[زحـل]

يارجال حلق الشنب ولا تربيته << اجل هو بربري

بس زينه هالموضة عل الاقل انظف وسنة
ازين من الشنب اذا عطس طار غبار من شنبه

[ابو ريان الرياض]

طيب وش الي محرق رزكم والله انكم فاضين لا تزعلون علي هذا الصدق

الحين واحد يحلق شنبه ويتفنن بلحيته لكن مايكفر ,

وفيه ناااااااااااس لحيته لحد ركبته ومجلسه ما ينتهي بدون ما يحش في فلااااااان وعلاااان .

دمتم بصحه وعافيه

.

[محمد العبدالله]

اللهم لا تجعلني ومن ذريتي من الزالطون.: D
عاد كلش ولا زلط الشنب من زين الخشش حتى يطلعونه وألا من زين الشفايف اللي تحلف أنه توت.!!
لا والله شفايف تكل بعير و وجهً الحمد لله والشكـر مقرصة وأنتهينا.!

لعنبوا جدهم وش يغطّي الوجه المليح يوم أنهم يزلطون الشنب.؟!

أبك أه وش نقول راحت المرجلة بس.!
مشكلتنا مع الخيل يا هبلا.!
نستقبل ككل الأفكار الموجهة لنا وبعنف
دون أن نرعى هل هي تناسبنا أم لا,..لا أقصد دينيًا أو أجتماعيًا فمن فكَّر أن يستقبل لا يفكر بالأشياء أخرى أنا أقصد بالشكل
فمصدرين هذه المُسماة بالموضة من ذوات الوجيه المليحة.!
وليس ربعنا.

[الصباخ]

هههههههههههههههههههههههه الله يقطع شيطانك.
أنا أضحك من الصور وإلا من التوقيع وإلا من فوق البيعة!.


عموماً لحط الشنب من مبطي طايحين فيه، يعني لهم سنتين تقريباً.
أنا ودي يا أبوإبراهيم تجي لكليتنا وتشوف تلحيط الشنبات!.
شيء عجيب جداً!.


عموماً يشيل الشنب ولا يشيل السروال.




يمكن لي عودة ويمكن لا.

[الـمـهـاجـر]

والله أنكم متخلفيين وش تخلكم فيه والله صدق من قال أن الشرافة تجري بدمكم لاحول ولاقوة إلا بالله ناس عايشه في تخلف

[مدحت شوقي بريده]

اقتباس المشاركة الأساسية كتبها نويسي حلوة الصور ... بس اللي أعجبني التوقيع ... ميت ضحك ...

نويسي ..


هلا بيك يالبي .. تصدق ان اسمك فله ..
احس انه لو يشد حيله شوي طلع ( تـويسي )


مشكور يالبي وشرفني وأبهجني حضورك ..



سي يو ..

[غارق]

والله شيل الشنب زين بل سنة حتى لو لم يقصدها صاحبها

لكن عند مجتمعك يرون أنها :
لو بدأت من الملتزمين أصبحت عادة محمودة ..

وإذا انطلقت من الشباب تنقلب عندكم يالمنقدين صفـــة مذمومة ..

شئ غريب ..
.
.
وأعتقد أنه لو تم معالجة بعض التصرفات الغير مرغوبة لدى الشباب دون عتاب خصوصاً في بعض الأمور التي لا تخالف الشريعة بل تأمر بها كون حكمتها أمر حميد حيث تعطي الإنسان مثلاً جمالاً وأناقة . كإطالة الشعر , تحليق الشنب , اللحية , الزي التكميلي بجميع أشكاله من ماركات ونحوها .. كل هذه مباحه لكن أوضح لهم طريقة استعمالها بشكل مقبول لدى المجتمع التي يعيشه وأحاول أن أربطها بالعادات حتى لا تستعمل لأشخاص دون غيرهم حيث يخشى بعضهم استعمالها خشية الشبهه ونحوه وهي في نفس الوقت من المباحات ..

نهاية كلامي أقول ..
كما قال عليه السلام:
" إياكم والظن , فإن الظن أكذب الحديث , ولا تحسسوا ، ولا تجسسوا ولا تنافسوا ، ولا تحاسدوا ، ولا تباغضوا ، ولا تدابروا وكونوا عباد الله إخوانًا "

ولعلّك فهمت مرادي يا افندي ؟

[بدلها]

الله المستعان

[وحـيــد الـجـزيـرة]

يارجال والله يابعضهم وجهه تقل ركبة مصري من زلط الشنب واللحيه


ههههههههههههـــــ

ولا يهون خويك القصيبي هههه

[الشامخ الأول]

ودي اقول كلام عمي اذا شاف واحد لاحط الشنب >>>> ودي بس مدحدر الكلام ههههه
أبقول وحده من كلماته يقول : لو يروح ابو بسه لم الخالديه الفغانيه سان يعرف يحلق شنبه هالمس.....! : (

ودمتم

[ضايق الصدر]

مدحت ابطلعك اسبوع للخارج وافلقن اذا مالحطت شنبك وحواجبك بعد هههههههههه ,

[MR/Sultan]

اتباع للسنة النبوية

اللي يشوف ان شكله أجمل بدون شنب ليش لا ؟ ( إن الله جميل يحب الجمال )

الرجال مخآبر لآ مظاهر ..

[إكسير]

مدحتوووووووهـ يا غاااااااااالي , , ,

لحط الشنب , , , من باب " حفوا الشوارب " , , ,

بس المشكلة لحط اللحية . . .


وبعض ناس الله مير يصلحهمـ . . يمر بالماكينهـ على كل شيء بوجههـ . . متساويهـ , ,

ويمكن يكملها مع أماكن أخرى .

[مدحت شوقي بريده]

اقتباس المشاركة الأساسية كتبها الـصـمـصـام ....... والله يابو إبراهيم كنت مجهز رد .. بس شفت توقيعك وطار كلش .. الله يخلف بس .. خلن أقضي من الضحك .. أعوذ بالله من الشيطان ..

الصمصاااااااام ..

مشرفنا الفاضل ,., لقد تشرف بقبق عيني برؤيتك في موضوعي ..

وش رأيك يالبي بــ( بقبق ) ترى له معاني تسثيرة اذا لعبنا بالنقاط حقاته ..


بقبق : جمع بقتين .. يعني باعوضتين ..

يقيق : هذا صوت غراب مغيول ..

بفبف : هذا واحد ينفخ شريط يبي ينظفه ..

يفيف : هذي خكرية شامتن ريحة شينه ..




وسلااااااااااااام يالبي سلااااااااااام ..

سي يو ..