[مخاوي الصمت]

الآن تم الإتصال من الجوال والنتيجة
[ الرقم غير مستخدم ]

وتم الإتصال من الثابت والنتيجة
[ مكالمتك لا تتم حسب الطريقة التي إستعملتها ، فضلاً تأكد من الرقم الصحيح ]

بالإنقليزي
[ يو كوك كا انسدي كابليتد ازدايل ، بليز نايت شور دو يو هاف دايل نمبر ]

[4200]

اقتباس انا قايله انكم تتعاملون مع ثلاث ورقات وقلم ماتتعاملون رسمياً او اثباتات رسمية

هل فيه تخطيط او شرح يكون بدون ورقه و قلم ؟

{اقرأ باسم ربك الذي خلق * خلق الإنسان من علق * اقرأ وربك الأكرم الذي علم بالقلم * علم الإنسان ما لم يعلم } العلق:1-5.


اخوي اذا جيت تسجل بياناتك بالموقع فيه خيار يقول لك تبي طباعه اطبعه

هذي ورقه رسميه عند الشركة

***

اقتباس كذلك انا اشتغلت وخسرت فيها ولقيت فيها خداع واشياء كثيرة

وش الخداع اللي لقيته ؟

هل جبت في مكتبك 3 يمين و 3 يسار ولمم ينزل لك المبلغ ؟ اذا ما نزل لك المبلغ انا بدفعه لك من جيبي وفوق هذا قيمة المنتج اللي انت شريته

عطني اليوزر حقك اذا انت اشتغلت معنا

***

اقتباس سؤالك بالصميم امزون موقع تشتري منه بضاعه فقط .. وتنتهي هنا اما كويست نت .. البضاعه هي البداية ولو انتم فقط تتعاملون مع مونتاج وتجون تقنعوننا اننا نشتري مونتج .. وخلاص تنتهي هنا هنا أقولك مايحتاج سجل ولا حاجة .. لنه عرض وطلب ادخل الموقع باسم واشتر بنفسك .. هنا انا معك كما يفعل امزون وابل ومايكرسوفت اما انتم غير تسويق وعمولات وشبكه ومعاملات يعني تحتاج لاثباتات رسمية

عند التسجيل بيناتك اطبع بيناتك هذي ورقة رسميه عند الشركه

اقتباس احنا مشكلتنا في السعر الخيالي الغير معقول .. وطريقة تسويقكم والأرباح الخيالية الوهميه

ليش وهميه هل سجلت معنا ولا نزل لك مبالغك او عمولتك ؟

اقتباس لعلمك دقيت على من الاتصالات وموبايلي وزين ودقيت عليهم من ثابت الرقم خطأ ول يوجد اصلاً وانصح الكل يجرب الرقم ويعطينا خبر جزاكم الله خير من عنده المشكلة عندي او عند اخوي 4200

نتقابل وادق عليهم من جوالي

اقتباس الشركة لاتسمح لك أن تشتري مباشرة لابد ان تكون تحت اسم من اسماء مشتركيها لاتنسا .. هذي نقطه ضدك

أوكـي وش المانع اذا كنت تحت اسم مشتركيها ؟

الشخص اللي دعاك للشركه تستكثر عليه 150 ريال ؟ يكسبها اذا شريت .,

اقتباس الشريطي ممكن يكسب ويمكن يخسر فيها اما انتم مكسب مضمون 100% واللي اعلى منك نايم وياخذ عموله على تسويق انت سوقته اما الشريطي يسوق لنفسه خسر خسر لنفسه كسب كسب لنفسه هذا الفرق

انت قلت

اقتباس كذلك انا اشتغلت وخسرت فيها ولقيت فيها خداع واشياء كثيرة

شلون مكسب 100% وانت تقول اشتغلت وخسرت

اقتباس اسمحلي مثالك هذا مولي هذا بيع وشراء واحنا نتكلم بالتسويق ياغالي واحد شراء بضاعه وراح يبيعها انتهى الموضوع . اين المشكلة ؟ انت تتكلم عن طريقة تسويق الشركة وبعدين الآي فون يباع على حسب سعر السوق مو مثلكم تبيعون على كيفكم وتجبرون ان اخذ العموله لابد ان اشتري الدلالين والشريطية يمكن ياخذون عملات وسعي دون ان يشتروا شي صح ؟

أخوي انا اتكلم عن نقطتك اللي ذكرتها انت تقول ان الاشخاص يشترون المنتج مو ع شان المنتج عشان الربح اللي من وراه يجي

