[المتزن]

اقتباس المشاركة الأساسية كتبها الصباخ تدري ياخي اكتشفت إنه ماعندك أحد .. الحين تتوقع بأي برنامج أوثق الصور أنا !! تراه ببرنامج الرسام .. أروح وأفتح البرنامج وهمن أروح ملف واضغط على فتح واختار الصور اللي أبيه .. وهمن تطلع الصورة ببرنامج الرسام همن أروح على حرف A اللي موجود على اليمين إن كان عربي أو على اليسار إن كان انجليزي .. واضغط عليه واكتب اللي أبيه وبأي خط وأبي حجم وبأي لون .. همن ملف وحفظ باسم واحفظه من جديد باسم جديد علشان ما يروح القديم .. وانتهينا .. بالنسبة للاختبار .. ياخي الأربعاء والخميس والجمعة ماطلعت من البيت .. أبحاول أدرس بس عجزت ياخي .. كل ماجلست على الكتب تذكرت إنه صيف وهمن يضيق صدري .. والانترنت مادخلته إلا يوم الخميس والأربعاء كل يوم ساعة أما يوم الجمعة مادخلت .. بإحتراء الصور ..

توك تكتشف ؟؟! :D

لكن ابشرك صار عندك أحد الحين .

وتبي تشوف الحين .


وتقبل تحياتي 00
المتزن

[المتزن]

23-




هذي أحلى وآخر صورة تشوفونها من فوق .. فوق صدز

والدليل البقر والغنم اللي تقل نقط بالصورة .. تشوفونهن ؟؟!


الصورة هذي تكشف لكم مشهد البحيرة كاملاً .. ووالله إن المشهد بالعين المجردة أروع بكثيييييييييير .



وتقبلوا تحياتي 00
المتزن

[الصباخ]

البقر تحت تقل رمل .. ياسبحان الله ..


أبوفهد .. هالصور ماشاء الله تبارك الله من أروع مايكون ..



أقول ماودك نتخاوى السنة الجاية إن شاء الله مع بعض أنا وأنت !!


بس كل واحد معطه قطته ..

[المتزن]

اقتباس المشاركة الأساسية كتبها الصباخ البقر تحت تقل رمل .. ياسبحان الله .. أبوفهد .. هالصور ماشاء الله تبارك الله من أروع مايكون .. أقول ماودك نتخاوى السنة الجاية إن شاء الله مع بعض أنا وأنت !! بس كل واحد معطه قطته ..

ما تجزم

وتراي ناوي إن شاء الله الروحه السنة الجاية , إلا إن حبسني حابس لا قدر الله .

واحسن شيء ان كل واحد معه قطته . :D

هاه .. يالله ؟؟!


وتقبل تحياتي 00
المتزن

[الصباخ]

اقتباس المشاركة الأساسية كتبها المتزن ما تجزم وتراي ناوي إن شاء الله الروحه السنة الجاية , إلا إن حبسني حابس لا قدر الله . واحسن شيء ان كل واحد معه قطته . :D هاه .. يالله ؟؟! وتقبل تحياتي 00 المتزن

:D :D ..


أنت ماتجزم ..



إن شاء الله السنة الجاية يصير خير إن شاء الله ..

[المسفهل]

مــا صــارت يــا جمــاعـــه .. !!! صـار المــوضــوع مســاجلــه بيــن الصبــاخ والمتــزن ... !!!

إنجــز علينــا يــالمتـــزن وشــكـ لنـــا اللــي عنـــدكـ مــن الصـــور وخــل نكحـّـــل عيــوننــا ، وتــرى مــالــكـ عــذر التــوثيـــق وعــرفـــت لــه وش تبــي بعـــد ... ؟؟؟


أمـّــا أنــت يــا الصبـــاخ .. بلشـــت بهــالمــوضــوع ليـــن صــار إختبــاركـ [ ]

==>> تحســون إنــه متــابــع المــوضــوع لحظــه بلحظــه وكلـّــه منــكـ يــالمتــزن

[المتزن]

اقتباس المشاركة الأساسية كتبها الصباخ :D :D .. أنت ماتجزم .. إن شاء الله السنة الجاية يصير خير إن شاء الله ..

طيب يابو عص .

نصبر للسنة الجاية ونشوف , والله يستر لا تجزم انت واهوّن انا :D


لذلك انتظر باقي الصور , اللي اخذناهن وحنا نازلين من هاك القمة اللي توسع الصدر


وتقبل تحياتي 00
المتزن

[الصباخ]

خخخخخخخخخخخخخخخخخخخخخخ ..

ماعلينا .. السنة الجاية يصير خير إن شاء الله ..





الحين أنت الصور تصنعهن وإلا وش سالفتك !!


نزلهن ياخي ..





وإلا شكل خويك اللي ببريطانيا ساهجك له يومين ما أرسل لك الصور ..

[حبر الألم]

اقتباس وإلا شكل خويك اللي ببريطانيا ساهجك له يومين ما أرسل لك الصور ..

