[الأصبع الإيجابي]

اقتباس المشاركة الأساسية كتبها الشرم شكرا لجميع من شارك في الردود وشكرا لجميع من قام بالمشاهدة وشكر خاص لإدارة المنتدى لتسهيلها مشاركة الأعضاء الأخ كع كع أتمنى أن يكون إختيار المحامي لضوابط وشروط معينه من أهمها : 1- أن يكون لديه خبرة طويله في المحاماة 2- ويفضل من له خبرة سابقة في المطالبه بمثل هذه الأمور ( المساهمات )

أخوي الشرم لعلك تبدأ بطرح اسم من المحامين تنطبق عليه الشروط ونحن معك -بإذن الله- وتقبل شكري.

[الأصبع الإيجابي]

اقتباس المشاركة الأساسية كتبها sbmt فكرة توحيد المحامي وتكتل القضية في ملف واحد فكرة جميلة جدا أخوي كع كع

أخوي sbmtلعلك أيضا تطرح لنا اسم واحد جدير حتى لانتأخر وشكرا.

[الشرم]

أشكر جميع المتفاعلين مع القضية
وإنشاء الله يوم السبت أو الأحد
سوف أذكر ماعندي من أسماء

[عرب977]

اخواني...
قبل فتره كان سامي المحيميد ضيف في قناة المجد وحكى قصة له من احد تجار المساهمات الوهمية بالرياض وكيف خلص اموال موكلينة لهم.... وانا لي فترة احاول اجد له رقم وماحصل..*ولا حاولت واجد*.
وسامي محامي شاطر ويش رايكم؟؟؟؟ ةحسب ماسمعت!!! ولو كانت قصة مساهمة الرياض (نكتة) حيث انه جلس عند مكتب صاحب المساهة وفرش فرشة وبدأ كل من دخل المكتب قاله وش عندك؟؟؟ الخ... وبدأ يسب الرجل وضيع سوقه بعدين ذاك رجع كل الأموال.......

فيه لوحة له بتقاطع طريق الملك سعود مع طريق عثمان بن عفان وعليها رقم . لكن مقفل!!!

خلونا نصوت له....... واللي يعرف له رقم يحاول يكلمه ويشاوره وبعدين يرد لنا..

وادعوا الله لأنه خير معين وحنا هنا مجرد فعل السبب

[شطا]

هل صحيح إنه مسجون أو هذي خطه تكتيكيه منه

[الأصبع الإيجابي]

اقتباس المشاركة الأساسية كتبها الشرم أشكر جميع المتفاعلين مع القضية وإنشاء الله يوم السبت أو الأحد سوف أذكر ماعندي من أسماء

شكرا يالشرم( للتذكير ) لاتنس تقابل المحامين وتطرح القضية وتقيم استعدادهم واهتمامهم ولك التحية.

[الأصبع الإيجابي]

اقتباس المشاركة الأساسية كتبها عرب977 اخواني... قبل فتره كان سامي المحيميد ضيف في قناة المجد وحكى قصة له من احد تجار المساهمات الوهمية بالرياض وكيف خلص اموال موكلينة لهم.... وانا لي فترة احاول اجد له رقم وماحصل..*ولا حاولت واجد*. وسامي محامي شاطر ويش رايكم؟؟؟؟ ةحسب ماسمعت!!! ولو كانت قصة مساهمة الرياض (نكتة) حيث انه جلس عند مكتب صاحب المساهة وفرش فرشة وبدأ كل من دخل المكتب قاله وش عندك؟؟؟ الخ... وبدأ يسب الرجل وضيع سوقه بعدين ذاك رجع كل الأموال....... فيه لوحة له بتقاطع طريق الملك سعود مع طريق عثمان بن عفان وعليها رقم . لكن مقفل!!! خلونا نصوت له....... واللي يعرف له رقم يحاول يكلمه ويشاوره وبعدين يرد لنا.. وادعوا الله لأنه خير معين وحنا هنا مجرد فعل السبب

أشكرك ياخوي ولكن هل (سامي المحيميد) عنده عرف بالأنظمة واللوائح والقوانين لأن الصقعبي ماهو موجود ولايدرى وينه حتى ينام بعتبة بابه ولك تقديري.

[الله يعين]

السلام عليكم ورحمة الله وبركاته


بشرووووووووو ياأخوان وش سويتو لازم تتخذون خطوات إيجابية علشان الرجال اكيد يتابع كلامكم ويأخذ حذرة الرجال يمكن يهرب خارج السعودية انتبهوووووووووووووووو حاولو تسرعوووووووووووووووووووووووووووووووووووووووووووووو وووووووووووووووووووون قدموووووو بلاغات بديوان المظالم والمحكمة وكل شئ وحاولو انتم تدورونة تراه بالرياض الحين

[ظويهر]