هذا نفس الشي الشريطي او التاجر ما يناظر بكم اشترى كثر ما يناظر كم راح يكسب

اقتباس لا اشوف كم يجيني مكسب وادرسها واشتري ويمكن اخسر ايضاً مافيه ضمان اما بضاعتكم لا احد يقدر يتكسب فيها لانها غير موجوده .. وهذي لعبتكم

فيه احد قال لك اشتر المنتج وجلس بيتكم وراح يوصلنك فلوسك وانت نايم ؟

شلون بضاعتنا غير موجود ما فهمت عليك

اقتباس نعم لدينا مونتجات اشتريناها ب 2700 ريال ماتجيب في السوق ولا 300 ريال هل أأتي لك بها تشتريها مني برأس مالها 2700 ريال ؟

جب لي ساعه ماركه نفس المواصفات انا بشتريها منك بـ300 ريال

أخوي انا بعطيك مثال تعرف شركة htc تبيع جوالات زيها زي نوكيا اشتر جوال ورح ادخل النفورة شف كم بيجيب لك

اقتباس ممكن تسجل لنا الصوت ؟ وتكلمهم ؟ اريد اي شخص يجرب ويتصل على هالرقم ياجماعه نبي نعرف من هو على حق المملكة العربية السعودية : 1806 860 800

نتقابل اعطيك جوالي تكلمهم

اكرر مثل ماقلت من قبل اناا اتكلم بلساني انا وليس بلسان اي شخص اخر او بلسان الشركه

[ا ح ن 1]

السلام عليكم ورحمة الله وبركاته
جزاك الله خير على الموضوع الطيب انا قد عرض علي من قبل شهر او اكثر اقتنعت بكل الشروط الا الحلال والاحرام قالولي انه حلال وكانك شاك اتاكدت اسال الدكتور عميد كلية الشريعه سعود بن عبدالله الفنيسان وهو يفتيلك انها حلال ومن الكلام الكذب بكذب فبحثت بالنت عن موقع الدكتور فوجت اول فتوى له كويس نت وتحريمه فضلا تكد بنفسك ولا تدخل ريال واحد حراام في مالك .
http://www.alfunisan.com/ftawaview.html?start=94

[المنخرش]

اخوي احن
واحد

ماشاء الله عليك
تعجبني والله
جبتها صح وبالصميم بعد

يعطيك العافية

[زاد بريده]

الله يجزاك خير ياأبوفهد صراحتاً موضوع إبداع

وإلى الأمام دوما


محبك . زاد بريده

[مخاوي الصمت]

اقتباس المشاركة الأساسية كتبها ا ح ن 1 السلام عليكم ورحمة الله وبركاته جزاك الله خير على الموضوع الطيب انا قد عرض علي من قبل شهر او اكثر اقتنعت بكل الشروط الا الحلال والاحرام قالولي انه حلال وكانك شاك اتاكدت اسال الدكتور عميد كلية الشريعه سعود بن عبدالله الفنيسان وهو يفتيلك انها حلال ومن الكلام الكذب بكذب فبحثت بالنت عن موقع الدكتور فوجت اول فتوى له كويس نت وتحريمه فضلا تكد بنفسك ولا تدخل ريال واحد حراام في مالك . http://www.alfunisan.com/ftawaview.html?start=94

يعني الفتوى الوحيدة اللي كانوا كل شوي يطلعونها راحت عليكم
( إحترقت فتواكم يا كويست وأستهلكت )

كانوا يشرحون للمشايخ بشكل غلط حتى يحللون لهم لكن المشايخ يتأكدون أكثر وأكثر فجزاهم الله عنا كل خير

[Q nat]

السلآلآم عليكم ورحمة الله وبركاته


مسـاء آو صبــاح الخيرآآت ع الجميع


آتشرف آنـي آرد ع الموضوع وهو الــي خلاني آسجل بالمنتدى بعد أنتشرهـ وبين حقائق كـانت مخفيه..


وآشكر آخوي المنخرش ع الجهد المبذول ..


وآلموضوع يتكلم عن كويست نت الــي تغير آسمها الحين لــ qnat

وبقول بسم الله الرحمن الرحيم


آنـــا من الــي دخلو هالشركة قبل رمظان والحمدلله ما شفت منهم الا كــل خير وكسبت معرفت ناس رجال.


لكن انا قروبي غير قروب هذولا الي بالكافي قروب ثاني بكويست نت .. المهم ومالكم بالطويله ..

اول ما سجلت لازم اصبر ما اسوي دعوات لشركة الا لين اقابل المسؤل عني ويعطيني محاظرت..

