 |
|
|
|
|
18-04-2006, 11:33 AM
|
#183 |
|
عـضـو
تاريخ التسجيل: May 2005
المشاركات: 6,050
|
ردّك الله إلينا غانماً
ومن الفِتن سالماً ولهدفِك رابحاً |
|
|
21-04-2006, 04:20 PM
|
#184 | |||||||||||||||||||||||
|
عـضـو
تاريخ التسجيل: Mar 2003
المشاركات: 1,871
|
السلام عليكم ورحمة الله وبركاته
. . . هلا باللي لا تهلابه تهلا وإن ما تهلابك don,t worry :D حيالله الغالين .. وحشتونا أوي  do you miss me  وش الأخبار وش الدنيا بكم .؟  <<< أقول لا يكثر وخلصنا  سم سم  سالفتنا اليوم عن رحلة إلى جبال mount ----  وهي من أحلى الأماكن اللي زرتها .. وقد لا تعبر الصور عن جمالها لكثافة الضباب والأجواء الثلجية ... لكن أريد أن أخبركم عن شعوري <<< طيب بشر أمك  ^ ^ هيه أنت ياللي فوق وراك معصب  #$#@%@#ثم ثم  العذر والسموحه منكم ع القصور وعلى طاري القصور تبون نكته :D قبل كم يوم وأنا طالع من غرفتي رايح للمطبخ في آخر الليل أبي أزين لي شاهي علشان أنام << ضارب الفيوز أخبره يطير النوم  المهم ... الدرب من غرفتي للمطبخ was ( كان ) << أفلحنا المهم كان ظلام ... وإذا ولعت النور ... يبي يزعج شيبانا .. لأن النور على غرفتهم .. وقلت يا رجال ما بدهاش .. فل كراعينك وتلمس الطريق  <<< الكراعين هي لليدين ولا الرجلين .؟؟؟ المهم ... لعلي لمحت الباب حق الصالة مفتوح ... وقلت يا رجال تلمس دربك لا تخبز بالباب .. المهم .. يوم وصلت .. ولا الباب كان مفتوح ودخل بين يديني << الله من زين التلمس وما دريت إلا النظارة تعمل عمايلها  ... والحمدلله ما صار في وجهي o x بس وقفت على بصمة الباب اللي بالجبهه  ^ ^ ^ ما ودك تنجزنا سم سم طيب تبون سالفتي يوم أحدث بعد صلاة العصر وتهزيئة الشيبان .؟ :D << مبطي ما أرعف خشمك سم سم ========================= ماااااونت كوك خططنا مره من المراريت لهذي الرحلة وحجزنا عليها وكان موعد الرحلة الساعه 7 ونصف صباحا ... يعني تبطي عظم تلقى باص ياخذك من البيت ... فقلت ما بدهاش .. ورحت لخويي ونمت على سريره وهو نام على الأرض تعرفون إكرام الضيف واجب ^ ^ ^ يارب يبدأ هاللوح . . . يالله يالله ... بسم الله حضراتي المشاهدين  دعوا القيادة لنا وإستمتعوا بالررررررحله <<< عزالله ضعنا ..!!! . . . قمنا الفجر طول الله أعماركم ولا نمنا بعدها ... وررررررركضي ع المطبخ وصلحنا مقسومنا من الفطور ودوييييييييييس ع الباص ... ويوم وصلنا للباص ... شكينا هو باص ولا طيارة  <<< قروي حدك هلي وديزل بعد :D <<< ترى مهب له بعد .. حق أخوه المهم .. يوم ركبنا وناظرنا هالسقف ولاه ماشاء الله من قزاز ... وهذي صورته  وهذي صورة لبعض الطبيعة ( مدري ليه ... ما أشوف ألوانها ... يمكن بسبب طول الغربة ) للبيع الغنم على ريالين ريالين ياولد :D  هذي صورة للشعيب ماشاء الله صاب  لحظة راحة وتصوير في الطريق ... والربيع كله ميت من البرد  من مكان آخر ...  هذي يقولون إنها أقدم كنسيه لهم .. بس مدري في العالم ولا عندهم ..  هذي ما نقصها إلا دلة القهوة على رميثات يالله من فضلك  هذي إحدى الجبال ... جو ومناظر يعجز الواحد عن وصفها ... لكن ما نقول إلا يالله الجنة  هذي صورة لإحدى جبال ماونت كوك .jpg) هذي صورة لإحدى الورق وعليها قطرات مطر  هذا شلال من بعييييييييييد .. حاولنا نوصله ولكن للأسف ما قدرنا  إحدى المحاولات للوصوله  تصعب بعض الطرق  صحاري الجبال الثلجية  طريق العودة  وصور أخرى للرمل .. :D ماشاء الله قصدي الغنم الله يكرمكم  هذي حلقة اليوم ... وأتمنى أنكم إستمتعم معنا بالرحلة ....