ههههههههههههههههههههههههاااااااااااااي


هاجتن بك يالصباخ


قعدبه المتزن


ألحين يجيك المتزن ملوي ويحط لنا صوره بها وجهه علشان نصدق


المتزن :

لا يهمك الصباخ

نزلهن على رواقة

[المتزن]

اقتباس المشاركة الأساسية كتبها المسفهل مــا صــارت يــا جمــاعـــه .. !!! صـار المــوضــوع مســاجلــه بيــن الصبــاخ والمتــزن ... !!! إنجــز علينــا يــالمتـــزن وشــكـ لنـــا اللــي عنـــدكـ مــن الصـــور وخــل نكحـّـــل عيــوننــا ، وتــرى مــالــكـ عــذر التــوثيـــق وعــرفـــت لــه وش تبــي بعـــد ... ؟؟؟ أمـّــا أنــت يــا الصبـــاخ .. بلشـــت بهــالمــوضــوع ليـــن صــار إختبــاركـ [ ] ==>> تحســون إنــه متــابــع المــوضــوع لحظــه بلحظــه وكلـّــه منــكـ يــالمتــزن

ههههههههههههههههه

ولا يهمك عزيزي , أبنجز ( ويمكن أنقز عشانك :D )

ومتابعتك للموضوع شرف لي وانا اخوك .

احترن مع مجموعة جديدة من الصور ( بس موب كلهن )


وتقبل تحياتي 00
المتزن

[المتزن]

اقتباس المشاركة الأساسية كتبها الصباخ خخخخخخخخخخخخخخخخخخخخخخ .. ماعلينا .. السنة الجاية يصير خير إن شاء الله .. الحين أنت الصور تصنعهن وإلا وش سالفتك !! نزلهن ياخي .. وإلا شكل خويك اللي ببريطانيا ساهجك له يومين ما أرسل لك الصور ..

:D

خلاص ابنزلهن , بس لا تدف

وبعدين وش يدريك بخويي اللي ببريطانيا وساهجن ؟؟!!

ياخي لا تفضح بي انت ووجهك


وتقبل تحياتي 00
المتزن

[المتزن]

اقتباس المشاركة الأساسية كتبها حبر الألم ههههههههههههههههههههههههاااااااااااااي هاجتن بك يالصباخ قعدبه المتزن ألحين يجيك المتزن ملوي ويحط لنا صوره بها وجهه علشان نصدق المتزن : لا يهمك الصباخ نزلهن على رواقة

يا هلا والله ومسهلا يا حبر الألم

والله وانا اخوك شكلي أبنزلهن جميع لأن قدر المسفهل والصباخ عندي كبير ( ترى تهديد أبو محمد النجدي ماله دخل )

وبالنسبة لصورتي , الله يستر لا أتهور واحطه


وتقبل تحياتي 00
المتزن

[المتزن]

اقتباس المشاركة الأساسية كتبها أبو محمد النجدي المتزن قربت قشعة الموضوع للكشكول فانتبه لعمرك ==>> يعرف يهدد ( بس ولو تراي صادز :D ) أنت يا إما ما تعرف توثق أو تلطخ الصورة بالكتب انقليزي وعربي بالنسبة للسفر السنة الجاية فلا تحرج أبو ريم لازم موافقه ولي أمر تعرف ما وصل السن القانوني لكن أنا خوي لك وأنا جاد بس أنت اضبط الترجمة وأنا ادهدر الراس وراك ننتظر باقي الصور

يا هلا والله ومسهلا يابو محمد .. القهوة ياولد

1- وراكم عليّ .. وش بـُه موضوعي علشان تقشعونه للكشكول ؟؟!!

يعني ما نمزح ولا ننكت بالردود ؟؟!!

خلاص .

7
7
7
7

اتقوا الله يا عباد الله .


2- بالنسبة للتوثيق , فوالله اني عليمي وانا اخوك واعترف اني عليمي .. لكن انا لقيت أحد يفزع معي وقلت : لا ؟؟!!


3- بالنسبة للروحه , فخوّك تنشرى يابو محمد ..
بس ترى على شرط ابو ريم : كل واحد قطته معه
لأن قبيلك " متسفـَّى "


وانتظر بقية الصور ( وبدون تنكيت علشان ما تنقلونه لذاك وذاك )


وتقبل تحياتي 00
المتزن

[وحــــــــداني]

طيب شذنب موضوع الرجال يقشع

اللي رده به تنكيت احذفوه

واللي مابه تنكيت ورده سنع مثل ردي ثبتوه

<< وش هالثقه يبو وحيدني << انا ادلعن :D

نرجع لموضوعك يالمتزن

تكفى دبرنا بالباقي وبعدين وين اللي نبي نفتح له محل ؟؟

وين هاك الفنيات واللي جايه شلف ومدري وشو كمل تكفى ابداعك

ترى كل هالكلام والتشجيع علشان تنزل الصور وبيني وبينك والله انك ماتديره :D >> خربه

ننتظر باقي الابداع بالصور يالغالي

وتقبل تحياتي