[رهيفة الاحساس]

جمعية تحفيظ القرآن في بريدة تعلن عن وظائف معلمات




تعلن الجمعية الخيرية لتحفيظ القرآن الكريم ببريدة عن حاجتها الى معلمات للدار المسائية (دار زينب في الربيعية) ، فعلى من ترغب في التقديم ولديها المؤهلات والكفاءة المناسبة الحضور إلى مركز الإشراف النسائي صباحا في موعد أقصاه نهاية الأسبوع القادم.







--------------------------------------------------------------------------------

اتمنى افيدكم بأذن الله

[غضى]

ألسـلآم عليكم ورحمه الله وبركـآته ..


آنا اول سنه اسكن في القصيم ... وخريجـه بكالوريوس ادب ولغه انجليزيه ..

ولآ حصلـت وظيفـه ..


والله حالتي حـآله لآجيران ولآ اهل ولآ احــد .. قلت اسلي نفسي وادرس دوره تنفعن ..

حآليا جالسه ادور معهد مثل العالميه وغيره بآخذ فيه دبلوم سنه او ادخال بيانات ..

بس والله ماعرف شي عن بريده .. ولأ عن افضل المعاهد ولآ حتى اساميها ولآ بأي حي



جزآهآ الله خير الي تفيدني والله صدعـت من هالموضوع حفرت قوقل من كثر ما ادور على المعاهد

في بريده ..

[أروى82]

اقتباس المشاركة الأساسية كتبها غضى ألسـلآم عليكم ورحمه الله وبركـآته .. آنا اول سنه اسكن في القصيم ... وخريجـه بكالوريوس ادب ولغه انجليزيه .. ولآ حصلـت وظيفـه .. والله حالتي حـآله لآجيران ولآ اهل ولآ احــد .. قلت اسلي نفسي وادرس دوره تنفعن .. حآليا جالسه ادور معهد مثل العالميه وغيره بآخذ فيه دبلوم سنه او ادخال بيانات .. بس والله ماعرف شي عن بريده .. ولأ عن افضل المعاهد ولآ حتى اساميها ولآ بأي حي جزآهآ الله خير الي تفيدني والله صدعـت من هالموضوع حفرت قوقل من كثر ما ادور على المعاهد في بريده ..

نيوهورايزن

[أروى82]

اقتباس المشاركة الأساسية كتبها أم البواسل اختي اول مره اسمع بمزود خدمه بها الاسم ولا فيه له اي دليل حتى بحثت عنه بالنت ما لقيت اي شي بها الاسم وهو الاولى يكون عنده موقع لو كان موفر خدمة انترنت اتوقع وهمي

مااتوقع وهمي
انا قدمت طلب وظيفة عندهم من شهر والى الان يختارون موظفات لانو حسب ماقالوا لي ان الشركة جديدة وبتبدأ مع بداية 2010 يعني باقي شهر و20 يوم تقريبا

[رهيفة الاحساس]

اروى
الله يعافيك شلون نقدم طلب وظيفه .
ودي اقدم بس ماادري كيف .....

[روز’]

اقتباس المشاركة الأساسية كتبها غضى ألسـلآم عليكم ورحمه الله وبركـآته .. آنا اول سنه اسكن في القصيم ... وخريجـه بكالوريوس ادب ولغه انجليزيه .. ولآ حصلـت وظيفـه .. والله حالتي حـآله لآجيران ولآ اهل ولآ احــد .. قلت اسلي نفسي وادرس دوره تنفعن .. حآليا جالسه ادور معهد مثل العالميه وغيره بآخذ فيه دبلوم سنه او ادخال بيانات .. بس والله ماعرف شي عن بريده .. ولأ عن افضل المعاهد ولآ حتى اساميها ولآ بأي حي جزآهآ الله خير الي تفيدني والله صدعـت من هالموضوع حفرت قوقل من كثر ما ادور على المعاهد في بريده ..

وعليكم السلآم والرحمه ‘‘
الله يعينك والله .. انا مثلك طاقه كبدي من البيت
ومثل ماقلتي حفرت قوقل من كثر ماادور كل واحد وله سالفه اللي يسب المعاهد
واللي يمدحها افتر راسي

عاد كثير اثنووو على العالميه وسجلت عندهم في دورة الـ ICDL اللي هي الرخصه الدوليه لقيادة الحاسب
مدتهاا 3 شهور بالضغط و6 من غير الضغط ‘‘

رقمهم ..

063826190

موقعهم .. قريب من نيوهورايزن بعطيك الوصف من قوقل ايرث

http://wikimapia.org/7561065/ar/%D9%85%D8%B9%D9%87%D8%AF-%D8%A7%D9%84%D8%B9%D8%A7%D9%84%D9%85%D9%8A%D8%A9-%D8%B7%D8%B1%D9%8A%D9%82-%D8%A7%D9%84%D9%85%D8%AF%D9%8A%D9%86%D8%A9-%D8%A8%D8%AC%D9%88%D8%A7%D8%B1-%D9%87%D8%B1%D9%81%D9%8A

موفقه ودعواتك خيتوو لي ..

[غضى]

مشكورهـ اروى .. وجزاك الله خير .

