباعه من الشركة باشراف وزارة التجاره مافيه حمايه للمستهلك تعيين وزير ولافصل وزير كله واحد

اقتباس المشاركة الأساسية كتبها العنيد555 نعم محل زارا في النخيل زايد الاسعار وجيته يوم الخميس .......

اقتباس المشاركة الأساسية كتبها البوح الصامت اولا شكر الله للصاحب الموضووع ,, ثانيا: التلاعب في هايبر بندة مو معقول ابد ان شفت فاين حق اللي يحطونه بالعشاء الاصفر والاحمر اهم شئ مكتوب 7ريال واجي اروح لم الكاشير بشوف مومعقولة بسبعة قلت بكم قال هذا بــ 8 يعن يحطون السلعة رخيصة واذا رحت لمهم يزودون كم ريال والعياذ بالله

اقتباس المشاركة الأساسية كتبها أمٍيًرٍهُـ مٍنْ وٍحٌيً آٍلخُيًآٍ’لَ كل الشكر لصاحب الموضوع انا اليوم رحت لم الحسون سنتر واشوف انه مزود ع الاسعار بكثير يعني مثلا زود ع القطعة 9 ريال و5 ريال ليش يسووون كذا مايكفيهم الربح اللي ياخذونه وين المراقبة عنهم والله لعب بالاسعااار موطبيعي

اقتباس المشاركة الأساسية كتبها دبدوبي سجل عندك الدجاج الوطنية وبعد كم يوم انتاج زود عليه نصف ريال وقبل زود ريال منول تاخذ وزن ١٠٠٠ب ١٠ والحين ١٣.٥

اقتباس المشاركة الأساسية كتبها شروق الشمس جميع المحلات التابعة للحكير يقول سعودي يبيع بمحل تابع لهم انه جاهم امر من الحكير بعد رفع الرواتب برفع الاسعار لمدة شهرين والعمده عليه وليست علي ولكن ان شاء الله انة ثقة

اقتباس المشاركة الأساسية كتبها هاشم اشتريت أكرمكم الله ( حفائظ بييبي جوي ) العائلة بـ 33 ريال وبعد فتحها بالبيت وجدتهم حاطين كيسين الواحدة بـ 12 ريال يعني الكيسين بـ 24 ويأخذون مكسب 9 ريال حسبي الله على الظلمه . وعندما سألت العامل قال اشتر الي يناسبك شكرا لمن اقترح هذا الموضوع

اقتباس المشاركة الأساسية كتبها man express صيدلية الحكمة بالفاخرية .

اقتباس المشاركة الأساسية كتبها man express سعر الشامبو ( دوف دوف ) حجم كبير 14 ريال وسعره لدى المحلات الأخرى ( 12 ) ريال الزيادة 2 ريالان ! شكراً على الموضوع .

اقتباس المشاركة الأساسية كتبها شموع ورديه صيدليه بالسالميه تبيع الحليب27 ومحلات ثانيه 24وغيره كثير ليش الطمع حسبي الله ونعم الوكيل

اقتباس المشاركة الأساسية كتبها طلق محل الضبيعي لبيع المواد الغذائيه بالجمله اللي بشارع المياه يبيع القهوه ام حبال ب230 ريال بزياده50 ريال لانه قبل ب180 ريال

اقتباس المشاركة الأساسية كتبها البارووووووونه تكفووووووووووووووووون

اقتباس المشاركة الأساسية كتبها البارووووووونه قهرني محل توب تاتو باالنخيل اشتريت منه فستان سعره 1000 وليقيته بسوق الداخلي 550 حسبي الله عليهم مايخفون الله والله محللهم

اقتباس المشاركة الأساسية كتبها حروف آبجديه الطازج رفع سعر البسبوسة من 4 ريال الى 5 ريال

اقتباس المشاركة الأساسية كتبها chuck شوف محل >ساكوراللحلويات< بجنب بركتين >>>غالي بقوه

اقتباس المشاركة الأساسية كتبها أحلى التفاصيل مكاتب العقار شرق بريدة......الفوزان والرشودي والحجاب والوقيت....رفعوا سعر المتر مابين 50 الى 80 ريال......كانه سوم عادي مافيه مشكله.......اما اذا كان تحايل ......الله يسد بوجيههم من وين مايوجهون

اقتباس المشاركة الأساسية كتبها المدير احمد بيت الدجاج الي في محطة الرواف

اقتباس المشاركة الأساسية كتبها المدير احمد صاحبه سوري حرامي كبير

يتبــــــــــــع إن شاء الله

[سامي بريدة]

- 2 -

اقتباس المشاركة الأساسية كتبها نايف123 عليكم بمقاطعة إنتاج للدواجن كل يوم يرفع سعر كان مقاس 700بي 7ريال والان بي10 ومأدري هو ارتفع بعد وكذلك محل الضبيعي رافع الاسعار والناس منكبة عليه

