[~أدلع مهسترهـ~]

السلاآآمـ عليكمـ ..

سمعتوا عن التغييراتـ ..؟

أنا سمعت عنها بس قلت نصب × نصب ..

و أثاريه صار صدق .......

و هو كالتالي :



اعتمد مجلس التعليم العالي إعادة هيكلة كلية المعلمين وكليات البنات الملحقة بجامعة القصيم والتي من المتوقع أن يبدأ تطبيقها من العام القادم 1430هـ /1431هـ .

ملاحظة : جميع الأقسام القديمة سوف تلغى وتحل مكانها الأقسام الجديد

(أي أن الأقسام الجديدة ليسة إضافة عددية على الأقسام القديمة بل هي بديلة لها ، ومن كان يدرس في الأقسام القديمة يستمر في دراسته حتى يتخرج ) .......




اسم الكلية السابق : كلية التربية للأقسام الأدبية للبنات في بريدة
اسم الكلية الجديد : كلية الأعمال
الأقسام السابقة وعددها (6) أقسام وهي :
1- الدراسات الإسلامية
2- اللغة العربية
3- اللغة الأنجليزية
4- التاريخ
5- الجغرافيا
6- الدراسات القرآنية

الأقسام الجديدة وعددها (4) أقسام وهي:
1- الإدارة والتسويق
2- الاقتصاد والتمويل
3- محاسبة
4- نظم المعلومات الإدارية


<<و مع السلااامة يا بنات كليتنااا ..
إذا تخرجنا خلوهم يسوون بكم اللي هم يبووون .. هع بتصيرون بالعلمية و اسمكم الآداب ..
هع هع .. أرررحمكم .. يمدي أفرركم أول مرة يصير بوجيهنا شيئ زين !
يعني حنا آخر دفعة اسمه التربية الأدبية .. و أول من يتخرج من مبنانا الجديد .. فررررر هع !
<< وش بلآي مستشيطة !










اسم الكلية السابق : كلية التربية (الأقسام العلمية) للبنات في بريدة
اسم الكلية الجديد : كلية العلوم والآداب في بر يدة
الأقسام السابقة وعددها (6) أقسام وهي :
1- الفيزياء
2- الرياضيات
3- الكيمياء
4- النبات
5- الحيوان
6- الحاسب الآلي

الأقسام الجديدة وعددها (9) أقسام وهي :
1- الدراسات الإسلامية
2- اللغة العربية
3- اللغة الإنجليزية
4- التاريخ (دراسات عليا)
5- الفيزياء
6- الرياضيات
7- الكيمياء
8- الإحياء
9- الإحصاء وبحوث العمليات

شفتوا وين بتصيرووون ؟؟

هناااااا .. تروحون يا حقيننا (التربية الادبية ) للـ (التربية العلمية ) و يصير اسمكم الآداب ..
و كليتنا يا حلاآآلي بتصير لادارة اعمال و محاسبة و مدري خرط مدري وش يبي اسمع به بالجامعة !
و الله يعين روؤسكم .. رياضيات + دين + انقلش = خليييييييييطي !








اسم الكلية السابق : كلية التربية للاقتصاد المنزلي والتربية الفنية في بريدة
اسم الكلية الجديد : كلية التصاميم والاقتصاد المنزلي في بريدة
الأقسام السابقة وعددها (3) أقسام وهي :
1- التغذية وعلوم الأطعمة
2- التربية الفنية
3- الملابس والنسيج

الأقسام الجديدة وعددها (6) أقسام وهي :
1- تصميم الأزياء
2- التصميم الداخلي (الديكور)
3- التربية الفنية
4- السكن وإدارة المنزل
5- علوم الأسرة والطفولة
6- التغذية وعلوم الأطعمة


هااااااه .. سمعتوا .. فتحتوا عيوناتكم زييييييين ..
فيه قسم الــــســـــــكـــــــــن .. ياالله جيبوا نسب زينة و ادخلن به ..
<<عليه سوق من قبل ما يفتح مدري لا فتح وش بيصير عليه ..
الله يذكرن بالخير زمان أول .. الكشخة تدخل عنقلينزي هع هع !







اسم الكلية السابق : كلية التربية لإعداد المعلمات ببريدة
اسم الكلية الجديد : كلية التربية في بريدة
الأقسام السابقة وعددها (4) أقسام وهي :
1- القرآن والدراسات الإسلامية
2- اللغة العربية والاجتماعيات
3- العلوم والرياضيات
4- رياض الأطفال

الله يخلف .. و بقينا على التأهيل تصير هي التربية !!!
ايييييييييييه .. هاذي حال الدنيا و انا اختك . كله 4 سنين و تنامين .. لا يضيق صدرك ..




الاقسام الجديدة وعددها (7) أقسام وهي :
1- أصول التربية
2- المناهج وطرق التدريس
3- تقنيات التعليم
4- رياض الأطفال
5- التربية الخاصة
6- علم النفس
7- التعليم الأساسي



شفتوووووووووووووووووووا ؟؟
علم النفس / النفس / النفس .......
هقيتونا عنده .. شكل كل بنات القصيم بيطيحون عليه ..
البنات يخذرفووون به يحسبونه بالاحلام .. ياالله وقع الحلم روحن سجلن به ..
الله يعيننا عليكم .. تبدون تخربطون علينا .. وراك ضايق صدرك .. ايه عشان الفيسيولوجيا عندك
تعبانه بسبب انك امس ما نمتي زين و لازم تروحين لطبيبة نفس ..........
علم نفس = خرط بقروش !






وهآآآآآآآآآآآآهــ: وش إنطباعاتكن ؟؟
انا استانست اني اخر من يتخرج من دراسات تربية الادبية ..

و انتم .. تخقلون لمبنى العلمية ابو شينكو احمر و تصيرون مع ذولاك الرياضيات هع هع ..

و هاه .. عطونا وش جاز لكم و وش ما جاز ....... دعواتكن .

* بالامانة يالمشرفات تحذفونه و الا تدمجونه ..

خلوه هنا بدون تغيير بالاماااااااانة .. ما صدقت القى التغييرات ..
<< خلو البنات يقروونه يدرون وش السالفة .. لانه كلن يجيب من رآسه شيئ !