,,

هـلآ وغلآ رُوز يالله حيهـآ ..

الله يجزآك خير ويوفقك بحيـآتك ويسخر لك زوجــك ويسخرك لـه ويرزقك الذريه الصـآلحه ..

ماقصرتي يـآجدي ..

والله انـآ احترت مـآدري اخذ رخصه دوليه ولآ ادخـآل بيانـآت او دبلوم سنــه ..

سمعـت ان اي دوره اقل من ست شهور او ست شهور ماتنفع ..

[روز’]

اقتباس المشاركة الأساسية كتبها غضى مشكورهـ اروى .. وجزاك الله خير . ,, هـلآ وغلآ رُوز يالله حيهـآ .. الله يجزآك خير ويوفقك بحيـآتك ويسخر لك زوجــك ويسخرك لـه ويرزقك الذريه الصـآلحه .. ماقصرتي يـآجدي .. والله انـآ احترت مـآدري اخذ رخصه دوليه ولآ ادخـآل بيانـآت او دبلوم سنــه .. سمعـت ان اي دوره اقل من ست شهور او ست شهور ماتنفع ..

كح

انا اخت روز ماتزوجت

الله يقبل منك لاختي ان شاء الله

الحين العالميه مسوين عروض دقي عليهم وسجلي عندهم دبلومات على حسب ماقالت لي
وسمعت كثير اخذو الرخصه الدوليه 6 شهور وفي منهم متوظف
احس اني شككت شوي

وش الراي ياوخيتي << تسأليني وانا اسألك هههههه

[غضى]

ههههههههه ربي يسعد قبلـك ياأخت رُوز عقبآل الزوآج والتوفيق بحيـآتك يآأخت رُوز والحيـآه السعيده ..

شوفي ياقلبي انا محتاره اكثر منــك .. بس تدرين بكرى بدق على العالميه واشوف اسعارهم

دبلوم سنه كيف وادخال البيانات وارجع اسدح لك الجديد ..

[dena99]

اقتباس المشاركة الأساسية كتبها أم البواسل اختي اول مره اسمع بمزود خدمه بها الاسم ولا فيه له اي دليل حتى بحثت عنه بالنت ما لقيت اي شي بها الاسم وهو الاولى يكون عنده موقع لو كان موفر خدمة انترنت اتوقع وهمي

اين الايميل....مش ظاهر عندى فى ايميل موجود؟؟؟؟ارسل عليه

[أروى82]

اقتباس المشاركة الأساسية كتبها رهيفة الاحساس اروى الله يعافيك شلون نقدم طلب وظيفه . ودي اقدم بس ماادري كيف .....

أرسلت سيرتي الذاتية على ايميل المسؤول
وبعدها اتصلت على الرقم استفسر قال انو يجمعون الان الطلبات ويختارون ومع نهياية شهر 11 يتصلون على اللي يقع عليهم الاختيار ويقابلونهم
الى الان قدامك فرصة قدمي


وظائف نسائية بمنطقة القصيم


تعلن شركة تكنولوجيا العصر أحدى مزودي خدمة الأنترنت عن وجود فرص وظيفية في فرع منطقة القصيم

والذي سوف يبداء العمل فيه في مطلع عام 2010 عن توفر وظائف في الفرع النسائي

فعلى من تتوافر فيها الشروط والمتطلبات المحددة لكل وظيفة إرسال السيرة الذاتية باللغة العربية

معنونة بمسمى الوظيفة المتقدم إليها على البريد الالكتروني

عناية مدير إدارة الموارد البشرية

م/ فيصل عبد الرحمن السبيعي

جوال رقم:0566449677

((يمنع وضع البريد الإلكتروني))

علما بأنه لن ينظر في الطلبات التي لم تستوفي متطلبات الوظيفة أو الشروط العامة


المزايا الوظيفية :

الرواتب لاتقل عن 3500

تأمين صحي شامل

بدل نقل يضاف للراتب الشهري أو توفير وسيلة نقل على حسب الرغبه

بدل سكن يضاف إلى الراتب الشهري

راتب شهر كامل أضافي كل سنه للموظفات المتميزات

عمولة 20% للمندوبات


الشروط العامة:

1- أن تكون المتقدمة سعوديه أو لديها أقامة قابلة للتحويل

2- أن لا يقل عمر المتقدمه عن 17 سنة ولا يزيد عن 35 سنة.

3- أن تكون شهاداتها العلمية وخبراتها العملية صادرة من جهات معتمدة ومصادق عليها.


الوظائف المتوفرة:

1- مسئولة توظيف عدد (2)

2- مسئولة علاقات الموظفين (3)

3- محاسبة (5)

4- خدمات عملاء (7)

5- موظفة أستقبال (4)

6- مندوبة مبيعات (4)

بس للأسف الايميل مايظهر هنا

[أروى82]

حاولت ارسل لك الايميل ع الخاص ماقدرت لانو مشاركاتي ماوصلت 60

ولايميل مايطلع هنا

[بقايا احساس]

ليش مايطلع الاميل؟؟

[أروى82]

اقتباس المشاركة الأساسية كتبها بقايا احساس ليش مايطلع الاميل؟؟

لأنو يمكن ممنوع عرض الايميل بالمنتدى