 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
 |
|
|
أدوات الموضوع | طريقة العرض |
05-06-2008, 11:39 AM
|
#15 | ||||||||||||||||||||||||||||||||||||||
|
عـضـو
تاريخ التسجيل: Mar 2003
البلد: بريده (رضي الله عنه)
المشاركات: 13,063
|
حبيب البي شف في اعلى الموضوع كاتب فيه
وشاكر لك مرورك يالغالي.. تسلم يالبي
__________________
|
||||||||||||||||||||||||||||||||||||||
|
|
05-06-2008, 12:16 PM
|
#16 |
|
عـضـو
تاريخ التسجيل: Mar 2004
البلد: لـــهـــبُ الــشــوق ..
المشاركات: 5,458
|
هلا بيك ، تصلح رواية ..
سرد شيّق .. الصراحة أنه مأسأة ..
__________________
.. أعبدَ الله يا نجمًا تهاوى ** ويا قمرًا تبدّى ثم غــابْ
أيا خلاً طواه الموتُ عنّا ** لكم فرحت بلقياك الصحابْ .. لا تنسوا الدعاء لأخيكم العضو أفكار بالرحمة والمغفرة . |
|
|
|
05-06-2008, 12:45 PM
|
#17 |
|
مشرف أخبار بريدة
تاريخ التسجيل: Jan 2007
البلد: القصـ بريدة ـيم
المشاركات: 11,055
|
ياحبيلك يا بوفهد المنخرش
أجل ماسكهم مع اليد اللي توجعهم زين والله ومشكورعلى هيك القصة والله نأخذ عبرة وعظه ودروس من الموسسات والشركات والصانع لان الشخص ينطرح بين ايديه للحاجة والمشاغل الدنيويه لكن العربون يجيبهم على خشومهم
__________________
 |
|
|
|
05-06-2008, 12:52 PM
|
#18 |
|
قبس دائم
تاريخ التسجيل: Jan 2008
البلد: بحارتن جميلة ()
المشاركات: 4,192
|
, , , , , , , طررحوون ممنتااااااااز  والله يانت تعرفلهم .. ابوي دايم الدووم تسطير وتلفيع  <<-اتسذذبلا صتز قهروون يلعبوون علينا بص لو الواحد عطاهم كف من اول مره ماسووه نوبتن اووخرى بالإحتراااء 
__________________
. . . ثمّة نساء يُصبحن أجمل في الغياب "/ ! . |
|
|
|
05-06-2008, 03:41 PM
|
#19 |
|
Bn Ibrahim
تاريخ التسجيل: Jan 2007
البلد: بريدة
المشاركات: 9,058
|
أيه لازم تقرصهم لك مرررره علشان يعرفون قيمة المواعيد مع الناس .
متابع لك بس أخلص ورانا إختبارات ودراسه . تحياتي لك
__________________
. . |
|
|
|
05-06-2008, 05:15 PM
|
#20 |
|
عـضـو
تاريخ التسجيل: Apr 2006
البلد: بريدة
المشاركات: 4,378
|
اجل حالتك حالة انت وياهم
 نحتري الكمالة يابوفهد .. لا تبطي علينا
__________________
تحدك ظنونك على ضيق حلمك..
و تسري بي أحلامي على وسع .. ظنك ! (h) |
|
|
|
05-06-2008, 05:59 PM
|
#21 |
|
عـضـو
تاريخ التسجيل: Dec 2004
المشاركات: 5,253
|
الي مثل هيك ، علاجهم وقت الحساب !
أغثه بالحساب وأطلع مرّه زي ما طلع قروني باخلاف المواعيد !
