[ρίє¢є Όƒ Сђoсoζάtє]

تكون مزيونه اذا كانت ملامحها مرتبه<تحسبه دفتر
تجيك رسومه رهيبه بس هالنوعيه يبي لها تدقيق يعني ماتلاحظ جمالها من بعيد

اما المملوحه وانا احب هالنوعيه تجذبك لها صحيح تكون ملامحها عاديه بس بنظره
تدخل قلبكـ
وانصحك لاقالوا مزيونه حط رجلك وهج عنه
وغالبا اللي يكونن مملوحات تكون سمراء أو تكون شفتها صغيــرهـ<<على العموم ذي وجهة نظر


والله يوفقك بالاختيـــــــار

[أشعة في بلقع]

شف يا اخوي

اذاكنت تدوووور عن زوجه عندنا هنا بهالمنطقة واللي حولها ..... فلا تتعب نفسك
منتب لاقي المملوحة فظلا عن المزيونة








لذا .... يا رجل ..... اهم شي الاخلاق

انت فهمت او لأ ؟
اهم شي الاخلاق



استغفر الله ... ترا احتمال تلقى مزييينه .... وانت دووور و تطيييح ... وتبي تلقى لكن مهب ناهي

[محلق توليت]

تبي نصيحتي اترك عنك كل مزيونه ومملوحه

الجمال هو جمال الروح والاخلاق والمعامله الطيبه

الجمال يجي يوم وينزاح مثل الزهور سنه وهو ميت

اما جمال الروح والاخلاق الحسنه ماتغير ابد وانا اخوك

سمعت ولا لا

[عمو حمزه]

لعلك عرفت الفرق بينهن
ولكن أنصحك على أن تبحث أولا عما تريد من الجمال وغيره ثم أخيرا ذات الدين وقرر بعدها(رأي الإمام أحمد رحمه الله لبعد نظره)
وتقبل مروري

[أم ضياء]

الفرق واضحوه لك
لكن انصحك بالمملوحه لان المزيونه احيانا تكون جمال وجه فقط ولكن جمال الروح عليك به شوي..
والمملوحه تكون في الغالب فيها جمال روح...
وأنت عارف إن جمال الوجه لايدوم فانه يذهب مع الوقت،،، وجمال الروح يبقى

[زحـل]

هذولي ابخص بها الحريم يعني ركز على ردود بنات حواء

طيب مايجتمعن بوحده ؟ البناااات واجد والله كلهن مزيونات ومملوحات
بس شف إذا تبي مزيونه خل خواتك يدورن احسن واهم شي تصير طيبة وترتاح له الوالدة
اهم شي الوالدة

والله يزوجك عاجلاً يارب وتعزمنا
اللهم بارك لهما وبارك عليهم وأجمع بينهما بخير مقدماً

[&شقردية شمر&]

هههههههههههههه والله يا هالموضوع خرش الأعضاء كللللللللللللهم

البنت المملوحة أحسن هي ألي تكون رسومها ناعمة ومليحة

أما المزيونة يكون مزينها البياض أو الجاذبية للطول وتكون عادية بس يقولون مزيونة لأنها تجذب بطول أو بياض أو جسم

وأنا أقول المملوحة أحسن لأن الرسوم أنعم وفعلا تكون بناته

أنا أقول يازين خفيفة الدم بعد الأخلاق طبعا..

[*نجمة سهيل]

ياخوي رح شفه وارتاح وريحنا
الله يوفقك

[صالح العبدالله]

كتب الطنطاوي في هذا الشيء ..
لايحضرني حالياً بأي كتبه ..
المهم أنه يقول أن المرأة المليحة ليست كالجميلة ..
فالجميلة ماوافقت صفات الجمال المتعارف عليها عند العرب ..
أما المليحة فمثل لهن بأهل جنوب شرق آسيا !

[سفير الشمال]

اشكركم على تفاعلكم القوي جدا

بس حيرتوني شقرديه تقول المملوحه اللي رسومها ناعمه

وملفعه بنات الحاره تقول المملوحه اللي ملامحها عاديه ابلش عاد

واخوي ابو محمد النجدي يقول لاتاخذ بقول اهللك كيف؟ يعني كل ماذكرولي وحده اروح اشوفها

صعبه شوي وتقل شينه

كنت احسب المملوحه يعني بيضاء زي لون الملح { اثري متوهق}

لكن يقول اخوي ( زحل) بنات حواء ابخص يعني ودي اسأل

هل يمكن يجتمع زين وملح جميع او لا؟

[الطاحونة]

المملوحة هي المليحــــــــــــة
و
والمزيونة هي المزيونـــــــــــة

نصيحتــــــــــــــــي

الدين والاخلاق

اولا واخيرا

[المطاول]

اله يعين اللي بتاخذك اثرك حقنه كل هذه المشورات ولا طلعت بنتيجه اسمع ارسل حكيما ولا توصه ان ارسلت احدى اخواتك فاعلم انها ان قالت انها مزيونه تراها مملوحة وانقالت انهامملوحة فهي مزيونهاسال مجرب 0

[ahoak2002]

موضوع رائع أخي سفير الشمال .... استمر.... فالمعنيّون بالموضوع كثيرون ... فنحن نلاحظ أعضاء وعضوات بالمنتديات بصفة عامة وستي بريدة بصفة خاصة.. يطروح موضوعاَ خاص ويسفيد منهم الغير ...

...كنت احسب المملوحه يعني بيضاء زي لون الملح { اثري متوهق} لا .


بالنسبة لي اقول المزيونه جمالها وزينتها من الخالق عز وجل من الولادة تراسيم وجهها يعني جمال الشكل الخارجي ... وطبعاً هذا الجمال يتفق عليه كثير من الناس مثلاً لو شاهدها شخص قال هذه البنت جميلة. والثاني والثالث والرابع . الجميلة واضحة كالبدر ....يقول نفس الكلام أي النسبة كبيرة الأتفاق على رأي واحد.
المملوحه هي من تكون أقل جمال ولكنها تمتلك صفات أخرى تجذب الغير لها مثل حركة الوجه أثناء الكلام دلع فطري..... فالجميلة قد تكون جميلة الشكل وينقصها كثير من الأشياء


ملاحظة / تأمل كلام الرسول صلى الله عليه وسلم ..

عَنْ أَبِي هُرَيْرَةَ رَضِيَ اللَّهُ عَنْهُ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ : ( تُنْكَحُ الْمَرْأَةُ لِأَرْبَعٍ : لِمَالِهَا ، وَلِحَسَبِهَا ، وَلِجَمَالِهَا ، وَلِدِينِهَا ، فَاظْفَرْ بِذَاتِ الدِّينِ تَرِبَتْ يَدَاكَ ) .

[عبدالواحد]

الله يسهل عليك
ويرزقك الذي هو خيرا لك