[مسكين قلبي كم يعاني]

الله يعينكم ويفرج همك

[سحابة بيضاء]

الله يعين يابنت الحلال
كلن يشتكي ولا احد جاب خبر
جامعة القصيم ماشيه على نظام (عندك فيتامين "و" تمشين وتدخلين القسم اللي تبين ماعندك هالفيتامين اجلسي ببيتكم لانك بالنهايه ستصابين بالشيب والضغط والسكر)
صااادق اللي يقول عند التخرج المفروض يسلموننا شهادتين وثيقة تخرج وشهادة شكر وتقدير على الصبببببر

[ربي أشرح لي صدري]

قولي أمييييين عسى من ألف شي آسسمه قياس ماآقول إلا حسبي الله عليه
تلقينه موظف عياله وبناته وماهمه إلا نفسسه ترى والله ملينا وين حقوقنا
آسخف عذر أنهم يقولون المقاعد محدود خير أن شاء الله وش هالكلام لازم نشوف لهم صرفه
حسبي الله ونعم الوكيل

[الـسـراج]

سؤال ..

متى يمكنني وضع الجدول الخاص بي ؟

علماً أن عند الحذف والإضافة يظهر "الحذف و الاضافة غير مسموح في الوقت الحالي ".

..

[أتعبني غروري]

^
آنتهى ـآلتعديل بالجداول ـآمس عبر الموقع
لكن بإمكانك تسويه عند شؤؤن الطلاب وـآخر موعد 3/14

[حاني الروح]

اقتباس المشاركة الأساسية كتبها اني آغـردز =( السلام عليكم ابسأل عن ماده حاملته من السمستر اللي رآح وابي اضيفه هالسمستر هذا أبجدع همه =) الله يكتب أجرك =)

سوٌي له إضافة عن طريق ملفكِ بالموقع ..
وإذا ماظهرت لكِ تقدرين تتواصلين مع شؤون الطالبات وتطلبين منهم أنهم يضيفونه ..
لكن أعتقد أن الحذف والإضافه عبر الموقع أُغلق .. يعني التعديل متاح عند الشؤون فقط .

اقتباس المشاركة الأساسية كتبها مزآج ! السلام عليكم وحمة الله وبركاته  اتمنى ان الجميع بخير  مالي بالمقدمات , بدخل ع طول  ونقول اول شي (حسبي الله ونعم الوكيل) ! يارب ان كان فيه عقدة بيننا وبين المستقبل ففرج علينا بنزعها  كلية الشريعة !  معدلات ما تقبل الا 4 ! مع شغل القياس والثانوي ! والله حرآم مقدر احول الا بمعدل 4  ، لو جبت الاربعة كان اساسا ما حولت ، الحمدالله توفقت  ، والمشكلة انه بس هنا ف بريدة ،! طيب وحده معاي طلعت لتحويل الرياض وانقبلت ، ! حتتى شريعة  معدل 4 !!!!! والحل طيب ؟ والي جاي لنا يقول عشان الزحمة ومدري ايش مو عذر يا جامعة القصيم ! والشؤون " ماتعطي مجال استفسار يعني بس حق الغرابيل " دراسة هذي مو لعب ، طيب 3 ونص حولها ليه كذا  > المقاعد ماتكفي .. ليييه طيب ! منطقة كاملة فبناتها محدد لهم مقاعد دراسة !! مدري ايش نقول صراحة موقف وموضوع يقفل المخ  انا وصديقاتي كلنا < تحت الانتظار ! واخرتها ما ننقبل والنص منا انسحب والي اعتذر ! (نوصل كلامنا كله للي قادر يفتح علينا بعد الله ) لا حول ولا قوة الا بالله حسبنا الله ونعم الوكيل  ....... مين وراء هذا كله ؟؟

وعليكم السلام ورحمة الله وبركاته ..
أولا .. أنتي متأكده أنهم طلبوا معدل 4 .؟
وهل جربتي تقدمين طلب تحويل عبر الموقع ؟
آخر فرصة للتحويل هو يوم الإربعاء القادم .
حاولي تدخلين ملفك وروحي لِـ " طلب تغيير تخصص " .
و قدمي طلب تحويل مره ثانيه وإن شاء الله تتسهل الأمور و يقبلون تحويلك .
و أهم شيئ لاتجعلين عائقا بسيطا يكون سببآ في الإنسحاب من الجامعة .

[حاني الروح]

اقتباس المشاركة الأساسية كتبها الـسـراج سؤال .. متى يمكنني وضع الجدول الخاص بي ؟ علماً أن عند الحذف والإضافة يظهر "الحذف و الاضافة غير مسموح في الوقت الحالي ". ..

الحذف والإضافة عبر الموقع أُغلق ..
يعني التعديل الآن متاح عبر شؤون الطلاب فقط .

[الـسـراج]

باركـ الله فيكمـ , والله ييسر لكمـ "أتعبني غروري" و "حاني الروح" .. ما قصرتوا

[roosh]

اقتباس سوٌي له إضافة عن طريق ملفكِ بالموقع .. وإذا ماظهرت لكِ تقدرين تتواصلين مع شؤون الطالبات وتطلبين منهم أنهم يضيفونه .. لكن أعتقد أن الحذف والإضافه عبر الموقع أُغلق .. يعني التعديل متاح عند الشؤون فقط .

داخله الحذف والاضافه بس ماظهرت لي ومكتوب ان المواد المحموله (الغير مجتازة)ماتظهر
يووه مافيه الا الشؤؤن الله يعين على الزحمه والقلق =(
جزاك الله خير

[طارق العتيق]

متى ينتهي التعديل على الجداول من شؤون الطلاب . . ؟

[ابو يزيد.]

اقتباس المشاركة الأساسية كتبها طارق العتيق متى ينتهي التعديل على الجداول من شؤون الطلاب . . ؟

الاثنين الجاي بالله بس انتبه تقفل الشعب يعني السبت اعتقد اغلب الشعب تقفل

[ام الوريدات]

• ابي رقم شؤون الطلاب لان شؤون الطالبات ما لقيت منهن اهتمام وودي أضيف مادة

[ابو يزيد.]

اقتباس المشاركة الأساسية كتبها ام الوريدات ابي رقم شؤون الطلاب لان شؤون الطالبات ما لقيت منهن اهتمام وودي أضيف مادة

للاسف شؤون الطلاب لايردون على التلفون نهائيا طوال هذا الاسبوع وهذا كلام مدير شؤون الطلاب اليوم لي وما فيه حل غير ترسلين احد لشؤون الطلاب كليتك وليس الى العمادة