جزاك الله على دعائك لي ... وبيض الله وجهك ... وأتمنى من الجميع الدعاء لي ... ولا أنتظر منهم رد أبد ... أبي منهم بس دعوة في ظهر الغيب ... محبتي لكم في الله أبولجين
__________________
 اللهم أنت ربي
إلى مــن تكلـــني إلى بعــــيدٍ يتجـــهمني ام إلى عـــدوٍ ملــكته أمـــري إن لم يكن بك غضبٌ علي فلا أبالي غـيـــر أن عــافــيـتـك هـــي أوســع لـــي آخر من قام بالتعديل (<*أبولجين*>); بتاريخ 21-04-2006 الساعة 04:33 PM. |
|||||||||||||||||||||||
|
|
|
21-04-2006, 04:30 PM
|
#185 |
|
قد ثلمت من الإســلام ثلمة
تاريخ التسجيل: Sep 2001
البلد: اللهم ........................... إغفر لي ما لا يعلمون............. واجعلني خيراً مما يظنون......... ولا تؤاخذني بما يقولون..............
المشاركات: 3,708
|
أولاً الحمد لله على سلامك
يا أخي وين الناس ماصارت عموما الصور مرة تهبل سبحان اللي عطاهم جنتهم بالدنيا يالله طالبك لي ولوالدي ولكل إخواني هنا والمسلمين الجنة بالآخرة يارب العالمين أقول يا أبو الشباب لاعمرك تبي علينا وحشتنا عليك قلنا الله يستر لا يصير جاه شي الولد وكل ما سمعنا صوت إسعاف ضاقت صدورنا<<شفت يا ابو لجين إن قلوبنا وإذاننا معك والله منتب هين الله يردك سالم وغانم ورابح بالدنيا والآخرة اللهم آمين أخوك ابو عبدالرحمن
__________________
" والله يا إخوة بقدر ما تعطي أي قضية من وقتك بقدر ما تكون هناك نتائج القائد الشهيد خطاب تقبله الله في الشهداء
|
|
|
|
21-04-2006, 04:34 PM
|
#186 |
|
قد ثلمت من الإســلام ثلمة
تاريخ التسجيل: Sep 2001
البلد: اللهم ........................... إغفر لي ما لا يعلمون............. واجعلني خيراً مما يظنون......... ولا تؤاخذني بما يقولون..............
المشاركات: 3,708
|
من الشفحة بسرعة كتبت عشان محد يسبقن
ههههههههههه بس الحمد لله ما ولفت بالهرج
__________________
" والله يا إخوة بقدر ما تعطي أي قضية من وقتك بقدر ما تكون هناك نتائج القائد الشهيد خطاب تقبله الله في الشهداء
|
|
|
|
21-04-2006, 04:39 PM
|
#187 | |||||||||||||||||||||||
|
عـضـو
تاريخ التسجيل: Mar 2003
المشاركات: 1,871
|
يا مال الجنة يالغالي .. وما قصرت والله ... وأغليتنا إلا من طيبك والعذر منكم ع التأخير ... بس تعرف أجواء الدراسة كلمالها تصعب وما بقي إلا سبع أسابيع وأنتهي ... ونبي منكم دعواتكم بالتوفيق لي في هذه الدراسة .. وبإذن لله الجاء كثير ... بس على حسب قدرتي ع الدخول محبتي لك في الله أبولجين
__________________
اللهم أنت ربي
إلى مــن تكلـــني إلى بعــــيدٍ يتجـــهمني ام إلى عـــدوٍ ملــكته أمـــري إن لم يكن بك غضبٌ علي فلا أبالي غـيـــر أن عــافــيـتـك هـــي أوســع لـــي |
|||||||||||||||||||||||
|
|
|
21-04-2006, 05:29 PM
|
#188 |
|
عـضـو
تاريخ التسجيل: Sep 2003
البلد: بين دفات الكتب !
