[نبض المشاعر]

يا عمري يا بنت البشر الله يسهل عليك ياااارب

وعلى كل من نقله

[نبض المشاعر]

بنت البشر كرري دائما هذا الدعاء

لا اله الا انت سبحانك اني كنت من الظالمين

واللهم لا سهل الا ماجعلته سهلا وانت تجعل الحزن اذا شئت سهلا

[بنت الشماسية]

لايضيق صدرك يابنت البشر أنا أخذت من العاشر أسبوعين وماجاني طلق وولدتني الدكتورة بطلق صناعي

الله يعين وييسر على الجميع ياااارب

[ملكة في مملكتي]

بنات انا جربت الولادة بنتي في مستشفى الولادة والاطفال ببريدةوبصراحة كانت ولادتي صعبة
والممرضات بس ينافخن علي
والحين حامل بالشهر التاسع وابي رايكم في مستشفى القصيم الوطني ؟ يعني تنصحوني اولد فيه

و رايكم بابرة الظهر,

امااااااااااااانة يابنات ردو علي .
لاني والله فرحت بفتح هذا الملف الرائع

وانا بحاجة لردودكم لانه باقي على الموعد الي عطتنياه الدكتورة 18يوم

[رمش مدلل]

ادعو لي دخلت العاشر

[ملكة في مملكتي]

رمش مدلل الله يهون عليك

[بنت البشر]

الله يجزاكن خير على دعواتكن

وان شاء الله ابشركن بولادتي الله يسهلها علي


بالنسبه لمستشفى القصيم انا افكرر اولد فيه

قريبتي والده فيه وتمدحه مرررره واللي مولدته نادرة

...

[غنوجة نجد]

الله يسهل عليكن ,,,>>>

[&اخت رجال&]

السلام عليكم
وش اخباركم من ولد منكم
وخويتي بنت البشر ماوالدتي للحين
انتي مثلي بقي كم يوم وخلص التاسع وكنت ناويه اوالد بالحبيب
بس لاستشاريه اخذه اجازه ويمكن اولد وهي بجازته طيب وش رايكم وين نروح له للوفاء وا بتل بالحبيب او اروح للوطني

[loquacious]

اقتباس المشاركة الأساسية كتبها ملكة في مملكتي بنات انا جربت الولادة بنتي في مستشفى الولادة والاطفال ببريدةوبصراحة كانت ولادتي صعبة والممرضات بس ينافخن علي والحين حامل بالشهر التاسع وابي رايكم في مستشفى القصيم الوطني ؟ يعني تنصحوني اولد فيه و رايكم بابرة الظهر, امااااااااااااانة يابنات ردو علي . لاني والله فرحت بفتح هذا الملف الرائع وانا بحاجة لردودكم لانه باقي على الموعد الي عطتنياه الدكتورة 18يوم

أهلين أختي .. قريت اللي كاتبته وقلت ماني طالعه إلا راده لها اللي أعرفه وأدعي لها
الله ييسر لك ..
بالنسبه لمستشفى الوطني ما أعرف أحد ولد فيه
أما مستشفى الولادة كل وحده تولد فيه تدعي عليهم وتقول ماراح ارجع له مره ثانيه , ولما تحمل ثانيه ترجع وتروح له وتعيد نفس الإسطوانه
بعد مافتح الحبيب صاروا الناس متشفقين يروحون له , وأكيد راح يمدحونه لأنه أرقى خدمات من الحكومي .. ربما تكون الولادة نفسها بالإثنين , بس العناية والتعامل غيير ..

أما إبرة الظهر ما أنصحك فيها , احتسبي كل ألم تحسي فيه لعله يكفّر عنك ذنوبك , ومافيه أحد بدون ذنوب .. بس أنا مقدره نفسيتك الحين أي وحده يمكن تفكر فيها خاصه إذا كانت مجربة قبل ولادة صعبه أو متعسرة , وعلى فكرة يقولوا ولادة البنت تصير أصعب من الولد ,,
إذا كان اللي في بطنك ولد إن شاء الله راح يكون الطلق حآآآآر ويطلع بسهوله

الله ييسر لك , والله يفرجها لك , والله يرزقك ولادة سهلة متيسرة ماتحسي فيها إلا لما يصيح البيبي

...

[السلسبيل]

اهلين انا معاكم في شلة الحوامل المحترمين
توني في الثامن بس فية سؤال
يقلون ان مستشفى الولادة عادي يدخل ممرض ويكشف عليك هو صدق ولا لا؟
لانه حرمة يالله تستحين وش عاد لاصار رجال

[حرم الدكتور]

عزيزاتــــي الكروشـــات..... اليكن هذه الادعية الرائعه لتقوليها لجنيـــنك ....

اللهم اجعله مسلما صالحا عابدا ذاكرا..حافظا للقران الكريم وممن يعملون به..

اللهم اجعله بارا بوالديه وأهله..اللهم حسن خلقه وخلقه ..

اللهم أعذه من شياطين الأنس والجن..اللهم سهل ويسر حمله وولادته..

اللهم أقر عيني به..اللهم ارزقني ولدا واجعله تقيا ذكيا..

واجعله سليما معافى ولا تجعل في خلقه زيادة ولا نقصان ..واجعل عاقبته إلى الخير...

اللهم إني نذرت لك ما في بطني محررا...فتقبل مني إنك أنت السميع العليم...

اللهم اصلح لي ذاتي وذريتي...اللهم استودعتك هذا الجنين فحسن في خلقه وأخلاقه يا رب العالمين..اللهم اني اسألك هون الطلق وحسن الخلق ..اللهم آمين ..

[بنت البشر]

بنات ابشركن ولدت والحمدلله قبل يومين

وان شاءالله اخبركم بقصة ولادتي اذا مانسيت..

[حرم الدكتور]

اقتباس المشاركة الأساسية كتبها بنت البشر بنات ابشركن ولدت والحمدلله قبل يومين وان شاءالله اخبركم بقصة ولادتي اذا مانسيت..

ألــــف مبـرووووكــ
الحــمد لله ع السلامـــه....شو جبتي كتكوت وإلا كتكـوته