[سر الوجود]

الحين الافغاني قاله الله يخلف بس

[جمراوي]

اي اشوفهم بكثره وش جنسهم رجال او نسا او اللى بينهم مدري وش يسمونه وهي اقرب ماله لان الرجال ما يرضى على نفسه النقص والتشبه بالنسا الا اذا فيه عرق منهن
لاحول ولاقوه الا بالله .الله لا يبلانا ولا ذرارينا من هذا النقص...

[جنون فـ×ـي جنون]

للاسف الشديد ما فيه امل نتطور وفيه مثل هالناس علشان الرجال طول شعرهـ حطيت موضوع

لو يشوفك تشتري المراعي كان حط صورتك في المنتدى

[نبرآس~]

اللحين مآ أخذوا من الرسول إلا تطويل الشعر !

وراه مآيطولون لحآهم ؟

بعد ليتهم نيتهم ‘ إنهم يصيرون مثل الرسول
لآ بس عذر وآهي

[انسان من بني آدم]

اقتباس المشاركة الأساسية كتبها أبونادرالأجتماعي20 سوف أرد عليك من معرفك وأسم بلدك يا الحبيب تمام : 1 ــ الاسم : إنسان من بني آدم ! ج / هل ترضى أن أقول لك إنسانه من بني آدم ؟ 2 ــ البلد : تبي تقهوون عندي ؟؟ ج / لو كان عندك الوالد وضيف في المجلس وأنا وصديقي حازمين شعورنا وحاطين شكله للشعر وداخلين عندك نتقهوى وش موقفك ورد أبوك وضيفه ! ؟ 3 ــ الجنس : ذكر ! ج/ لو أرد عليك ببعض مواضيعك وأقول يا أخت كيت وكذا وو ؟ أما تغضب وتقول ويين عيونك أنا رجاااال ! ^^^^ شف عزيزي ألأناسه في وادي وأنت في واد .. اطلع كل أشرب لكن تنتهك أوامر الله تتشبه وتحول من ذكر إلى أنثى بكل شي , هذا مرفوض جملة وتفصيلا في كل الأعراف والأديان السماوية. شعر وربطه , وحمره , وماكياج , وقصات ... هذه فقط للنساء . وأختم ردي بالحديث الشريف قال رسول الله محمد صلى الله عليه وسلم (لعن الله المتشبهات من النساء بالرجال و المتشبهين من الرجال بالنساء ) ....................... ولك وافر الشكر يا بني آدم وجهز القهوة تراي متشرف عندك

والله يانت خبصت الدنيا ههههههههههه


وراك قلبت موضوع من الشعر للمكياج والتشبه بالنساء وتقليد النساء وخلطت الولد بالبنت


عزيزي انت تكلم عن الشعور

وراك بديت تشبه لي المكياج والنعومه ومدري ايش (حتى قلت لي ترضى اشبهك ببنت)


عزيزي انت ماتدري ان اكثر اللي يحطون شعور هم خشنين ولا لهم باللي قلت ابد (اقصد اللي مثل اللي بالصورة)


الشي الاخر مثالك اللي ذكرته حق لو ابوك عنده ضيف وجاي انا حاط شعر وبكلة ومدري ايش


مثالك هذا اسمح لي اقولك (يعتمد على الزمن والجيل) وايضا (على تخلف شيباننا وتحجرهم)


صح انا معك انه يبي ينتقدون ويستنكرون بس ليش يبي ينقدون ويستنكرون؟


عشانهم ماتعودو على الشي هذا وانه شي جديد داخل عليهم


يعني مو عشانه حرام او تصرف خاطي بالواقع لاكن منبوذ عندهم


ابضرب لك مثال


نفس المثال اللي ذكرته بس تخيل ان اللي حطين شعور تقول انت


ماحطو شعر ولا شي (شعرهم عادي)

بس انهم لابسين جنز ولا برمودا طالع نص الساق (اهم شي مو لابسين ثوب)


ردت الفعل من الابو والضيف مراح تكون قريبه لنفس ردت الفعل السابقة؟


مع انه مافي شي الجنز او البرمودا اللي طالع نص الساق


بس لانهم هم عاشو بزمن وحنا بزمن هم يستنكرون الشي هذا وينبذونه


عرفت يالغالي؟؟؟؟


هذا نقطة


التعليق على كلامك هذا

(شف عزيزي ألأناسه في وادي وأنت في واد .. اطلع كل أشرب
لكن تنتهك أوامر الله تتشبه وتحول من ذكر إلى أنثى بكل شي , هذا مرفوض
جملة وتفصيلا في كل الأعراف والأديان السماوية.
شعر وربطه , وحمره , وماكياج , وقصات ...
هذه فقط للنساء .)