اقتباس المشاركة الأساسية كتبها تايه الليل محل الفلافل اللي جوار مخابز الأسره بالبشر رفع سعرالحمص من (5) ريال الى (7) ريال

اقتباس المشاركة الأساسية كتبها الفيلسووف يا اخوان اسعد الله مساءكم بكل خير اليوم مريت محل ( سلتي ) اللي بسلطانه وحقيقه زي ماسمعت اسعاااااره نااار ولم يتقيد بالاوامر الساميه . مثال شاي ربيع تلقيمه سعره عندهم ب 7.5 ريال بينما بالجوزاء وغيرها ب 4.5 ريال فما رايكم ايها الاعزاء وهناك الكثير من المواد الغذائية المبالغ بها اتحفونا بردودكم وماهو الحل مع من يتلاعب بالاسعاااااار ؟؟؟

اقتباس المشاركة الأساسية كتبها قاآآآآسم http://www.buraydahcity.net/vb/showthread.php?t=255425

اقتباس المشاركة الأساسية كتبها ابو كندا صيدلية مستشفى سليمان الحبيب أسعاره نار نار حليب الاطفال نوفالاك بالصيدليات 25 وبعضهم 26 وعندهم 28 وناظرت أكثر من صنف اغلى من الصيدليات @

اقتباس المشاركة الأساسية كتبها أبونورااااان الصيعري بطريق الملك فهد كل الي بلبقاله رافعين سعره الا الخبز والبارد....... يبدو انهم يوم كبرو البقاله دجو قالو ليش مانصير المستفيد الاكبر من الاوامر الملكيه ورفعو الاسعار الحذر ثم الحذر احححححححذر كيلا تخخخخخخسر

اقتباس المشاركة الأساسية كتبها ضحكة الدنيا معروفه غاليه أغلى الصيدليات في منطقة الشرق واصغرهن بعدد شين وقوة عين البريدي وأطلس وللي عند اوشال واللي عند الدوار وعادل كلهن ارخص طبعا بريال وريالين بس يبقون ارخص منه...خصوصا بحليب الأطفال

اقتباس المشاركة الأساسية كتبها م م ي ز السلام عليكم من ضمن المحلات التي قامت بزياده الاسعار هي / الشامل للكمبيوتر اللي مقابل النخيل بلازا حيث يوم السبت حطيت جهازي الكمبيوتر لتغيير الشاشه وكتب لي اللي بالاستقبال فاتوره بــ 375 ريال ويوم جيت أستلم الجهاز أمس ليقته مضيف على الفاتوره 25 ريال قلت ليش الزيادة وعندي بالفاتورة 375 ريال قال الــ25 ريال شغل يد؟ الصراحه أول مره أسمع شغل يد ماعدا بالورشات أو اذا جبت عامل سباكه عندك بالبيت يركب لك السخانه .....

اقتباس المشاركة الأساسية كتبها angel~ السلام عليكم مخابز وحلويات الارياف قبل كم يوم كان 4 حبات خبز البرقر بريال ومن امس 6 حبات خبز البرقر بريالين !!!!!! صيدليه السلمان يبيعون كريم الحجم الاقل بسعر الحجم الاكبر ؟؟؟!!!! بينما صيدليات اخرى تبيع الكبير بسعر الصغير اللي عند السلمان

اقتباس المشاركة الأساسية كتبها طالبة شريعه السلام عليكم اليوم اشتريت طحين الفاخر {الكويتي} الحجم الصغير كان قبل بريال واحد وبعد مازادت الاسعار العام الماضي كان باثنين ريال والحين بخمسه ريال!!!!!!!!! حسبنا الله ونعم الوكيل""""""

اقتباس المشاركة الأساسية كتبها عبدالله احذروا من بندو واخواتها وكارفور وتلاعبهم الأسعار.................

اقتباس المشاركة الأساسية كتبها ضحكة الدنيا خبر أكيييييد 100% والله على مااقول شهيد الأرياف زادو بأسعارهم مثلا كيلو زادوه ريالين وغيره ومذركير زادو على بعض الأشياء 5 ريال <<حرام والله إذا اباخذ أكثر من قطعه بيطلع وااجد

اقتباس المشاركة الأساسية كتبها شموع مضيئه في النخيل محل ليف ستيل ابشتري فرشاة مكياج مكتوب سعرها 9ريال يوم رحت ابحاسب قال سعرها 10ريال!!! قلت مكتوب سعرها 9 ريال قال رفعن السعر.... قلت له وشوله الاستغلال وجي اجلسها عنده وطلع..