المشاركات: 11,880
|
تسلم يمينك يابولجين .
الله يسعدك دنيا وأخرى .
__________________
[POEM="type=0 color=#000000 font="bold medium 'Simplified Arabic', Arial, Helvetica, sans-serif""]لمتابعتي عبر التويتر أو الانستغرام: @ibradob[/POEM]
|
|
|
|
22-04-2006, 12:33 AM
|
#189 |
|
عـضـو
تاريخ التسجيل: Dec 2005
المشاركات: 79
|
الله يحفظك ابولوجين ويردك سالم غانم لديرتك
ويدفع عنك كل مكروه وننتظر باقي قصصك وصورك |
|
|
|
22-04-2006, 01:38 AM
|
#190 |
|
قد ثلمت من الإســلام ثلمة
تاريخ التسجيل: Sep 2001
البلد: اللهم ........................... إغفر لي ما لا يعلمون............. واجعلني خيراً مما يظنون......... ولا تؤاخذني بما يقولون..............
المشاركات: 3,708
|
الله يوفقنا وإياك بالدنيا والآخرة
اللهم إنفعنا بما علمتنا وعلمنا ما ينفعنا اللهم إجعل ما رزقتنا حُجةً لنا لا علينا يارب العالمين
__________________
" والله يا إخوة بقدر ما تعطي أي قضية من وقتك بقدر ما تكون هناك نتائج القائد الشهيد خطاب تقبله الله في الشهداء
|
|
|
|
22-04-2006, 03:38 AM
|
#191 |
|
عـضـو
تاريخ التسجيل: Apr 2006
البلد: بريدة
المشاركات: 292
|
شكرا لك يابو لجين على الابداع,,,
والله اني سمعت عنك كثيرا فبدأت اقرأ مذكراتك.. المهم اني اراك بخير وسلامه وحفظك الله في حلك وترحالك.. ...................................... ملاحظه/انتبه لاتصورقدام مرايه لان فيه صوره فيها وجهك وانت تلقط الصوره جعلك تسلم على المذكرات والصور... ...................................... ((اكرر شكري لك وارجو أن لاتتأخرفي موافاتنا بالجديد)) |
|
|
|
25-04-2006, 10:45 PM
|
#192 |
|
عـضـو
تاريخ التسجيل: Aug 2003
البلد: يحول ياللي ماله [بريد5]..!
المشاركات: 3,881
|
يرفع الموضوع من الصفحه الثالثه!!
