[ابوعمار]

الحمد لله رب العالمين

[حَنْظَلَة]

المشكلة اذا طلع صك احصار
ساعته ربصوا مرو
حبسي الله ونعم الوكيل

[كلمنتان]

ماضاع حق وراهـ مطالب

[ريما الغلا]

تاكدو ياناس اعرف ناس كثارين عندهم اموال عند غدون

[الليــــــــــالي]

والله ياشاب
مااعتقد عنده الا القليل
يقولون واعذروني من وكالة يقولون
استأجر بانوراما تسعة شهور وباني قصر
وملعوب عليه 35 مليون ريال في صفقه بالامارات
وصفقه 15 مليون مع شركاء بالبحرين
وسفرات لألمانيا مدته شهر وجاء وقال عندي صفقه
وراح للامارات وأخذ الدبابات عشان يوهم العالم
وتزوج غير زوجته الأوله بحدود أربع
مابين سعوديه ومصريه وسوريه ويتمتع ويطلق
ولاتنسون إن عنده مصنع بالبصر ويديره
اليمنيان محمد أمين وجلال باسم سعودي
وكل هذا كيف ترجع دراهمنا!!!!!!
إذا مارجعن نطالب بالسجن المؤبد يعني
سجنه خمس وعشرين سنه
أو تتركه الدوله لنا نتصرف

[إلى الله المشتكى]

يا إخوااااااااااان

حسب مصادري الخاصة : (( يقال أنه في السجن وهذا أمر مؤكد ولكن ليس بسبب سرقته لدراهمنا وإنما لسبب آخر ))

على العموم استغلوها فرصة

واتركو عنكم البربرة الفاضية

وروحوا للمحكمة الإدارية اللي اصدرت لكم صكوك

وارفعو المعروض التالي : والذي أنزله أخونا تميم

اقتباس فضيلة رئيس المحكمة الإدارية بمنطقة القصيم حفظه الله السلام عليكم ورحمه الله وبركاته وبعد أفيد فضيلتكم أنني تقدمت بدعوى لديكم ضد المواطن عبدالعزيز بن فهد الصقعبي صاحب مؤسسة غدون بخصوص مساهمتي معه وقد صدر لي صك بذلك وتم التعميم على المذكور للقبض عليه . وحيث أن المذكور قد قبض عليه من قبل الشؤون الإدارية بمنطقة القصيم وهو الآن موقوف لديهم آمل من فضيلتكم التكرم بتطبيق صكوكنا الشرعية ورد أموالنا . حفظكم الله وسدد خطاكم .

وأنا اليوم رحت ورفعت المعروض وعطون رقم

أرجوووووووووووووكم استغلوا الفرصة

لاتضيعونها

[hnd1]

اليوم انا رحت لديوان المظالم وقدمت معروض شبيه للمعروض اللي ذكره الاخ اعلى طالبا منهم صوره من الحكم اللي صدر لي قا لوا لي اصلا الاحكام هذي غيابيه واذا عترض عليهن الصقعبي رح تجلسون معه جلسات جديده وتعطون احكام جديده غير هذي بعد مواعيد وجلسات كثيره لان الحكم الغيابي غير معترف فيه وغير قابل للتنفيذ اذا اعترض عليهن الصقعبي يعني بمجرد ما يقول ما اعرف شي عن هالاحكام ولا حضرت الجلسات راح يعاد كل شي من اول وجديد قلت لهم طيب ابي صوره من الصك اللي صدر لي قالوا كلهن ارسلناهن للاماره بهذا الرقم 1941-1942 بتاريخ 20-1-1431 اخذت الرقم ورحت للاماره قالوا ارسلناهن للشرطه الشماليه رحت للشرطه الشماليه بالصادر والوارد قالو فوق بقسم الاحضار عند موظف ماودي اذكر اسمه بهذا الرقم 716-717 رقيت فوق بقسم الاحضار ادور الموظف قالوا واصل مشوار ويجي بعد اشوي انتظرته تقريبا ساعه كامله ومليت وطلعت حاله مابعده حاله وبس توبه انساهم بهالبلد حقوق ضايعه دراهمي كله قروض ايام ماكانت البنوك يعطون الى عشر سنوات وكلهن حطيتهن عند الصقعبي والربدي والنهابي ومازلت اسدد راح خمس سنوات وباقي خمس سنوات حنا في بلد الحقوق فيه ضائعه قولوا لي وش سوت لجنة المساهمات العقاريه المشكله من مجلس الوزراء من مدة 3 سنوات ماسوت ولا عود الله يخلف بس

[منافح]

ياشباب شدوا حيلكم وصلتوا على خير ، بإذن الله تقر أعينكم قريبا بوصول مستحقاتكم .

[كاسبر القصيم]

طيب الحين هو موجود بالسجن

ما سوو فيه شي ؟؟

[(كاشف الفساد)]

مصادر خاصة تقول: إن الرجال وده يحضر جلسات المحاكمة ويقول مستعد أعترف بكل شيء وأقول من هو اللي سلمته الفلوس .. لأنه لمح إلى أنه كان ينقل الفلوس لناس ثانين متفق معهم بطرق ملتوية ..

هذا ما نطق به لسانه أمام المحقق ..

[(كاشف الفساد)]

ذهبت اليوم أنا وأحد المساهمين إلى المحكمة الإدارية للسؤال عن مصير قضايا المساهمين في غدون ..

وهل سيتم إحضار عبدالعزيز الصقعبي للمحاكمة ؟

فقمنا بسؤال الدائرة التجارية عن ذلك فأخبرونا أنه تم إنشاء دائرة فرعية مؤخراً لنظر قضايا المساهمات وأنها سوف تقوم بمخاطبة السجن لإحضاره للجلسات القضائية التي لم يتم البت فيها..

وإعطاءه الصكوك التي صدرت بحكم غيابي للمساهمين لكي ينظر فيها ويرى هل هو مقتنع بها أو معترض خلال فترة لا تزيد عن خمسة عشر يوماً وإلا أصبحت المبالغ ثابتة بحقه ..

وهذه الدائرة يرأسها القاضي/ المشيقح حيث ذهبنا إلى مكتبه وذكر أنه سيستلم القضايا وسيكتب إلى السجن لإحضاره وسماع أقواله..

لذلك لا بد من المتابعة ..

وسمعته يقول أتمنى أن يقر بالأحكام لكي لا نضطر للنظر فيها من جديد..
لا سيما وهي تثبت رؤوس الأموال فقط ..

اللهم أرجع حقوقنا إلينا..

[كاسبر القصيم]

مشكور اخوي

والله ينصركم

ويكون عبرة لغيرة

[حلآ..]

[quote=الـراصـد;782780]فلوسكم لاعاد تسلمونها لأحد خلها بالبنك تأكلها الزكاة أحسن من تلاحق ناس ماتسوى تبي نص رأس مالك ولاهو حاصل لك.... لاحول ولاقوة إلا بالله

اللحين ماتشوفون الناس تصيح لها ثلاث سنوات بالمنتديات من الربدي وغيره ...شلون ماتتعضون !!

مال تودعه بيعه !

وأنت أخي الكريم كع كع روح بيعها على صاحب المساهمة إذا فيها خير بيشتريها منك وبيعطيك فلوسك !! و



كلام سليم

[6137]

ياشين اللي مايعرف ينطل