هالفترهـ آنــا بنيت ثلاث عماير وبنيت لي قصر ومول كبير وتزوجت ومن هالخيال والاحلام الزايده .. الي قالوها لي قبل ما اسجل .. المهم وصل المسؤل وعطني محاظرهـ وفهمت بعض النقاط..

الي ما عجبني باسلوب الشركة وتعاملها معي .. آنه لازم تدعو الي يثقون فيك << هذا قهرني

يوم فكرت قلت مايثقون فيني الا الي اعزهم ويعزوني لكن بعيد عنهم مابي اخسرهم عشان لاعب الشركة.. آيه لعلي فتحت الموضوع مع آخوي الكبير ومير يضحك علي ضحك سنه بساعه قال الله يهديك وانا اخوك بس المفروض علمتني قبل ماتدخل معهم .. المهم جاني آحباط ورآآحت الاحلام من كلام اخوي .. قــالي كلمتين حطه بالك ماراح اقولك حرام ولا حلال بس نظامهم زي جب واحد وخله يتوهق يعني كل واحد يوهق الثاني لين يدبر عمره .. فكرت بكلامه وله صح المهم آنــي آعلانت آنسحابي من الشركة ..

[المنخرش]

اقتباس المشاركة الأساسية كتبها q nat السلآلآم عليكم ورحمة الله وبركاته مسـاء آو صبــاح الخيرآآت ع الجميع آتشرف آنـي آرد ع الموضوع وهو الــي خلاني آسجل بالمنتدى بعد أنتشرهـ وبين حقائق كـانت مخفيه.. وآشكر آخوي المنخرش ع الجهد المبذول .. وآلموضوع يتكلم عن كويست نت الــي تغير آسمها الحين لــ qnat وبقول بسم الله الرحمن الرحيم آنـــا من الــي دخلو هالشركة قبل رمظان والحمدلله ما شفت منهم الا كــل خير وكسبت معرفت ناس رجال. لكن انا قروبي غير قروب هذولا الي بالكافي قروب ثاني بكويست نت .. المهم ومالكم بالطويله .. اول ما سجلت لازم اصبر ما اسوي دعوات لشركة الا لين اقابل المسؤل عني ويعطيني محاظرت.. هالفترهـ آنــا بنيت ثلاث عماير وبنيت لي قصر ومول كبير وتزوجت ومن هالخيال والاحلام الزايده .. الي قالوها لي قبل ما اسجل .. المهم وصل المسؤل وعطني محاظرهـ وفهمت بعض النقاط.. الي ما عجبني باسلوب الشركة وتعاملها معي .. آنه لازم تدعو الي يثقون فيك << هذا قهرني يوم فكرت قلت مايثقون فيني الا الي اعزهم ويعزوني لكن بعيد عنهم مابي اخسرهم عشان لاعب الشركة.. آيه لعلي فتحت الموضوع مع آخوي الكبير ومير يضحك علي ضحك سنه بساعه قال الله يهديك وانا اخوك بس المفروض علمتني قبل ماتدخل معهم .. المهم جاني آحباط ورآآحت الاحلام من كلام اخوي .. قــالي كلمتين حطه بالك ماراح اقولك حرام ولا حلال بس نظامهم زي جب واحد وخله يتوهق يعني كل واحد يوهق الثاني لين يدبر عمره .. فكرت بكلامه وله صح المهم آنــي آعلانت آنسحابي من الشركة ..

أجل حمد لله ان اخوي بلغني قبل يشترك
واحمد ربك ياغالي ان الفلوس بدالها فلوس
المشكلة في الاصدقاء
وخير ماسويت وإن شاء الله ربي يعوضك .. أكثر مما دفعت بسبب نيتك

[C R Λ S H]

كفو والله يالمنخرش

تحمست وقريت كل الردود ,, ما عندهم ولا دليل واحد يقنع

حتى السجل التجاري توليف مب اكيد ..

الفتاوى يسألون الشمائخ بطريقة غلط ثم المشايخ يحلوونها ,

بصراحة هالشركات تدور هالناس تلعب عليه , المشكلة هالأغبياء لو تشوفهم تلقاهم

معهم كسر مواتر وبيوت , طيب وين ربحك ما شفنا شي , معقولة تكسب ملايين بفترة 4 او 5

هبال هي والله لو القروش تجدع بالشوارع ..