__________________
°•.?.:GooD ByE:.?.•° |
|
|
|
25-04-2006, 10:57 PM
|
#193 |
|
عـضـو
تاريخ التسجيل: Jan 2002
البلد: حيث أكون
المشاركات: 2,585
|
أسال الله أن يحفظك من كل مكروه وفتنه
وأن يردك إلينا سالما بنتظارك على احر من الجمر محبك أبو سليمان |
|
|
|
27-04-2006, 03:32 PM
|
#194 |
|
عـضـو
تاريخ التسجيل: Feb 2006
المشاركات: 255
|
الله يحفظك بحفظه وينك يا اخيي من زمان ما جيتنا ترانا نحتريك
أبـو صـالـح
__________________
مرات يرزق ربك خوّة إنسان ------ واحد ويسوى في عيونك قبايل :::::::: متشكّــرين أوي يا [ خوي الســرور ] :023: كـفـيت و وفّيــت |
|
|
|
04-05-2006, 07:15 AM
|
#195 |
|
عـضـو
تاريخ التسجيل: Mar 2003
المشاركات: 1,871
|
السلام عليكم ورحمة الله وبركاته
سلام للي يرفع الراس طاريه مشهود له بالطيب والطيب ساسه . . . وش أخباركم يا شباب .؟؟ اليوم معنا سالفة طااااااازجه .. سالفتنا بموضوع :- أسبوع الغضب <<< أفااا والله يانا تكرنت بعد من هالعجوز أنا لي الحين معهم حدود الشهرين .. وما قصرت معهم في كل شي وهم كذلك ما قصروا معي ولا أحلى ... بس مدري وش سالفة هالعجيز .!!! مره من المراريت قمت الصبح ونسيت أطفي الدفاية ... والدفاية من النوع اللي تسمى دفاية الزيت ... يعني بإذن الله آمنه .. ومع ذلك هي دايم تدخل غرفتي يوميا تنظفه ... يعني مهما كان الخطأ بسيط .. لأنها تشيك كل يوم بعد ما أطلع وخاصة إني مهوب بالعادة أنسى .. ومع إنها تشوفني أطفي الأنوار اللي مالها حاجة (لأن الكهرب غالي عندهم) ومع ذلك زعلت علي وأعتذرت منها وإنتهى ... وبعد هذي بمده طويله ... وبالتحديد قبل كم يوم .. نسيت أطفي الدفاية مره ثانيه .. ويوم رديت للبيت ... لقيتها كاتبه لي رساله تقل صك إعسار أنا يوم شفتها ... إنسدحت على بطني ومعي كاس شاهي ومترجم وووو << من القهر :D وطبعا ... الهيتر لقيته مطلع من غرفتي ... وحركتها هذي تبي تربيني وتعلمني قيمته ومن هالكلام ... لأنها توقعتني حبيب وعلى نياتي وبطلب منها الهيتر مره ثانيه ...فالحق إني زعلت منها مرررررررررره والصراحه كأني بزر على هالعقاب فنمت ولا أخذت الهيتر ... <<< ما يدري إنه في القطب الجنوبي وفصل الشتاء دخل عليهم الحين :D وكان في السرير حقي هيتر يعني أنام على سرير حراري ... بس ما يكفي أبد وصرت أتقلب بهالليل أبي أدفي جسمي تقل شبك دجاج ع الشواية عاد يوم قمت الصبح .. ولا الدنيا مهب اللي أنت تبي ... موووووووووووووت برد وشوي إلا والله مفنقس <<< سخن هالشين عاد يوم سخنت جلست في غرفتي ومقفل على نفسي ( مضرب عن الخروج ) طبعاً مهب القصد أبين إني زعلان .. بس ناوي لهم بنيه تدرون بعد شوي  ... وصرت أتختل في أوقات ما يكونون فيه علشان أتوضأ ومن هالقبيل ...