:ooياناس وين ابو سفيان ابو سفيان هو المسئول وهو الي يجيب الصقعبي لا يلعبون علينا مره يسجل كلمه بلجوال ويقول اناءخليت غدون ولاتتصلون بي ومن بكرا يقول اناء شريت حق التسويق من الصقعبي ويم يخذ مناء الدراهم تقل اسعاف بسرعه بسرعه والله ابعذرالصقعبي ومعاونيه لو لعب علينا مالق ارجال ولا رجل الديك تجيب الديك الله ام رد لناء درهمناء

[عرب977]

شباب مافيه اصوات عن المحامين ........ وينك يالشرم ويا ابوفرح.. نبغاها جد.... عطونا اسماء محامين؟؟؟؟

[الله يعين]

اخواني هذا رقم الي بيجيبلكم الصقعبي هذا اقرب موظف له الحين ( مصري ) اسمة محمود ××××××× انا اخذت الرقم من واحد من موظفين غذون يقول إنه مع ابو فهد الحين بالرياض الحقووووووووووووووووو عليه وترى المصري نصاب بس مو اكثر من ابو فهد لأن ابو فهد هو الي معلمة النصب وشكراًًً

[الأصبع الإيجابي]

اقتباس المشاركة الأساسية كتبها الله يعين اخواني هذا رقم الي بيجيبلكم الصقعبي هذا اقرب موظف له الحين ( مصري ) اسمة محمود×××××××&#215 ; انا اخذت الرقم من واحد من موظفين غذون يقول إنه مع ابو فهد الحين بالرياض الحقووووووووووووووووو عليه وترى المصري نصاب بس مو اكثر من ابو فهد لأن ابو فهد هو الي معلمة النصب وشكراًًً

دقيت تو على المصري وقال أنا من المسوقين في حفر الباطن وماليش دعوا بالأسهم وكفيلي الصقعبي ( هذا يعني ان ابوفهد
فيه حياة مازال يتاجرررررررررررر؟؟؟!!! )

[تميم نجد]

ياأخوان اليوم كلمت واحد من المحامين وش رايك من الافضل أن يمسك هذه القضية
قال / اللي أشوف انه الأخ فيصل الطريقي هو الافضل وجيد
لكن والكلام للمحامي يقول يمكن يقول أشترط أن يوصل المبلغ إلى عدد معين عنده ثم يبداء بالقضية
من شان انه تسوى العنوه عليه !!
ما ادري وش راي الشباب
مجرد اقتراح .
أما انا اليوم ذهبت إلى ديوان المظالم وقدمت شكواي ومستنداتي أرفقتهن في المعاملة
وموعدنا مع الشيخ الاسبوع القادم ..
انتظرونا
والله يرد لنا اموالنا .

[الغيور22]

بسم الله الرحمن الرحيم
بلا شعور ننساق إلى المساهمات وعالم التجارة
وبلا إدراك وجهل بالأمور نضع الثقة بأبسط وأعظم الأمور
نسمع عن فلان ساهم وربح ونغظ الطرف ولا نسأل عن من خسر
همنا الربح والربح فقط حلمنا يكبر مع أول لحظة بعد توقيع العقد
وبعد استلام العقد الذي باعتقادنا انه يحفظ حقوقنا صار عكس ذلك بل أنة يسلبها بذكاء خارق
والآن أدركنا أن من أعده... أعده بإتقان لكي لا يحفظ للمساهم حقه ولا يحق له المطالبة ولو برأس ماله
وبدأنا نبحث عن أموالنا و...( عسى ، وليت ، الوعد بعد ، المبلغ موجود ، نرسل لكم رسالة بتاريخ الصرف ) تدور وتلاعب أفكارنا
فجأة الأرض تبتلع صاحب المؤسسة ومعاونيه والأموال
فجأة نصحوا من النوم بعد فوات الأوان
فجأة نجد أنفسنا تائهين وسط دائرة مغلقه
فجأة وبعد هذا الظرف نصحوا ويا ليت نتعلم الدرس
ونبدأ البحث عن فلان وعلان (أبو فهد ، أبو يزيد ، أبو سفيان ، والأخ الشامي والعاملين معهم وحسب علمي مساهمين في المؤسسة مثلنا
والكل له وعد وما أكثرها من وعووووووووووووووووود (تصريفات)
نتصل مره يرد.......و يبدأ التصريف ومره يرد..... بوضع رسالة تصريفية،،،،،،،،،، ومره....... الجوال مغلق وفي الأخير يقول...............( لقد تركت العمل معهم )
حقوقنا ضاعت والغريب إنهم لم يصرحوا بذلك وكل الذي قالوا أن صاحب المؤسسة يمر في ظرف مؤقتة
وسوف يرد المبالغ لأصحابها
مع العلم أن المؤسسة حتى هذه اللحظة تعمل وتجارتها تزداد
فالسؤال هنا يدور حول محورين:
الأول/ أين المؤسسة وأصحابها وأموال المساهمين
الثاني/ لماذا هذا السكوت على هذا الموضوع من قبل أصحاب الشأن
ارجوا التفاعل معي حول هذا الموضوع بردود تفيدنا بعيدا عن التعليقات والاستهزاء
*والمعذرة على رداءة الأسلوب*