[ام درر]

بنات الله يعافيكن ابي مصممة ازياء تكون مجربه
وابي كوافيره تطلع البيت يكون الميك اب والتسريحات حلوه وسعرها معقول

[سرب الطيور]

الله يجزاكم خير ابي ارقام سودانيات يسوون دلكه وحلاوه
وابي وحده تسوي حمام مغربي بس يكون شغله نظيف

[حلمـ وردي]

بنآآآت الله يعافيكن ..
من جربت مشغل شيفون ببريدة ..

ودي احجزهم لزواج اخوي ..
بس ماقد جربتهم ..!
وش رآيكم بشغلهم تسآريح ومكيآج ..

أنتظر أرآئكم بالمرره محتآره ..!
ويجزاكن الجنة ..

[لهفة حلم]

مرحباً صبايا أنا حجزت عند مشغل الهنوف حجزت لي عند وحده اسمها انتصار
احد يعرف كيف شغلها كمان منو الافضل عندهم غير ريما ساعدوني لأني متوهقه ما أعرفهم ولا قد جربتهم

[أمـ عبدالله]

السلام عليكم

بنات ابي خياطه او مشغل خياطه زين و اسعاره تكون زينه و معقوله ضروري

[طالبة الفائدة]

اقتباس المشاركة الأساسية كتبها أمـ عبدالله السلام عليكم بنات ابي خياطه او مشغل خياطه زين و اسعاره تكون زينه و معقوله ضروري

[center]وعليكم السلام ورحمة الله وبركاته

صديقة اختي ماشاء الله لبسها كشخة
وقالت لنا نفصل عند جوثن
وفصلنا عندها حسيته انسانه فاهمة وشفت كذا فستان معروض خياطه مرتب
والله يستر على ثيابنا
لكن ماشاء الله عليها تنصح واسعارها مو مثل الزيزفون الفين وثلاثة

الف ,ألف ومية ، حسب الموديل صراحه انا اشوفها رخيصة
وخليها توريك شغلها
ممكن تختلف اذواقنا

وانتبهي من خياط تهامة
ترانا خيطنا عنده مرتين
بعضنا تضبط تثيابهم والباقي ترقيع

وش السبب : اكتشفنا انه بعض الثياب هو يخيطهن ويطلعن خيال كأنهن جاهزات
وبعضنا يعطي الخياطين اللي معه
انواع الترقيع
فخلاص درس ما نخيط عنده إذا كان كذا بيوهقنا ببعض ثيابنا

بالتوفيق لنا ولكم [/center]

[طالبة الفائدة]

اقتباس المشاركة الأساسية كتبها لهفة حلم مرحباً صبايا أنا حجزت عند مشغل الهنوف حجزت لي عند وحده اسمها انتصار احد يعرف كيف شغلها كمان منو الافضل عندهم غير ريما ساعدوني لأني متوهقه ما أعرفهم ولا قد جربتهم

اختي انا ما اعرفهم كلهم لكن شوفي خديجة ام بكر
تراها دقيقة بالمواعيد ماشاء الله عليها
سوي عندها بروفة
بعضهم يآخذ 50 ريال على البروفة وبعضهم لا
جربي: الخمسين هذي بتفيدك بتوريك شغلها عليك مضبوط او لا
وركزي كيف بترسم الحاجب والعين
موفقة يالغالية ..

[بنيتي هي دنيتي]

بنات طلبتكم رقم هاتف مشغل الزيزفون بالفايزيه؟؟

وايهم افضل برنامج للجسم كامل الزيزفون او فربينيا؟؟؟؟؟؟؟

[لهفة حلم]

طيب انتي جربتي خديجة أنا الأهم عندي يكون شغلها حلو

[طالبة الفائدة]

اقتباس المشاركة الأساسية كتبها لهفة حلم طيب انتي جربتي خديجة أنا الأهم عندي يكون شغلها حلو

اشكرك على ثقتك بذوقي
لكن ما ادري انت وش تحبين
انا سوت لي ريما الكويتية وطلبت منها ترسملي رسمه تكبر العيون
واشوف شكلي حلو بس متغير
طلعت الرسمه صغرت عيوني نفس الرسمه حلوه لكن ما تناسب لي
وااختي حطت لها ظلال عريض اسود
بنات عمتي انجنوا عليه
لكن اختي ما عجبها ابد