طبعا المسخن دايم يحب ينام 24 ساعه ولا يحب يروح ولا يجي ... علشان كذا بتلت وأنا في الغرفة ... ويوم حست هالعجيز إني مريض صدق << بدري صارت تحاول تعطيني الدفاية ولا فيه أمل أفتح الباب ( من باب إني مريض وأنا فعلا كذلك بس ابي أخقل قلبها شوي ... لأن عليها مسئولية كبيره لو صار لي شي ) وصارت كل شوي تدخل الدفاية ( كلما حصل لها فرصة ) وإذا شفتها طلعتها علشان تطول السالفه <<< رايق وأنا حاجرها بورقتها لأنها كاتبه ( إني طلعت الدفاية علشان تدري عن قيمته ولا تنساه )وصارت تحاول بي توديني للمستشفى ولا طعتها من باب إني أبي أنام ( علشان ما أخليها تعتقد إني زعلان ) وعاد ياحول ياهالعجيز .. ما غير تحاول بي ولا فيه أمل .. ومره قمت الصبح على دقت الباب من هالعجوز ... وقالت لي ( فادي قد مورننق ) ورديت عليها رد زين لأني ما بينت لها إني زعلان ... وقالت لي أبدخل يوم دخلت قالت وش مشكلتك .؟ ( لأنها حست إن الدعوة مهب بس مرض وبس أكيد فيه زعل )قلت لها مافيه شي بس أنا تعبان شوي وحزين على إني نسيتها والدفاية أهم من صحتي << ..!! عاد قالت لي فووووووووووووووورقت فووووووووووووورقت يعني إنسى هالسالفه وحتى إنها قالت خذها وخلها شغاله دايم بس إنسى قلت لها ولو ولو آخر شي قلت لها بحاول ومره بغيت أطلع للمعهد وأنا مسخن .. قالت لي لا تنسى تراني بنتظرك ع العشاء اليوم .. قلت لها طيب وبعد ما خلصت من المعهد .. رحت للدكتور وكشف علي والحمدلله خذت العلاج وخفت الحرارة بعدها بفتره بسيطه ... وبعدها ... ما بغيت أروح لها علشان ماتنتهي السالفه بسرعه باقي شوي من الشر قلت لآبد من التبهير شوي علشان تضبط الطبخه ... أرسلت لها رساله إني تعبان وفيني برد وأنا بجلس عند خويي أشرب لي حليب ساخن ( علشان أكبر هم تعبي عليها ) .. <<< طبعا هي فحطت من الخوف :D ورحت عند خويي وجلست معه لين ساعه متأخرة من الليل علشان أضمن إنها نامت <<< الله من الذراقه :D لا والله مب ذراقه بس أبي أكمل معها شوي علشان تدري إن الله حق ويوم وصلت للبيت في آخر الليل ... وبمشي خفيف علشان ما أحد ينتبه لي وتقوم على صوتي ... قربت لباب البيت ... (( ووزت )) من دريشه الصاله أبي أشوف فيه أحد ولالا .. ولقيت الدنيا خرمس .. مافيه أحد حي كلهم يشخرون ...رحت لباب البيت .. ودخلت يدي في جيبي وأدور أدور أدور ..!!! مهب معي المفتاااااااااااااااااااااااااااااح أثري ناسيه في غرفتي والله ياللورطه .....!! وش اسوي ... رحت لفيت يمين ويسار مافيه أمل ... تذكرت الياباني خوينا رحت لدريشة غرفته وطقيت على دريشته << مدري ليه تذكرت القطاوه اللي تحوم ع البيت :D عاد تحسبون هالأصلي قام .؟ طقيت عليه وطقيت ولا قام ( طبعا بصوت خفيف علشان ما يقومون هالشيبان ) ولا حياة لمن تنادي آخر شي ... سلمت أمري لله وقلت يالله ... لعبتنا وإنتهت رحت لدريشة الشيبان وطقيت عليهم :o ويوم سمعت حس واحد منهم ويوم قام طاح قلبي <<< ويقول ما خفت :D رحت أنتظر المصير يفتح لي الباب ... لقيت شايبنا هو اللي قام .! أنا طرت من الفرحه .. أثر العجوز سهرانه تنتظرني عاد تربيت بعدها ... وقمت على دقت العجوز الصبح ورديت عليها ورحت آكل معهم ولا فتحت السالفه ( طبعا هي ما تبي باب السالفه تنفتح مره ثانيه ) هذي آخر الأحداث  ==================== وعلشان هالتأخير ... أبعطيكم كم سالفة على خفيف وبعدها الصور لعلها توفي بشيء من حقكم علي ... ==================== >>>>>>>> يبتبع
