[نـــNAــونا]

أنا اليوم سويت المقابله تبع وظيفة مراقبة طالبات

وأسئلتهم عاديه أول شيء ماذا تعرفين عن مسمى وظيفتك

وش خططك لتطوير الوظيفه

تصرفك لو طالبه سوت إزعاج في المحاضره

أسئله ثقافيه مثل

كم عدد المطارات بالمملكه

كم عدد المسلمين بالعالم

ماهي العروة الوثقى

ثقافاتك وميولك

تخصصك

آخر كتاب قرأتيه

ومثل هالأشياء

والله يوفقنا وإياكم

سمعت إنه يبون 4 من 100 من وظائف المراقبات

الله يرزقنا من واسع فضله يا كريم

[دمعة فرح]

مشكورة ياخت نونا والله يوفقك

[سفانا]

مشكورة اختي نونا بس بسئلك؟
انتي على المرتبة الرابعه او الخامسة؟
لان البنات الي اختبروا على المرتبة الخامسة قليلات ومادري كم يحتاجون؟(بالدور الثاني)
اما البنات الي اختبروا عالمرتبة الرابعه كثيرات ؟(الي بالدور الثالث)
انتي مع مع مين؟

وماتتدرين متى بيعلنون النتائج؟

[حَنينُ قلبْ]

اهلين بنات

الحمدالله امس قابلت وكانت والحمدالله سهله كلها اسئله عامه وكم سؤال عن الوظيفه لكن لاحظت انهم يهتمون بدورات الكمبيوتر
اختي سفانا انا مقدمة على المرتبة الرابعه وكان عدد المترشحات تقريبا 76وكنا نختبر بالدور الثاني ومعانا يمكن سبع يختبرون بنفس اللجنة بس ع المرتبة الخامسه
الله يوفقك الجميع ويسر الامور ويكتب لنا مافيه كل خير

[نـــNAــونا]

أنا على المرتبه الرابعه
بالدور الثالث

بس ما أعرف عدد المرشحات ولا كم يبون منها

[سفانا]

اقتباس المشاركة الأساسية كتبها قصة ألم اهلين بنات الحمدالله امس قابلت وكانت والحمدالله سهله كلها اسئله عامه وكم سؤال عن الوظيفه لكن لاحظت انهم يهتمون بدورات الكمبيوتر اختي سفانا انا مقدمة على المرتبة الرابعه وكان عدد المترشحات تقريبا 76وكنا نختبر بالدور الثاني ومعانا يمكن سبع يختبرون بنفس اللجنة بس ع المرتبة الخامسه الله يوفقك الجميع ويسر الامور ويكتب لنا مافيه كل خير

الله يوفقك يالغلا ويوظف الجميع ومايكون فية بطاله
طيب وش سالفة ترتيب الاسامي خاصه انها مو عالابجدية يعني هل ترمز لشي كتابة الاسامي؟؟لاني سمعت من البنات انها تعني الافضلية لاني شفت بالترتيب ممن هم أقل مني بالدورات والخبرات
انا والله انصدمت بالمقابلة حسيت انها من جد اجراء روتيني لانها ماشافت ملفي ولا دوراتي ولاشي بس مجرد سؤال سريع.... تحطمت بصراحه
الله يوفق الي ترد ويوظفها عاجلاً غير أجل
بس اخذت اسمي وسجلي المدني ورقم جوالي...وبعدها تأكدت انها مغصوبة عالمقابلة لانهم موظفين الي يبون......... ما أقول الا حسبنا الله ونعم الوكيل

[سفانا]

اقتباس المشاركة الأساسية كتبها نـــnaــونا أنا على المرتبه الرابعه بالدور الثالث بس ما أعرف عدد المرشحات ولا كم يبون منها

الله يوفقك اختي نـــnaــونا ويرزقك من أوسع ابوابه قولي (آآآآآآمين) ويوظفك بمكتب شيك أوي ومرتبة مرضيه ومن سمع هههههههههاي اقصد من قرا وقال أمين

[طموحة ضد التحطيم]

سفانا

تفائلي بالخير, محد بياخذ رزقك بس انتي احسني الظن بالله وعلقي املك فيه ..

حسبي الله لا اله الا هو عليه توكلت وهو رب العرش العظيم

[نـــNAــونا]

أتوقع السالفه مو بس على الخبرات والدورات أكيد كل شيء له نقاط
ويمكن الترتيب على حسب نتيجة الإمتحااان أنت كيف حلك بالإمتحان التحريري

وإذا الدعوى على الترتيب أنا رقمي 7 واللي قبلي كلهم ما جاءوا ودخلت اول وحده

وأتوقع الشهادات والخبرات بعدين يدققون عليها لأنهم حتى ما شافوا الأصول

بس تكفون اللي يدقون عليها تخبرنا حتى نشوف أوضاااعنا

والله يرزقني وياااكم يا كل الغلا

[بنت القيصر]