اما خديجه جربته عجبتن بس اسمع البنات يقولو لابد تختارين أنت الألوان
واللي عاجبني اكثر ان مكياجه ماركات ورسمه للحاجب حلو وللمعلوميه انا ما اشقر
وعملت لي رسمه بلا صمغ حطت قلم لكن بسرعه راح
طرفه سوت لي ضاق صدري وانا اشيل الصمغ تعرفين عشان الوضوء صعب يبقى


بالنسبه لي تضبطن اكثر من طرفه

وفيه بنات اشكالهم حلوه طرفه مسويه لهم
او خديجه او ريما

وتراي اقوله لك الناس اذواق واشكال مختلفه كل وحده كوافيره تضبطه اكثر من غيره لكن انت وما تحبين
وروحي جربيها بروفه
ممكن ما تضبك مثل ما ان ريما ما ضبطت لي العيون

تتعبين الحين ولا تتعبين نفسيا وقت المناسبه

بالتوفيق ودعواتك

[عروس مهمومه]

مرررحبآ
بنات فديتكم الفزعه انا مو من القصيم وزواجي بيكون فيها وماعرف شي ابي رقم افضل وحده تسوي مكياج وتسريحه او افضل مشغل وش تنصحوني فيه وابي رقم مصوره وابي وحده تسوي دلكه وحلاوه وحنا طلبتكم ساعدوني الله يوفقها ويسعدها اللي ترد علي ..

[الأوركي]

اقتباس المشاركة الأساسية كتبها عروس مهمومه مرررحبآ بنات فديتكم الفزعه انا مو من القصيم وزواجي بيكون فيها وماعرف شي ابي رقم افضل وحده تسوي مكياج وتسريحه او افضل مشغل وش تنصحوني فيه وابي رقم مصوره وابي وحده تسوي دلكه وحلاوه وحنا طلبتكم ساعدوني الله يوفقها ويسعدها اللي ترد علي ..

لااااتدعدين فربينيا مشغل راااااااااااااااائع بمعنى الكلمه ..

دعواتك..

[المتفائله]

اقتباس المشاركة الأساسية كتبها عروس مهمومه مرررحبآ بنات فديتكم الفزعه انا مو من القصيم وزواجي بيكون فيها وماعرف شي ابي رقم افضل وحده تسوي مكياج وتسريحه او افضل مشغل وش تنصحوني فيه وابي رقم مصوره وابي وحده تسوي دلكه وحلاوه وحنا طلبتكم ساعدوني الله يوفقها ويسعدها اللي ترد علي ..

زي ما قالت اللي قبلي مشغل فربينيا وبسسسسسس لا تعدينه بكل شي

[أمـ عبدالله]

اقتباس المشاركة الأساسية كتبها طالبة الفائدة [center]وعليكم السلام ورحمة الله وبركاته صديقة اختي ماشاء الله لبسها كشخة وقالت لنا نفصل عند جوثن وفصلنا عندها حسيته انسانه فاهمة وشفت كذا فستان معروض خياطه مرتب والله يستر على ثيابنا لكن ماشاء الله عليها تنصح واسعارها مو مثل الزيزفون الفين وثلاثة الف ,ألف ومية ، حسب الموديل صراحه انا اشوفها رخيصة وخليها توريك شغلها ممكن تختلف اذواقنا وانتبهي من خياط تهامة ترانا خيطنا عنده مرتين بعضنا تضبط تثيابهم والباقي ترقيع وش السبب : اكتشفنا انه بعض الثياب هو يخيطهن ويطلعن خيال كأنهن جاهزات وبعضنا يعطي الخياطين اللي معه انواع الترقيع فخلاص درس ما نخيط عنده إذا كان كذا بيوهقنا ببعض ثيابنا بالتوفيق لنا ولكم [/center]

مشكوره جزاك الله خير , دخلت فستاني عند خياط اسمه احلام بشارع المشاغل و مدري عنه
دخلته على عماي بس ان شا ءالله يضبط