__________________
اللهم أنت ربي
إلى مــن تكلـــني إلى بعــــيدٍ يتجـــهمني ام إلى عـــدوٍ ملــكته أمـــري إن لم يكن بك غضبٌ علي فلا أبالي غـيـــر أن عــافــيـتـك هـــي أوســع لـــي آخر من قام بالتعديل (<*أبولجين*>); بتاريخ 04-05-2006 الساعة 07:23 AM. |
|
|
|
04-05-2006, 07:17 AM
|
#196 |
|
عـضـو
تاريخ التسجيل: Mar 2003
المشاركات: 1,871
|
إيه صح وش أخبار الجو عندكم.؟؟ ما تبون شوي من المطر والبرد سبحان الله .... الأمطار عندهم عذاب والله ... حتى إن قبل كم يوم طلعت على إحدى الجبال مع أثنين من الشباب وسميناها سنة الغرقه .!! تخيلوا لآبس الدالوب كله وفوقه الجاكيت اللي ضد المطر ( جلد مدري بلاستك ) وقبعه ضد المطر وحاط الشنطة من داخل الجاكيت يعني ما يوصلها الماء ومع ذلك ربصت كلي والشنطة والجوال والكميرة كلهن ربصن سبحان الله .. من 3 أيام والمطر متصل يعني نادراً ما يوقف ... وحتى سرعته تقل مثبت السيارة ما تتغير ... سبحان اللي أعطاهم هالأمطار ... الله يجعلها نقمة عليهم أكثر وأكثر ( بعد ما أرجع ) :D وإن تكلمنا عن البرد .. وش نقول غير الله يعين بس ... ^ ^ ^ أها بس إنجز بنا سم سم والحين مع الذكريات الخفيفة و صور .. فالسمحوا لي ع القصور ... لأن باتسر عندي أمتحان ودعواتكم لي بالتوفيق . . . 1 مره وأنا نايم ... حسيت بشعور غريب شوي ... أحس ظهري منسلخ تسني جالس على صاج المقلقل << تدري إنه فاقد أبوعدنان وأنا أتحقرص شوي وخفت على نفسي وش جاني قمت أتمقرص << منين طلعت ذي .! المهم ويوم قمت أبي أبرد على ظهري ... أثري مشغل الهيتر حق السرير على أعلى شي ..!! يا حوووول يا ظهري ... أثري حاطه على أعلى شي لأني جيت ولقيت الفراش ثلج وقلت أحرقه ع الثلاثة :D عاد تحسبوني تربيت .. جازلي الدعوه .. وصرت أحرقه دايم .. والحين طاح عزمه مدري ليه .!! << إي هين ماتدري ليه . . . 2 أذكر مره طلعنا مع المدرسة لصالة التزلج ... ويوم لبست الكنادر التزلج ( الله يكرمكم ) وبديت آقف عليها ( وأنا ما بعد دخلت ع الصاله ) قمت أمومي ( يعني ما قدرت أوقف زين علشان أمشي بها ع الثلج ) وشوي شوي لين قدرت أمشي مترين بدون ما أفرق يمين ولا يسار ويوم دخلت ... أول ما حطيت رجلي اليمنى دزززززت على طول وبغيت أجاوب ( أجاوب يعني أفنقس << عز الله فهمنا :D )المهم .. حاولت لي شوي لين قدرت أترك التمسك شوي ... وصرت أقدر أمشي بس ما أقدر أهدي .!!! ولا أهدي إلا بالتمسك ع السور .. المهم يوم جلست على هالحال شوي .. ما دريت إلا وفرقت بي يسارغصبٍ علي مدري وشلون لفت بي المهم .. صرت يا أقطع الصاله كله ولا أطيح وأحبي لي شوي لين أمسك السور وقلت ما بدهاش .. خلني أجرب عمري ويوم دخلت في عمق الصاله .. ما أقدر أمشي على هوني ( يعني ما أقدر اثبت سرعتي ) لآزم أسرع علشان ما أطيح :o ... ويوم دزيت لي شوي ... ولاي متجه لم شباب متجمعين يسولفون << الله يرحمهم :D حاولت أوخر ما قدرت .. الإتجاه واحد ((one way)) وقمت أقولهم ( إنتبهااااااااااااو ) << ما عندي إلا هالكلمه المهم ناظروني يحسبوني أستهبل ولا دروا إلا يوم وصلت لهم وعلى طول وخروا وتم القبعة ع السور وطلعت منها بدون خساير أرواح :D . . . 