[شقرديّة]

سلام من الله عليكم ورحمة

يابناااات وش راايكم يكوون هالـمـوضوع مثل المرجع لـنـا عــن
أحسن الـمشاغل في بريدة ؟

بحكم حاجتنا كلنا كـ بنات لمثل هذا النوع من الموضوع ،

قلت أنزله ونستفيد كلنا

أتردد دايماً إذا فيه مناسبة وين أروح ، نبي يكون لنا مرجع عن
أفضل المشاغل من ناحية شعر / ومكياج / تسريحات كل حاجة

الموضوع بيكون لإستفادة الكل .. وياليت تذكرون إيجابيات المشاغل
فقط بغضّ النظر عن السلبيّات

مانبي نقطع رزق أحد من حيث لاندري ،

أكرر : الموضوع بيكون لإيجابيات المشاغل فقط ولا غير

بالنسبة لي :

القص / عند سهام بدار شهد حلو قصهم إذا بغيت أقص ماروح إلا لغيرهم
وللأمانة ماجربت إلا سهام لأن قصها مضبوط ماشاءالله

شور / عاااجبني ماشاءالله تبارك الله من ناحية كل شيء
مشكلته الوحيدة غاااااالي
مثلاً تنظيف البشرة بالرياض أرخص من هنا كثير ، والمشكلة الأخرى الزحمة وضيق المكان

جيسان / حلو لا بأس عليه رحت له كم مره
إستشوارهم حلوو ماشاءالله وأحلى مافيه الخصوصية غرف خاصة
للتجميل والمكياج والشعر !

هذي الإجابية ألاحظ إنها قليلة جداً في مشاغلنا

يالله يابنات شاركونا بتجاربكم

.

السلام عليكم

بنات

كيف حاالكم ؟ إن شاءالله بخيير ؟

هذا الموضوع بيكون لأحسن تجاربنا مع التفصيل .. سواء فساتين / تنانير
بلايز غيره ...
عندي مناسبة قريبة وما أدري وين أفصلّ ؟؟

بإستثناء مشغل شيفون.. خيطت عنده فستان قبل فترة والنتيجة حلووة ، مع إنه حصل لي تأخير شدييييد بالوقت

يالله قولوا لنا أرائكم وتجاربكم... عادي لو أخيط عند خياط بس أهم شيء يكون مضبوط وشغل تمااام
لأن اللي أبيها فساتين بسيطة مو شغل كثير

وإذا مشغل ؟ عادي إسدحي تجربتك .. بأي مشغل تخيطين؟ و عند مين ؟

وإذا عند خياطاات وين وبأي مكان ؟

نبي شغل مضبوط وراااااقي صح مو أي كلام

بإنتظاركم

.