[dahhoom922]

بريطانيا أكييييييييييييييد

[المتزن]

اقتباس المشاركة الأساسية كتبها تالي حياتي موووت ! مـشـكـــــــوـوـوـور عـ الـصـــــــــــور .. بـصــــــــراحـه هالمـتـحــــــــــف إبــــداع .. والمــــــره الـثـــانـيـــه أدخـلـــــــه وصــور مـع المـجـسـمـــــــات للـذكـرى ترا مــو سهـلـــــــه .. تحياتي ..

لا شكر على واجب أختي

وان شاء الله المرة الثانية ( يمكن السنة الجاية بعون الله وتوفيقه ) أدخله واصوّر ( مع ان تذكرة الدخول غالية )


وتقبلي تحياتي 00
المتزن

[المتزن]

اقتباس المشاركة الأساسية كتبها أبو محمد النجدي المتزن وين الغيبات يالبي اثرك بين هالعلوج تتمشى أقول يالبي أنا أتفق مع مقارف .. وش يدرينا إنك رايح لبريطانيا .. يعني يمكن الصور زارفهن من منتدى المسافرون العرب لازم تحط صورة لك في هالطبيعة حتى ندري صدز السنة اللي تجي أبروح معك لأني ودي أكتب مقال بالهايد بارك حتى إذا قضيت من المقال أقول بآخر شيء الهايد بارك لندن أبومحمد النجدي ما تجي حمداً لله على السلامة , وياليتك قايل لي من قبل علشان أوصيك على علبة ( شوكولاته ) من شارع ببريطانيا والله يا هي لذيذة بعد.. الهايد بارك الاسكان أبومحمد النجدي

ياهلا والله ومسهلا يابو محمد , والله يسلمك .

والله وانا اخوك ضعنا ما بين العلوج والنعوج ( هي جت تسذا لزوم الوزن :D يعني لا تزعلون )

لكن ترى العدل واجب :D

أما بالنسبة لاتفاقك مع مقارف , فأنا أعيد عليك ما قلته لمقارف .

أحلف لك وتصدق ؟؟!

والا عندي لك راي :

تراهنن مني ذبيحة كان انا ما رحت هناك , ومنك موكا بارد كان طلعت انت الغلطان ؟؟!

واتحدى منتدى المسافرون العرب يجيب مثل هالصور ( والله ياهو موهقن روحه :D )

عاد تبي الصراحة :

7
7
7
7
7

والله اني تحسفت اني حطيت الصور بدون توثيق بوضع اسمي على كل صورة .

لذلك أرجو من الأخوة والأخوات ممن يعرفون كيفية توثيق الصور وإضافة الاسم على الصورة , أن يبلغوني هنا أو برسالة خاصة , لأني فعلاً أنا بحاجة إلى توثيق الصور خصوصاً وحده من الصور الجاية .

أما الهايد بارك وقولتك تبي تكتب مقال وتحط بالتوقيع ( الهايد بارك لندن أبو محمد النجدي ) , فاقول لك ترى موب لازم تكتب شيء وانت هناك , عادي لاجيت اكتب اللي تبي وقل بعده ( من الهايد بارك لندن )

وانا ابكتب قصيدة واوقع تحته : من على جال بحيرة ..... , أبو فهد المتزن

لأن الهايد بارك مهوب هاك اللي بالحيل ( مهوب بعيد عن الحضاري :D )

وانتظر كم صورة منه إن الله أراد .


ووشي الشوكولاتة علشان لا رحت أجيب لك ؟؟!
( يقالـّه دايم يروح :D )

صدز وشي ؟؟


وتقبل تحياتي 00
المتزن

[المتزن]

اقتباس المشاركة الأساسية كتبها ๑a7lam al3mr๑ مع احترامي المتزن لو انك منزل الموضوع على شكل ثااااني مثلا رحلتي الى ...... وعرضت الصور بيصير االموضوع جمييييييل جداً وجدي ! هههههههههاي الحين تردون تقولون يابنت الفلان اصلا حدك بريده ومدري ايش ترى هذا مب رد دوروا غيره ..

يا هلا بك يا مدري وش اسمتس
( بس شكله كان انا منب واهم : احلام العمر , صح ؟! )

بصراحة وانا اخوتس ما فهمت وش تبين بالضبط , فحبذا لو توضحين أكثر .

أنا اللي فهمته انه ما جاز لك شكل طرح الموضوع .. بس هذا اللي فهمته .


وتقبلي تحياتي 00
المتزن

[المتزن]

اقتباس المشاركة الأساسية كتبها عبدالله الجطيلي بصراحه صور رائعه اثرنا ضايعين في ابهاء والشفا اقول شكلي ابحزم الحقائب

يا هلا ومسهلا يا عبدالله

وتسلم على التعليق .