هل الوناسه فقط بالاكل والشرب؟

اتنهك اوامر الله وتتشبه بالنساء؟


اي اوامر تقصد واي تشبه (جب لي دليل ان تطويل الشعر حرام)>> ادري ان المكياج والحمرة حرام ( بس انت موضوع عن تطويل الشعر) يعني لاتقول حديث التشبه



وراك انت لاخبطت بنا هههههههههههههه


موضوعك عن الشعر وش جاب طاري الميكاج والحمرة هههه (رديت عليك فوق عن الشعر)



والحديث اللي ذكرته هذا (لعن الله المتشبهات من النساء بالرجال و المتشبهين من الرجال بالنساء )


ماله دخل بموضوعك ولا بالصورة اللي انت حاطه لان الحديث هذا يتكلم عن اللي يحطون مكياج وحمرة وغيره


اما لو كان تطويل الشعر حرام او تشبه بالنساء

كان الرسول ماطول شعره


للمعلوميه انا اناقشك باللي يطول شعره مثل اللي بالصورة



ابو نادر حياك والله اتشرف فيك وقهوه وعشاء كلهن تستاهل

[شــادن]

حتى الي قاهرن على شكلهم الشين ماادري وشلون يوم صارو يبونة طويل طال بيوم وليلة الله يحوم تسبدهم والله ياهم قرف يعععع

[بريـه]

الله يعيننا على عقلياتك
وش عليك من شعورهم ماعليك منهم ابد دامهم ماسوو شي
خل الناس بحالة الله يرحم والديك

[عبدالله]

الحمد لله على العافية

.وأسأل الله الهداية للجميع

[الانصاري]

اشكرك يابو نادر على النقد البناء

[معالي الوزير...]

بسم الله الرحمن الرحيم
تطويل الشعر ليس حراما وأتحد أحد يأتي بدليل يدل على التحريم وأما إطالته بما يفعله جهال الغرب فلا يروق لي ولكن لايحق أن إصدر فتوى بتحريمة إلا من جهت التشبه بالكافرين أما قصات الكوبريا وغيرها فقد قال صلى الله عليه وسلم لما رأري صبيا قص بعض شعره وترك البعض { إحلقوه كله أو إتركه كله } قال النووي رحمه الله والأمر للكراهه وقال أحمد بن حنبل لايفعله إلا السفهاء .
والمكياج يا أخي نادر لم يفلح به أحد فإد كان مشائخنا على الشاشات يضعون لهم مكياج فلا حرج على الشباب والله يهدي الجميع .

[maice]

لله في خلقه شؤون

[الموناليزا]

اللهم ثبتنا اللهم ثبتنا

[الرحاله العربي]

اقتباس المشاركة الأساسية كتبها أبونادرالأجتماعي20 [

مساكين يحسبون تقليد الغرب تطور

طيب قلدوهم بالعلم ، مالقيتوا تقلدون إلا أشكالهم وعاداتهم القذره !

[محب الاصلاح]

نعم ياأبو نادر هذه الظاهر سيئة ومخزية وتشبة بالنساء وفي الحديث قال الرسول صلى الله عليه وسلم لعن الله المتشبهين من الرجال بالنساء ، وانا اعلم علم اليقين ان الشباب الي يناقشون يدرون انه محرم شرعآ. لمخالفته السنة حسب شرح الفقهاء
والرسول حشاه بأبي وامي ان تشبهون انفسكم به فإن الإفتراء على رسول الله صلى الله عليه وسلم اكبر ذنبآ من هذا الفعل ....وانا قبل ثلاثة أيام رأيت في أحد الجلسات المزروعة شاب يبلغ تقريبآ 17 سنة مسوي قصة ملفتة للغاية ولابس جنز ضيق والله ماازيد عليكم نصف الشطشط طالع اقسم بالله اندهشت وكت اكذب عيوني نشكوا الى الله هذه المظاهر المزرية .. قال تعالى ( افمن زين له سوء عمله فرآه حسنا ) وارجو من الشباب تقبل هذا النقد بكل رحابة صدر لأن ابو نادر ماقالها بغض لكم وانما اشفاق ومحبة ونحن امة واحدة والمسلم مرآة اخية .. وشكرآ