[lara2007]

اقتباس المشاركة الأساسية كتبها ام اصايل هلا ومرحبا اختي ندى القصيم انتي بس مريني في مشغل بيرق الجمال بصفرا بجانب مشغل مها 3 وشوفي شغلي وبعدها راح تحكمين على شغلي .......... (في بعض الاحيان يكون بين الثقة بنفس والغرور شعرة والحمدلله ان ثقتي بنفسي كبيرة واحمدلله اني مافيني من الغرور شي ) واقول لكل الاخوات ان احيان الانسان الناجح يقف في طريقة اعداء الناجح وهم قله في مجتمعنا وينظروا الى الاشياء الرخيصة حتى يهجموا به بس الا اقدر اقوله حسبي الله ونعم والوكيل

يام اصايل انا فهمت ان لك مده قصيره امداك يصيرلك اعداء

[ام اصايل]

اقتباس المشاركة الأساسية كتبها lara2007 يام اصايل انا فهمت ان لك مده قصيره امداك يصيرلك اعداء

حلو سؤالك اذا كنتي مع ناس وماصار نصيب انك تكملين معاهم وتلقينهم بعد ماتروحين منهم يسبونك ويسبون شغلك شنو تقولين عنهم حبايب اصحاب وان اسمهم اعداء لان بعد ماخلصت مصلحتم معاك قاموا يسبونك

[اميوسف]

شاهيزتا الدليل انك ام اصايل .

1-العنوان تقولين
(بنااااااااااااااااااات بريده لايفوتكم دورة تجميل (مكياج) بدأ التسجيل )
2-تلوين الكتابه باللون الاحمر لأم اصايل والمشغل
(خبيرة تجميل كويتيه اسمها أم أصايل )( مشغل بيرق الجمال بالصفراء )
3-كلامك وشرحك
(وأروع مافيها أنها تشرح لكل وحده وحسب مايناسبها
أنتي عيونك مثلا بارزه يصلح لك كذا ولو عيونك ناعسه يصلح لك كذا وتعلمك بكل شي ووش أحسن
ماركه خافي العيوب أحسن شي من الماركه الفلانيه والأظلال أحسن شي المضغوطه من الماركه كذا
وووووووووووووووووووو الصراحه مع انها يومين استفدت منها كثير )
أقول وش مصلحتك من كل هذا الشرح .
4-بعدين توصيف المشغل
(قالت مشغل بيرق الجمال بالصفراء بشارع المشاغل بجانب مشغل مها 3
وبدأ التسجيل من اليوم يعني الثلاثاء ومدتها شهررررررررررر بسعر 1500 ريال )
ماشاء الله حتى التوصيف حافظته
الدليل الأكبر / قولك (بناااااااااااااااااااااااااات لاتفوتكم وربي راح تدعون لي لأنها بترجع للكويت بعد 6 أسابيع )
كلمة وربي مايقولها السعوديات . السعوديات تقول والله

انا لا أكرهك أو احقد عليك ولكن نحن السعوديين نكره أن يستغلنا أحد أو يلعب علينا أحد بأي طريقة كانت
مثلاً : 1- انك أخصائية وخبيرة تجميل مع العلم انك لست أخصائية ولا خبيرة واتحداك أن تثبتي هذا .
2- اسعارك الخياليه المبالغ فيها أجل مكياج الوجه بـــ 500 ريال اليس هذا جشع وشفط جيوب .

[ام اصايل]

[QUOTE=اميوسف;1086683][size="6"]شاهيزتا الدليل انك ام اصايل .


الدليل الأكبر / قولك (بناااااااااااااااااااااااااات لاتفوتكم وربي راح تدعون لي لأنها بترجع للكويت بعد 6 أسابيع )
كلمة وربي مايقولها السعوديات . السعوديات تقول والله

انا لا أكرهك أو احقد عليك ولكن نحن السعوديين نكره أن يستغلنا أحد أو يلعب علينا أحد بأي طريقة كانت
اختي اول شي انا توني اعرف ان الحلف بالله مايسوى عندج شي لانها احلفت بالله وانتي ماصدقتي وعلى فكرة ترى ربي وربك واحد يعني في السعودية او الكويت وتحاولين ادارين انك ماتكرهيني وانتي تسبيني اذا كان شغلي مايعجبك عادي قولي شغلك مو حلو وانتهي الامر اما انك تسبيني وتسبين لبسي هذا شي مايخصك لو ما اعرف البس اذا كان عندك انتقاد بالمكياج انتقدي وغيره ما اسمحلك واذا كان المكياج غالي هذا سعر مكياجي لان مكياجي اللي اشترية ماركات واسعارهم غالية انا ما اشتري من ابو ريالين عشان اسوي ارخيص واذا كان قصدك على الشهادة تعالي عندي وانا اوريك اللي تبين من الشهادات لان عندي اكثر من شهادة

[برنسيسة القصيم]

وش فيكم لحول الله
اللي ماعجبها شغلها تقول واللي معجبها تقول


وشي خارج الموضوع لاتطلعون
انا مايعجبني اي مكياج وكل مشغل دخلته ماعجبني شغلهم بذاك الزود
لاني متعامله مع وحده ومتسووي الا عرايس ومشغوله جدا بزواجنا