وتقبل تحياتي 00
المتزن

[سراب]

أول شيء ياخوي حمدالله على السلامه أتوقع تركيا

[Osama2-2]

عـزيـزي .. الـمـتـزن

اولا .. الـحـمـد لـلـه عـلـى ســلااامـتـكـم .. انـشـاااء الـلـه كـااانـت رحـلـة مـمـتـعـه << أكـيـد عـلـى

الـصوور

صـدقـااااصـدقـااا صـوور غــااايـة فـي الـرووعــة والـجـمـااال ~~

صـرااحـه ودي اسـااافـر لأاوربـاااا بـس غـاالـيـن شـووي رحـت لـدول شـرق آسـيـاا نـفـس

الـخضـرة وتـفـوووق فـي الـجـزر الـجـمـيـلـة بـس درجـة الـحـراارة مـتـعـبـه واحـيـانـاا رطـووبـه

<<مـقـاارنـتـااا بـدول اوربـااا مـثـل اوكـراانـيـااا وسـويـسـراا واسـبـاانـيـااا خـصـووصـااا مـااربـيـاا

خـلااص مـاافـيـه ثـاانـيـااا :D

انـتـظـر بـاااقـي الـصـووور

؛؛تـحـيـااااتـي؛؛

،
،

[الصباخ]

حبيبي والله أبومتزن أنت .




معليش أعذرن ماقدرت أدخل هاليومين اللي راحن ، لكن إن شاء الله أبوري الوالد -أطال الله في عمره- الصور علشان يساعدن في الحل .


انتظرني غداً بمشيئة الله تعالى .

[الصباخ]

حبيبي المتزن -حفظه الله- .


مسكت الوالد اليوم وقلت له:
يبه فيه صور ببريطانيا أبيك تشوفه وتساعدن ، لأنه في واحد حاطن مسابقة ويقول أتحدى أحد يجيب اسم المدينة .

وبعدين رد علي أبوي وقال:
خلاص ورن الصور .


المهم ويوم بديت أوريه الصور ، جلس ساكت وهو يتأمل هالصور الجميلة من بريطانيا ، همن قطع السكوت وقالي:
تعال نروح للأرشيف وندور .

وندخل أرشيف المنزل ، ونحوس ونحوس أنا وهو لنا ساعة ، وبعدين طلعنا كل أوراق بريطانيا ، وجلس يناظرهن ويسترجع الماضي ويوم هو يدرس ببريطانيا [طبعاً أنا كنت صغير ومانيب أذكر كل شيء] ، وخنقته العبرة [ياعمري أنت يايبه ياحبيلك ] ، المهم ويشوف ويناظر ويشوف الصور حقاتك يالمتزن .

وقالي:
أولاً: الصور ماتوضح مكان المدينة اللي هو راح له ، المفترض إنه يحط معلم في هذه المدينة أو يلمح لأشياء فيها ، حتى أقدر أعرف وش اسم المدينة .

ثانياً: أبعطيك اسم المنطقة اللي فيها الطبيعة اللي ببريطاانيا وبعطيك خمس احتمالات ، بس قل لخويك يلمح لأشياء داخل المدينة .


وعطان هالإحتمالات:

المنطقة هي:
إسكوتلاندا .

المدن والترتيب على التوالي:
- لوخ نيس . [فيها بحرية تتحدث عن أسطورة] .
- أبردين .
- دندي .
- أنبره . [كبرى مدن إسكوتلندا] .
- غلاسكو . [أيضاً من كبرى مدن إسكوتلندا] .








حبيبي المتزن ، إذا تقدر تلمح لي بعض من ملامح المدينة اللي رحت له ، طبعاً هذا إذا كانت الخيارات السابقة جميعها خطأ .



شكراً لك ياعزيزي .

[الصباخ]

اقتباس أبخلي تعليقاتي بعد ما يعطينا الصباخ توقعاته , علشان ما يغش

تراي غشيت من أبوي .

[A N A S]

والله رحله مميزه .


مشكور

[بروق الوسم]

الحقيقة الصور جميلة وننتظر باقي الصور جزاك الله خير....

[المتزن]

فاصل ثم نواصل

الصباخ :

المدينة في إنجلترا مهيب باسكتلندا ولا ويلز ولا إيرلندا , وهي تراه موب مدينة قرية صغيرة جداً ( فيما يظهر لي )

وماشفت معلم بهالديرة إلا هالبحيرة اللي تشوف , وفيه معلومة لو أقوله يمكن الوالد يعرف الديرة أو المنطقة لذلك منب قايلة .

وتغشيش أكثر من تسذا , ترى ينقز مر :D

وعندي إحساس إن الوالد يبي يجيبه .

ياالله أحتريك ولك إلى فجر الاثنين .


وتقبل تحياتي 00
المتزن

[المتزن]

اقتباس المشاركة الأساسية كتبها حفيد الصحابة بس ياأخوي بعض الصور فيها نساء

بارك الله فيك أخي حفيد الصحابة , ومشكور على التذكير .

لكن ترى صور النساء غير واضحة وقد جاءت عرضاً وليست مقصودة ..

وبعدين غض البصر ياخي :D


وتقبل تحياتي 00
المتزن