[شهد العسل]

السلام عليكُنّ ورحمة الله ,
حي الله الكوفيات والسنعات مثلي .. !

يوم الأربعاء .. الموافق 23 \ 1 \ 1430 !
لم يكن يوم عادي بالنسبة لـ عمتي وبناتها وعيالها !
فهو يوم ودعت فيه البيت بعد أن لازمته أربعة شهور وعشرة أيام .. كما أمر الله كل إمرأة يتوفى عنها بعلها !
< فارقي تكفين .. !

المهم .. بمناسبة خروج عمتي من الحداد !
وبما أن الوالد هو كبيرهم .. فقرر يسوي لها عزيمة ببيتنا وبرغبتنا !
عزيمة مش كبيرة .. عماتي وعماني وحريم عماني وبنات عماتي وهيك يعني مافيه أحد غريب !
الموجودين بالرياض فقط .. ماوصلنها لـ لأهل القصيم !
بلاش قرق كثير ,

أدهرت أنا وأمي .. من قبل العزومة بأسبوعين مدري ثلاثة !
قررنا وش نحط ووش نسوي من العشاء والحلى والصواني ,
وكتبنا المطلوب شراءة واستئجارة !

صورة للمطلوبات .. !
[ الخط خط عـ ـر بـ جـ يـ يـ ـه ]



وهذي صورة لبعض الوشسمه :




يوم صار يوم الأربعاء .. طارت البوهه !
زينت حلياتي .. وقطعت مقادير سلطاتي !
وولمت التمر والفناجيل والبيالات وغسلتها وكل شي .. ماغير تنشال !
وعبيت الصوابين وصففت فوط التمسيح .. أنقص ظهري منهن !
ولفت الماما سمبوسته .. وزينت مقادير مكروناته !
يعني يصير الخميس بس تسلق المكرونة وتخلطها .. كل شي جاهز !
بإختصار كل شي جهزانه .. يصير الخميس بس شي خفيف !
وفعلاً .. ماغير جالسين مع الضيوف !


صور لبعض ماذكر اعلاه ,






< تراه مستودع مستووودع
يعني أنواع الحوسة وتكسير البيبان .. !



< مغاسل الرقّالة !!

وأما الشغل .. أستئجرنا أمينة _ تهوشنا لاقلنا الشغاله _ الحمدلله ريحتنا !
أخذناه الأربعاء والخميس ,
شغله عاااااااال العال .. متعاملين معه عاد حنا يعني حافظتنا !
بس بصراحة عشقته من شغله .. !

على طاري أمينة ,
حنا ما نستئجر إلا هي وعارفتنا وتحبنا بقوه .. وكبيرة شوي بالسن يعني مش شابه !
وعمتي عنده شغاله .. مزيووووووونه !
المهم ,
يوم عشاء الرقّاله .. خيو قالهم اقعدوا وأنا أجيب لكم كل شي !
< ماعنده وقت .. !
وبما أنه ماقعد على العشاء زين .. يشيل ويحط وهيك
يوم راحوا الرجال .. جلس عاد يتعشى !
المهم وهـ ياكثر خرطي .. !

أتن الخادمات .. ليرتبن ماحاسهُ الرجال !
أمينة يوم شافت عبدالله ماطلع .. قالت لشغاله المزيونه :
روهـ روهـ .. أنا شيل مواعين
أنتي روهـ سبع !

أمر تقول لأمي .. هذا شغاله مزيون بعدين شوف ولد مايصلح !
أنا سيم ماما .. مافي صغير
صهـ أبدالله ؟!


,

صار الخميس طارت الشوشة مو بس البوهة .. !
وبدأ الوفد بالحضور .. وبدأ أيضاً البعض بالإعتذار !



وهذا مجلس الرجال :


قهوتهم وماصورت الزمزميات :
[POEM="font="Simplified Arabic,4,sienna,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]سووا لي الكيف وارهوا لي من الدلة =البن الأشقر يداوي الراس فنجاله
كيفٍ لنا نحرقه بالنار ونزله =واليا انقطع لو ورى صنعاء عنينا له [/POEM]





مجلس الحريم .. وللأسف شسمه ذاك
نسيت و صورته وهو لسى ما أتكملت اللمسات بتاعاته !



قهوتهن :
[POEM="font="Simplified Arabic,4,sienna,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]الدلة اللي ما تبهر من الهيل =مثل العجوز اللي خبيثٍ نسمها [/POEM]
< ماسكتن خط شعبي .. !





,

وحان وقت العشاء .. وهاي صور لبعض التجهيزات والبوفية كامل !
والمفطح .. ومع مقطع فديو راح أذكر سالفتة فيما بعد !

ولا إله إلا الله .. عاونونا خالتي أم حنو
وردوا لنا الصاع صاعين < أمدح تراي !
جزاهم الله خير .. ماقصروا والله !
طيحت حنو عني هم الحلى .. وزينت نوعين فديت قلبه ويدياته !
وخالتي طيحت هم الجريش لاعدمنا يدياته !
وأخت حنو كمان زينت كشري وسلطة ياحبيل قلبه ماقصرت والله !
















المقطع :

http://www.buraydahcity.org/bnt-bura...m_albandri.mp4

هذا سالفتن عادية بس أبا أقولها .. !

لزوج بنت عمتي .. أخٌ !
من الشماسية .. ولايحب بنات بريدة
يقول دورولي بنت بس مااااابي من بريدة !
المهم .. جت بنت عمتي وصورت البوفية ومن زود الشسمه دارت عليه دورتين .. !
وحطت عليه صوت لـ وهني ياللي من بنات بريدة نصيبه !
وبترسله له .. !
عاد أنا حبيت تشوفونه .. !


وهذي صورة حلى الجالكسي .. صورتها خصيصاً لـ pink touch !




وآآآآخر شي .. صورة لـ أربع زوجات مع زوجهن < للعاقلات !
صورة لـ ستار أكاديمي في بيتنا < للخبلات !

أحبهم بشكل لايوصف .. بشكل لايعتقله المعتقل !



إنهن دُجيجاتي .. ق2 !






وبالأخير ,
لاتنسوون تصوتون لي في نهاية الفعالية .. !