__________________
|
|
|
|
05-06-2008, 07:49 PM
|
#22 |
|
عـضـو
تاريخ التسجيل: Jun 2007
البلد: في زمن الغربة
المشاركات: 836
|
نشف ريقي وأنا أقرأ يا أخي : كان تركتهم ورحت لغيرهم وفي تكملت القصة إذا بغيت فزعه ترانا مستعدين
__________________
عن أبي هريرة رضي الله عنه أن النبي صلى الله عليه وسلم قال :
(سيأتي على الناس سنوات خداعات : يصدق فيها الكاذب ، ويكذب فيها الصادق ، ويؤتمن فيها الخائن ، ويخون الأمين ، وينطق فيها الرويبضة . قيل : وما الرويبضة ؟ قال : الرجل التافه يتكلم في أمر العامة) صحيح الجامع ( 3650 ) |
|
|
|
06-06-2008, 01:16 AM
|
#23 |
|
عـضـو
تاريخ التسجيل: Mar 2003
البلد: بريده (رضي الله عنه)
المشاركات: 13,063
|
الفارس الملثم
هلابيك بحارتنا يالله حيوووه الله يسلمك واشف كمالت القصص واستمتع بالقهر واللهد اخو دريحم والله انك صدقت بس الله يخلف احسب الدعوا تأخير على سنع واثره تأخير ومواعيد على بلاش تسلم يالغالي على مرورك بريداويه ام الهبال 8 8 شباصه بموضوعي .. أويليه لو انا كاتب الموضوع بكشكول شكراً لمرورك اختي الكريمة بريدة city صدقت عاد الحين ماعلي منهم متى ماجوا وابشر الحين أبسرد القصة لعيونك وحيد الخلان هلابيك أبشر ياخلفهم لاتغير الموجه  أبورائـــــــــد هلا بحبيب البي شرفتنا يابو رائد نقطة والله ياعندي لك هرجن كثيرن بس بعد الاختبارات إن شاء لله.. الأعمش خابرن لك اختراع اسمه ماء .. يرطب الريق وليس له رائحة ول لون استخدمه  ياحبيل قلبك ..
__________________
|
|
|
|
06-06-2008, 02:07 AM
|
#24 |
|
عـضـو
تاريخ التسجيل: Mar 2003
البلد: بريده (رضي الله عنه)
المشاركات: 13,063
|
سلام الله عليكم
القصة الثالثة والأخيرة .. وهي بعنوان .. محل الأثاث واخلاف المواعيد والبجاحة الرائدة في ===>>> هذا عنوان ولا كمالة القصة؟ ------------- بدأت أدور على محلات الأثاث المكتبي .. (سأحتفض باسم المحل حتى حين) وقد أخترت مكتبة بعينها وسألت عن سعرها .. فأغراني بالسعر أبو يمن وهو أقل من السعر الحقيقي بمبلغ يستاهل.. وقالي صاحب المعرض نفسه قالي ان اليماني جديد وأخطأ بالسعر.. لكن - كلمة رجال- راح اعطيك بنفس السعر (ادري البعض يبي يقول هذي خطة قديمة وجذب الزبون وتسويق ..) لكن كل هذا مايهم مدام ان السلعة أعجبتني بغض النظر عن السعر .. ------------- وجهة نظر -------------- أنا رأيت الرجال وكان ملتحي ماشاء الله .. ولكني ولله الحمد لم أهتم ولم أجعل الحية دليلي للشخص لما نعرفه في وقتنا الحاصل .. فالمضهر ليس بدليل .. ولكن ماجعلني أثق به هو كلامه ومواعيده .. لأننا جلسنا ندردش قليل حواي نسف ساعة وأعجبني اسلوبه وكلامه على حد زعمه كلام رجال --------- انتهت الوجهه ------------ المهم اشتريت معه كرسي دوار .. دفعت المبلغ كامل (وهذه غلطة كبيرة جداً) وأنصح كل شخص انه يترك نصف الملبغ بعد وصول الطلب .. كما فعلت في القصة الثانية.. بعد ان اتعضت تم الموعد على الساعة 9 من صباح يوم غد جاء الموعد (وأنا )اتصلت عليهم أنا : السلام عليكم المحل:عليكم السلام أنا:معاك ابو فهد .. انا اللي اشتريت مكتبة امس المحل:نعم عرفتك أبو فهد .. أبشر دقايق واتصل عشان يطلعوا العمال يركبوها عندك أنا:تسلم وشكراً لك الموعد رقم (1) بعد نصف ساعة اتصلت عليهم (أنا) أنا:السلام عليكم .. وينكم ياشيخ المحل:والله للأسف مانقدر نجي الآن لأننا لسا ماخلصنا من الزباين اللي قبلك أنا:طيب مافيه مشكله متى راح تجي؟ المحل:العصر إن شاءا لله أنا:طيب بانتظاركم.. الموعد رقم (2 نصف ساعة اتصل علي صاحب المحل المحل:السلام عليكم.. خلاص خلاص جايينك الحين بالطريق أنا:ممتاز .. أنا بالبيت انتظركم الموعد رقم (3 ربع ساعة ثم اتصل علي نفس اليماني المحل:والله مانستطيع الآن يمكن العصر أنا:لاحول ولاقوة .. طيب طيب انتظركم العصر الموعد رقم (4 بعد ساعة تقريباً في الساعة 11.30 اتصل علي صاحب المحل المحل:الآن العمال في البيت يستنونك أنا:كيف؟ هماك تقول العصر وشلون ؟ المحل:عاد خلصوا وجيناك على طول أنا:طيب خصلا خلهم يدخلونها المحل:طيب الموعد رقم (5 أنا:طيب الكرسي وينه؟ المحل:الكرسي العصر نجيبه أنا:طيب طيب الموعد رقم (6 بعد العصر اتصلت عليهم أنا:السلام عليكم.. وين الكرسي المحل:وعليكم السلام .. والله الكرسي الآن ماعندنا النوع اللي اخترته لكن بكرا الصباح نبي نجيبه لك أنا:الحمد لله والشكر .. وش مواعيدكم هذي خلاص الواحد أسكت تحسبوني راضي .. انا مالي شغل غيركم حرام عليكم اتق الله .. عندي أشغال أهم منك ومن محلك الف مرة تحسسبني مخلوق علشان انتظر مواعيدك .. لعبة بزران .. أبجي .. لاماني جاي.. إلا ابجي الحين.. لا خصلاص ماني جاي.. هذي حركات فراس اخوي الصغير .. مو تلعبها على رجال .. وبعدين وين كفيلك ومواعيده بعد المحل:والله مادري وش اقولك .. هذا رقمه اتصل عليه أنا:طوط طوط طوط اخذت الرقم واتصلت عليه وعطيته نفس الكلام وقلت له .. انت تواعد رجاجيل وانتم مواعيدكم خرابيط .. ياحبيلك عرقوب عند مواعيدكم مواعيد بزران ياخوي علمني من البداية وقلي وش طاعونك عندك كرسي ولا تقدر تجيبه .. قلي أنا أجي أشيله منك ماعندك كرسي الحين قلي ماعندي ويبي يجي بعد سنه انتظرك بعد سنه ويكون الموعد موعد رجال مو تواعدني وتقولي بكرا العصر رد الشيخ وقال: والله آسفين وحقك علينا .. والله بصراحة ماعندنا الكرسي اللي اخترته ومادري متى يبي يجي قلت أنا: ممتاز .. خلك واضح من البداية تراه انا عندي ارتباطات مانب فاضي لك وكرسيك .. في امان الله انتظرت 3 ايام واتصل علي اليماني وقال المحل:اخوي ابو فهد ابشرك الكرسي وصل أنا:الحمد لله على السلامه .. عساو ماطلع له قرون وسليم إن شاء الله .. الله ينبته نتبات حسن.. ايوه اسلم المحل: وراح نجيبه لك بعد العشاء مباشرة أنا:مايحتاج تتعب نفسك انا اجي أخذه .. أنتم تعبتو لين جبتولي الكرسي وهذا اقل واجب اقدمه لكم المحل:لا وش دعوا هذا عملنا ==>>> مصدق ابو يمن أنا:شكراً لك بانتظاركم صلينا العشاء وانا اروحللبيت احتريهم دقيت عليه. أنا:السلام عليكم .. وين