3 طبعا هذي السالفة هي عن عبور المشاة ... تعرفون عندنا عبور المشاه اسم ندرسه ولا نشوفه بس هنا متقيدين مره فيه .. ولو مرت سيارة والواحد يبي يقطع ع الخط يعاقب فيها ... المهم .. أنا ما دريت عنها إلا يوم وقفت عند طرف الرصيف أحتري هاللي يمرون وشفت اللي جاي كع أبوالفرامل علشان يوقف ... أستغربت .. وقلت يالله بجرب .. وجربت كم مره وطلعت صدق يوقفون على طول ... عاد تعرف سعودي وإستهبالاته . :D أجي أوقف ع الرصيف .. وظهري جهة الشارع .. وتمر السيارات .. وإذا لمحت سيارة مسرعه فريت جسمي ورحت كأني بقطع وخذ يافرامل ^ ^ هذا اللي رايح يدرس .!!! . . . ( الحين الصور ... بس أبيكم تذكروني لآحقاً عن حقد الشعب النيوزلندي لبعض أعمال أمريكا ) هذي يا شباب نخله قدام شجرة عجزت أصور طولها ... بس باقي فيها ع الأقل الربع  هذي صورة لغدير .. بس ليتكم تسمعون صوت خريره  هذي صورة لطفله .. لا تسألوني عن حالي يوم أشوفها وأتذكر عيالي ... الله يعجل بالرجعه  هذي شاشة من الشاشات الموجوده في صالة الباصات .. ومنها تدري متى يجي باص المنتطقه .. شغلهم كأنك في المطار  وهذي شاشه في كثير من مواقف الباصات في المناطق .. يعلمك كم رقم الباص اللي يبي يروح لمركز التغيير اللي في الستي ... وكم باقي له من دقيقه  هذي صورة للشاطىء الفضي ..ولآحظ إنعكاس السحاب ع الأرض  هذي صورة لبداية الخريف على الأشجار  هذي صورة للبحر على الخضرة ومعها الجبال ... بس مظلمه شوي فالسموحه منكم  هذي وردة حبنا #$@#%# <<< تم تكفيخ المذكور أعلاه :D  هذا مكان مريت عليه وحبيت آخذ له صورة .. يعني مش ولابد .. فالعذر منكم  هذي خط عبور الجمال #$$@@ قصدي عبور المشاة في الجبال  هذي لموينا بقس دفرنيسن << ما تلاحظ إنك غثيتنا بهالسيارات .؟  هذي صورة لكنيسه قديمه ... وش تتوقعون صارت الحين .؟  شوفوها .. خلوها مطعم ... معابدهم تقلب إلى مطاعم .. سبحان الله  وين راعي النباطه  هذا القطار حق حديقة الحيوان ... الله يخلف  هذي صور الغزلان ...  هذي صورة يوم وصلنا لأعلى قمة جبل من بعد سير حدود 3 ساعات متواصله ... ويوم شفنا الديرة جانا الصياح .. بعييييييده ... وطبعا صارت سوالف بعدها بس الحمدلله على السلامة  هذي صورة قبل يوم كنا في بداية السير تقريباً  هذي صورة لنا يوم رجعنا من سنة الغرقه .. لأني ما قدرت اصور بسبب الأمطار ...  وهذي صورة يوم نزلنا من الجبل ...  والسموحه منكم يا شباب ع التأخير ... وبإذن الله الرد الجاي ما يتأخر << نشوف محبكم في الله أبولجين
__________________
اللهم أنت ربي
إلى مــن تكلـــني إلى بعــــيدٍ يتجـــهمني ام إلى عـــدوٍ ملــكته أمـــري إن لم يكن بك غضبٌ علي فلا أبالي غـيـــر أن عــافــيـتـك هـــي أوســع لـــي |
|
|
 |
| الإشارات المرجعية |
|
|
النمط المتتابع