ودخلت على كيلو بترا وماسمعت عنها الا بالوسيله
وبعدين شفت كتاباتها هنا وشفت شغلها مسويه وحده واعجبني من غير اني اشوف ام اصايل او اتفاهم معه دفعت عربون على طول وقلت امركم يوم ثانيه اشوف ام اصايل ووللحين ماشفتها بس شفت شغلها لاني يوم اروح له مشغوله والحين انتقلت وبروح لها وين ماكانت لانها شغلها شي
والثقه بالنفس مو حرام انا لو فيني شي مميز وثقت بنفسي

وماعليك منهم ام اصايل الحسد واجد والناس واجد واهل الذووق واجد

اما عن كلام فخر بريده
عن مشاركات اللي يكتبون عنها
لان ام اصايل سجلت فقط بهذا المنتدى
وماله الا اسبوعين جايه تقريبا كيف يمدحونه البنات بالنت وهم مايعرفونه الحمد لله والشكر
ومالكم الا انكم شفون شغله مل ماسويت تحكمون بشي ماتدرون عنه عيب والله عيب

[ام اصايل]

اختي برنسيسة القصيم مشكوره حبيبتي ولاتلومين البنات فعلا شخص اول مرة يسمعون فية فعلا يستغربون بس انا دايم اقول زوروني بالمشغل وراح تلقون اللي يرضيكم بأذن الله

[ندى القصيم]

والله يابنات انا ماتعاملت معها بس ضايقنى طريقة الكلام والسب عيب وحرام نسب فى احد لمجرد السب ونخرب علية شوفى شغلها عجبك قولى عجبنى ماعجبك خلاص قولى رايك وبس ماله اي داعي الكلام الشين

[اميوسف]

أقول ماشاء الله عليك إلى يمدحونك كلهم تسجيلهم في جمادي الثاني أو رجب
ماشاء الله وافق تسجيلك يأم اصايل في المنتدى ما له داعي كثر اللعب على الناس
لا تقدين تبررين موقفك الرجوع الى الحق فضيلة .
1-ام اصايل
تاريخ التسجيل جمادي الثاني 1429

2-ندى القصيم
تاريخ التسجيل جمادي الثاني 1429

3-lara 2007
تاريخ التسجيل جمادي الثاني 1429

4-شاهيزتا
تاريخ التسجيل رجب 1429

5-شمس الضحى
تاريخ التسجيل رجب 1429

6-برنسيسه القصيم
تاريخ التسجيل رجب 1429

ودي اعرف يأم اصايل بصراحه كم معرف عندك .

[lara2007]

ام يوسف
انا قلت يمكن معك حق ان ام اصايل مسجله بكذا اسم
بس عقب مادخلتيني بسالفه والله ما عندك ماعند جدتي
وانا شدني الموضوع وقريت عنها بالوسيله
وام اصايل والله ماعمري شفتها ولاادري وين المشغل الاول ولا الثاني الي نتقلت فيه
وانا سجلت بصدفه فها المنتدى لاني من بريد الغاليه وحبيت اشارك البريداويات مواضيعهم
ماشالله عليك تصدقين اني اقرا واطلع ملاحظة ان تسجيلنا سوى
وانتي مسجله برجب1429ولالك الا3مشاركات ليش ماطرحتي اسمك بالايحه

ام اصايل اتمنى لك التوفيق

[ام اصايل]

والله يااميوسف شكلك داخلة المنتدى بس علشاني مادريت اشوف بس تشاركين بموضوعي لهدرجة انا اهمج حيل مشكورة على اهتمامج الزايد فيني

[اميوسف]

نبي نغير السالفه شوي ونمزح

أقول يمدحون استراحه في خب القبر فيها مسبح مره حلو تحتوي على بعض المميزات الخاصه منها انها على شارع منحدر وتطل على حوش بقر كذلك ميزة غير موجدة في بعض الاستراحات وهي تواجد الباعوض الكبير المخيف اسمها استراحة ابورض.
مرة حلوة هذي الاستراحه .

[ام اصايل]

اقتباس المشاركة الأساسية كتبها اميوسف نبي نغير السالفه شوي ونمزح أقول يمدحون استراحه في خب القبر فيها مسبح مره حلو تحتوي على بعض المميزات الخاصه منها انها على شارع منحدر وتطل على حوش بقر كذلك ميزة غير موجدة في بعض الاستراحات وهي تواجد الباعوض الكبير المخيف اسمها استراحة ابورض. مرة حلوة هذي الاستراحه .

صيفي فيها دامها عاجبتج

[اميوسف]

ان قولنا الصراحه زعلتي
وان مزحنا زعلتي

الله يسامحك .

[ام اصايل]

يعني تبيني اضحك من عيوني هههههههههههههههههههههه



بعدين ودي اعرف يااميوسف انتي متى شفتيني ومتى قعدتي معاي لانج تقولين تعرفيني ممكن رد