الكرسي المحل:وعليكم السلامه.. ابشر الساعة 10 يكون عندك أنا:والله مليت من مواعيدكم .. وخذها مني يالحبيب.. والله ماراح تجون الساعة 10 وانا داري .. فقد تماطلون لكن شوف ابتصل عليك الساعة 9:45 دقيقه عشان اذكر وهذا اقل واجب اسويه المحل:لا مايحتاج انا اتصل .. ارتاح بس يابو فهد أنا:انتم خليتون ارتاح .. انتم عيفتون عيشتي .. ثم اغلقت السماعة الساعة 9:45 دقيت عليهم .. ورد علي سعودي ثاني شكله واسطه أنا: السلام عليم.. وين الكرسي الواسطة: عليكم السلام .. والله ياخ ابو فهد نعتذر منك والله اليماني يقولي إني مستحي من ابو فهد ولا اقدر اكلمه واعذرنا إن شاء الله راح نوفر لك الكرسي بكرا أنا:لأنه مخطي مستحي ولا كان مايواعد رجاجيل .. يسكت احين من مواعيده ومواعيدكم الخرابيط الواسطه:لا وش دعوا انا راح اتصل عليك ولا يصير خاطرك إلا طيب .. لكن عطنا مهله كم يوم أنا:يعني بعد يوم القيامه ولا قبل؟ الواسطه:لا فقد يومين أنا:طيب انتظركم.. بعد يومين اتصل اليماني .. ماشاءا لله موعد ممتاز المحل:السلام عليكم ابو فهد أنا:عليكم السلام .. وين الكرسي؟ المحل:ابو فهد .. أبشرك اليوم وصلت مجموعة من الكراسي زي نوع كرسيك .. تعال واختر اللي تبغاه ونوصله لك أنا:ماشاء الله تبارك الله .. تبغا اسوي حفلة واحط تباريك بالجرايد والأنترنت؟ الف الف مبروك المحل:الله يسلمك ==>> ومازال مصدق أنا:طيب انا مابغا غير كرسيي ممكن المحل:طيب تعال وشوف واختر احسن لك أنا:تراه إذا جيت ابخذ أي كرسي قدامي لو بلاستيك وركبه معاي المحل:لا لا وش دعوا تعال وابشر باللي تبي أنا:خير مارحت لمهم قلت ابي أعطيهم فرصة 3 ايام ثم مريت عليهم وانا بالطريق افكر وشلون ابدخل المحل من الكراسي وكثرتهن؟ هل امداهم يرتبونهن؟ يمكن المحل صار كله كراسي وقلبوه من محل اثاث إلى عالم الكراسي ..! لكن خلني امر واتنقى دخلت المحل .. السلام عليكم المحل:عليكم السلام ياخي كيف حالك ابو فهد طيب .. أنا:الحمد لله بخير.. وين كرسيي لو سمحت .. ووين الكراسي اللي تقول جبناها ووين اللي تقول تاعل واختر طأطأ رأسه وقال والله للأسف ماجاني شي للحين ---------- هنا صعقت والله عجزت افكر انشل مخي ------- التفت عليه وانا ودي أشيل مدينة أب وصنعاء وارصكه بهن لكن لو هذا قات .. كان تشوف المواعيد الصح قلت له .. أنت تتكلم بجد رد: نعم واحنا اسفين أنا:طيب وين ابو فلان كفيلك .. ليش مايجي المحل:مشغول والله أنا:طيب ليش مايرد على جواله المحل:والله مادري عنه أنا:لاحول ولا قوة .. أخذت أجمع قوتي من جديد .. عندي طاقة هوشه ماتفرغت... الحين جايزن لك مواعيدكم وفاتحين المحل وكبره وبضاعه ومواعيد هك لابوكم لابو اللي جمعكم المحل:والله أسفين أنا:انت ماعندك غير هالكلمه.. ياخوي جدد قل ايام سوري .. تراه ملت من اسفين هذي .. وش اسوي بآسفين انا .. انجر منها كرسي المحل:الشكوى لله ياخي أنا:لاحول ولاقوة .. طيب مانبي لكم شي فكونا لابارك الله فيكم (عطني فلوسي) المحل:فلوسك .. والله ماعندي شي الحين.. مر علي بكرا اعطيك الفلوس أنا:ووووووووووووووووووووووووااااااااوووووك (بديت اصرخ والله العظيم طلعت للشارع ومحل النظرات اللي بجنب المحل طلع يشوف وش القصة اصيح اشقق هدومي اركض وانتر.. وش اسوي؟ والله العظيم تمنيت إني أصك عليه بغرفه واقعد أعضضه لمين يموت تعزير شب تسبدي وفقع مرارتي قلت له .. يابن الذينا .. قروشي وحلالي بعد وتبي تماطلون بي وتعال بكرا والله لك وجه بعد .. فلوسي ويول تعال بكرا اخذت نفس ودخلت المحل وانا اشوف قدامي صورتين الأولى لليماني الشين والثانية لبوش ستغفر الله ودي أنط عليه وتقنيع لمين يغمى عليه وودي اكسر خشمه عشان إذا قام من الغيبوبه يتوجع زود اخذت نفس وقلت له .. شف يالشين الكرسي والفلوس كلها مابيها خلها عندك الله يجعلكم تحدرونها موس حلاقة وشضايا قزاز مابي منكم شي فكوني ولاتتصلون علي مليت منكم ومن اساميكم بعد واطلع منهم وانا بين الحياة والموت بصراحة وانا اكتب القصة .. ودي بجنبي اليماني .. عشان كل شوي أصطره كل ماكتبت حرف التفت واصطره اويليه بس وحتى الآن لم اجد اتصال ولله الحمد المبلغ مايسوى وانا ابشوف اخرتها معاهم وسوف اوافيكم بالجديد باللي يحصل هذي القصة هي اللي شبت كبدسس وحبيت افضفض هنا وازيح عن كاهلي جبل شكراً لكل من تابعنا وتابع القصة وآسف على الأخطاء الإملائية .. لسرعتين وحمقي على اليماني شكراً لكم محبكم/أبو فهد
__________________
|
|
|
|
06-06-2008, 02:23 AM
|
#25 |
|
عضو فعّال
تاريخ التسجيل: Nov 2007
البلد: في فؤآدٍ يهوآني ق1
المشاركات: 6,538
|
الله ياجرك يابو فهد كثر ما حمقت على اليماني
__________________
|
|
|
|
06-06-2008, 02:25 AM
|
#26 |
|
عـضـو
تاريخ التسجيل: Apr 2006
البلد: رحال
المشاركات: 2,434
|
أشكرك أخي العزيز
موضوع هام ونحتاج له في حياتنا اليومية .......... كثير من الناس لا يحترم الوعد .... وكيف الغرب يلتزمون بالوقت ونحن من يجب ان يلتزم........... فهو من تعاليم ديننا الحنيف تقبل مروري
__________________
 آخر من قام بالتعديل ahoak2002; بتاريخ 06-06-2008 الساعة 02:29 AM. |
|
|
|
06-06-2008, 04:06 AM
|
#27 |
|
قبس دائم
تاريخ التسجيل: Jan 2008
البلد: بحارتن جميلة ()
المشاركات: 4,192
|
بريداويه ام الهبال
8 8 شباصه بموضوعي .. أويليه لو انا كاتب الموضوع بكشكول شكراً لمرورك اختي الكريمة اولاااااااااااااه احذف ردي بصررعه  حسافتن وقتي على موزوعك.. مير عشانك قلت اختي الكريمه بعفو عنك  ولانب راده ابدن ابدن  يآمال إخلاف آلمواعيد اللي مآتقضي ابد
__________________
. . . ثمّة نساء يُصبحن أجمل في الغياب "/ ! . آخر من قام بالتعديل بريداوية ام الهبال; بتاريخ 06-06-2008 الساعة 04:10 AM. السبب: بص تسذاااا |
|
|
|
06-06-2008, 08:49 PM
|
#28 |
|
عـضـو
تاريخ التسجيل: Mar 2003
البلد: بريده (رضي الله عنه)
المشاركات: 13,063
|
سأرجع للردود وسوف أطرح لكم قصة بكس هذه القصص
حصلت لقريبي شكراً لكم
__________________
|
|
|
|
| الإشارات المرجعية |
|
|
creative 
النمط المتتابع