اقتباس المشاركة الأساسية كتبها ابو كندا هذا الشغل وإلا بلاش أنا اليوم رحت للنخيل المحلات اللي جوى بالحكير السعر دبل ومحل باجه بالمول أسعاره مرتفعه

اقتباس المشاركة الأساسية كتبها velvet girl ~ْ حتى أريج اللي بالصنآعهـ مزيدين بالأسعآر ~ ... وش عليهـ مآ ادري :/ كلهـ زبآيل يآرب لك الحمد ... ~ اللي بـ 120 صآير بـ 150 :/

اقتباس المشاركة الأساسية كتبها أحلى التفاصيل مطعم الخيمة الي بالفاخرية.....اليوم الصباح طلبت صحن كبدة وشاهي ..قال لي 9 ريال قلت وشلون ...صحن الكبدةب7 والشاهي 1 يعني 8.....قال لي الكبدة مرتفعه 1 ....بس ما خليته .......التفت على الي واقفين وراي.....وقلت ياجماعة تراه رافع الاسعار بأعلى صوتي...الي اطلعوا وراي اثنين وهاوشوه.......يا ناس لازم نتكاتف ونصير يد وحدة

[أعتز بعقيدتي]

مهرجان
قوت فيه أشياء غير معقولة
ما أدري ليه
الأسعار نار يمكن علشان شغل بلدي

[اعذريني يالهديا]

مشكور والله يعطيك العافيه

[الرحاله العربي]

اقتباس المشاركة الأساسية كتبها أعتز بعقيدتي مهرجان قوت فيه أشياء غير معقولة ما أدري ليه الأسعار نار يمكن علشان شغل بلدي

كلام صحيح

[شهلا]

مطعم هم بيتزا

طلبنا منه أمس بيتزا بالجبن كنا نشتريها أول بـ8 ريال الوسط وأمس باعها علينا بـ15ريال !!!
يعني زيادة 7 ريال !!!!!!!!!!!
بس مدري إذا هالزيادة من زمان أو من جديد !!
ياليت أحد يتأكد لنا

[العند ليب]

حمدلله أول حالة تشهير ..



اتمنى هالقرار يكون حافز لكل شخص بسرعه الإبلاغ عن أي جهة تقوم برفع الأسعار
لكي تلقى العقاب الرادع بإذن الله ..!

[الوساااام]

ايه عليكم فيهم ..

الله يعطيكم القوة يا اخوان واخوات ..

[عاشق مالديني]

مشكوووووووووور ع الموضوع الرائع

[خوي الذيب]

ههههههههههههههههههه

[نيوتن بن توماس]

انا ساكتب عن الذي ينزل الاسعار وهي ( صيدلية تــــــد اويـــنــا ) موقع الصيديله قبل دوار خضيراء على اليمين وانت متجه جنوب .
اسعار حليب الاطفال مخفضه جدا الفرق عن الصيدليات 7ريال
سعر حليب نوفلاك بصيدليات 29 اما في صيدلية تدوينا سعر22 ريال.
والحفائض الاطفال الفرق 3ريال اذهب وشاهد بعيونك

[الخاشوقة..]

نعم محل زارا زادوا بالاسعار ..

سمعت هالكلام كثير .. لكن لم أصدق ولم أكذب ..
حتى رأيت بعيني عصر اليوم ..

كنت قد أشتريت منهم قطعة قبل شهر تقريبا ..
وتفاجأت اليوم بهم وقد زادوا سعرها ..

وحماية المستهلك نايمة بالعسل ..

لو أن هالمحلات عارفة أنها راح تُحاسب على فعلتها تلك..
لما تجرأت على رفع أسعارها

لكن بالعامي(تدري أن ماعندها أحد) ..

والضحية المواطن المسكين .. الذي لم يهنأ بزيادة الرواتب ..

[active]

هكذا فليكن التفاعل ولنقف أمام هؤلاء الجشعين الذين لايرجون لله وقارا

جزيل الشكر لكاتب الموضوع :
سامي بريدة

ولإدارة المنتدى

ولكل من تفاعل ...

[حسبي الله وكفى]

المحيسني للمواد الغذائية بالصفراء نهاية شارع المشاغل وأنت وجهك شمال يجيك حرف تي تلف يمين تشوف المحل بالخدمة على يمينك
هذا سلمكم الله عنده حفايظ من نوع فايني وأنتم بكرامه رقم بلس 4 (10-22) كيلو سعره 21 ريال
بينما سعره في بقاله ثانية إسمها بقالة الربيش في نهاية شارع المشاغل وأنت وجهك جنوب يجيك حرف تي تلف يمين تتعدى الجاسر ووالخياط والمغسلة المهم أول لفه يمين من بعد مالفيت مع الأشارة هذي بقالة الربيش عنده الحفايظ هذي نفسها وسعرها 19 ريال .
وصدفه قابلت مندوب شركة الحفايظ هذي وسألته كيف هذا يبيغه كذا وهذا يبيعه كذا قال أنا ببيع الكرتون وفيه أربع أكياس ب(70) ريال يعني يطلع الكيس الواحد سعره 17,5 ويبيعه بقالة الربيش بسعر 19 ريال يعني مكسبه (1,5)ريال معقول بينما المحيسنى للمواد الغذائية يبيعه ب(21)ريال يعني مكسبه (3.5)ريال واللي ماصدق يروح يشوف بنفسه هذا أنا وقفت عليهم بنفسي والله على مأقول شهيد