قواك الله يالمنخرش وبارك الله فيك , نبي الموضوع علشان ننقله بالمنتديات

شكر لك

[C R Λ S H]

قرأت فتوى الفنيسان وفتوى الشبيلي ولجنة الإفتاء

اعتقد اكبر دليل يكفي انها حرام وجزاء الله علمائنا كل خير ووفقهم الله لكل ما يحبه ويرضاه

[CREATIVE]

سلام عليكم
لن اتعب على اسئلة لمنسوبي الشركة دون جدوى . المنخرش ما قصّر
لكن لفته بسيطه

اقتباس المشاركة الأساسية كتبها 4200 اكرر مثل ماقلت من قبل اناا اتكلم بلساني انا وليس بلسان اي شخص اخر او بلسان الشركه

الست انت مُمثل شخصي للشركة ؟؟
لماذا اراك اخليت بعض المسؤلية ؟ آهي خوف من ان يُمسك شي عليك ؟؟

آجي لاخوي المنخرش

لفتتين ع الطاير !

الاولى .. الرقم دقيت عليه من شريحة [ سوا] ورد علي الكمبيوتر واخترت رقم واحد ورد علي انقليزي ويقول تبي العربي دق بالنهار .. طبعا المكالمه على قوله قد تكون مسجلة

الثانية .. انت تقول آخذ اتعاب غيري وانا مرتاح !

آني آخذ عموله على شغل غيري لاني جبته للشركة بدون ماينقص شي منه تسمى [ آخذت اتعاب غيري ] ؟
هو الآن ك صاحب مؤسسة آتى له ب موظفين يعملون عنده وهو ياخذ الارباح وهو مرتاح والموظفين تأتيهم رواتبهم دون نقص .. آليست مثل هذه ؟

آنتظر كليكما

ولتعلموا يامنسوبي الشركة أن لدي استفسارات كثيرة .

[Bleeder]

اقتباس الاولى .. الرقم دقيت عليه من شريحة [ سوا] ورد علي الكمبيوتر واخترت رقم واحد ورد علي انقليزي ويقول تبي العربي دق بالنهار .. طبعا المكالمه على قوله قد تكون مسجلة

أنا مكلم الظهر والمغرب وعقب العشا واخترت اللغه العربيه اللي هي رقم 2
ومايرد علي غير الموظف الانجليزي
وإلى حزك انتظر يرد علي موظف عربي ..

[صمت الغروب]

حسبي الله عليهم


جزاك الله خير ياخووي وكثر من امثالك على التنبيه

[المنخرش]

اقتباس المشاركة الأساسية كتبها CREATIVE آجي لاخوي المنخرش لفتتين ع الطاير ! الاولى .. الرقم دقيت عليه من شريحة [ سوا] ورد علي الكمبيوتر واخترت رقم واحد ورد علي انقليزي ويقول تبي العربي دق بالنهار .. طبعا المكالمه على قوله قد تكون مسجلة الثانية .. انت تقول آخذ اتعاب غيري وانا مرتاح ! آني آخذ عموله على شغل غيري لاني جبته للشركة بدون ماينقص شي منه تسمى [ آخذت اتعاب غيري ] ؟ هو الآن ك صاحب مؤسسة آتى له ب موظفين يعملون عنده وهو ياخذ الارباح وهو مرتاح والموظفين تأتيهم رواتبهم دون نقص .. آليست مثل هذه ؟ آنتظر كليكما .

اهلاً ياغالي
بالنسبة للاول / انا دقيت بالنهار .. مافيش احد
وقلت عطني الانقلينزي .. ولما كلمناه بالقلينزي .. طلع شخص آسيوي لغته مكسره جداً
ويالله يتكلم .. شكله يبينا نكلمه صيني ولا ياباني
سألته كذا سؤال .. وكل ماسألته عن مكتبهم قالي .. زور موقعنا
عن مونتجاتهم يقول زور موقعنا
طيب سجلاتكم في السعودية ؟
يقول زور موقعنا

مادري لو جابين رد آلي يخلونه يقول (زور موقعنا) يكون افضل


الثاني ./ نعم هذا ما أقصده .. وهذا من معاملات اللتي تدخل في الحراام
شكراً ياغالي

اقتباس المشاركة الأساسية كتبها Bleeder أنا مكلم الظهر والمغرب وعقب العشا واخترت اللغه العربيه اللي هي رقم 2 ومايرد علي غير الموظف الانجليزي وإلى حزك انتظر يرد علي موظف عربي ..

لا تتعب نفسك ياغالي
كلمتهم بالقلينزي .. بدون اي نتيجة .. مثلهم مثل خوياو بالضبط