مساااااااء الخير للجميع00 أنا سويت المقابلة الشخصية في كلية التأهيل وأنتظرالرد00 مافيه أخبار جديدة وسمعت إنهم راح يوزعونااااا على كل القصيم مو بس بريدة وهذا بحجة إننا رسميات ولازم نروح لأي مكان مدام الراتب ثاااابت تتوقعون يابناااات0

[نـــNAــونا]

هم يوظفوننا بعدين مستعده أروح أي مكان يبون

بس على ما أعتقد ببريده

لأن الكليات بس هنا ببريده

وعقلة الصقور لها تقديم لوحدها مالها خص ببريده

والله يرزقنا وياكم

أنا إذا إستجد جديد عندي خبرتكم

[سفانا]

الله يوفقكم يابنات لاتسون خلو اخبارنا كل يوم بيومه

[حَنينُ قلبْ]

الحين شلون يعني فيه احد اختبر يالدور الثاني واحد بالثالث طيب ليه وش الحكمة ؟؟

احنا مادخلنا ع ترتيب الاسماء ع قولتهم من سبق لبق هههههه

تصدقون ماانتبهت لترتيبي لاني احسه ترتيب عشوائي ماله دخل بالنقاط

طيب كم عدد المقبولات لوظيفة مراقبة طالبات المرتبة الرابعه ؟؟ وكم المطلوب

الله يوفقنا ويسهل امورنا ويرزقنا بالوظيفه اللي تسرنا ويغنينا بحلاله عن حرامه

اعرف وحده مقدمه على مراقبة طالبات المرتبه الخامسه ومن شروط هالوظيفه ثلاث سنوات خبره في طبيعة العمل وهي ماقد توظفت بالوظيفه هذي ابد يعني تأكدوا ان فيتامييين وووووووووووووو راح يدخل بس انا ودي اعرف شلون الواحد يحلل لنفسه شي مو من حقة ويرتاح باله بالوظيفه وهو ماخذ مكان غيره حسبي الله على الظالم
وحنا معنا رب العالمين واسطتنا عسى الله يكتبها لنا اذا فيها خير ويبعدها عنا اذا فيها شر ياحي ياقيوم
واللي تسأل عن العقلة ترى لهم تقديم لحالهم وامس معنا وحده قابلت تقول جاية من عقلة الصقور يعني مب هم يحطونا هي طالبه تصير هناك والوظايف الظاهر انها تقتصر على كليات بريده والله اعلم
اختي سفانا نسيت اقولك انا بعد ماشافت ملفي بس سألتني اذا معي كمبيوتر واخذت اسمي وسجلي وجوالي
وسعس صدرك ياعمري واذا لنا رزق بناخذه

(حسبي الله لاإله إلا هو علية توكلت وهو رب العرش العظيم )

[سفانا]

اقتباس المشاركة الأساسية كتبها قصة ألم الحين شلون يعني فيه احد اختبر يالدور الثاني واحد بالثالث طيب ليه وش الحكمة ؟؟ احنا مادخلنا ع ترتيب الاسماء ع قولتهم من سبق لبق هههههه تصدقون ماانتبهت لترتيبي لاني احسه ترتيب عشوائي ماله دخل بالنقاط طيب كم عدد المقبولات لوظيفة مراقبة طالبات المرتبة الرابعه ؟؟ وكم المطلوب الله يوفقنا ويسهل امورنا ويرزقنا بالوظيفه اللي تسرنا ويغنينا بحلاله عن حرامه اعرف وحده مقدمه على مراقبة طالبات المرتبه الخامسه ومن شروط هالوظيفه ثلاث سنوات خبره في طبيعة العمل وهي ماقد توظفت بالوظيفه هذي ابد يعني تأكدوا ان فيتامييين وووووووووووووو راح يدخل بس انا ودي اعرف شلون الواحد يحلل لنفسه شي مو من حقة ويرتاح باله بالوظيفه وهو ماخذ مكان غيره حسبي الله على الظالم وحنا معنا رب العالمين واسطتنا عسى الله يكتبها لنا اذا فيها خير ويبعدها عنا اذا فيها شر ياحي ياقيوم واللي تسأل عن العقلة ترى لهم تقديم لحالهم وامس معنا وحده قابلت تقول جاية من عقلة الصقور يعني مب هم يحطونا هي طالبه تصير هناك والوظايف الظاهر انها تقتصر على كليات بريده والله اعلم اختي سفانا نسيت اقولك انا بعد ماشافت ملفي بس سألتني اذا معي كمبيوتر واخذت اسمي وسجلي وجوالي وسعس صدرك ياعمري واذا لنا رزق بناخذه (حسبي الله لاإله إلا هو علية توكلت وهو رب العرش العظيم )

هلا اختي حياك الله انا سمعت ان الترتيب له علاقه بالتوظيف انا اقصد ان الاسامي الي بالدور الثالث علمرتبة الرابعه اما الي بالدور الثاني محددين 11 اسم عالمرتبة الخامسه وياعالم كم بياخذون من ال11 وحده او نص وحده
ودي ادري متى الاعلان عنها؟